മലപ്പുറം ഗവ. വനിതാ കോളേജില്‍ വിവിധ വിഷയങ്ങളില്‍ അതിഥി അധ്യാപകരെ നിയമിക്കുന്നു. യു.ജി.സി യോഗ്യതയുള്ള  കോഴിക്കോട് കോളേജ് വിദ്യാഭ്യാസ ഉപ ഡയറക്ടറേറ്റില്‍ പേര് രജിസ്റ്റര്‍ ചെയ്തവര്‍ക്ക് അഭിമുഖത്തില്‍ പങ്കെടുക്കാം. അര്‍ഹരായവര്‍ അസല്‍ സര്‍ട്ടിഫിക്കറ്റുകളുമായി താഴെ പറയുന്ന തീയതികളില്‍ കൂടികാഴ്ചയില്‍ പങ്കെടുക്കണം.

നിലമ്പൂര്‍ ഗവ. ആര്‍ട്സ് ആന്റ് സയന്‍സ് കോളേജില്‍ ജ്യോഗ്രഫി, കൊമേഴ്സ്, മലയാളം, ഇംഗ്ലീഷ്, സ്റ്റാറ്റിസ്റ്റിക്സ്, ജേര്‍ണലിസം എന്നീ വിഷയങ്ങളില്‍ അതിഥി അധ്യാപക ഒഴിവുണ്ട്. യോഗ്യരായ ഉദ്യോഗാര്‍ത്ഥികള്‍ അസല്‍ രേഖകള്‍ സഹിതം നിര്‍ദ്ദിഷ്ട സമയത്ത് കോളേജില്‍ ഹാജരാകണം.

മെയ് 12ന് രാവിലെ 10ന് ജ്യോഗ്രഫി, മെയ് 13ന് രാവിലെ 10ന് കൊമേഴ്സ്, മെയ് 14ന് രാവിലെ 10ന്  മലയാളം, മെയ് 15ന് രാവിലെ 10ന് ഇംഗ്ലീഷ്, ഉച്ചയ്ക്ക് രണ്ടിന് സ്റ്റാറ്റിസ്റ്റിക്സ്, മെയ് 18ന് രാവിലെ 10ന് ജേര്‍ണലിസം അഭിമുഖപരീക്ഷ നടക്കും. ഫോണ്‍-04931260332.

സാക്ഷരതാമിഷന്‍ അതോറിറ്റി നടപ്പാക്കുന്ന വിവിധ തുല്യതാ കോഴ്സുകളിലേക്കുള്ള 2026-27 അധ്യയന വര്‍ഷത്തെ രജിസ്ട്രേഷന്‍ ആരംഭിച്ചു. മെയ് 25 വരെ ഫൈനില്ലാതെ രജിസ്റ്റര്‍ ചെയ്യാം. സാക്ഷരത നാല്, ഏഴ്, പത്ത്, ഹയര്‍സെക്കന്‍ഡറി തുല്യതാ കോഴ്സുകളുടെ പുതിയ ബാച്ചുകളിലേക്കാണ് പ്രവേശനം. ഏഴാംതരം തുല്യതാ പരീക്ഷയോ, ഔപചാരിക ഏഴാംതരമോ വിജയിച്ച 17 വയസ്സ് പൂര്‍ത്തിയായവര്‍ക്ക് പത്താംതരം തുല്യതക്ക് രജിസ്റ്റര്‍ ചെയ്യാം. ജനറല്‍ വിഭാഗം പഠിതാക്കള്‍ക്ക് 1950 രൂപയാണ് ഫീസ്. പട്ടികജാതി- പട്ടികവര്‍ഗ്ഗ വിഭാഗങ്ങള്‍ക്കും, ഭിന്നശേഷി വിഭാഗക്കാര്‍ക്കും, ട്രാന്‍സ്ജെന്‍ഡര്‍ വിഭാഗത്തിനും ഫീസിളവുണ്ട്.

കടുങ്ങപുരം ഗവ. ഹയര്‍ സെക്കന്‍ഡറി സ്‌കൂളില്‍ ഹയര്‍ സെക്കന്‍ഡറി വിഭാഗത്തില്‍ വിവിധ വിഷയങ്ങളില്‍ അതിഥി അധ്യാപകരെ നിയമിക്കുന്നു. എച്ച്.എസ്.എസ്.ടി സോഷ്യോളജി (സീനിയര്‍), കമ്പ്യൂട്ടര്‍ ആപ്ലിക്കേഷന്‍ (സീനിയര്‍) എന്നീ തസ്തികകളിലേക്ക് മെയ് 22ന് രാവിലെ 10നും കൊമേഴ്സ് (സീനിയര്‍ - 1, ജൂനിയര്‍ - 1) തസ്തികകളിലേക്ക് ഉച്ചയ്ക്ക് രണ്ടിനുമാണ് അഭിമുഖം. യോഗ്യരായവര്‍ അസ്സല്‍ സര്‍ട്ടിഫിക്കറ്റുകളും അവയുടെ പകര്‍പ്പുകളുമായി സമയത്ത് നേരിട്ട് എത്തണം. ഫോണ്‍-9447842850.

കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്‍ഡ് എംപ്ലോയ്‌മെന്റ് (കെ.ഐ.എല്‍.ഇ) യു.പി.എസ്.സി പരിശീലനത്തിന് അപേക്ഷ ക്ഷണിച്ചു. സംഘടിത/അസംഘടിത മേഖലകളിലെ ക്ഷേമനിധി ബോര്‍ഡുകളില്‍ രജിസ്റ്റര്‍ ചെയ്ത തൊഴിലാളികളുടെ ആശ്രിതര്‍ക്ക് 50 ശതമാനം സബ്‌സിഡി ലഭിക്കും. കൂടുതല്‍ വിവരങ്ങള്‍ക്കും രജിസ്ട്രേഷനുമായി www.kile.kerala.gov.in/kileiasaca-demy സന്ദര്‍ശിക്കുക. ഇമെയില്‍-kileiasacademy@gmail.com. ഫോണ്‍-0471 2479966, 8075768537.

മഴക്കാലത്തിന് മുന്നോടിയായി വിവിധ വകുപ്പുകളും തദ്ദേശ സ്വയം ഭരണ സ്ഥാപനങ്ങളും നിര്‍വഹിക്കേണ്ട മുന്നൊരുക്കങ്ങള്‍ സമയബന്ധിതമായി പൂര്‍ത്തിയാക്കണമെന്ന് ജില്ലാ കളക്ടര്‍ ഡി.ആര്‍ മേഘശ്രീ പറഞ്ഞു. ജില്ലാ ദുരന്ത നിവാരണ അതോറിറ്റി കളക്ടറേറ്റ് എ.പി.ജെ.ഹാളിൽ വകുപ്പ് മേധാവികൾക്കായി സംഘടിപ്പിച്ച മഴക്കാല മുന്നൊരുക്കങ്ങളെക്കുറിച്ചുള്ള ഏകദിന പരിശീലനം ഉദ്‌ഘാടനം ചെയ്ത് സംസാരിക്കുകയായിരുന്നു കളക്ടര്‍. വെള്ളക്കെട്ടുണ്ടാവാന്‍ സാധ്യതയുള്ള ഇടങ്ങള്‍ കണ്ടെത്തി അത് ഒഴിവാക്കുന്നതിനാവശ്യമായ നടപടികള്‍ സ്വീകരിക്കാന്‍ കളക്ടര്‍ നിര്‍ദേശം നല്‍കി.

പട്ടികജാതി വികസന വകുപ്പിന് കീഴില്‍ തച്ചിങ്ങനാടത്ത് പ്രവര്‍ത്തിക്കുന്ന ഗവ. പ്രീ - മെട്രിക് (ആണ്‍കുട്ടികള്‍) ഹോസ്റ്റലിലേക്ക് 2026-27 വര്‍ഷത്തില്‍ പ്രവേശനത്തിനായി താത്പര്യമുള്ള പട്ടികജാതി വിദ്യാര്‍ഥികളുടെ രക്ഷിതാക്കളില്‍ നിന്നും മറ്റ് സമുദായത്തില്‍ ഉള്‍പ്പെട്ട (പരമാവധി ഒരാള്‍ക്ക്) വിദ്യാര്‍ഥികളുടെ രക്ഷിതാക്കളില്‍ നിന്നും അപേക്ഷക ക്ഷണിച്ചു. അപേക്ഷകള്‍ അഞ്ചാം ക്ലാസ് മുതല്‍ പത്താംക്ലാസുവരെ പഠിക്കുന്ന പട്ടികജാതി വിഭാഗത്തില്‍പ്പെട്ട ആണ്‍കുട്ടികളായിരിക്കണം. അപേക്ഷാഫോം പെരിന്തല്‍മണ്ണ ബ്ലോക്ക് പട്ടികജാതി വികസന ഓഫീസ്, ഗവ. പ്രീ മെട്രിക് ഹോസ്റ്റല്‍ തച്ചിങ്ങനാടം എന്നിവിടങ്ങളില്‍  ലഭിക്കും.

വണ്ടൂര്‍ ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ ഒഴിവുള്ള എച്ച്.എസ്.എസ്.ടി, എച്ച്.എസ്.എസ്.ടി ജൂനിയര്‍ ഒഴിവുകളില്‍ ഇംഗ്ലീഷ്, ഹിസ്റ്ററി, പൊളിറ്റിക്കല്‍ സയന്‍സ്, ഇക്കണോമിക്സ്, സുവോളജി, സോഷ്യോളജി, അറബി, സൈക്കോളജി വിഷയങ്ങളില്‍ അതിഥി അധ്യാപകരെ നിയമിക്കുന്നതിനുള്ള അഭിമുഖം മെയ് 25ന് രാവിലെ 10ന് സ്‌കൂള്‍ ഓഫീസില്‍ നടക്കും. യോഗ്യരായവര്‍ അസ്സല്‍ സര്‍ട്ടിഫിക്കറ്റുകളുമായി അഭിമുഖത്തിന് ഹാജരാകണം. ഫോണ്‍-0491 245753.

ദേശീയ ആരോഗ്യം ദൗത്യം മലപ്പുറത്തിന് കീഴിൽ മെയ് ഏഴിനും മെയ് എട്ടിനും നടത്താനിരുന്ന ലാബ് ടെക്‌നീഷ്യൻ തസ്തികയിലേക്കുള്ള അഭിമുഖം മെയ് 22, 23 തീയതിയിലേക്ക് മാറ്റി.

തവനൂർ അസാപ് കമ്മ്യൂണിറ്റി സ്കിൽ പാർക്കിന്റെ നടത്തുന്ന 'ഇലക്ട്രിക് വെഹിക്കിൾ സർവീസ് ടെക്നീഷ്യൻ' കോഴ്സിലേക്ക് അപേക്ഷ ക്ഷണിച്ചു. കേന്ദ്ര സർക്കാർ സ്ഥാപനമായ എൻ.എസ്.ഡി.സി. അംഗീകാരമുള്ള കോഴ്സ് വിജയകരമായി പൂർത്തിയാക്കുന്നവർക്ക് മികച്ച തൊഴിലവസരങ്ങളാണ് കാത്തിരിക്കുന്നത്. തിരഞ്ഞെടുക്കപ്പെടുന്ന ഒബിസി വിഭാഗക്കാർക്ക് 100% സ്കോളർഷിപ്പോടെ സൗജന്യമായി പഠിക്കാം. കൂടാതെ കോഴ്സ് പൂർത്തിയാക്കുന്നവർക്ക് സ്റ്റൈപ്പന്റും 100% പ്ലേസ്മെന്റ് സഹായവും അസാപ് ഉറപ്പാക്കുന്നുണ്ട്. ഐടിഐ, ഡിപ്ലോമ, ബി.ടെക് അല്ലെങ്കിൽ പ്ലസ് ടു കഴിഞ്ഞവർക്ക് അപേക്ഷിക്കാം. കൂടുതൽ വിവരങ്ങൾക്കായി 9495999658 എന്ന നമ്പറിൽ ബന്ധപ്പെടുക.