ഗവണ്‍മെന്റ് വിക്ടോറിയ കോളേജില്‍ ശ്രീനാരായണഗുരു ഓപ്പണ്‍ സര്‍വ്വകലാശാല എല്‍.എസ്.സിയുടെ പ്രവര്‍ത്തനങ്ങള്‍ക്കായി താല്‍ക്കാലികാടിസ്ഥാനത്തില്‍ അസിസ്റ്റന്റിനെ നിയമിക്കുന്നു. താല്‍പര്യമുള്ള കമ്പ്യൂട്ടര്‍ പരിജ്ഞാനമുള്ള ഉദ്യോഗാര്‍ത്ഥി മെയ് 11ന് രാവിലെ പത്തിന് കോളേജില്‍ നടക്കുന്ന അഭിമുഖത്തിന് എത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 9447741995

കിലയുടെ സിവില്‍ സര്‍വ്വീസ് അക്കാഡമിയിലെ 2026-2027 ബാച്ചില്‍ സിവില്‍ സര്‍വ്വീസ് പ്രിലിമിനറി/ മെയിന്‍സ് പരീക്ഷ പരിശീലനത്തിന് അപേക്ഷ ക്ഷണിച്ചു. സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോര്‍ഡില്‍ ജില്ലയില്‍ അംഗങ്ങളായിട്ടുള്ള തൊഴിലാളികളുടെ ബിരുദധാരികളായ മക്കള്‍ക്ക് അപേക്ഷിക്കാം. ക്ഷേമബോര്‍ഡിന്റെ എല്ലാ രേഖകളുമായി ഓഫീസില്‍ നേരിട്ടെത്തി അപേക്ഷ സമര്‍പ്പിക്കാം.  കൂടുതല്‍ വിവരങ്ങള്‍ www.kile.kerala.gov.in/kileiasacademy ല്‍ ലഭിക്കും. ഫോണ്‍ : 0471 2479966, 8075768537

കേന്ദ്ര-സംസ്ഥാന സര്‍ക്കാരുകളുടെ കീഴില്‍ കുളക്കാട് പ്രവര്‍ത്തിക്കുന്ന കനറാ ബാങ്ക് ഗ്രാമീണ സ്വയംതൊഴില്‍ പരിശീലന കേന്ദ്രത്തില്‍ സൗജന്യ പരിശീലനത്തിന് അപേക്ഷ ക്ഷണിച്ചു. 12 ദിവസം നീണ്ടുനില്‍ക്കുന്ന പേപ്പര്‍ ബാഗ്, ഫയല്‍, എന്‍വലപ്പ് നിര്‍മ്മാണ പരിശീലനമാണ് നല്‍കുന്നത്. മെയ് 11ന് ക്ലാസുകള്‍ ആരംഭിക്കും. 18 മുതല്‍ 49 വയസ്സ് വരെ പ്രായമുള്ള സ്ത്രീകള്‍ക്കും പുരുഷന്മാര്‍ക്കും  പങ്കെടുക്കാം. താല്‍പ്പര്യമുള്ളവര്‍ മുന്‍കൂട്ടി രജിസ്റ്റര്‍ ചെയ്യേണ്ടതാണ്. ഫോണ്‍: 0466- 2285554, 9447148554

കോട്ടത്തറ ഗവ. ട്രൈബല്‍ സ്‌പെഷ്യാലിറ്റി ആശുപത്രിയില്‍ സാമൂഹ്യ സുരക്ഷാ വകുപ്പിന്റെ കാതോരം പദ്ധതിയുടെ ഭാഗമായി എ.എന്‍.എം നഴ്‌സ് ഒഴിവിലേക്ക് അപേക്ഷ ക്ഷണിച്ചു. കെ.എന്‍.എം.സി രജിസ്‌ട്രേഷനുള്ള 22നും 40 നും ഇടയില്‍ പ്രായമുള്ളവര്‍ക്ക് അപേക്ഷിക്കാം. 179 ദിവസത്തേക്ക് കരാര്‍ വ്യവസ്ഥയിലാണ് നിയമനം. താല്‍പര്യമുള്ളവര്‍ അസല്‍ സര്‍ട്ടിഫിക്കറ്റുകളുമായി മെയ് 11ന് രാവിലെ 11ന്  കൂടിക്കാഴ്ച്ചയ്ക്കായി ഓഫീസില്‍ എത്തണമെന്ന് സൂപ്രണ്ട് അറിയിച്ചു. ഫോണ്‍: 8086251883, 9947584645.