നെടുമങ്ങാട് മഞ്ച സര്‍ക്കാര്‍ ടെക്‌നിക്കല്‍ ഹൈസ്‌കൂളില്‍ അടുത്ത അക്കാദമിക വര്‍ഷത്തേയ്ക്കുളള മൂന്നാം ഘട്ട പ്രവേശനം ആരംഭിച്ചു. എട്ടാം ക്ലാസ്സിലേക്ക് ഒഴിവുള്ള 9 സീറ്റുകളിലേക്ക് സ്‌കൂളില്‍ നേരിട്ടെത്തി പ്രവേശനം നേടാം.

കുട്ടികള്‍ രക്ഷിതാക്കളോടൊപ്പം ആവശ്യമായ രേഖകൾ സഹിതം സ്‌കൂളില്‍ ഹാജരാകേണ്ടതാണ്. വിശദവിവരങ്ങള്‍ക്ക്: 9846170024, 8606251157.

പി.എസ്.സി അഭിമുഖം

കണ്ണൂര്‍ ജില്ലാ വിദ്യാഭ്യാസ വകുപ്പില്‍ ഹിന്ദി ഹൈസ്‌കൂള്‍ ടീച്ചര്‍ (കാറ്റഗറി നമ്പര്‍: 604/2024) തസ്തികയുടെ മാറ്റിവെച്ച അഭിമുഖ പരീക്ഷ മെയ് 13, 14 തീയ്യതികളില്‍ പി.എസ്.സി കണ്ണൂര്‍ ജില്ലാ ഓഫീസില്‍ നടക്കും. ഉദ്യോഗാര്‍ത്ഥികള്‍ ഒ.ടി.ആര്‍ പ്രൊഫൈലില്‍ നിന്നും ഡൗണ്‍ലോഡ് ചെയ്ത അഡ്മിഷന്‍ ടിക്കറ്റ്, ബയോഡാറ്റ ഫോം, വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റ്, മറ്റ് അസ്സല്‍ പ്രമാണങ്ങള്‍, കമ്മീഷന്‍ അംഗീകരിച്ച ഏതെങ്കിലും ഒരു തിരിച്ചറിയല്‍ രേഖ എന്നിവ സഹിതം അഭിമുഖത്തിന് എത്തണം.

വൈദ്യുതി മുടങ്ങും

യു.പി.എസ്.സി പരിശീലനം

കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്‍ഡ് എംപ്ലോയ്‌മെന്റിന്റെ (കിലെ) ഐഎഎസ് അക്കാദമിയുടെ 2026-27 വര്‍ഷത്തെ യു പി എസ് സി പരിശീലനത്തിന് രജിസ്‌ട്രേഷന്‍ ആരംഭിച്ചു. ക്ഷേമനിധി ബോര്‍ഡുകളില്‍ രജിസ്‌ട്രേഷന്‍ ചെയ്തിട്ടുള്ള തൊഴിലാളികളുടെ ആശ്രിതര്‍ക്ക് 50 ശതമാനം സബ്‌സിഡിയില്‍ പകുതി ഫീസ് അടച്ചാല്‍ മതിയാകും. വിശദാംശങ്ങളും രജിസ്‌ട്രേഷന്‍ ലിങ്കും www.kile.kerala.gov.in/kileiasacademy എന്ന വെബ്‌സൈറ്റില്‍ ലഭിക്കും. ഇമെയില്‍: kileiasacademy@gmail.com, ഫോണ്‍: 0471-2479966, 8075768537.

രജിസ്‌ട്രേഷന്‍ തുടങ്ങി 

കുട്ടികളുടെ സര്‍വാത്മക വികസനവും സാമൂഹിക ബോധവും ലക്ഷ്യമിട്ട് കുടുംബശ്രീ സംസ്ഥാന മിഷന്റെ നേതൃത്വത്തിലുള്ള കളിക്കൂട്ടം ക്യാമ്പയിന് ജില്ലയില്‍ തുടക്കമായി. നിലവിലുള്ള ബാലസഭകളെ കൂടുതല്‍ സജീവമാക്കുക, ബാലസഭയില്‍ അംഗമല്ലാത്ത എല്ലാ വാര്‍ഡുകളിലുമുള്ള അഞ്ചു മുതല്‍ 18 വയസ്സുവരെയുള്ള  കുട്ടികളെ കണ്ടെത്തി പുതിയ ബാലസഭകള്‍ രൂപീകരിക്കുക, ആഗോളതാപനവും കാലാവസ്ഥ വ്യതിയാനവും നേരിടാന്‍ കുട്ടികളെ പ്രാപ്തരാക്കുക, ജീവിതശൈലിയില്‍ മാറ്റം വരുത്തി കാര്‍ബണ്‍ ന്യൂട്രല്‍ കേരളം കെട്ടിപ്പടുക്കാന്‍ ബാലസഭകളെ സജ്ജമാക്കുക എന്നീ ലക്ഷ്യങ്ങളോടെയാണ് ക്യാമ്പയിന്‍ സംഘടിപ്പിക്കുന്നത്.

പട്ടികജാതി വികസന വകുപ്പിന് കീഴില്‍ തച്ചിങ്ങനാടത്തു പ്രവര്‍ത്തിക്കുന്ന ഗവ. പ്രീ-മെട്രിക് ഹോസ്റ്റലിലെ ഹൈസ്‌കൂള്‍-യു.പി. വിഭാഗം വിദ്യാര്‍ഥികള്‍ക്ക് ഇംഗ്ലീഷ്, കണക്ക്, നാച്വറല്‍ സയന്‍സ്, ഫിസിക്കല്‍ സയന്‍സ്, സോഷ്യല്‍ സയന്‍സ്, ഹിന്ദി എന്നീ വിഷയങ്ങള്‍ക്ക് ട്യൂഷന്‍ നല്‍കുന്നതിനായി ട്യൂട്ടര്‍മാരെ നിയമിക്കുന്നതിനായി അപേക്ഷ ക്ഷണിച്ചു. താത്പര്യമുള്ളവര്‍ മെയ് 15ന് വൈകുന്നേരം അഞ്ചിനകം പെരിന്തല്‍മണ്ണ ബ്ലോക്ക് പട്ടികജാതി വികസന ഓഫീസില്‍ അപേക്ഷകള്‍ ലഭ്യമാക്കണം. ഫോണ്‍ 8547630139, 9495675595.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിങ് ഡിവിഷന്‍ മേയ് മാസം ആരംഭിക്കുന്ന രണ്ടു വര്‍ഷം, ഒരു വര്‍ഷം, ആറു മാസം ദൈര്‍ഘ്യമുള്ള മോണ്ടിസ്സോറി, പ്രീ - പ്രൈമറി, നഴ്‌സറി ടീച്ചര്‍ ട്രെയിനിങ് കോഴ്സുകള്‍ക്ക് ഡിഗ്രി, പ്ലസ്ടു, എസ്.എസ്.എല്‍.സി. യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. ഫോണ്‍ 7994449314.

അരിമ്പ്ര ഗവണ്‍മെന്റ് വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ ഹയര്‍ സെക്കന്‍ഡറി വിഭാഗത്തില്‍ ഒഴിവുള്ള സീനിയര്‍ ഇംഗ്ലീഷ്, അറബിക്,  സോഷ്യോളജി  തസ്തികകളിലേക്ക് അതിഥി അധ്യാപക നിയമനത്തിനുള്ള അഭിമുഖം മെയ് 25ന് രാവിലെ 10ന് നടക്കും.  ജൂനിയര്‍ ഇക്കണോമിക്‌സ്, പൊളിറ്റിക്കല്‍ സയന്‍സ്, ഹിസ്റ്ററി തസ്തികകളിലേക്ക് ഉച്ചക്ക് 1.30 നും സ്‌കൂള്‍ ഓഫീസില്‍ അഭിമുഖം നടക്കും. താത്പര്യമുള്ള ഉദ്യോഗാര്‍ഥികള്‍ അസ്സല്‍ രേഖകള്‍ സഹിതം ഹാജരാകണം. ഫോണ്‍: 9946429265.

ഇരുമ്പുഴി ഗവ.ഹയര്‍സെക്കന്‍ഡറി സ്‌കൂളില്‍ ഇംഗ്ലീഷ്, സോഷ്യോളജി, അറബിക്, എക്കണോമിക്സ്, കോമേഴ്സ് പൊളിറ്റിക്കല്‍ സയന്‍സ്, ഹിസ്റ്ററി, മാത്തമാറ്റിക്സ്, കംപ്യൂട്ടര്‍ അപ്ലിക്കേഷന്‍ എന്നീ വിഷയങ്ങളില്‍ എച്ച്.എസ്.എസ്.ടി/എച്ച്.എസ്.എസ്. ടി.ജൂനിയര്‍ തസ്തികകളിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നതിനുള്ള അഭിമുഖം മെയ് 23ന് രാവിലെ 10ന് സ്‌കൂള്‍ ഓഫീസില്‍ നടക്കും. യോഗ്യരായവര്‍ അസ്സല്‍ സര്‍ട്ടിഫിക്കറ്റുകളുമായി ഹാജരാകണം.

മലപ്പുറം ദേശീയാരോഗ്യ ദൗത്യത്തില്‍ പീഡിയാട്രീഷ്യന്‍, അനസ്‌തെറ്റിസ്റ്റ്  എന്നീ തസ്തികയിലേക്ക് അഭിമുഖം നടക്കുന്നു. താത്പര്യമുള്ളവര്‍ക്ക് മെയ് 11 ന് രാവിലെ 10ന് മലപ്പുറം സിവില്‍ സ്റ്റേഷനിലെ ദേശീയാരോഗ്യ ദൗത്യം ജില്ലാ ഓഫീസില്‍ നടത്തുന്ന അഭിമുഖത്തില്‍ പങ്കെടുക്കണം. ഫോണ്‍ : 04832730313.

പട്ടികജാതി വികസന വകുപ്പിന് കീഴില്‍ വണ്ടൂരില്‍ പ്രവര്‍ത്തിക്കുന്ന ഗവണ്‍മെന്റ് പ്രീമെട്രിക് ഹോസ്റ്റലിലേക്ക് (പെണ്‍കുട്ടികള്‍) 2026-27 വര്‍ഷത്തില്‍ ഒഴിവുള്ള അഞ്ച്, എട്ട് ക്ലാസുകളിലേക്ക് (ഒഴിവുകളുടെ എണ്ണം ക്ലാസ് 5- 2, ക്ലാസ് 8 - 2) പ്രവേശനത്തിനായി പട്ടികജാതി വിദ്യാര്‍ഥികളുടെ രക്ഷിതാക്കളില്‍ നിന്നും അപേക്ഷ ക്ഷണിച്ചു. അപേക്ഷകര്‍ 2026-27 വര്‍ഷം അഞ്ച്, എട്ട് ക്ലാസുകളില്‍ പഠിക്കുന്ന പട്ടികജാതി വിഭാഗത്തില്‍പ്പെട്ട പെണ്‍കുട്ടികള്‍ ആയിരിക്കണം. അപേക്ഷാഫോം വണ്ടൂര്‍ ബ്ലോക്ക് പട്ടികജാതി വികസന ഓഫീസ്, വണ്ടൂര്‍ ഗവണ്‍മെന്റ് പ്രീമെട്രിക് ഹോസ്റ്റല്‍ എന്നിവിടങ്ങളില്‍ ലഭിക്കും.