നെല്ലിക്കോട് സ്മാര്‍ട്ട് വില്ലേജ് ഓഫീസ് ശിലാസ്ഥാപനം റവന്യൂ വകുപ്പ് മന്ത്രി കെ രാജന്‍ ഓണ്‍ലൈനായി നിര്‍വഹിച്ചു. കോവൂര്‍ പി കൃഷ്ണപിള്ള മെമോറിയല്‍ ഓഡിറ്റോറിയത്തില്‍ നടന്ന ചടങ്ങില്‍ അഹമ്മദ് ദേവര്‍കോവില്‍ എം.എല്‍.എ അധ്യക്ഷനായി. 
പൊതുജനങ്ങള്‍ക്ക് മെച്ചപ്പെട്ട സേവനം ലഭ്യമാക്കുന്നതിന് പ്ലാന്‍ ഫണ്ടില്‍ ഉള്‍പ്പെടുത്തി 50 ലക്ഷം രൂപ ചെലവിട്ടാണ് ആധുനിക സംവിധാനങ്ങളോടെ പുതിയ കെട്ടിടം നിര്‍മിക്കുന്നത്. ഓഫീസുകളുടെ ഭൗതിക സാഹചര്യം മെച്ചപ്പെടുത്തുന്നതിന് ആവിഷ്‌കരിച്ച പദ്ധതിയുടെ ഭാഗമായാണ് സ്മാര്‍ട്ട് വില്ലേജ് ഓഫീസ് ഒരുക്കുന്നത്. 

പൊതുജനങ്ങള്‍ക്ക് കോഴിക്കോട് നഗരത്തിലെ കാഴ്ചകള്‍ ആസ്വദിക്കാന്‍ കെ.എസ്.ആര്‍.ടി.സിയുടെ ഓപണ്‍ ഡബിള്‍ ഡക്കര്‍ ബസൊരുങ്ങി. കെ.എസ്.ആര്‍.ടി.സി ബസ് ടെര്‍മിനലിന് സമീപം നടന്ന ചടങ്ങില്‍ ടൂറിസം-പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് ഫ്‌ളാഗ് ഓഫ് നിര്‍വഹിച്ചു. 

സംസ്ഥാന സര്‍ക്കാര്‍ സംഘടിപ്പിക്കുന്ന ചീഫ് മിനിസ്റ്റേഴ്‌സ് ക്വിസിന്റെ ജില്ലാതല മത്സരങ്ങളുമായി ബന്ധപ്പെട്ട് സൗണ്ട്് സിസ്റ്റം, എല്‍.ഇ.ഡി വാള്‍, സ്‌റ്റേജ് ഡെക്കറേഷന്‍, ജനറേറ്റര്‍, കസേര, ഭക്ഷണം തുടങ്ങിയ എല്ലാവിധ സൗകര്യങ്ങളും ഒരുക്കുന്നതിനായി താല്‍പര്യമുള്ള അംഗീകൃത ഇവന്റ് ഗ്രൂപ്പുകളില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ജനുവരി 27 ഉച്ചയ്ക്ക് ഒന്ന് വരെ സ്വീകരിക്കും. അന്നേദിവസം വൈകീട്ട് മൂന്നിന് ക്വട്ടേഷനുകള്‍ തുറന്ന് പരിശോധിക്കും. കൂടുതല്‍ വിവരങ്ങള്‍ക്ക് ഫോണ്‍:0491 2505329

തൃശ്ശൂർ പൂരത്തിനോടനുബന്ധിച്ച്  മാർച്ച് 20 മുതൽ മെയ്‌ 22 വരെ നടത്താൻ നിശ്ചയിച്ചിരിക്കുന്ന തൃശ്ശൂർ പൂരം എക്സിബിഷൻ 2026 ൽ പങ്കെടുക്കുന്നതിന് എല്ലാ സർക്കാർ വകുപ്പുകൾക്കും പൊതുമേഖലാ സ്ഥാപനങ്ങൾക്കും അനുമതി നൽകി. ഇതിനാവശ്യമായ ചെലവുകൾ അതത് വകുപ്പുകൾ അത്യാവശ്യ കാര്യങ്ങൾക്ക് മാത്രമായി നിജപ്പെടുത്തിയ ബഡ്ജറ്റ്‌ വിഹിതത്തിൽ നിന്നും കണ്ടെത്തേണ്ടതാണെന്ന് ഗവർണറുടെ ഉത്തരവ് പ്രകാരം അഡീഷണൽ സെക്രട്ടറി മുഹമ്മദ് റിയാസ് അറിയിച്ചു.

  ദേശീയ ആരോഗ്യ ദൗത്യത്തിന് കീഴില്‍ പ്രവര്‍ത്തിക്കുന്ന സ്റ്റേറ്റ് ഹെല്‍ത്ത് സിസ്റ്റംസ് റിസേഴ്‌സ് സെന്റര്‍ കേരളയില്‍ നടന്നുക്കൊണ്ടിരിക്കുന്ന ഐ.സി.എം.ആര്‍ പ്രോജക്റ്റിലേക്ക് കരാര്‍ അടിസ്ഥാനത്തില്‍ പ്രോജക്റ്റ് റിസേര്‍ച്ച് സൈന്റ്റ്റിസ്റ്റ് - ll  തസ്തികയിലേക്ക് സൈക്യാട്രിസ്റ്റിനെ നിയമിക്കുന്നു. ഒരു വർഷത്തേക്കാണ് നിയമനം. താത്പര്യമുള്ള  ഉദ്യോഗാര്‍ത്ഥികള്‍ മാര്‍ച്ച് 18 ന് മുന്‍പായി ഗൂഗിള്‍ ഫോം വഴി അപേക്ഷിക്കാം. കൂടുതല്‍ വിവരങ്ങള്‍ക്ക് shsrc.kerala.gov.in വെബ്‌സൈറ്റ് സന്ദര്‍ശിക്കുക.
 

 കേരള കർഷക തൊഴിലാളി ക്ഷേമനിധിയിൽ അംശദായം സ്വീകരിക്കുന്നതിന് വടക്കാഞ്ചേരി മുനിസിപ്പാലിറ്റിയിൽ ഏപ്രിൽ 18നും അവിണിശ്ശേരി  പഞ്ചായത്തിൽ ഏപ്രിൽ 21നും പുന്നയൂർ പഞ്ചായത്തിൽ ഏപ്രിൽ 24 നും മറ്റത്തൂർ പഞ്ചായത്തിൽ ഏപ്രിൽ 28 നും ജില്ലാ എക്സിക്യൂട്ടീവ് ഓഫീസറുടെ നേതൃത്വത്തിൽ സിറ്റിംഗ് നടത്തുന്നു.
 

ഹരിത കേരളം മിഷൻ്റെ 'ആർത്തവ ശുചിത്വവും പാരിസ്ഥിതിക സുസ്ഥിരതയും' ക്യാമ്പയിന്റെ ഭാഗമായി തൃശ്ശൂർ കേരള വർമ്മ കോളേജ് വിദ്യാർഥിനികൾക്ക് മെൻസ്‌ട്രൽ കപ്പ് വിതരണം ചെയ്തു. ജില്ലാ പഞ്ചായത്ത് പ്രസിഡന്റ് മേരി തോമസ് മെൻസ്‌ട്രൽ കപ്പിൻ്റെ വിതരണോദ്ഘാടനം നിർവ്വഹിച്ചു.

ജില്ലയിലെ തെരഞ്ഞെടുത്ത ഹയർസെക്കണ്ടറി, കോളേജ് വിദ്യാർത്ഥിനികൾക്കും, കുടുംബശ്രീ അയൽക്കൂട്ട അംഗങ്ങൾക്കും, ഹരിതകർമ്മസേന അംഗങ്ങൾക്കുമായി 12,650 മെന്സ്ട്രൽ കപ്പുകൾ ഇതിനോടകം വിതരണം ചെയ്തു.
 

മഞ്ചേരി ഗവ. ടെക്‌നിക്കല്‍ ഹൈസ്‌കൂളിലേക്ക് 2026-27 അധ്യയന വര്‍ഷത്തെ എട്ടാം ക്ലാസിലേക്ക് പ്രവേശനം ആരംഭിച്ചു. https://ths.polyadmission.org എന്ന വെബ്സൈറ്റില്‍ ഓണ്‍ലൈന്‍ മുഖേന ഏപ്രില്‍ ആറിനകം അപേക്ഷിക്കണം. ഫോണ്‍- 8547232601, 8129793673, 7034946634, 04832 766185.

കേരള ലോകായുക്തയുടെ മാര്‍ച്ചിലെ ക്യാംപ് സിറ്റിങ് കണ്ണൂര്‍, കോഴിക്കോട് എന്നിവിടങ്ങളില്‍ നടത്തും. മാര്‍ച്ച് 24ന് കണ്ണൂര്‍ പി.ഡബ്ല്യു.ഡി റസ്റ്റ് ഹൗസ് കോണ്‍ഫറന്‍സ് ഹാളിലും മാര്‍ച്ച് 25നും 26നും കോഴിക്കോട് പി.ഡബ്ല്യു.ഡി റസ്റ്റ് ഹൗസ് കോണ്‍ഫറന്‍സ് ഹാളിലുമാണ് സിറ്റിങ്് നടക്കുക. രാവിലെ 10.30ന് സിറ്റിങ് ആരംഭിക്കും. ലോകായുക്ത ജസ്റ്റിസ് എന്‍. അനില്‍ കുമാര്‍, ഉപലോകയുക്ത  ജസ്റ്റിസ് വി. ഷെര്‍സി എന്നിവര്‍ പരാതികള്‍ പരിഗണിക്കും. ഫോണ്‍- 0471-2300362.