സംസ്ഥാന പുരാരേഖാ വകുപ്പ് പൊതുവിദ്യാഭ്യാസ വകുപ്പുമായി ചേര്‍ന്ന് ഹൈസ്‌കൂള്‍ വിദ്യാര്‍ഥികള്‍ക്കായി സംഘടിപ്പിച്ച കേരള ചരിത്ര സമസ്യ സംസ്ഥാനതല ക്വിസ് മത്സരത്തിന്റെ മലബാര്‍ മേഖലാതല മത്സരത്തില്‍ കണ്ണൂര്‍ വിദ്യാഭ്യാസ ജില്ലയിലെ പെരളശ്ശേരി എ.കെ.ജി.എസ്.ജി.എച്ച്.എസ്.എസ് ടീം ഒന്നാം സ്ഥാനം നേടി. അഭിനവ് മനോജ്, സാഞ്ചിത്ത് കെ.ടി എന്നിവരാണ് പെരളശ്ശേരി എ.കെ.ജി.എസ്.ജി.എച്ച്.എസ്.എസിനെ പ്രതിനിധീകരിച്ചത്.

തോട്ടടയിലെ ജില്ലാ അഭയ നികേതനത്തില്‍ പുതുതായി നിര്‍മ്മിച്ച പുരുഷന്‍മാര്‍ക്കായുള്ള രാത്രികാല അഭയസങ്കേതം തുറമുഖ, പുരാരേഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്തു. പവിത്രമായ മാതൃപിതൃ ബന്ധങ്ങള്‍ പോലും വിസ്മരിക്കപ്പെടുന്ന സംഹാരാത്മകമായ വര്‍ത്തമാന കാലത്താണ് നാം ജീവിക്കുന്നതെന്ന് മന്ത്രി പറഞ്ഞു. അനാഥത്വം പിടികൂടിയ വൃദ്ധമനസ്സുകള്‍ക്ക് ആശ്വാസം പകരുന്നത് അത്യുന്നതമായ മനുഷ്യസ്‌നേഹമാണ്. സ്‌നേഹം സ്വമനസ്സാലേ ഒഴുകി വരേണ്ടതാണ്. സാമൂഹ്യ സേവന പദ്ധതികള്‍ സര്‍ക്കാറിന്റെ മാത്രം ഉത്തരവാദിത്തമല്ലെന്നും ജനങ്ങളുടെ കൂടി ബാധ്യതയാണെന്നും മന്ത്രി പറഞ്ഞു. 

സംസ്ഥാന സര്‍ക്കാരിന്റെ പുതിയ മാന്വല്‍ ഡ്രഡ്ജിംഗ് നയപ്രകാരം അഴീക്കല്‍ തുറമുഖത്ത് പുതുതായി ആരംഭിക്കുന്ന മൂന്ന് കടവുകളിലെ മണല്‍ ബുക്കിംഗ് ഉദ്ഘാടനം തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി നിര്‍വഹിച്ചു. കല്ല്യാശ്ശേരി പഞ്ചായത്തിലെ കല്ല്യാശ്ശേരി 1, പാപ്പിനിശ്ശേരി പഞ്ചായത്തിലെ ബി.ടി.ഡബ്ല്യു-2, വളപട്ടണം പഞ്ചായത്തിലെ സി.എന്‍ പ്ലൈവുഡ് എന്നിവയാണ് പുതിയ മൂന്ന് കടവുകള്‍. നിലവില്‍ പ്രവര്‍ത്തിച്ചുകൊണ്ടിരിക്കുന്ന ഏഴ് കടവുകള്‍ക്ക് പുറമെയാണിത്. 

ശബരിമല തീര്‍ഥാടനം പ്രമാണിച്ച് ഇന്ന് (18ന്) രാത്രി തുറന്നു പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍:    സൈമണ്‍ ജോര്‍ജ് മെഡിക്കല്‍സ് പത്തനംതിട്ട, ആശ്വാസ് കമ്മ്യൂണിറ്റി ഫാര്‍മസി കോഴഞ്ചേരി, നീതി മെഡിക്കല്‍സ് കോന്നി, അപ്പോളോ മെഡിക്കല്‍സ് അടൂര്‍, ചിറമേല്‍ മെഡിക്കല്‍സ് പന്തളം, ജയ് മെഡിക്കല്‍സ് തിരുവല്ല, റോയല്‍ മെഡിക്കല്‍ സ്റ്റോര്‍ പഴവങ്ങാടി റാന്നി, ഗ്രേസ് മെഡിക്കല്‍സ്, വടശ്ശേരിക്കര.                                               (15/17)

    ജില്ലാ ആസൂത്രണ സമിതിയോഗം ഈ മാസം 22ന് ഉച്ചയ്ക്ക് 3.30ന് കളക്ടറേറ്റ് കോണ്‍ഫറന്‍സ് ഹാളില്‍ ചേരും.                                  (പിഎന്‍പി 3097/17)

നാഷണല്‍ ഇന്‍സ്റ്റിറ്റ്യൂട്ട് ഓഫ് സ്പീച്ച് ആന്‍ഡ് ഹിയറിംഗ് സാമൂഹ്യനീതി വകുപ്പിന്‍റെ സഹകരണത്തോടെ പേശീരോഗങ്ങളും പുനരധിവാസവും എന്ന വിഷയത്തില്‍ ഓണ്‍ലൈന്‍ ബോധവത്ക്കരണ സെമിനാര്‍ നടത്തുന്നു. ഇന്ന് (18ന്) രാവിലെ 10.30 മുതല്‍ ഒന്നുവരെയാണ് സെമിനാര്‍. ഓണ്‍ലൈനിലൂടെ വിദഗ്ദ്ധരുമായി സംശയനിവാരണത്തിനുള്ള അവസരമുണ്ട്. വിശദവിവരങ്ങള്‍ക്ക് ജില്ലാ ചൈല്‍ഡ് ലൈന്‍ ഓഫീസില്‍ ബന്ധപ്പെടണം. ഫോണ്‍: 0468 2224375, 2224385.                            (പിഎന്‍പി 3095/17)

    റബ്ബര്‍ ഉത്പന്ന വ്യവസായ മേഖലയിലെ തൊഴിലാളികളുടെ മിനിമം വേതനം പുതുക്കി നിശ്ചയിക്കുന്നതിനുള്ള ഉപസമിതിയുടെ തെളിവെടുപ്പ് 22ന് രാവിലെ 10.30ന് തിരുവനന്തപുരം തൈക്കാട് ഗവണ്‍മെന്‍റ് റസ്റ്റ് ഹൗസ് മിനി കോണ്‍ഫറന്‍സ് ഹാളില്‍ നടക്കും. ഈ മേഖലയില്‍ പ്രവര്‍ത്തിക്കുന്ന ജില്ലയിലെ തൊഴിലുടമകളുടെയും തൊഴിലാളികളുടെയും പ്രതിനിധികള്‍ യോഗത്തില്‍ പങ്കെടുക്കണമെന്ന് ജില്ലാ ലേബര്‍ ഓഫീസര്‍ അറിയിച്ചു. 
                                           (പിഎന്‍പി 3094/17)

    ഡിസംബര്‍ മൂന്നിന് നടക്കുന്ന ചക്കുളത്തുകാവ് പൊങ്കാലയുമായി ബന്ധപ്പെട്ട് സര്‍ക്കാര്‍ തലത്തില്‍ ഏര്‍പ്പെടുത്തേണ്ട ക്രമീകരണങ്ങളെക്കുറിച്ച് ആലോചിക്കുന്നതിനുള്ള യോഗം ഈ മാസം 22ന് ഉച്ചയ്ക്ക് ശേഷം രണ്ടിന് കളക്ടറേറ്റ് കോണ്‍ഫറന്‍സ് ഹാളില്‍ ചേരും.                                                 (പിഎന്‍പി 3092/17)
സാമ്പത്തിക സഹായം