നിയമസഭാ തിരഞ്ഞെടുപ്പിനോടനുബന്ധിച്ച് ജില്ലാ ഭരണകൂടം നടപ്പിലാക്കിയ സ്വീപ് ക്യാമ്പയിന്‍ ഇങ്ക് ഇറ്റ് കണ്ണൂരിന്റെ ഭാഗമായ വിദ്യാർത്ഥികളെ ജില്ലാ ഭരണകൂടത്തിന്റെ നേതൃത്വത്തില്‍ അനുമോദിച്ചു. വിവിധ ബോധവൽക്കരണ പരിപാടികളിലും മാതൃകാ പോളിംഗ് ബൂത്ത് സജ്ജീകരണത്തിലും പങ്കാളികളായ കണ്ണൂര്‍ സർവ്വകലാശാലയ്ക്ക് കീഴിലുള്ള വിവിധ കോളേജുകളിലെ എന്‍ എസ് എസ് വോളന്റിയർമാരായ വിദ്യാർത്ഥികൾക്കാണ് ജില്ലാ കലക്ടര്‍ അരുണ്‍ കെ വിജയന്‍  സര്‍ട്ടിഫിക്കറ്റുകള്‍ നൽകി അനുമോദിച്ചത്. 

 -പോലിസ് അന്വേഷണം ഊർജിതം

​അഞ്ചരക്കണ്ടി മെഡിക്കൽ കോളേജിലെ ഒന്നാം വർഷ ബി.ഡി.എസ് വിദ്യാർത്ഥി നിതിൻരാജിന്റെ മരണവുമായി ബന്ധപ്പെട്ട് ചക്കരക്കൽ പോലീസ് രജിസ്റ്റർ ചെയ്ത കേസിൽ ബി.എൻ.എസ്.എസ് വകുപ്പ് 108 (ആത്മഹത്യാ പ്രേരണ), എസ്‌സി/എസ്ടി പീഡന നിരോധന നിയമം എന്നീ വകുപ്പുകൾ കൂടി ചേർത്തു. മരിച്ച നിതിൻരാജിന്റെ പിതാവ് രാജൻ നൽകിയ പരാതിയുടെ അടിസ്ഥാനത്തിലാണ് നടപടി. 

വിഷയത്തിന്റെ ഗൗരവം കണക്കിലെടുത്ത് വിശദ അന്വേഷണം നടത്താൻ പ്രത്യേക അന്വേഷണ സംഘം രൂപീകരിച്ചു. കണ്ണൂർ എ.സി.പി  ഹരിപ്രസാദിനാണ് അന്വേഷണ ചുമതല. 

-പയ്യന്നൂരിൽ സമാധാനം പുന:സ്ഥാപിക്കും

തിരഞ്ഞെടുപ്പുമായി ബന്ധപ്പെട്ട് പയ്യന്നൂർ നിയോജകമണ്ഡലത്തിൽ ഇതുവരെ നടന്ന മുഴുവൻ അക്രമ സംഭവങ്ങളിലും കേസെടുത്ത് നടപടി സ്വീകരിക്കാൻ ശനിയാഴ്ച്ച എ.ഡി. എമ്മിന്റെ അധ്യക്ഷതയിൽ ചേർന്ന യോഗം പോലീസിനോട് നിർദേശിച്ചു.

രാഷ്ട്രീയ പാർട്ടി നേതാക്കളെയോ സ്ഥാനാർഥികളെയോ വ്യക്തിപരമായി അപകീർത്തിപ്പെടുത്തുന്ന പ്രസ്താവനകളോ പരാമർശങ്ങളോ നടത്താൻ പാടില്ല. സമാധാന അന്തരീക്ഷം പുന:സ്ഥാപിക്കാൻ പോലീസ് പിക്കറ്റുകളുടെ എണ്ണം കൂട്ടുകയും കൂടുതൽ പോലീസിനെ ഉൾപ്പെടുത്തി പെട്രോളിംഗ് കർശനമാക്കാനും യോഗം തീരുമാനിച്ചു. 

-ഹോം വോട്ട്, തപാൽ വോട്ടുകൾ എന്നിവ കൂടി ചേർത്തുള്ള കണക്ക്

-കൂടുതൽ മട്ടന്നൂരിൽ; കുറവ് ഇരിക്കൂറിൽ

-2021 ലും ജില്ലയിലെ വോട്ടിംഗ് ശതമാനം 80.2

ജില്ലയിലെ 11 നിയമസഭ മണ്ഡലങ്ങളിലേക്കുള്ള തിരഞ്ഞെടുപ്പ് പൂർത്തിയായശേഷം ബൂത്തുകളിൽ പോൾ ചെയ്യപ്പെട്ട വോട്ടുകളുടെ കൂടെ ഹോം വോട്ടുകൾ, തപാൽ വോട്ടുകൾ എന്നിവ കൂട്ടിയപ്പോൾ കണ്ണൂർ ജില്ലയിലെ അന്തിമ പോളിംഗ് ശതമാനം 80.2. 

കനത്ത പോലീസ്, കേന്ദ്ര സേനകളുടെ സുരക്ഷയിലാണ് വ്യാഴാഴ്ച്ച വോട്ടിംഗ് പൂർത്തിയായശേഷം സ്ട്രോങ്ങ്‌ റൂമിലേക്ക് മാറ്റിയ വോട്ടിംഗ് യന്ത്രങ്ങൾ. 

കുടുംബശ്രീയും സ്റ്റേറ്റ് ഇന്‍ഷൂറന്‍സ് വകുപ്പും എൽ.ഐ.സിയും സംയുക്തമായി നടപ്പിലാക്കുന്ന ജീവന്‍ ദീപം ലൈഫ് ഇന്‍ഷൂറന്‍സ് ക്യാമ്പയിന്‍ ഏപ്രില്‍ 20ന് അവസാനിക്കും. വിവിധ ലോണുകള്‍ എടുക്കുന്ന കുടുംബശ്രീ അംഗങ്ങള്‍ക്ക് ഇന്‍ഷൂറന്‍സ് സ്കീമില്‍ അംഗത്വമെടുക്കുന്നത് നിര്‍ബന്ധമാക്കിയ സാഹചര്യത്തിലാണ് ക്യാമ്പയിൻ നടത്തുന്നത്. ജില്ലയിൽ ഇതുവരെ 55000 കുടുംബശ്രീ അംഗങ്ങള്‍ പദ്ധതിയുടെ ഭാഗമായി. അയല്‍കൂട്ട അംഗത്തിന് സ്വാഭാവിക മരണത്തിന് 200000 രൂപ ഇന്‍ഷൂറന്‍സ് പരിരക്ഷ ലഭിക്കും. 18 വയസ്സു മുതല്‍ 74 വയസ്സ് വരെയുളള കുടുംബശ്രീ അംഗങ്ങള്‍ക്ക് പദ്ധതിയിൽ അംഗമാവാം.

പത്താംതരം തുല്യത നേടിയ കല്‍പറ്റ നഗരസഭ ചെയര്‍പേഴ്‌സണ്‍ പി വിശ്വനാഥനും വൈസ് ചെയര്‍ പേഴ്‌സണ്‍ എസ് സൗമ്യയും പ്ലസ് വണ്‍ പഠനത്തിന് ഒരുങ്ങുന്നു. കല്‍പറ്റ എസ്.കെ.എം.ജെ. സ്‌കൂളില്‍ നിന്നായി 56 പേരാണ് ഇവര്‍ക്കൊപ്പം പരീക്ഷയെഴുതിയത്. പഠിതാക്കള്‍ സ്‌കൂളില്‍ ഒത്തുചേര്‍ന്ന് അനുഭവങ്ങള്‍ പങ്കുവച്ചു. പഠനം ഇടവിട്ടുപോയവര്‍ക്ക് വീണ്ടും വിദ്യാഭ്യാസ രംഗത്തേക്ക് മടങ്ങിയെത്താന്‍ തുല്യത സംവിധാനം സഹായകരമാകുന്നതിന്റെ ഉദാഹരണമാണ് ഈ വിജയമെന്ന് സാക്ഷരത മിഷന്‍ കോ-ഓര്‍ഡിനേറ്റര്‍ പ്രശാന്ത് കുമാര്‍ പറഞ്ഞു.

ബിസില്‍ ട്രെയിനിംഗ് ഡിവിഷന്‍ പി.ജി. ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍, പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍, ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ എന്നീ കോഴ്‌സുകളില്‍ അപേക്ഷ ക്ഷണിച്ചു. ഓണ്‍ലൈന്‍, റെഗുലര്‍, പാര്‍ട്ട് ടൈം ബാച്ചുകള്‍ വഴി പഠിക്കാം. ഫോണ്‍: 7994449314

മാനന്തവാടി അസാപ് കമ്മ്യൂണിറ്റി സ്‌കില്‍ പാര്‍ക്കില്‍ അവധിക്കാല കോഴ്സുകളിലേക്ക് പ്രവേശനം ആരംഭിച്ചു. ഐ.ടി, ഫിനാന്‍സ്, ബിസിനസ്, ഡിജിറ്റല്‍ സ്‌കില്‍സ് തുടങ്ങിയ മേഖലകളില്‍ പരിശീലനവും അസാപ്പ് ഐ ലൈക് കോഴ്‌സുകളും ലഭ്യമാണ്.
ഓപ്പണ്‍ സെസമി ബിഗിന്നേഴ്‌സ് കോഴ്‌സില്‍ 12 വയസിന് മുകളിലുള്ള വിദ്യാര്‍ത്ഥികള്‍ക്ക് പങ്കെടുക്കാം. എസെന്‍ഷ്യല്‍ ഇംഗ്ലീഷ് ആന്‍ഡ് സോഫ്റ്റ് സ്‌കില്‍സ് കോഴ്‌സില്‍ പത്താം ക്ലാസ് പാസായവര്‍ക്ക് പങ്കെടുക്കാം. ഫോണ്‍ -9495999669

മീനങ്ങാടി ഗവ. പോളിടെക്‌നിക് കോളേജിലെ തുടര്‍ വിദ്യാഭ്യാസ കേന്ദ്രത്തില്‍ പ്രവര്‍ത്തിക്കുന്ന ഡ്രൈവിംഗ് സ്‌കൂളില്‍ കുറഞ്ഞ നിരക്കില്‍ ടു വീലര്‍ ഫോര്‍ വീലര്‍ ഡ്രൈവിംഗ് പരിശീലിപ്പിച്ച് ലൈസന്‍സ് എടുത്തു കൊടുക്കുന്നു. ഫോണ്‍ -8281362097, 8848010155