ജില്ലാ നിയമ സേവന അതോറിട്ടിയും ചൈല്‍ഡ് ലൈനും സംയുക്തമായി ജില്ലയില്‍ നടത്തിയ ബാലാവകാശ-നിയമ ബോധവല്‍ക്കരണ പ്രചാരണ വാഹനം തദ്ദേശസ്വയംഭരണവകുപ്പ് മന്ത്രി കെ.ടി ജലീല്‍ ഫഌഗ് ഓഫ് ചെയ്തു. കളക്ടറേറ്റില്‍ നടന്ന ചടങ്ങില്‍ ഒപ്പുശേഖരണയജ്ഞത്തിന്റെ ഉദ്ഘാടനവും  മന്ത്രി നിര്‍വഹിച്ചു. ജില്ലാ നിയമ സേവന അതോറിട്ടിയും ചൈല്‍ഡ് ലൈനും നിരവധി സേവനങ്ങള്‍ സമൂഹത്തിന് വേണ്ടി ചെയ്യുന്നുണ്ടെങ്കിലും എല്ലാ വിഭാഗം ജനങ്ങളിലേക്കും വിവരം എത്തിയിട്ടില്ലെന്ന് മന്ത്രി കെ.ടി ജലീല്‍ പറഞ്ഞു. ഇതുപോലുള്ള പ്രചാരണ പ്രവര്‍ത്തനങ്ങള്‍ കൂടുതല്‍ ജനങ്ങള്‍ക്ക് നിയമ സേവനങ്ങളെക്കുറിച്ചും മറ്റും അറിവ് പകരുന്നതിന് സഹായകരമാകുമെന്നും മന്ത്രി പറഞ്ഞു.

കണ്ണൂര്‍ ഗവ.എഞ്ചിനീയറിംഗ് കോളേജിലെ ലൈബ്രറിയിലേക്കാവശ്യമായ പുസ്തകങ്ങള്‍ വിതരണം ചെയ്യുന്നതിന് താല്‍പര്യമുളള വിതരണക്കാരില്‍ നിന്നും ക്വട്ടേഷന്‍ ക്ഷണിച്ചു.  28 വരെ ക്വട്ടേഷന്‍ സ്വീകരിക്കും.  
    കോളേജ് ഗ്രൗണ്ടിലെ ഗാലറിയുമായി ബന്ധപ്പെട്ട സിവില്‍ വര്‍ക്ക് ചെയ്യുന്നതിന് ക്വട്ടേഷന്‍ ക്ഷണിച്ചു.  ഡിസംബര്‍ 13 ന്  വൈകിട്ട് 3 മണി വരെ ക്വട്ടേഷന്‍ സ്വീകരിക്കും. ഫോണ്‍:0497 2780226.
പി എന്‍ സി/4333/2017

മൃഗസംരക്ഷണ വകുപ്പിന്റെ സ്റ്റേറ്റ് പ്ലാന്‍ സ്‌കീമുകളുടെ ഭാഗമായി ജില്ലയിലെ തലശ്ശേരി, ഇരിട്ടി മണ്ഡലങ്ങളില്‍ വൈകിട്ട് 6 മണി മുതല്‍ രാവിലെ 6 വരെ(രാത്രികാലങ്ങളില്‍) മൃഗചികിത്സാ സേവനം ലഭ്യമാക്കുന്നതിലേക്കായി താല്‍ക്കാലിക വെറ്ററിനറി ബിരുദധാരികളെ നിയമിക്കുന്നു.  താല്‍പര്യമുളളവര്‍ അസ്സല്‍ ബിരുദ സര്‍ട്ടിഫിക്കറ്റും കെ വി സി രജിസ്‌ട്രേഷന്‍ സര്‍ട്ടിഫിക്കറ്റും പകര്‍പ്പുകളും സഹിതം 23 ന് രാവിലെ 11 മണിക്ക് ജില്ലാ മൃഗസംരക്ഷണ ഓഫീസില്‍ ഹാജരാകണം.  ഫോണ്‍: 0497 2700267.
പി എന്‍ സി/4333/2017

തൃക്കരിപ്പൂര്‍ ഗവ.പോളിടെക്‌നിക്ക് കോളേജില്‍ ഒഴിവുളള അധ്യാപക തസ്തികകളിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നു.  അസി.പ്രൊഫസര്‍-മാത്ത്മാറ്റിക്‌സ് തസ്തികയിലേക്ക് ബന്ധപ്പെട്ട വിഷയത്തില്‍ രണ്ടാം ക്ലാസ് ബിരുദാനന്തര ബിരുദവും യു ജി സി/സെറ്റ് യോഗ്യതയുളളവര്‍ക്കും ബയോമെഡിക്കല്‍ ലക്ചറര്‍ തസ്തികയിലേക്ക് ബയോമെഡിക്കല്‍ വിഭാഗത്തില്‍ ഒന്നാം ക്ലാസ് എഞ്ചിനീയറിംഗ് ബിരുദ യോഗ്യതയുളളവര്‍ക്കും 24 ന് രാവിലെ 10 മണിക്ക് പോളിടെക്‌നിക്കില്‍ നടക്കുന്ന എഴുത്തുപരീക്ഷയിലും കൂടിക്കാഴ്ചയിലും പങ്കെടുക്കാം.

ഇ കെ നായനാര്‍ മെമ്മോറിയല്‍ ഗവ.പോളിടെക്‌നിക് കോളേജില്‍ ആരംഭിക്കുന്ന നോര്‍ക്ക റൂട്ട്‌സ് തൊഴില്‍ വൈദഗ്ധ്യ പരിശീലനത്തിന് അലൂമിനിയം ഫാബ്രിക്കേഷന്‍, കമ്പ്യൂട്ടര്‍ ഹാര്‍ഡ് വെയര്‍ & നെറ്റ്‌വര്‍ക്കിങ്ങ് കോഴ്‌സുകളില്‍ സീറ്റ് ഒഴിവുണ്ട്.  18 നും 45 നും ഇടയില്‍ പ്രായമുളളവര്‍ക്ക് അപേക്ഷിക്കാം.  24 വരെ അപേക്ഷ സ്വീകരിക്കും.  അപേക്ഷാ ഫോറവും വിശദ വിവരങ്ങളും www.norkaroots.net എന്ന വെബ്‌സൈറ്റില്‍ ലഭിക്കും.  ഫോണ്‍: 8547403380, 0467 2211400.
പി എന്‍ സി/4346/2017

 ഇലക്ഷന്‍ കമ്മീഷന്റെ നിര്‍ദ്ദേശാനുസരണം വോട്ടര്‍പട്ടിക ശുദ്ധീകരണ യജ്ഞത്തിന്റെ ഭാഗമായ ജോലികളില്‍ ഏര്‍പ്പെടുന്ന ബൂത്ത് ലെവല്‍ ഓഫീസര്‍മാര്‍ക്ക് നവംബര്‍ 15 മുതല്‍30 വരെയുളള തീയതികള്‍ക്കിടയില്‍ ഏതെങ്കിലും 7 പ്രവൃത്തി ദിവസം ഇലക്ടറല്‍ രജിസ്‌ട്രേഷന്‍ ഓഫീസറുടെ ഡ്യൂട്ടി സര്‍ട്ടിഫിക്കറ്റിന്റെ അടിസ്ഥാനത്തില്‍ ഡ്യൂട്ടി ലീവ് അനുവദിക്കാന്‍ എല്ലാ വകുപ്പ് മേധാവികള്‍ക്കും അനുമതി നല്‍കി സര്‍ക്കാര്‍ ഉത്തരവായി.
പി എന്‍ സി/4346/2017
 

അത്യുത്തര ജില്ലയായ കാസര്‍കോട് നേരിടുന്ന നിരവധി പരിമിതികള്‍ക്കിടയിലും വാര്‍ഷികപദ്ധതി വിഹിതം ചെലവഴിക്കുന്നതില്‍ മെച്ചപ്പെട്ട പ്രകടനമാണ് ജില്ല നടത്തിയതെന്ന്  തദ്ദേശസ്വയംഭരണ വകുപ്പു മന്ത്രി  കെ ടി ജലീല്‍ പറഞ്ഞു. കാസര്‍കേട് കളക്ടറേറ്റ് കോണ്‍ഫറന്‍സ് ഹാളില്‍ ത്രിതല പഞ്ചായത് പ്രസിഡന്റുമാര്‍, സെക്രട്ടറിമാര്‍, നഗരസഭ ചെയര്‍മാന്മാര്‍, ജില്ലാതല ഉദ്യോഗസ്ഥര്‍ എന്നിവരുടെ അവലോകന യോഗത്തില്‍ സംസാരിക്കുകയായിരുന്നു അദ്ദേഹം. ജില്ല ഇതുവരെ 28.92 ശതമാനം  തുക ചെലവഴിച്ച് സംസ്ഥാനത്ത് മൂന്നാം സ്ഥാനത്താണ്.

കോഴിക്കോട് ജില്ലയിലെ ബേപ്പൂര്‍, നടുവട്ടത്തുളള ക്ഷീര പരിശീലന കേന്ദ്രത്തില്‍ മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലുള്ള ക്ഷീരകര്‍ഷകര്‍ക്ക് ആറുദിവസത്തെ പരിശീലനം സംഘടിപ്പിക്കുന്നു.  ഡയറി ഫാം ആസൂത്രണം, ലാഭകരമായ നടത്തിപ്പ്, വൈവിധ്യവല്‍ക്കരണം എന്നീ വിഷയങ്ങളില്‍ 20  മുതല്‍ 25 വരെയാണ് പരിശീലനം. താല്‍പര്യമുളളവര്‍ 20 ന് രാവിലെ 10 മണിക്ക് മുമ്പ്, ഫോട്ടോ പതിച്ച തിരിച്ചറിയല്‍ കാര്‍ഡിന്റെ പകര്‍പ്പു സഹിതം കോഴിക്കോട് ക്ഷീര പരിശീലന കേന്ദ്രത്തില്‍ എത്തണം ഫോണ്‍: 0495 2414579.
പി എന്‍ സി/4346/2017
 

ദേശീയ ആരോഗ്യ ദൗത്യം പദ്ധതിക്ക് കീഴില്‍ ജില്ലാ ആശുപത്രിയില്‍ പ്രവര്‍ത്തിക്കുന്ന ഡിസ്ട്രിക്ട് ഏര്‍ളി ഇന്റര്‍വെന്‍ഷന്‍ സെന്ററിന്റെ ആഭിമുഖ്യത്തില്‍ ശിശുദിനാഘോഷ പരിപാടികളുടെ ഭാഗമായി കുട്ടികളുടെ കലാപരിപാടികള്‍ അരങ്ങേറും. നാളെ (നവംബര്‍ 18) രാവിലെ 10 മണിക്ക് താവക്കര സ്‌കൂളിന് എതിര്‍വശത്തുള്ള പോലിസ് ഓഡിറ്റോറിയത്തിലാണ് പരിപാടി. ഡി.ഇ.ഐ.സിയില്‍ തുടര്‍ചികില്‍സയ്ക്ക് വരുന്ന കുട്ടികളാണ് പരിപാടിയില്‍ പങ്കെടുക്കുക. 

വിദ്യാര്‍ഥികളിലും യുവജനങ്ങളിലും പുതിയ കായിക സംസ്‌ക്കാരവും പരിസ്ഥിതി അവബോധവും വളര്‍ത്തിയെടുക്കുകയെന്ന ലക്ഷ്യത്തിന്റെ ഭാഗമായി ജില്ലാ പഞ്ചായത്ത്  ഡിസംബര്‍ ഒന്നിന് ഒന്നര ലക്ഷം പേര്‍ പങ്കെടുക്കുന്ന സൈക്കിള്‍ റാലികള്‍ സംഘടിപ്പിക്കും. ജില്ലാ ഭരണകൂടം, സ്‌പോര്‍ട്‌സ് കൗണ്‍സില്‍, ലൈബ്രറി കൗണ്‍സില്‍, എന്‍.എസ്.എസ് എന്നിവയുമായി സഹകരിച്ചാണ് പരിപാടി സംഘടിപ്പിക്കുന്നത്.