കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്‍ഡ് എംപ്ലോയ്മെന്റ് (കിലെ) ഐ.എ.എസ്. അക്കാദമിയില്‍ 2026-27 വര്‍ഷത്തെ യു.പി.എസ്.സി. സിവില്‍ സര്‍വീസ് പരിശീലനത്തിന് അപേക്ഷ ക്ഷണിച്ചു. സംസ്ഥാന അസംഘടിത തൊഴിലാളി സാമൂഹ്യ സുരക്ഷാ പദ്ധതിയിലെ അംഗങ്ങളുടെ മക്കള്‍ക്കും ആശ്രിതര്‍ക്കും 50 ശതമാനം സബ്സിഡി നിരക്കില്‍ പരിശീലനം ലഭിക്കും. ഇവര്‍ പകുതി ഫീസ് അടച്ചാല്‍ മതിയാകും. താല്പര്യമുള്ളവര്‍ക്ക് www.kile.kerala.gov.in/kileiasacademy എന്ന വെബ്സൈറ്റ് വഴി അപേക്ഷിക്കാം. കൂടുതല്‍ വിവരങ്ങള്‍ക്ക് ഫോണ്‍: 0471-2479966, 8075768537. ഇ-മെയില്‍: kileiasacademy@gmail.com.
 

നെയ്യാര്‍ഡാമിലെ കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്മെന്റ് (കിക്മ) സൗജന്യ ഓണ്‍ലൈന്‍ കെ-മാറ്റ് ഓറിയന്റേഷന്‍ മെയ് ഒമ്പതിന് വൈകിട്ട് ഏഴ് മുതല്‍ നടത്തും. രജിസ്ട്രേഷന്: 8547618290, 9447002106.
 

ബിസില്‍ ട്രെയിനിംഗ് ഡിവിഷന്‍ നടത്തുന്ന രണ്ടു വര്‍ഷം, ഒരു വര്‍ഷം, ആറു മാസം ദൈര്‍ഘ്യമുള്ള പ്രീ-പ്രൈമറി, മോണ്ടിസോറി, നഴ്‌സറി ടീച്ചര്‍ ട്രെയിനിംഗ് കോഴ്സുകളിലേക്ക് അപേക്ഷ ക്ഷണിച്ചു. യോഗ്യത: എസ്.എസ്.എല്‍.സി/ പ്ലസ് ടു/ ബിരുദം. ഫോണ്‍: 7994449314.
 

പട്ടികജാതി വികസന വകുപ്പിന് കീഴില്‍ പ്രവര്‍ത്തിക്കുന്ന ശാസ്താംകോട്ടയിലെ   ആണ്‍കുട്ടികള്‍ക്കായുള്ള   പ്രീ-മെട്രിക് ഹോസ്റ്റലില്‍ വാര്‍ഡന്‍, കുക്ക്  (രണ്ട്),   കുന്നത്തൂരിലെ പെണ്‍കുട്ടികള്‍ക്കായുള്ള   പ്രീ-മെട്രിക് ഹോസ്റ്റലില്‍ കുക്ക്,    പോരുവഴി പ്രീ-മെട്രിക് ഹോസ്റ്റലിലേക്ക് കുക്ക്, വാച്ച് വുമണ്‍ തസ്തികകളിലേക്കും  ദിവസ വേതനാടിസ്ഥാനത്തില്‍ നിയമനം നടത്തും.

പട്ടികജാതി വികസന വകുപ്പിന് കീഴില്‍ പ്രവര്‍ത്തിക്കുന്ന ശാസ്താംകോട്ട പ്രീ മെട്രിക് ഹോസ്റ്റല്‍ (ആണ്‍കുട്ടികള്‍), പോരുവഴി, കുന്നത്തൂര്‍ പ്രീ മെട്രിക് ഹോസ്റ്റലുകള്‍ (പെണ്‍കുട്ടികള്‍) എന്നിവിടങ്ങളിലേക്ക് താല്‍ക്കാലികമായി ട്യൂഷന്‍ ടീച്ചര്‍മാരെ നിയമിക്കുന്നു. ഹൈസ്‌കൂള്‍ വിഭാഗത്തില്‍ ഇംഗ്ലീഷ്, കണക്ക്, ഹിന്ദി, ഫിസിക്കല്‍ സയന്‍സ്, സോഷ്യല്‍ സയന്‍സ്, നാച്ചുറല്‍ സയന്‍സ് എന്നീ വിഷയങ്ങളിലേക്കും യുപി വിഭാഗത്തില്‍ എല്ലാ വിഷയങ്ങളിലേക്കുമാണ് നിയമനം. യോഗ്യത: ബിരുദവും ബി എഡും. പട്ടികജാതി വിഭാഗത്തില്‍ പെട്ടവര്‍ക്ക് മുന്‍ഗണന ലഭിക്കും. മെയ് 25ന് ശാസ്താംകോട്ട ബ്ലോക്ക് പഞ്ചായത്ത് ഹാളില്‍ അഭിമുഖം നടക്കും.

സര്‍ക്കാര്‍ അംഗീകാരമില്ലാതെ സ്വകാര്യ വ്യക്തികള്‍ സമ്മാനക്കൂപ്പണുകള്‍ അച്ചടിച്ച് വില്‍ക്കുന്നതും നറുക്കെടുപ്പുകള്‍ നടത്തുന്നതും കഠിനതടവ് ലഭിക്കാവുന്ന കുറ്റമാണെന്ന് ജില്ലാ ഭാഗ്യക്കുറി ഓഫീസര്‍ അറിയിച്ചു. 1998-ലെ ലോട്ടറീസ് റെഗുലേഷന്‍ ആക്ട് പ്രകാരം സംസ്ഥാന സര്‍ക്കാരുകള്‍ക്ക് മാത്രമാണ് ലോട്ടറി നടത്താന്‍ അധികാരമുള്ളത്. നിയമലംഘനങ്ങള്‍ക്ക് രണ്ടു വര്‍ഷം വരെ കഠിനതടവും പിഴയും അല്ലെങ്കില്‍ രണ്ടും കൂടി ലഭിക്കാം. ഇത് ജാമ്യം ലഭിക്കാത്ത കുറ്റമാണ്.

 ജില്ലയിലെ അക്ഷയ കേന്ദ്രങ്ങളിലേക്ക് പുതിയ സംരംഭകരെ തിരഞ്ഞെടുക്കുന്നതിനുള്ള ഒ.എം.ആർ പരീക്ഷ മേയ് 17-ന് നടക്കും. അപേക്ഷകരുടെ ആദ്യഘട്ട പരിശോധനയ്ക്ക് ശേഷം നിശ്ചിത യോഗ്യത നേടിയവർക്കാണ്  പരീക്ഷ എഴുതാൻ അവസരം ലഭിക്കുക.  വിജയികൾക്ക്  ഇന്റർവ്യൂ നടത്തിയായിരിക്കും അന്തിമ തിരഞ്ഞെടുപ്പ് പൂർത്തിയാക്കുന്നത്.  

അർഹരായ അപേക്ഷകർക്ക് എൽ.ബി.എസിന്റെ https://lbsedp.lbscentre.in/akshaya26/ എന്ന പോർട്ടൽ വഴി അഡ്മിറ്റ് കാർഡ് ഡൗൺലോഡ് ചെയ്യാം. കൂടുതൽ വിവരങ്ങൾക്ക് എൽ.ബി.എസ് (0471-2560311, 312) ഓഫീസുമായോ അക്ഷയ ജില്ലാ പ്രോജക്ട് ഓഫീസുമായോ (0471-2334070, 080) ബന്ധപ്പെടാവുന്നതാണ്.

കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്റ് എംപ്ലോയ്‌മെന്റിന്റെ കീഴില്‍ പ്രവര്‍ത്തിക്കുന്ന കിലെ ഐ.എ.എസ് അക്കാദമിയില്‍ 2026-2027 അദ്ധ്യയന വര്‍ഷത്തെ സിവില്‍ സര്‍വ്വീസ് പ്രവേശനത്തിനായുള്ള രജിസ്‌ട്രേഷന്‍ ആരംഭിച്ചു.  സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോര്‍ഡില്‍ അംഗത്വമുള്ള തൊഴിലാളികളുടെ ആശ്രിതര്‍ക്ക് അപേക്ഷിക്കാം.  

അപേക്ഷകര്‍ ബിരുദദാരികളോ അവസാന വര്‍ഷ ബിരുദ വിദ്യാര്‍ത്ഥികളോ ആയിരിക്കണം.    തെരഞ്ഞെടുക്കപ്പെടുന്ന ക്ഷേമനിധി അംഗങ്ങളുടെ ആശ്രിതര്‍ക്ക് 50% സബ്‌സിഡി നിരക്കില്‍ പരിശീലനം ലഭിക്കുന്നതാണ്. ക്ലാസ്സുകള്‍ ജൂണ്‍ ആദ്യവാരം ആരംഭിക്കും.

ഫിഷറീസ് വകുപ്പ് ജില്ലയില്‍ ട്രോളിംഗ് നിരോധന കാലയളവില്‍ കടല്‍ പെട്രോളിങ്ങിനും കടല്‍ രക്ഷാപ്രവര്‍ത്തനങ്ങള്‍ക്കുമായി രണ്ട് യന്ത്രവത്കൃത ബോട്ടുകള്‍ വാടകയ്ക്ക് ലഭിക്കുന്നതിന് ക്വട്ടേഷന്‍ ക്ഷണിച്ചു.

ബോട്ടിന് 51 അടിയോ അതില്‍ കൂടുതലോ നീളമുണ്ടായിരിക്കണം. ബോട്ടിന്റെ എഞ്ചിന്‍ അഞ്ച് വര്‍ഷത്തില്‍ താഴെ പഴക്കമുള്ളതായിരിക്കണം. വെസ്സല്‍ ട്രാക്കിംഗ് സംവിധാനമുള്ളതും നാവിക് ഉപകരണം ഘടിപ്പിച്ചിട്ടുള്ളതും സാറ്റലൈറ്റ്‌ഫോണ്‍ ലഭ്യമായിട്ടുള്ളതും അവര്‍ലി മീറ്റർ ഘടിപ്പിച്ചതുമായ ബോട്ടുകള്‍ക്ക് മുന്‍ഗണന നല്‍കും.

ഫിഷറീസ് വകുപ്പ് ജില്ലയിലെ കടല്‍ പെട്രോളിങ്ങിനും കടല്‍ രക്ഷാ പ്രവര്‍ത്തനങ്ങള്‍ക്കുമായി 9.9 എച്ച്.പി, 25 എച്ച്.പി എഞ്ചിനുകള്‍ വീതം ഘടിപ്പിച്ചിട്ടുള്ള രണ്ട് ഫൈബര്‍ വള്ളങ്ങള്‍ വാടക വ്യവസ്ഥയില്‍ ലഭ്യമാക്കുന്നതിന് ക്വട്ടേഷന്‍ ക്ഷണിച്ചു.

ട്രോളിംഗ് നിരോധനം ഏര്‍പ്പെടുത്തുന്ന ജൂണ്‍ 9 അര്‍ദ്ധരാത്രി മുതല്‍ ജൂലൈ 31 അര്‍ദ്ധരാത്രി വരെയാണ് വള്ളങ്ങള്‍ ആവശ്യമുള്ളത്. വള്ളം 32 അടിയോ അതില്‍ കൂടുതലോ നീളമുള്ളതും ഫൈബര്‍ ബോഡി നിര്‍മ്മിതവുമായിരിക്കണം. അഞ്ച് വര്‍ഷത്തില്‍ കുറവ് പഴക്കമുള്ളതും പ്രവര്‍ത്തന യോഗ്യമായതുമായ വള്ളങ്ങള്‍ക്ക് മുന്‍ഗണന ഉണ്ടായിരിക്കും.