കേരള സര്‍ക്കാര്‍ സ്ഥാപനമായ ഐ.എച്ച്.ആര്‍.ഡി  ജില്ലകളില്‍ 16 കേന്ദ്രങ്ങളിലായി ആരംഭിക്കുന്ന ഡിപ്ലോമ ഇന്‍ ജെറിയാട്രിക് കെയര്‍ കോഴ്‌സിന് അപേക്ഷിക്കാനുള്ള തീയതി ജൂണ്‍ 15 വരെ നീട്ടി. വെബ്‌സൈറ്റ്  www.ihrdadmissions.org. ഫോണ്‍:8547005000.

വള്ളിക്കോട് ഗ്രാമപഞ്ചായത്തിലെ മാറ്റം വരുത്തിയ കെട്ടിടങ്ങള്‍ നിയമാനുസൃതം അപേക്ഷ സമര്‍പ്പിച്ച് നികുതി പരിഷ്‌കരിക്കാന്‍ അവസരം. ജൂണ്‍ 30 ന് മുമ്പ് നികുതി പരിഷ്‌കരിക്കുന്നതിന് അപേക്ഷ സമര്‍പ്പിച്ചില്ലെങ്കില്‍ പിഴ ഉള്‍പ്പെടെയുള്ള നിയമ നടപടി സ്വീകരിക്കുമെന്ന് പഞ്ചായത്ത് സെക്രട്ടറി അറിയിച്ചു.

മഴക്കാലം ആരംഭിക്കുന്നതോടെ വായുവിലൂടെ പകരുന്ന രോഗങ്ങളുടെ വ്യാപനം ജില്ലയില്‍ വര്‍ധിക്കുന്നതായി ജില്ല മെഡിക്കല്‍ ഓഫീസര്‍ ഡോ. എല്‍ അനിതകുമാരി. ജലദോഷം, ഇന്‍ളുവന്‍സ , ന്യുമോണിയ തുടങ്ങിയ ശ്വാസകോശ സംബന്ധമായ രോഗങ്ങള്‍ക്ക് ഒപ്പം എച്ച് വണ്‍ എന്‍ വണ്‍ രോഗബാധയുടെ സാധ്യതയും ഉയരന്നു. എച്ച് 1 എന്‍1 വൈറസ് ബാധിതരായ വ്യക്തി ചുമയ്ക്കുമ്പോഴും തുമ്മുമ്പോഴും പുറത്തുവരുന്ന ചെറുകണങ്ങളിലൂടെ രോഗം മറ്റുള്ളവരിലേക്ക് പകരാന്‍ സാധ്യതയുണ്ട്. പനി, ചുമ, തൊണ്ടവേദന, ശരീരവേദന, ക്ഷീണം, ശ്വാസതടസ്സം തുടങ്ങിയവയാണ് പ്രധാന ലക്ഷണം. പ്രായമായവര്‍, ഗര്‍ഭിണികള്‍, കുട്ടികള്‍ എന്നിവര്‍ കൂടുതല്‍ ജാഗ്രത പാലിക്കണം.

പത്തനംതിട്ട നഗരസഭയിലെ ദുരന്തനിവാരണ-മുന്‍കരുതല്‍ പ്രവര്‍ത്തനം ഏകോപിപ്പിക്കുന്നതിന് വകുപ്പ് ഉദ്യോഗസ്ഥരുടെ യോഗം ചേര്‍ന്നു.  നഗരസഭാ ഹാളില്‍ നടന്ന യോഗത്തില്‍ ചെയര്‍പേഴ്‌സണ്‍ സിന്ധു അനില്‍ യോഗത്തില്‍ അധ്യക്ഷയായി.
നഗരസഭയില്‍ അടിയന്തര സാഹചര്യം നേരിടുന്നതിന് 24 മണിക്കൂര്‍ പ്രവര്‍ത്തിക്കുന്ന കണ്‍ട്രോള്‍ റൂം സജ്ജമാക്കും. പൊതുജനങ്ങള്‍ക്ക് അപകട സാഹചര്യങ്ങളില്‍ കണ്‍ട്രോള്‍ റൂമുമായി ബന്ധപ്പെടാം.

ചന്ദനത്തോപ്പ്, മനയില്‍കുളങ്ങര (വനിത)  സര്‍ക്കാര്‍ ഐ.ടി.ഐകളില്‍ പ്രവേശനത്തിനായി അപേക്ഷ ക്ഷണിച്ചു.   100 രൂപയാണ് അപേക്ഷാ ഫീസ്.   പ്രവേശന വിവരങ്ങള്‍   https://det.kerala.gov.in ലും https://itiadmission.kerala.gov.in ലും ലഭിക്കും. അവസാനതീയതി: ജൂണ്‍ 30. ഫോണ്‍:  0474-2712781 (ചന്ദനത്തോപ്പ്), 0474 2793714 (മനയില്‍ കുളങ്ങര).
 

കേരള തൊഴിലാളി ക്ഷേമനിധി ബോര്‍ഡിലെ വരിക്കാരായ തൊഴിലാളികളുടെ മക്കള്‍ക്ക്   ഐ.ടി.ഐകളില്‍ സംവരണം ചെയ്തിട്ടുള്ള സീറ്റുകളിലേക്ക് പ്രവേശനത്തിന് അപേക്ഷ ക്ഷണിച്ചു. വ്യവസായിക പരിശീലന വകുപ്പിന്റെ കീഴിലുള്ള  13 ഐ.ടി.ഐ കളിലായി 14 ട്രേഡുകളിലേക്കാണ്   പ്രവേശനം. പത്താം ക്ലാസ്സാണ് യോഗ്യത.    www.labourwelfarefund.in മുഖേന അപേക്ഷ സമര്‍പ്പിക്കാം.   പ്രതിമാസം 750 രൂപ വീതം സ്റ്റൈപന്റ് ലഭിക്കും. അവസാന തീയതി: ജൂണ്‍ 30.

  ഇന്‍ഷുറന്‍സ് നഷ്ടപരിഹാരം ഉള്‍പ്പെടെയുള്ള കേന്ദ്ര സര്‍ക്കാര്‍ ആനുകൂല്യങ്ങള്‍ ലഭിക്കുന്നതിനായി ക്ഷീരകര്‍ഷകര്‍ക്ക് തങ്ങളുടെ ഉരുക്കളെ 'ഭാരത് പശുധന്‍' പോര്‍ട്ടലില്‍ രജിസ്റ്റര്‍ ചെയ്യാം. ആധാര്‍ കാര്‍ഡും ഫോണ്‍ നമ്പറും ഉപയോഗിച്ച് കര്‍ഷകര്‍ക്ക് നേരിട്ടോ അല്ലെങ്കില്‍ മൃഗാശുപത്രികള്‍ വഴിയോ ജൂണ്‍ 15 വരെ രജിസ്‌ട്രേഷന്‍ നടത്താവുന്നതാണെന്ന് കൊട്ടിയം എല്‍.എം.ടി.സി അസി. ഡയറക്ടര്‍ അറിയിച്ചു.
 
 

ജില്ലയില്‍ സ്ഥിരതാമസക്കാരായ പട്ടികജാതി, പട്ടികവര്‍ഗ്ഗ, പിന്നാക്ക, ന്യൂനപക്ഷ (ക്രിസ്ത്യന്‍/മുസ്ലീം), പൊതുവിഭാഗങ്ങളില്‍പ്പെട്ട വനിതകള്‍ക്ക് കേരള സംസ്ഥാന വനിതാ വികസന കോര്‍പ്പറേഷന്‍ സ്വയംതൊഴില്‍ വായ്പ നല്‍കുന്നു. 18 നും 55 നും ഇടയില്‍ പ്രായമുള്ള തൊഴില്‍രഹിതരായ വനിതകള്‍ക്ക് അപേക്ഷിക്കാം. നാല് മുതല്‍ എട്ട് ശതമാനം വരെ പലിശനിരക്കില്‍  വസ്തു/ഉദ്യോഗസ്ഥ ജാമ്യവ്യവസ്ഥയിലാണ് വായ്പ.  mithrasoft.kswdc.org മുഖേനയാണ് അപേക്ഷ സമര്‍പ്പിക്കേണ്ടത്.

ചെങ്ങന്നൂര്‍ സര്‍ക്കാര്‍ വനിത ഐ.ടി.ഐ യിലെ  ഇലക്ട്രോണിക്സ് മെക്കാനിക്ക്, കംപ്യൂട്ടര്‍ ഓപ്പറേറ്റര്‍ ആന്റ് പ്രോഗ്രാമിംഗ് അസിസ്റ്റന്റ്, ഡ്രാഫ്റ്റ്സ്മാന്‍ സിവില്‍, സര്‍വെയര്‍, കമ്പ്യൂട്ടര്‍ ഹാര്‍ഡ് വെയര്‍ ആന്റ് നെറ്റ് വര്‍ക്ക് മെയിന്റനന്‍സ്, സ്റ്റെനോഗ്രാഫര്‍ ആന്റ് സെക്രട്ടേറിയല്‍ അസിസ്റ്റന്റ് (ഇംഗ്ലീഷ്), ഡ്രെസ്സ് മേക്കിംഗ് എന്നീ ട്രേഡുകളിലേക്ക് പ്രവേശനത്തിന് അപേക്ഷിക്കാം.    https://itiadmissions.kerala.gov.in മുഖേന ജൂണ്‍ 30 നകം അപേക്ഷ സമര്‍പ്പിക്കണം. ശേഷം തൊട്ടടുത്തുള്ള സര്‍ക്കാര്‍ ഐടിഐയില്‍ എത്തി വെരിഫിക്കേഷന്‍ നടപടികള്‍ പൂര്‍ത്തീകരികണം. ഫോണ്‍ : 0479 2457496, 9747454553.