അടൂര്‍ ജനറല്‍ ആശുപത്രിയിലെ ഈവനിംഗ് ഒപി യിലേക്ക് താല്‍കാലിക വനിത ഡോക്ടറെ നിയമിക്കുന്നു. എം ബി ബി എസ്, ടിസിഎംസി  രജിസ്‌ട്രേഷന്‍ യോഗ്യതയുളള എസ് സി വിഭാഗക്കാര്‍ അസല്‍ സര്‍ട്ടിഫിക്കറ്റുകളും  സാക്ഷ്യപ്പെടുത്തിയ പകര്‍പ്പുകളും സഹിതം  ജനുവരി 15 ന് രാവിലെ 10.30ന് ആശുപത്രി സൂപ്രണ്ട് ഓഫീസില്‍ നടക്കുന്ന  അഭിമുഖത്തിന് ഹാജരാകണം. നഗരസഭ പരിധിയിലുളളവര്‍ക്ക് മുന്‍ഗണന. പ്രായപരിധി 40 വയസ്.  ഫോണ്‍ : 04734 223236.

നൈപുണ്യ വികസന പരിശീലനത്തില്‍ പങ്കെടുക്കുന്നവര്‍ക്കും വിവിധ മത്സര പരീക്ഷകള്‍ക്ക് തയ്യാറെടുക്കുന്നവര്‍ക്കുമായി തൊഴില്‍പരിശീലനത്തിന് പ്രതിമാസം 1000 രൂപ സാമ്പത്തിക സഹായം നല്‍കുന്ന മുഖ്യമന്ത്രിയുടെ കണക്ട് ടു വര്‍ക്ക് പദ്ധതിയിലേക്ക് അപേക്ഷിക്കാം. കുടുംബ വാര്‍ഷിക വരുമാനം ഒരു ലക്ഷം രൂപയില്‍ കവിയാത്ത 18 - 30 പ്രായപരിധിയിലുളളവരായിരിക്കണം.  വെബ്സൈറ്റ്: www.eemployment.kerala.gov.in  ഫോണ്‍ :04734 224810

കോട്ടയം: നവകേരളം സിറ്റിസൺ റെസ്‌പോൺസ് പ്രോഗ്രാമിന്റെ കോട്ടയം ജില്ലയിലെ പ്രവർത്തനങ്ങൾ കൂടുതൽ ഊർജ്ജിതമാക്കാൻ ജില്ലാ കളക്ടർ ചേതൻകുമാർ മീണയുടെ അധ്യക്ഷതയിൽ ചേർന്ന അവലോകന യോഗം തീരുമാനിച്ചു. പൊതുജനങ്ങളെ  സന്ദർശിച്ച്  സംസ്ഥാനത്തിന്റെ വികസനത്തിനായി അവരിൽനിന്ന് ആശയങ്ങളും അഭിപ്രായങ്ങളും സ്വീകരിക്കുന്ന പരിപാടിയുടെ ജില്ലയിലെ ഇതുവരെയുള്ള പുരോഗതി യോഗം വിലയിരുത്തി.

സർക്കാർ നിർദേശപ്രകാരം ഭവന സന്ദർശന പ്രവർത്തനങ്ങൾ സമയബന്ധിതമായി പൂർത്തീകരിക്കുന്നു എന്ന് ഉറപ്പാക്കാൻ നിയമസഭാ മണ്ഡലങ്ങളുടെയും തദ്ദേശ സ്ഥാപനങ്ങളുടെയും ചുമതലയുള്ളവർ നടപടി സ്വീകരിക്കണമെന്ന് കളക്ടർ നിർദേശിച്ചു.

കുഷ്ഠരോഗ നിര്‍മാര്‍ജന യജ്ഞത്തിന്റെ ഭാഗമായി ആരോഗ്യ വകുപ്പ് നടത്തുന്ന അശ്വമേധം 7.0 ഭവന സന്ദര്‍ശനത്തിന് ജില്ലയില്‍ തുടക്കം. ജില്ലാതല ഉദ്ഘാടനം കുളനട വ്യാപാര ഭവനില്‍ ഗ്രാമപഞ്ചായത്ത് പ്രസിഡന്റ് പോള്‍ രാജന്‍ നിര്‍വഹിച്ചു. പന്തളം ബ്ലോക്ക് പഞ്ചായത്ത് പ്രസിഡന്റ് വിനീത അനില്‍  അധ്യക്ഷയായി. സിഗ്‌നേച്ചര്‍ കാമ്പയിന്‍ കലാകാരന്‍ സുനില്‍ വിശ്വം ഉദ്ഘാടനം ചെയ്ത് പോസ്റ്റര്‍ പ്രകാശനം നടത്തി.

മഞ്ഞനിക്കര- ഇലവുംതിട്ട- കോട്ട റോഡില്‍ കോട്ട ജംഗ്ഷനില്‍ കലുങ്ക് നിര്‍മ്മാണം ആരംഭിച്ചതിനാല്‍ മുളക്കുഴ- കോട്ട ഭാഗത്ത് കൂടി പത്തനംതിട്ട, ചെങ്ങന്നൂര്‍ എന്നിവിടങ്ങളിലേക്കുളള ഗതാഗതം രണ്ട് മാസത്തേക്ക് നിരോധിച്ചു. വാഹനങ്ങള്‍ കിടങ്ങന്നൂര്‍- കുറിച്ചിമുട്ടം- ചെങ്ങന്നൂര്‍ റോഡ് വഴി പോകണം.

ജനുവരി മാസത്തില്‍ റേഷന്‍ കട വഴി എഎവൈ (മഞ്ഞ) കാര്‍ഡിന് 30 കിലോ അരിയും രണ്ട് കിലോ ഗോതമ്പും സൗജന്യമായും പരമാവധി മൂന്ന് പാക്കറ്റ് ആട്ട ഏഴ് രൂപ നിരക്കിലും ലഭിക്കും.

പി എച്ച് എച്ച് (പിങ്ക്) കാര്‍ഡിലെ ഓരോ അംഗത്തിനും നാല് കിലോ അരിയും ഒരു കിലോ ഗോതമ്പും സൗജന്യമായും കാര്‍ഡിന് പരമാവധി നാല് പാക്കറ്റ് ആട്ട ഒമ്പത് രൂപ നിരക്കിലും ലഭിക്കും.

ചെന്നീര്‍ക്കര സര്‍ക്കാര്‍ ഐടിഐയില്‍ പ്രൊഫഷണല്‍ ഡിപ്ലോമ ഇന്‍ ഏവിയേഷന്‍ മാനേജ്‌മെന്റ് ആന്‍ഡ് എയര്‍ലൈന്‍ ക്യാബിന്‍ ക്രൂ (ഒരു വര്‍ഷം), പ്രൊഫഷണല്‍ ഡിപ്ലോമ ഇന്‍ ഹോട്ടല്‍ മാനേജ്‌മെന്റ് ആന്‍ഡ് എക്‌സിക്യൂട്ടീവ് ഷെഫ് (ഒരു വര്‍ഷം ) , ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ ആന്‍ഡ് ഹെല്‍ത്ത് കെയര്‍ മാനേജ്‌മെന്റ്  (ആറു മാസം ), ബ്രൈഡല്‍ ഫാഷന്‍ പോര്‍ട്ട് ഫോളിയോ മേക്കപ്പ് ആര്‍ട്ടിസ്റ്റ് (30 ദിവസം) എന്നീ കോഴ്‌സുകളിലേക്ക് പ്രവേശനം ആരംഭിച്ചു. യോഗ്യത : പ്ലസ് ടു/ബിരുദം
ഫോണ്‍ : 7306119753.

കോട്ടയം: ജില്ലയുടെ വികസന ആസൂത്രണത്തിന് പുതിയ തുടക്കമിട്ട് പുതുതായി തിരഞ്ഞെടുക്കപ്പെട്ട തദ്ദേശസ്ഥാപന അധ്യക്ഷന്മാരുടെ ആദ്യയോഗം. ജില്ലാ ആസൂത്രണ സമിതിയുടെ നേതൃത്വത്തിൽ നടന്ന യോഗത്തിൽ ജില്ലാ ആസൂത്രണ സമിതി അധ്യക്ഷൻ ജോഷി ഫിലിപ്പ് അധ്യക്ഷത വഹിച്ചു.  ജില്ലയിലെ ജനകീയ പ്രശ്നങ്ങൾക്ക് പരിഹാരം കാണാൻ എല്ലാവരും ഒറ്റക്കെട്ടായി പ്രവർത്തിക്കണമെന്ന് അദ്ദേഹം പറഞ്ഞു.

ദേശീയ വിര വിമുക്ത ദിനത്തിന്റെ ഭാഗമായി ജില്ലയിലെ 938 സ്‌കൂളുകളിലും 1386 അങ്കണവാടികളിലും വിര മുക്ത ഗുളിക നല്‍കി. പദ്ധതിയുടെ ജില്ലാതല ഉദ്ഘാടനം വെച്ചൂച്ചിറ ഉന്നതി സര്‍ക്കാര്‍ ഹയര്‍ സെക്കന്‍ഡറി സ്‌കൂളില്‍  വിദ്യാര്‍ഥികള്‍ക്ക് ഗുളിക നല്‍കി റാന്നി ബ്ലോക്ക് പഞ്ചായത്ത് പ്രസിഡന്റ് സോണിയ മനോജ് നിര്‍വഹിച്ചു.  വെച്ചുച്ചിറ ഗ്രാമപഞ്ചായത്ത് പ്രസിഡന്റ്  രമാദേവി അധ്യക്ഷയായി. ബ്ലോക്ക് പഞ്ചായത്ത് അംഗം മേഴ്‌സി ഫിലിപ്പ്, ഗ്രാമപഞ്ചായത്ത് അംഗം ജോണ്‍ മാത്യു , ഡെപ്യൂട്ടി ജില്ലാ മെഡിക്കല്‍ ഓഫീസര്‍ ഡോ. സേതുലക്ഷ്മി,  ജില്ലാ ആര്‍ സി എച്ച് ഓഫീസര്‍  ഡോ.കെ കെ ശ്യാംകുമാര്‍ , ആര്‍ദ്രം മിഷന്‍ നോഡല്‍ ഓഫീസര്‍ ഡോ.

ശബരിമല  മകരവിളക്ക് മഹോത്സവത്തോടനുബന്ധിച്ചുളള തിരുവാഭരണ ഘോഷയാത്ര കടന്നുപോകുന്ന  വില്ലേജ് പരിധികളില്‍ ജനുവരി 12 മുതല്‍ 22 വരെ ജില്ലാ കലക്ടര്‍ എസ് പ്രേംകൃഷ്ണന്‍ മദ്യനിരോധനം ഏര്‍പ്പെടുത്തി.  വില്ലേജ് പരിധി, തീയതി, സമയക്രമം എന്ന ക്രമത്തില്‍ ചുവടെ.
പന്തളം, ജനുവരി 12, രാവിലെ ഏഴുമുതല്‍ വൈകിട്ട് ആറുവരെ.