വിഷു വിപണി കീഴടക്കി കുടുംബശ്രീ

തൃശൂർ കുടുംബശ്രീ ജില്ലാ മിഷന്റെ നേതൃത്വത്തിൽ വിഷു വിപണി മുൻനിർത്തി നടത്തിയ വേനൽകാല പച്ചക്കറി കൃഷികൾ വിളവെടുത്തു. വിഷരഹിത പച്ചക്കറികളിൽ വിഷുക്കണിയൊരുക്കാൻ കുടുംബശ്രീ അംഗങ്ങൾ മുന്നിട്ടിറങ്ങിയപ്പോൾ മണ്ണിൽ പൊന്ന് വിളയുകയാണ്. കണിവെള്ളരിയും തണ്ണിമത്തനും നാടൻ പച്ചക്കറികളുമെല്ലാം കൃഷി ചെയ്ത് വിഷു ചന്തകളിലൂടെ വിപണനം നടത്തുകയാണ് കുടുംബശ്രീ. 

നിയമസഭാ തെരഞ്ഞെടുപ്പിൽ മലപ്പുറം ജില്ലയിൽ ഇ.വി.എം. വഴി വോട്ട് രേഖപ്പെടുത്തിയത് 28, 99,620 വോട്ടർമാർ. 1310945 പുരുഷൻമാരും 1588652 സ്ത്രീകളും 23 ട്രാൻസ്ജൻഡേഴ്സും വോട്ട് ചെയ്തു. മെഷീന്‍ വഴി പോള്‍ ചെയ്ത വോട്ടുകളുടെ ശതമാനം 79.83% ആണ്. 36,32210 ആണ് ജില്ലയിലെ ആകെ വോട്ടര്‍മാര്‍. 33924 പോസ്റ്റല്‍ ബാലറ്റുകളാണ് ജില്ലയില്‍ പോള്‍ ചെയ്തത്. ഇതും കൂടി ചേര്‍ന്നാല്‍ 80.76 ആണ് ജില്ലയിലെ പോളിങ് ശതമാനം. 

2021ലെ നിയമസഭാ തെരഞ്ഞെടുപ്പിനെക്കാള്‍ അഞ്ചു ശതമാനം അധികമാണ് ഇത്തവണത്തെ പോളിങ് ശതമാനം. 75.70% മാണ് 2021 ല്‍ ജില്ലയില്‍ രേഖപ്പെടുത്തിയ പോളിങ്. 

സംസ്ഥാന സാക്ഷരതാമിഷൻ അതോറിറ്റി 2026–27 വർഷത്തേക്കുള്ള ഇന്റേൺഷിപ്പ് പദ്ധതിയിലേക്ക് അപേക്ഷ ക്ഷണിച്ചു. അംഗീകൃത സ്ഥാപനങ്ങളിൽ പഠിക്കുന്ന ബിരുദ /ബിരുദാനന്തര വിദ്യാർത്ഥികൾക്ക് ഇന്റേൺഷിപ്പിന് അപേക്ഷിക്കാം. അപേക്ഷകൾ mpm.literacy@gmail.com എന്ന ഇമെയിൽ വിലാസത്തിൽ ഏപ്രിൽ 20നകം ലഭിക്കണം. ഒന്നിലധികം അപേക്ഷകരുള്ള സ്ഥാപനങ്ങളിൽ നിന്നും അപേക്ഷകൾ ഏകോപിപ്പിച്ച് സ്ഥാപനമേധാവിയുടെ ശിപാർശ കത്തിനൊപ്പം ലഭ്യമാക്കണം. തിരഞ്ഞെടുക്കപ്പെടുന്ന വിദ്യാർത്ഥികൾ 500 രൂപ ഇന്റേൺഷിപ്പ് ഫീസടക്കണം.

മലപ്പുറം ജില്ലയില്‍ ആകെ പോസ്റ്റല്‍ വോട്ട് രേഖപ്പെടുത്തിയത് 33,924 പേർ. ആബ്സൻ്റി വോട്ടർമാരുടെ വിഭാഗത്തിൽ 18,375 പേരും പോളിംഗ് ഉദ്യോഗസ്ഥരുടെ വിഭാഗത്തിൽ 15,549 പേരും പോസ്റ്റൽ വോട്ടു ചെയ്തു. ഹോം വോട്ടിംഗ് അനുവദിച്ച 85 വയസിനു മുകളിലുള്ള മുതിര്‍ന്ന പൗരന്‍മാര്‍, ഭിന്നശേഷിക്കാര്‍, പി.വി.സികളിൽ വോട്ടു ചെയ്ത അവശ്യസര്‍വീസ്  വിഭാഗക്കാർ എന്നിവരാണ് അബ്സൻ്റീ വോട്ടർമാരുടെ വിഭാഗത്തിൽ ഉൾപ്പെടുന്നത്. 85ന് മുകളില്‍ പ്രായമുള്ള 10,595 മുതിര്‍ന്ന പൗരന്‍മാരും ഭിന്നശേഷി വിഭാഗത്തില്‍ 6636 പേരും അവശ്യ സര്‍വീസ് വിഭാഗത്തില്‍ 1144 പേരുമാണ് ജില്ലയില്‍ പോസ്റ്റല്‍ വോട്ട് രേഖപ്പെടുത്തിയത്.

റൂട്രോണിക്‌സ് നടത്തുന്ന ഒരു വര്‍ഷം ദൈര്‍ഘ്യമുള്ള പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ കോഴ്‌സിലേക്ക് അപേക്ഷ ക്ഷണിച്ചു. തിരുവനന്തപുരം, ആറ്റിങ്ങല്‍ പഠനകേന്ദ്രങ്ങളിലെ അംഗീകൃത കോഴ്‌സില്‍ റെഗുലര്‍, പാര്‍ട്ട് ടൈം ബാച്ചുകളിലേക്ക് പ്ലസ് ടു യോഗ്യതയുള്ളവര്‍ക്ക് ഇന്റേണ്‍ഷിപ്പോടെ അഡ്മിഷന്‍ നേടാം. കൂടുതല്‍ വിവരങ്ങള്‍ക്ക് 7994926081 എന്ന നമ്പറില്‍ ബന്ധപ്പെടുക.

ലോക ഹോമിയോപ്പതി ദിനാചരണത്തോടനുബന്ധിച്ച് ഹോമിയോപ്പതി വകുപ്പിന്റെ നേതൃത്വത്തില്‍ തൃശ്ശൂര്‍ റെയില്‍വേ സ്റ്റേഷനില്‍ പ്രത്യേക റിസപ്ഷന്‍ ബൂത്തും മരുന്ന് വിതരണവും സംഘടിപ്പിച്ചു. സുസ്ഥിര ആരോഗ്യ സംരക്ഷണം ലക്ഷ്യമിട്ട് ഒരുക്കിയ ബൂത്തിന്റെ ഉദ്ഘാടനം റെയില്‍വേ കമേര്‍ഷ്യല്‍ മാനേജര്‍ അജയ് ശങ്കര്‍ നിര്‍വ്വഹിച്ചു. യാത്രക്കാര്‍ക്കായി ശുഭയാത്ര എന്ന പേരില്‍ ഹോമിയോ മരുന്ന് കിറ്റുകളും വിതരണം ചെയ്തു.

കേരള സ്റ്റേറ്റ് റൂട്രോണിക്സ് തിരുവനന്തപുരം ആറ്റിങ്ങലിലെ അംഗീകൃത പഠനകേന്ദ്രങ്ങളിലേക്ക് ഒരു വര്‍ഷത്തെ പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ കോഴ്‌സിലേക്ക് അപേക്ഷ ക്ഷണിച്ചു. പ്ലസ് ടു യോഗ്യതയുള്ളവര്‍ക്ക് അപേക്ഷിക്കാം. ഇന്റേണ്‍ഷിപ്പോടു കൂടിയ ഡിപ്ലോമ കോഴ്‌സിന് റെഗുലര്‍, പാര്‍ട്ട് ടൈം ബാച്ചുകള്‍ ലഭ്യമാണ്. പരിശീലനം വിജയകരമായി പൂര്‍ത്തിയാക്കുന്നവര്‍ക്ക് റൂട്രോണിക്സിന്റെ അംഗീകൃത സര്‍ട്ടിഫിക്കറ്റ് ലഭിക്കും. ഫോണ്‍: 7994926081.

കേരളത്തില്‍ താപനില ഉയരുന്ന സാഹചര്യത്തില്‍ വളര്‍ത്തുമൃഗങ്ങളുടെ ആരോഗ്യ സംരക്ഷണത്തിനായി മൃഗസംരക്ഷണ വകുപ്പ് പ്രത്യേക ജാഗ്രത നിര്‍ദ്ദേശങ്ങള്‍ പുറപ്പെടുവിച്ചു. മനുഷ്യരെപ്പോലെ തന്നെ മൃഗങ്ങള്‍ക്കും അമിതചൂട് (ഹീറ്റ് സ്‌ട്രോക്ക്) ഗുരുതരമായ ആരോഗ്യപ്രശ്‌നങ്ങള്‍ക്കും മരണത്തിനും വരെ കാരണമായേക്കാം. മുന്‍കരുതലായി 24 മണിക്കൂറും കുടിക്കാന്‍ ശുദ്ധജലം ഉറപ്പാക്കുക. കഠിനമായ വേനലില്‍ മൃഗങ്ങളെ കെട്ടിയിടാതിരിക്കുക. രാവിലെയും വൈകിട്ടും മാത്രം വാഹനങ്ങളില്‍ മൃഗങ്ങളെ കൊണ്ടുപോകുക. രാവിലെ 11 മുതല്‍ വൈകിട്ട് 3 വരെ കന്നുകാലികളെ പണികള്‍ക്കായി ഉപയോഗിക്കുന്നതും തുറന്ന സ്ഥലങ്ങളില്‍ മേയാന്‍ വിടുന്നതും ഒഴിവാക്കുക.

2,839 പോളിംഗ് സ്റ്റേഷനുകളിലായി 19,53,064 പേര്‍ വോട്ട് രേഖപ്പെടുത്തി

2026 നിയമസഭാ തിരഞ്ഞെടുപ്പില്‍ തൃശ്ശൂര്‍ ജില്ലയില്‍ 77.11 ശതമാനം പോളിങ് രേഖപ്പെടുത്തി. ജില്ലയിലെ 13 നിയോജക മണ്ഡലങ്ങളിലെ 2,839 പോളിംഗ് സ്റ്റേഷനുകളിലായി 19,53,064 പേര്‍ വോട്ട് രേഖപ്പെടുത്തി. 9,08,914 പുരുഷ വോട്ടര്‍മാരും 10,44,141 സ്ത്രീ വോട്ടര്‍മാരും 9 ട്രാന്‍സ്‌ജെന്‍ഡര്‍ വോട്ടര്‍മാരുമാണ് വോട്ട് രേഖപ്പെടുത്തിയത്. ജില്ലയിലാകെ 25,32,715 വോട്ടര്‍മാരാണുള്ളത്.

സമയം: 9.15 PM

തൃശ്ശൂര്‍ ജില്ലയിലെ നിയമസഭാ തിരഞ്ഞെടുപ്പ് രാത്രി 9.15 വരെ 77.10 ശതമാനം പോളിംഗ് പൂർത്തിയായി.

*മണ്ഡലം തിരിച്ചുള്ള പോളിംഗ് നില*

*ചേലക്കര* 78.89 ശതമാനം 

*കുന്നംകുളം* 77.13 ശതമാനം 

*ഗുരുവായൂർ* 73.31 ശതമാനം 

 *മണലൂർ* 75.89 ശതമാനം 

*വടക്കാഞ്ചേരി* 79.61 ശതമാനം 

*ഒല്ലൂർ* 79.60 ശതമാനം 

*തൃശ്ശൂർ* 75.70 ശതമാനം 

*നാട്ടിക* 76.38 ശതമാനം 

*കയ്പമംഗലം* 77.07 ശതമാനം 

*ഇരിങ്ങാലക്കുട* 76.86 ശതമാനം 

*പുതുക്കാട്* 78.98 ശതമാനം