നവകേരളം സിറ്റിസൺസ് റെസ്പോൺസ് പ്രോഗ്രാം വികസനക്ഷേമ പഠന പരിപാടി 

വളണ്ടിയർമാർക്കുള്ള പനത്തടി പഞ്ചായത്ത് തല പരിശീലനം പാണത്തൂരിൽ പനത്തടി പഞ്ചായത്ത് ഹാളിൽ നടന്നു. പഞ്ചായത്ത്‌ പ്രസിഡന്റ് പി രഘുനാഥ് പരിശീലന പരിപാടി ഉദ്ഘാടനം ചെയ്തു. വൈസ് പ്രസിഡൻറ് എം പത്മകുമാരി അധ്യക്ഷയായി. വാർഡ് മെമ്പർമാരായ ബി രതീഷ്,ഐ സി ഐസക്

അനിലകുമാരി,കെ മോഹൻദാസ് കെ 

ബാലകൃഷ്ണൻ

മുൻ പഞ്ചായത്ത് പ്രസിഡൻറ് മാരായ എംവി കൃഷ്ണൻ പി ജി മോഹനൻ എന്നിവർ പങ്കെടുത്തു

നവകേരളം റിസോഴ്സ് പേഴ്സൺ കെ കെ രാഘവൻ മാസ്റ്റർ, എം വേണുഗോപാലൻ, ബി ഉഷ, പ്രമോദ് എന്നിവർ ക്ലാസെടുത്തു

സപ്ലൈകോയുടെ അമ്പതാം വാർഷികാഘോഷങ്ങളുടെ ഭാഗമായി സംസ്ഥാനത്തെ മാവേലി സ്റ്റോറുകളെ സൂപ്പർ സ്റ്റോറുകളായി ഉയർത്തുന്നതിനും കൂടുതൽ കേന്ദ്രങ്ങളിലേക്ക് സേവനം വ്യാപിപ്പിക്കുന്നതിനുമാണ് സർക്കാർ മുൻഗണന നൽകുന്നതെന്ന് ഭക്ഷ്യ-പൊതുവിതരണ വകുപ്പ് മന്ത്രി ജി.ആർ. അനിൽ. പെരിയ സപ്ലൈകോ സൂപ്പർ മാർക്കറ്റിന്റെ ഉദ്ഘാടനം ഓൺലൈനായി നിർവഹിച്ച് സംസാരിക്കുകയായിരുന്നു അദ്ദേഹം.

വിലക്കയറ്റത്തിൽ നിന്ന് ജനങ്ങൾക്ക് ആശ്വാസം നൽകുക എന്ന ലക്ഷ്യത്തോടെ കൂടുതൽ ജനങ്ങളിലേക്ക് സപ്ലൈകോയുടെ സേവനങ്ങൾ എത്തിക്കാനാണ് സർക്കാർ ശ്രമിക്കുന്നതെന്നും മന്ത്രി പറഞ്ഞു.

റോഡ് ഷോ 30 വരെ തിരുവനന്തപുരത്ത് സമാപനം

കേരള സംസ്ഥാന ബാലാവകാശ സംരക്ഷണ കമ്മിഷന്റെ ഇന്റർനെറ്റ് റേഡിയോ റേഡിയോ നെല്ലിക്കയുടെ പ്രചരാണാർത്ഥം എല്ലാ ജില്ലകളിലെയും സ്കൂളുകൾ കേന്ദ്രീകരിച്ച് സംഘടിപ്പിക്കുന്ന റോഡ് ഷോ യുടെ സംസ്ഥാന തല ഉദ്ഘാടനം പെരിയ ജവഹർ നവോദയ യിൽ നടന്നു. കുട്ടികളും അധ്യാപകരും രക്ഷിതാക്കളും യുവജനങ്ങളും പങ്കെടുക്കുന്ന ബാലാവകാശ ബോധവൽക്കരണ റോഡ്ഷോ 30 ന് തിരുവനന്തപുരത്ത് സമാപിക്കും. ജവഹർ നവോദയ വിദ്യാലയത്തിൽ പ്രമുഖ മജീഷ്യൻ ഗോപിനാഥ് മുതുകാട് ഉദ്ഘാടനം ചെയ്തു. ചടങ്ങിൽ കമ്മിഷൻ ചെയർപേഴ്സൺ കെ.വി മനോജ്കുമാർ അധ്യക്ഷത വഹിച്ചു..

കോട്ടയം: ജില്ലയിലെ  മുഴുവൻ പത്താം ക്ലാസ് വിദ്യാർത്ഥികൾക്കും  ജനുവരി പതിനഞ്ചിനകം  കൈറ്റിൻ്റെ ആഭിമുഖ്യത്തിൽ റോബോട്ടിക്സിൽ  പരിശീലനം നൽകും .  പത്താം ക്ലാസ്സിലെ പുതുക്കിയ ഐ.ടി പാഠപുസ്തകത്തിൽ ഉൾപ്പെടുത്തിയിട്ടുള്ള റോബോട്ടിക്സ് പാഠഭാഗങ്ങൾ പ്രായോഗികമായി പഠിക്കാനും ഈ വർഷത്തെ എസ്.എസ്.എൽ.സി. പരീക്ഷയ്ക്ക് തയ്യാറെടുക്കാനും  കുട്ടികൾക്ക് അധിക പിന്തുണ എന്ന നിലയിലാണ് ലിറ്റിൽ കൈറ്റ്സ്‌ ഐ.ടി ക്ലബുകളുടെ  നേതൃത്വത്തിൽ പരിശീലനം നടത്തുന്നത്.

കോട്ടയം: ഇന്ത്യയിലെ ആദ്യത്തെ ഭാഷാ- സാഹിത്യ-സാംസ്കാരിക മ്യൂസിയമായ അക്ഷരം മ്യൂസിയം സംഘടിപ്പിക്കുന്ന ലെറ്റർ ടൂറിസം പരിപാടിക്ക് തുടക്കം. മറിയപ്പള്ളി അക്ഷരം മ്യൂസിയത്തിൽ നിന്നാരംഭിച്ച യാത്ര സഹകരണം-തുറമുഖം-ദേവസ്വം വകുപ്പ് മന്ത്രി വി.എൻ വാസവൻ ഫ്ലാഗ് ഓഫ്‌ ചെയ്തു.

ഐതിഹ്യമാലയുടെ കർത്താവായ കൊട്ടാരത്തിൽ ശങ്കുണ്ണിയുടെ സ്മാരകം മുതൽ അച്ചടിപാരമ്പര്യത്തിന്റെ മുഖമുദ്രയായ സി.എം.എസ് പ്രസ്സ് വരെയുള്ള പത്തിലേറെ ചരിത്ര-പൈതൃക കേന്ദ്രങ്ങളിലേക്കാണ് ലെറ്റർ ടൂറിസം യാത്ര.

കോട്ടയം: ഇന്ത്യയിലെ ആദ്യത്തെ ഭാഷാ- സാഹിത്യ-സാംസ്കാരിക മ്യൂസിയമായ അക്ഷരം  മ്യൂസിയം  സംഘടിപ്പിക്കുന്ന ലെറ്റർ ടൂറിസം സർക്യൂട്ടിന് ശനിയാഴ്ച (10/01/2026) തുടക്കം കുറിക്കും.

അക്ഷരം മ്യൂസിയത്തിൽ വെച്ച് രാവിലെ 9 മണിക്ക് സഹകരണം -തുറമുഖം -ദേവസ്വം വകുപ്പ് മന്ത്രി വി. എൻ. വാസവൻ ഫ്ലാഗ് ഓഫ് കർമ്മം നിർവഹിക്കും.

കോട്ടയം: സംസ്ഥാന സ്‌കൂൾ കലോത്സവത്തിനു മുന്നോടിയായുള്ള  സ്വർണ്ണ കപ്പ് ഘോഷയാത്രയ്ക്ക് ജില്ലയിൽ പ്രൗഢോജ്വല സ്വീകരണം. കോട്ടയം മാമൻ മാപ്പിള ഹാൾ അങ്കണത്തിൽനിന്ന് സെന്റ് ആൻസ് ഗേൾസ് ഹയർസെക്കൻഡറി സ്‌കൂളിൽ എത്തിയ ഘോഷയാത്രയെ സഹകരണം-തുറമുഖം-ദേവസ്വം വകുപ്പ് മന്ത്രി വി.എൻ. വാസവന്റെ നേതൃത്വത്തിൽ സ്വീകരിച്ചു.

കോട്ടയം: കേരളത്തിന്റെ ആവേശോജ്ജ്വലമായ സാമൂഹിക പുരോഗതിയുടെ ചരിത്രത്തെ അടിസ്ഥാനപ്പെടുത്തിയുള്ള വിജ്ഞാന യാത്ര-ചീഫ് മിനിസ്റ്റേഴ്സ് മെഗാക്വിസ് മത്സരം സംസ്ഥാനവ്യാപകമായി ജനുവരി 12 ന് രാവിലെ 11 ന് ആരംഭിക്കും. സ്‌കൂൾ  കോളേജ് വിദ്യാർഥികൾക്കുള്ള പ്രാഥമികതല മത്സരങ്ങളുടെ ഒരുക്കങ്ങൾ പൂർത്തിയായി. പന്ത്രണ്ടായിരത്തോളം സ്‌കൂളുകളിലും 1200 ലധികം കോളേജുകളിലും നടക്കുന്ന ക്വിസ് മൽസരത്തിൽ അഞ്ച് ലക്ഷത്തിലധികം വിദ്യാർഥികൾ പങ്കെടുക്കുമെന്നാണ് പ്രതീക്ഷിക്കുന്നത്.

പത്താമത് സായുധസേന വെറ്ററൻസ് ദിനാഘോഷം ജനുവരി 14-ന് രാവിലെ പത്ത് മണിക്ക് തൃശൂർ കുട്ടനല്ലൂർ ഇ.സി.എച്ച്.എസ്  പോളിക്ലിനിക്കിൽ നടക്കും. ജനറൽ ഓഫീസർ കമാൻഡിംഗ്, കേരള & കർണാടക സബ് ഏരിയയുടെ പേരിൽ ഗോൾഡൻ പാം കാന്റീൻ (ആർമി കാന്റീൻ)യും ഇ.സി.എച്ച്.എസ് തൃശൂരും സംയുക്തമായാണ് പരിപാടി സംഘടിപ്പിക്കുന്നത്. സ്വാർത്ഥരഹിതമായ സേവനത്തിനും ത്യാഗങ്ങൾക്കും വേണ്ടി മുൻ സൈനികർക്ക് ആദരവ് അർപ്പിക്കുകയും, ഈ ധീര സേനാനികളുടെ അടുത്ത ബന്ധുക്കളോടുള്ള ഐക്യദാർഢ്യം ശക്തിപ്പെടുത്തുകയും ചെയ്യുന്നതാണ് പരിപാടിയുടെ ലക്ഷ്യം

തൃശ്ശൂർ ഗവ. ഡെൻ്റൽ മെഡിക്കൽ കോളേജിൽ റേഡിയോഗ്രാഫർ ട്രെയ്നി നിയമനത്തിന് അപേക്ഷ ക്ഷണിച്ചു. ഡിപ്ലോമ ഇൻ റേഡിയോളജി ടെക്നോളജി അല്ലെങ്കിൽ ഡി.ആർ.ആർ.ടി/ സി.ആർ.എ യോഗ്യതയുള്ളവർക്ക് അപേക്ഷിക്കാം. ജനുവരി 14 ന് രാവിലെ 11 മണിക്ക്
തൃശ്ശൂർ ഗവ. ഡെൻ്റൽ മെഡിക്കൽ കോളേജ് ഓഫീസിൽ  അഭിമുഖം നടക്കും. താത്പര്യമുള്ളവർ എല്ലാ അസൽ സർട്ടിഫിക്കറ്റുകൾ സഹിതം അഭിമുഖത്തിന് ഹാജരാവുക. 5000 രൂപയാണ് പ്രതിമാസ വേതനം. കൂടുതൽ വിവരങ്ങൾക്ക് ഫോൺ: 0487 2206200.