വിഷുക്കണിയും വിഷു സദ്യയുമൊരുക്കാന്‍ ഗുണമേന്മയുള്ള കാര്‍ഷികോത്പന്നങ്ങളുമായി കുടുംബശ്രീയുടെ വിഷു ചന്തകള്‍ ഒരുങ്ങി. വിഷരഹിത പച്ചക്കറികളും  മറ്റ് ഭക്ഷ്യോത്പന്നങ്ങളും മിതമായ വിലയില്‍ ലഭ്യമാക്കുകയാണ് ലക്ഷ്യം. ജില്ലാതലത്തില്‍ അഞ്ച് ദിവസവും സി.ഡി.എസ് തലത്തില്‍ മൂന്നു ദിവസവും ചന്തകള്‍ പ്രവര്‍ത്തിക്കും. കുടുംബശ്രീയുടെ കീഴിലുള്ള വനിതാ കര്‍ഷക സംഘങ്ങള്‍ ഉത്പാദിപ്പിക്കുന്ന ജൈവ പച്ചക്കറികള്‍, ചിരട്ട, മുള ഉത്പന്നങ്ങള്‍, പലഹാരങ്ങള്‍, സൂക്ഷ്മസംരംഭകര്‍ ഉത്പാദിപ്പിക്കുന്ന വിവിധ ധാന്യപ്പൊടികള്‍, കറിപ്പൊടികള്‍, ചമ്മന്തിപ്പൊടികള്‍, അച്ചാറുകള്‍, ചിപ്‌സ്, ശര്‍ക്കരവരട്ടി, എന്നിവയും ലഭിക്കും.

മലപ്പുറത്ത് നിയമസഭാ തെരഞ്ഞെടുപ്പിന് ശേഷം വോട്ടിംഗ് യന്ത്രങ്ങൾ സീൽ ചെയ്തു സൂക്ഷിച്ച സ്ട്രോംഗ് റൂമുകളുമായി ബന്ധപ്പെട്ട് പ്രചരിക്കുന്ന വാർത്തകൾ ശരിയല്ലെന്ന് ജില്ലാ ഇലക്ഷൻ  ഓഫീസറായ ജില്ലാ കലക്ടർ ഡോ. വിനയ് ഗോയൽ അറിയിച്ചു. വോട്ടെടുപ്പിൽ ഉപയോഗിച്ച എല്ലാ വോട്ടിംഗ്  യന്ത്രങ്ങളും പോളിംഗ് പൂർത്തിയായ ശേഷം അതേ ദിവസം തന്നെ സീൽ ചെയ്തു അതത് മണ്ഡലങ്ങളുടെ സ്ട്രോങ് റൂമുകളിൽ രാഷ്ട്രീയപാർട്ടി പ്രതിനിധികളുടെ സാന്നിധ്യത്തിൽ പൂർണ്ണമായ വീഡിയോഗ്രഫി, സി സി ടി വി സംവിധാനങ്ങളോട് കൂടി സീൽ ചെയ്തു സൂക്ഷിച്ചിരിക്കുകയാണ്.

അസാപ് കേരളയുടെ ആഭിമുഖ്യത്തിൽ ശ്രീകൃഷ്ണപുരം വി. ടി.ബി കോളേജുമായി സഹകരിച്ച് ഏപ്രിൽ 25 ശനിയാഴ്ച പ്ലേസ്മെന്റ് ഡ്രൈവ് സംഘടിപ്പിക്കുന്നു. പ്രമുഖ കമ്പനികൾ പങ്കെടുക്കുന്ന ഈ ജോബ് ഡ്രൈവിൽ പങ്കെടുക്കുവാൻ ആഗ്രഹിക്കുന്ന ഉദ്യോഗാർത്ഥികൾ രാവിലെ 9:30 ക്ക് ബയോഡാറ്റയും അനുബന്ധ സർട്ടിഫിക്കറ്റുകളും സഹിതം ശ്രീകൃഷ്ണപുരം വി ടി ബി കോളേജിൽ എത്തിച്ചേരേണ്ടതാണ്. ഉദ്യോഗർത്ഥികൾക്ക് മുൻകൂട്ടി രജിസ്റ്റർ ചെയ്യാം. സ്പോട്ട് രജിസ്ട്രേഷൻ സൗകര്യം ഉണ്ടായിരിക്കുന്നതാണ്. രജിസ്ട്രേഷൻ ലിങ്ക് : https://forms.gle/JZrEHCVWJeN27HRa7

പീച്ചിയിലെ 600 എം.എം പൈപ്പ്ലൈനിൽ അറ്റകുറ്റ പണികൾ നടക്കുന്നതിനാൽ, തൃശ്ശൂർ പഴയ മുനിസിപ്പൽ പ്രദേശങ്ങളിൽ ഏപ്രിൽ 16 ന് ശുദ്ധജല വിതരണം പൂർണ്ണമായും തടസ്സപ്പെടും. ഉപഭോക്താക്കൾ ആവശ്യമുള്ള ശുദ്ധജലം വരും ദിവസങ്ങളിൽ ശേഖരിച്ചു വെക്കേണ്ടതാണെന്ന് കേരള വാട്ടർ അതോറിറ്റി തൃശൂർ വാട്ടർ വർക്ക്സ് സബ് ഡിവിഷൻ അസിസ്റ്റന്റ് എക്സിക്യൂട്ടീവ് എഞ്ചിനിയർ അറിയിച്ചു. 

വിഷു ആഘോഷങ്ങളെ മുൻനിർത്തി കുടുംബശ്രീ ജില്ലാ മിഷന്റെ നേതൃത്വത്തിൽ നടപ്പിലാക്കുന്ന ഇന്റഗ്രേറ്റഡ് ഫാമിംഗ് ക്ലസ്റ്റർ

ചന്തകൾ ജില്ലയിൽ സജീവമാകുന്നു. ജില്ലയിലെ 16 ബ്ലോക്കുകളിൽ നിന്നായി

തിരഞ്ഞെടുത്ത 16 സി.ഡി.എസുകൾ മുഖേനയാണ് പദ്ധതി നടപ്പിലാക്കുന്നത്. തെരഞ്ഞെടുത്ത വാർഡുകളിലെ കർഷകരെ ഉത്പാദനത്തിലും വരുമാനത്തിലും ഉയർത്തിക്കൊണ്ടുവരികയാണ് പദ്ധതിയുടെ ലക്ഷ്യം. ഐ.എഫ്.സി വാർഡുകളിലെ സംരംഭകരുടെ ഉത്പ്പന്നങ്ങൾ, പ്രൊഡ്യൂസർ

ഗ്രൂപ്പുകളുടെ വിവിധ ഉത്പ്പന്നങ്ങൾ, ചക്ക, കായ തുടങ്ങിയ വറവുൽപ്പന്നങ്ങൾ തുടങ്ങിയവ വിപണനത്തിനായി ഒരുക്കിയിട്ടുണ്ട്.

കേരളത്തിന്റെ സമ്പൂര്‍ണ്ണ സാക്ഷരതാ പ്രഖ്യാപനത്തിന്റെ മുപ്പത്തിയഞ്ചാം വാര്‍ഷികത്തോടനുബന്ധിച്ച് ഏപ്രില്‍ 18ന് ചേലക്കോടന്‍ ആയിഷുമ്മ അനുസ്മരണം സംഘടിപ്പിക്കും. സംസ്ഥാന സാക്ഷരതാ മിഷന്‍ അതോറിറ്റിയും കാലിക്കറ്റ് യൂണിവേഴ്‌സിറ്റി ജില്ലാ എന്‍.എസ്.എസും സംയുക്തമായാണ് പരിപാടി സംഘടിപ്പിക്കുന്നത്. മലപ്പുറം എല്‍.എസ്.ജി.ഡി സമ്മേളന ഹാളില്‍ നടക്കുന്ന ചടങ്ങ് ജില്ലാ കളക്ടര്‍ ഡോ. വിനയ് ഗോയല്‍ ഉദ്ഘാടനം ചെയ്യും. സംസ്ഥാന സാക്ഷരതാ മിഷന്‍ ഡയറക്ടര്‍ പ്രൊഫ. എ.ജി. ഒലീന, പ്രശസ്ത കവി മണമ്പൂര്‍ രാജന്‍ ബാബു എന്നിവര്‍ പങ്കെടുക്കും. അനുസ്മരണത്തിന്റെ ഭാഗമായി റാലി, സെമിനാര്‍ തുടങ്ങിയ പരിപാടികളും നടക്കും. 

പോലീസ് കംപ്ലെയ്ൻ്റ്സ് അതോറിറ്റി ഏപ്രിൽ 20, 21 തിയതികളിൽ നടത്താൻ നിശ്ചയിച്ചിരുന്ന വിചാരണകൾ മാറ്റി. പുതുക്കിയ തിയതി പിന്നീട് അറിയിക്കും.

ജില്ലയിൽ വിദ്യാഭ്യാസ വകുപ്പിൽ ഹൈ സ്കൂൾ ടീച്ചർ , മലയാളം (കാറ്റഗറിനം.601/2024) തസ്തികയിലേക്കുള്ള അഭിമുഖം ഏപ്രിൽ 22, 23, 24 തീയതികളിൽ കേരള പബ്ലിക് സർവ്വീസ് കമ്മീഷൻ്റെ മലപ്പുറം ജില്ലാ ഓഫീസിൽ വെച്ചും, കോഴിക്കോട് റീജിയണൽ ഓഫീസിൽ വെച്ചും നടത്തുന്നതാണ്. അർഹരായവർക്ക് എസ്.എം.എസ്, പ്രൊഫൈൽ വഴി അറിയിപ്പ് നൽകിയിട്ടുണ്ട്. പ്രൊഫൈലിൽ ലഭ്യമാക്കിയിട്ടുള്ള ഇൻ്റർവ്യൂ മെമ്മോ ഡൌൺലോഡ് ചെയ്ത് നിർദ്ദേശിച്ച പ്രകാരമുള്ള രേഖകളുടെ അസ്സൽ സഹിതം നിശ്ചിത സ്ഥലത്ത് അഭിമുഖത്തിന് എത്തണം.

അസാപ് കമ്യൂണിറ്റി സ്കിൽ പാർക്ക് കുന്നംകുളം കേന്ദ്രത്തിൽ വനിതകൾക്കായി പ്രത്യേകമായി ഒരുക്കിയ നാരീചക്ര–കസ്റ്റമർ റിലേഷൻഷിപ്പ് എക്സിക്യൂട്ടീവ് സൗജന്യ പരിശീലന പരിപാടിയുടെ രണ്ടാം ബാച്ചിലേക്ക് അഡ്മിഷൻ ആരംഭിച്ചു.

ആദ്യ ബാച്ചിന് ലഭിച്ച മികച്ച പ്രതികരണത്തയും വിജയത്തേയും തുടർന്നാണ് രണ്ടാം ബാച്ച് ആരംഭിക്കുന്നത്. രണ്ട് മാസം ദൈർഘ്യമുള്ള ഈ കോഴ്‌സിൽ ഒരു മാസം തിയറിയും ഒരു മാസം ഓൺ ദ ജോബ് ട്രെയിനിംഗും ഉൾപ്പെടുന്നു.

ജില്ലയിൽ വിദ്യാഭ്യാസ വകുപ്പിൽ ഹൈ സ്കൂൾ ടീച്ചർ , ബൈ ട്രാൻസ്ഫർ മലയാളം (കാറ്റഗറി നം.476/2024) തസ്തികയിലേക്കുള്ള അഭിമുഖം ഏപ്രിൽ 22 ന് കേരള പബ്ലിക് സർവ്വീസ് കമ്മീഷൻ്റെ മലപ്പുറം ജില്ലാ ഓഫീസിൽ നടക്കും. അർഹരായവർക്ക് എസ്.എം.എസ്, പ്രൊഫൈൽ വഴി അറിയിപ്പ് നൽകിയിട്ടുണ്ട്. പ്രൊഫൈലിൽ ലഭ്യമാക്കിയിട്ടുള്ള ഇൻ്റർവ്യൂ മെമ്മോ ഡൌൺലോഡ് ചെയ്ത് നിർദ്ദേശിച്ച പ്രകാരമുള്ള രേഖകളുടെ അസ്സൽ സഹിതം നിശ്ചിത സ്ഥലത്ത് അഭിമുഖത്തിന് എത്തണം.