നിയമസഭാ പൊതു തെരഞ്ഞെടുപ്പുമായി ബന്ധപ്പെട്ട് ആന്റി ഡീഫേസ്മെന്റ് സ്‌ക്വാഡിന്റെ നേതൃത്വത്തില്‍ ജില്ലയില്‍ നടത്തിയ പരിശോധനയില്‍ ബുധനാഴ്ച 336 പ്രചരണ സാമഗ്രികള്‍ നീക്കം ചെയ്തു. ഇതില്‍ പൊതു ഇടങ്ങളിലായി വിവിധ രാഷ്ട്രീയ പാര്‍ട്ടികള്‍ സ്ഥാപിച്ച 291 പോസ്റ്ററുകള്‍, 16 ബാനറുകള്‍, അഞ്ച് മറ്റ് പ്രചരണ സാമഗ്രികള്‍, സ്വകാര്യ ഇടങ്ങളില്‍ സ്ഥാപിച്ച 23 പോസ്റ്ററുകള്‍, ഒരു ബാനറും ഉള്‍പ്പെടുന്നു.

കണ്ണൂർ ജില്ലയിലെ തിരഞ്ഞെടുപ്പ് പോളിംഗ് ഉദ്യോഗസ്ഥരുടെ രണ്ടാംഘട്ട പരിശീലന പരിപാടി 
ഏപ്രിൽ 2, 3, 4 തീയ്യതികളിൽ വിവിധ കേന്ദ്രങ്ങളിലായി നടക്കും. 

പയ്യന്നൂർ നിയോജകമണ്ഡലം-
പയ്യന്നൂർ ഗവ. ഹയർ സെക്കൻഡറി സ്കൂൾ.

കല്ല്യാശ്ശേരി-കെ പി ആർ ഗോപാലൻ സ്‌മാരക സ്കൂൾ. 

തളിപ്പറമ്പ്-കില ക്യാമ്പസ്, 
ജില്ലാ മണ്ണ് പരിശോധന ലാബ് തളിപ്പറമ്പ്.

ഇരിക്കൂർ-ശ്രീകണ്ഠപുരം ഗവ. ഹയർ സെക്കൻഡറി സ്കൂ‌ൾ.

അഴീക്കോട്-വി.കെ കൃഷ്‌ണമേനോൻ വനിത കോളേജ് പള്ളിക്കുന്ന്.

കണ്ണൂർ-എസ്.എൻ കോളേജ് തോട്ടട.

ധർമ്മടം-ഗവ. ഹയർ സെക്കൻഡറി സ്കൂൾ പാലയാട്.

നിയമസഭാ തെരഞ്ഞെടുപ്പിന്റെ ഭാഗമായി വോട്ടര്‍മാരിലും പൊതുജനങ്ങളിലും ഹരിത പ്രോട്ടോക്കോള്‍ സന്ദേശം എത്തിക്കുകയെന്ന ലക്ഷ്യവുമായി ജില്ലാ ശുചിത്വ മിഷനും സ്വീപ് വയനാടും സംയുക്തമായി ഗ്രീന്‍ ഇലക്ഷന്‍ മാരത്തണ്‍ സംഘടിപ്പിക്കുന്നു. ഏപ്രില്‍ ഏഴിന്  രാവിലെ കല്‍പറ്റ പുതിയ ബസ് സ്റ്റാന്റ് പരിസരത്ത് നിന്ന് ആരംഭിക്കുന്ന മാരത്തണ്‍ ബൈപാസ് വഴി കൈനാട്ടിയിലൂടെ പുതിയ ബസ് സ്റ്റാന്റ് പരിസരത്ത് സമാപിക്കും. പ്ലാസ്റ്റിക് രഹിത പരിസ്ഥിതി സൗഹൃദ തെരഞ്ഞെടുപ്പ് പ്രചാരണം പ്രോത്സാഹിപ്പിക്കുക, ഗ്രീന്‍ ബട്ടണ്‍ ക്യാമ്പയിന്റെ ഭാഗമായി ജനങ്ങളെ ബോധവത്ക്കരിക്കുക എന്നീ ലക്ഷ്യത്തോടെയാണ് മാരത്തണ്‍ സംഘടിപ്പിക്കുന്നത്.

ഹരിതചട്ട ലംഘനങ്ങൾ 9946700800 വാട്സ്ആപ്പ് നമ്പറിൽ റിപ്പോർട്ട്‌ ചെയ്യാം 

നിയമസഭ തിരഞ്ഞെടുപ്പ് കൂടുതൽ പരിസ്ഥിതി സൗഹൃദമാക്കാനുള്ള ലക്ഷ്യത്തോടെ ജില്ലാ ശുചിത്വ മിഷൻ. ജില്ലയിലെ എല്ലാ തിരഞ്ഞെടുപ്പ് ബൂത്തുകളിലും ഹരിതചട്ടപാലനം ഉറപ്പാക്കുന്നതിനായി മുൻകരുതലുകൾ സ്വീകരിച്ചിട്ടുണ്ടെന്ന് ജില്ലാ ശുചിത്വ മിഷൻ കോർഡിനേറ്റർ കെ എം. സുനിൽകുമാർ പറഞ്ഞു.

മാലിന്യസംസ്‌കരണത്തിന് പ്രത്യേക പ്രാധാന്യം നൽകിയിട്ടുള്ളതിനാൽ, ജൈവമാലിന്യത്തിനും പൊതുമാലിന്യത്തിനുമായി വേർതിരിച്ച ബിന്നുകൾ ഓരോ ബൂത്തിലും സ്ഥാപിക്കും. 

ഹോം വോട്ടിംഗിൽ ജില്ലയിൽ ചൊവ്വാഴ്ച്ച  3404 വോട്ടുകൾ രേഖപ്പെടുത്തി. ഇതോടെ കണ്ണൂർ ജില്ലയിൽ ആകെ വീട്ടിൽ ചെയ്ത വോട്ടുകളുടെ എണ്ണം 5790 ആയി. 

ചൊവ്വാഴ്ച്ച 85 ന് മുകളിൽ പ്രായമുള്ളവരുടെ വിഭാഗത്തിൽ 2470 വോട്ടുകളും ഭിന്നശേഷി വിഭാഗത്തിൽ 934 വോട്ടുകളുമാണ് രേഖപ്പെടുത്തിയത്.

ജില്ലാ തിരഞ്ഞെടുപ്പ് ബോധവൽക്കരണ പരിപാടിയായ സ്വീപ് ക്യാമ്പയിന്റെ ഭാഗമായി, കൂത്തുപറമ്പ് നിർമലഗിരി കോളേജിന്റെ ആഭിമുഖ്യത്തിൽ തിരഞ്ഞെടുപ്പ് ബോധവൽക്കരണ റാലി നടത്തി. 
എൻ.എസ്.എസ് പ്രോഗ്രാം ഓഫീസർമാരായ ദീപു, മഞ്ജു എന്നിവരുടെ നേതൃത്വത്തിൽ നിർമലഗിരി കോളേജിലെ എൻ.എസ്.എസ് വിദ്യാർത്ഥികൾ വോട്ടവകാശത്തിന്റെ പ്രാധാന്യത്തെക്കുറിച്ച് പൊതുസമൂഹത്തിലും പ്രത്യേകിച്ച് പുതുതലമുറയിലും അവബോധം സൃഷ്ടിക്കുന്നതിനായി കോളേജ് ഓഡിറ്റോറിയത്തിൽ നിന്ന് റാലി തുടങ്ങി.

നിയമസഭാ പൊതുതെരഞ്ഞെടുപ്പുമായി ബന്ധപ്പെട്ട് സ്ഥാനാര്‍ത്ഥികളുടെ വരവ്-ചെലവുകണക്ക് രജിസ്റ്ററുകളുടെ രണ്ടാമത്തെയും മൂന്നാമത്തെയും സൂക്ഷ്മ പരിശോധനകള്‍ക്ക് നിശ്ചയിച്ചിരുന്ന തീയതികളില്‍ മാറ്റം. 

രണ്ടാംഘട്ട പരിശോധന ഏപ്രില്‍ നാലിന് കളക്ടറേറ്റ് റൗണ്ട് കോണ്‍ഫറന്‍സ് ഹാളില്‍ എക്‌സ്‌പെന്‍ഡിച്ചര്‍ ഒബ്‌സര്‍വറുടെ നേതൃത്വത്തില്‍ നടക്കും. രാവിലെ 10.30ന് കല്‍പറ്റ, ഉച്ചയ്ക്ക് 1.30ന് മാനന്തവാടി, വൈകിട്ട് മൂന്നിന് സുല്‍ത്താന്‍ ബത്തേരി മണ്ഡലങ്ങളിലെ സ്ഥാനാര്‍ത്ഥികളുടെ രേഖകള്‍ പരിശോധിക്കും. 

ജില്ലയിലെ മുഴുവൻ നിയമസഭ മണ്ഡലങ്ങളിലെയും സ്ഥാനാർഥികളുടെ തിരഞ്ഞെടുപ്പ് അക്കൗണ്ടിന്റെ വരവ് ചിലവ് കണക്ക് ആദ്യഘട്ട പരിശോധന  നടത്തി.

സിവിലിലെ പ്ലാനിംഗ് ഓഫീസ് കോൺഫറൻസ് ഹാളിൽ ചിലവ് നിരീക്ഷകരായ ടി സ്വപ്ന, ധീരജ്, വികാസ് സിംഗ് എന്നിവരാണ് പരിശോധന നടത്തിയത്. കണക്കുകളിലെ പൊരുത്തക്കേട് സംബന്ധിച്ചു നോട്ടീസ് ലഭിച്ചവർ 48 മണിക്കൂറിനുള്ളിൽ പിഴവുകൾ പരിഹരിച്ചു അതാത് വരണാധികാരിയ്ക്ക് റിപ്പോർട്ട്‌ സമർപ്പിക്കണമെന്ന് അധികൃതർ അറിയിച്ചു. അടുത്ത ഘട്ട പരിശോധനകൾ ഏപ്രിൽ 4, 7 തീയ്യതികളിൽ നടക്കും. 

എക്സ്പെൻഡിച്ചർ നോഡൽ ഓഫീസർ സി എം സുനിൽ കുമാർ, മറ്റ് ഉദ്യോഗസ്ഥർ എന്നിവർ പങ്കെടുത്തു. 

നിയമസഭാ പൊതു തെരഞ്ഞെടുപ്പുമായി ബന്ധപ്പെട്ട് ജില്ലയില്‍ സ്ഥാനാര്‍ത്ഥികളുടെ വരവ്-ചെലവ് കണക്കുകളുടെ ആദ്യഘട്ട പരിശോധന പൂര്‍ത്തിയായി. കളക്ടറേറ്റ് റൗണ്ട് കോണ്‍ഫറന്‍സ് ഹാളില്‍ നടന്ന പരിശോധനക്ക് ചെലവ് നിരീക്ഷക കനിക ഹസിജ നേതൃത്വം നല്‍കി.

രജിസ്റ്ററുകള്‍ കൃത്യമായി സൂക്ഷിക്കാത്തതോ ആവശ്യമായ ബില്ലുകളും ഇന്‍വോയിസുകളും സമര്‍പ്പിക്കാത്തതോ ആയ സ്ഥാനാര്‍ത്ഥികള്‍ക്ക് 48 മണിക്കൂറിനകം വിശദീകരണം നല്‍കണമെന്ന വ്യവസ്ഥയില്‍ നോട്ടീസ് നല്‍കി. പരിശോധനയില്‍ പങ്കെടുക്കാതിരുന്ന നാല് സ്ഥാനാര്‍ത്ഥികള്‍ക്കും നോട്ടീസ് നല്‍കി. 

മുണ്ടേരി ഗവ. ഹയർസെക്കൻഡറി സ്കൂളിലെ ബൂത്ത് നമ്പർ 40 ജില്ലയിലെ ഭിന്നശേഷി ഉദ്യോഗസ്ഥർ നിയന്ത്രിക്കുന്ന ബൂത്തായി പ്രഖ്യാപിച്ച് ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടർ അരുൺ.കെ.വിജയൻ ഉത്തരവിട്ടു. ജില്ലാ സാമൂഹ്യ നീതി ഓഫീസർ നിർദ്ദേശിച്ച ഭിന്നശേഷി ഉദ്യോഗസ്ഥരെ അവരുടെ സമ്മതത്തോടെ ഇവിടെ തിരഞ്ഞെടുപ്പ് ചുമതലകളിൽ നിയമിച്ച് ഉത്തരവിടുകയും ചെയ്തതായി കളക്ടർ അറിയിച്ചു.