ഇലക്ട്രിക് വാഹന മേഖലയില്‍ മികച്ച കരിയര്‍ ആഗ്രഹിക്കുന്നവര്‍ക്കായി തവനൂര്‍ അസാപ് കമ്മ്യൂണിറ്റി സ്‌കില്‍ പാര്‍ക്ക് നടത്തുന്ന 'ഇലക്ട്രിക് വെഹിക്കിള്‍ സര്‍വീസ് ടെക്നീഷ്യന്‍' കോഴ്സിലേക്ക് അപേക്ഷകള്‍ ആരംഭിച്ചു. യോഗ്യത- ഐടിഐ, ഡിപ്ലോമ, ബിടെക്, പ്ലസ് ടു. ഫോണ്‍- 9495999667, 9895967998.
 

അസാപ് കേരള ഫിറ്റ്നസ് ട്രെയിനര്‍ കോഴ്സിലേക്ക് പ്രവേശനം ആരംഭിച്ചു അവസാന തീയതി എട്ട്. കല്ലടിക്കോട് പവര്‍ ഹോഴ്സ് ജിമ്മിലാണ കോഴ്സ്് സംഘടിപ്പിക്കുന്നത്.  
 

യോഗ്യത - പ്ലസ് ടു. കോഴ്സ് വിജയകരമായി പൂര്‍ത്തിയാക്കുന്നവര്‍ക്ക് കേന്ദ്ര നൈപുണ്യ വികസന മന്ത്രാലയത്തിന്റെ കീഴിലുള്ള സ്പോര്‍ട്സ് ആന്‍ഡ് ഫിറ്റ്നസ് സെക്ടര്‍ സ്‌കില്‍ കൗണ്‍സില്‍ നല്‍കുന്ന എന്‍സിവിഇടി ലെവല്‍ 4 സര്‍ട്ടിഫിക്കറ്റ് ലഭിക്കും. താല്‍പര്യമുള്ളവര്‍ക്ക്  ഓണ്‍ലൈന്‍ ലിങ്ക് വഴി അപേക്ഷ സമര്‍പ്പിക്കാം.https://forms.gle/qomy6EiyqdLaGmF29. 

ഫോണ്‍- 9495999667, 9895967998.

കേരള  പബ്ലിക് സര്‍വീസ് കമ്മീഷന്‍ കാസര്‍കോട് ജില്ലയില്‍ വിവിധ വകുപ്പുകളില്‍ ലിഫ്റ്റ്  ഓപ്പറേറ്റര്‍ (കാറ്റഗറി നം 083/2024) നമ്പര്‍ തസ്തികയുടെ റാങ്ക് പട്ടിക പ്രസിദ്ധീകരിച്ചു. ഫോണ്‍ - 9446461450.
 

റവന്യൂ റിക്കവറി നടപടികളുടെ ഭാഗമായി സര്‍വ്വേ നമ്പര്‍ 713/പാര്‍ട്ട് 41ല്‍ പ്പെട്ട 0.5747 ഹെക്ടര്‍ ഭൂമിയും സര്‍വ്വേ നമ്പര്‍ 713/പാര്‍ട്ട് 36 ല്‍ പ്പെട്ട 0.4937 ഹെക്ടര്‍ ഭൂമിയും മെയ് 19ന് രാവിലെ 11 ന് മുന്നാട് വില്ലേജ് ഓഫീസില്‍ പരസ്യമായി ലേലം ചെയ്യും. ഫോണ്‍- 9400626116.
 

നിയമസഭാ തിരഞ്ഞെടുപ്പ് 2026 മായി ബന്ധപ്പെട്ട കാസര്‍കോട് ജില്ലയില്‍ വോട്ടെണ്ണലിനായി ഉപയോഗിച്ച ഇലക്ട്രോണിക് വോട്ടിംഗ് മെഷീനുകള്‍ ഇനി കളക്ടറേറ്റിലെ വെയര്‍ഹൗസില്‍ സൂക്ഷിക്കും. മെയ് നാലിന് നടന്ന വോട്ടെണ്ണലിന് ശേഷം രാത്രി രണ്ടരയോടെയാണ് വിവിധ വോട്ടെണ്ണല്‍ കേന്ദ്രങ്ങളില്‍ നിന്ന് കനത്ത പോലീസ് സുരക്ഷാ അകമ്പടിയോടെയാണ് കളക്ടറേറ്റ് വെയര്‍ഹൗസിലെ സ്‌ട്രോങ്ങ് റൂമിലേക്ക് ഇലക്ട്രോണിക് വോട്ടിംഗ് മെഷീനുകള്‍ എത്തിച്ചത്. ജില്ലാ കളക്ടറുടെ നേതൃത്വത്തില്‍ ഇ.വി.എമ്മുകള്‍ കളക്ടറേറ്റിലെ വെയര്‍ഹൗസില്‍ സ്വീകരിച്ചു.

കോട്ടത്തറ പഞ്ചായത്തിലെ പള്ളിക്കുന്ന് മുതൽ വെണ്ണിയോട് വരെയുള്ള റോഡിൽ ടാറിങ് നടക്കുന്നതിനാൽ ബുധനാഴ്ച (മെയ് 6) വൈകുന്നേരം നാല് മുതൽ ശനിയാഴ്ച (മെയ് 9) വൈകുന്നേരം ഏഴു വരെ ഇതുവഴിയുള്ള ഗതാഗതം പൂർണമായി നിയന്ത്രിക്കുമെന്ന് അസിസ്റ്റന്റ് എഞ്ചിനീയർ അറിയിച്ചു. കമ്പളക്കാട് നിന്ന് വെണ്ണിയോടേക്കും തിരിച്ചും പോകുന്ന വാഹനങ്ങൾ കണ്ണമൂല റോഡ് വഴി തിരിച്ചുവിടും.

സംസ്ഥാന അസംഘടിത തൊഴിലാളി സാമൂഹ്യ സുരക്ഷാ പദ്ധതി അംഗങ്ങളുടെ മക്കൾക്ക് സൗജന്യ സിവിൽ സർവ്വീസ് പരിശീലനം നൽകുന്നു. കുടിശ്ശിക കൂടാതെ കൃത്യമായി അംശദായം അടക്കുന്ന അംഗങ്ങളുടെ മക്കൾക്കാണ് കിലയുടെ ആഭിമുഖ്യത്തിൽ നടക്കുന്ന പരിശീലനത്തിൽ പങ്കെടുക്കാൻ അർഹത. അപേക്ഷിക്കാനുള്ള അവസാന തിയ്യതി മെയ് 15. താത്പര്യമുള്ള അംഗങ്ങൾ മെയ് 14നകം അസംഘടിത തൊഴിലാളി സാമൂഹ്യ സുരക്ഷാ ബോർഡിന്റെ കോഴിക്കോട് ജില്ലാ ഓഫീസിൽ രജിസ്റ്റർ ചെയ്യണം.
 

അസാപിന്റെ മാനന്തവാടി കമ്മ്യൂണിറ്റി സ്‌കില്‍ പാര്‍ക്കില്‍ മെയ് 16ന് തൊഴില്‍ മേള സംഘടിപ്പിക്കുന്നു. രാവിലെ 10ന് ആരംഭിക്കുന്ന മേളയിൽ പ്രമുഖ കമ്പനികള്‍ പങ്കെടുക്കും. പങ്കെടുക്കാന്‍ ആഗ്രഹിക്കുന്ന പ്ലസ് ടു, ഡിഗ്രി, പി.ജി യോഗ്യതയുള്ളവര്‍ ബയോഡേറ്റയും അനുബന്ധ സര്‍ട്ടിഫിക്കറ്റുകളുമായി മാനന്തവാടി കമ്മ്യൂണിറ്റി സ്‌കില്‍ പാര്‍ക്കില്‍ എത്തണം. തൊഴിലവസരങ്ങള്‍ നല്‍കാന്‍ ആഗ്രഹിക്കുന്ന സ്ഥാപനങ്ങള്‍ക്കും ബന്ധപ്പെടാം. ഫോണ്‍ - 9495999669

2026 ഏപ്രിൽ മാസത്തെ റേഷൻ വിഹിതം മെയ് 15 വരെ വാങ്ങാവുന്നതാണെന്ന് ജില്ലാ സപ്ലൈ ഓഫീസർ അറിയിച്ചു. മെയ് മാസത്തിലെ റേഷൻ വിഹിതം ഏപ്രിലിൽ മുൻകൂറായി വാങ്ങാത്ത ഉപഭോക്താക്കൾക്ക് ഈ വിഹിതം മെയ് 30 വരെ ലഭ്യമാവും.