നിയമസഭാ തിരഞ്ഞെടുപ്പിൽ മികച്ച പ്രവർത്തനം കാഴ്ചവെച്ച ജില്ലയിലെ ഉദ്യോഗസ്ഥരെ  അനുമോദിച്ചു. ഫോർട്ട്‌ മാനർ ഹോട്ടലിൽ സംഘടിപ്പിച്ച അനുമോദന ചടങ്ങ് ജില്ലാ കളക്ടർ അനു കുമാരി ഉദ്ഘാടനം ചെയ്തു. ജീവനക്കാർക്ക് സർട്ടിഫിക്കറ്റുകളും വിതരണം ചെയ്തു.

റിട്ടേണിങ് ഓഫീസർമാർ, അസിസ്റ്റന്റ് റിട്ടേണിങ് ഓഫീസർമാർ, വിവിധ ചുമതലകൾ വഹിച്ച നോഡൽ ഓഫീസർമാർ,  അസിസ്റ്റന്റ്  നോഡൽ ഓഫീസർമാർ, തിരഞ്ഞെടുപ്പ് ജോലികളിൽ പങ്കാളികളായ മറ്റ് ഉദ്യോഗസ്ഥർ തുടങ്ങിയവർ പങ്കെടുത്തു.

ചടങ്ങിൽ സബ് കളക്ടർ ആൽഫ്രഡ്‌ ഒ വി, എ ഡി എം നിർമൽ കുമാർ ജി, ഡെപ്യൂട്ടി കളക്ടർ ബിജു. എസ്  തുടങ്ങിയവർ സംബന്ധിച്ചു.

ശ്രീകാര്യം കോളേജ് ഓഫ് എൻജിനീയറിം​ഗിൽ പ്രവർത്തിച്ചുകൊണ്ടിരിക്കുന്ന ജനറൽ ക്യാന്റീൻ ഒരു വർഷത്തേയ്ക്ക് ഏറ്റെടുത്ത് നടത്താൻ താത്പര്യമുള്ളവരിൽ നിന്നും മുദ്രവെച്ച ക്വട്ടേഷൻ ക്ഷണിക്കുന്നു. 2026 ജൂൺ 1 മുതൽ 2027 ഏപ്രിൽ 30 വരെയാണ് ക്യാന്റീൻ പ്രവർത്തിപ്പിക്കേണ്ടത്.

ക്വട്ടേഷനുകൾ സമർപ്പിക്കേണ്ട അവസാന തീയതി ജൂൺ 5ന് രാവിലെ 11 മണി.

വെണ്‍പകല്‍ സാമൂഹികാരോഗ്യ കേന്ദ്രത്തിലേക്ക് അതിയന്നൂര്‍ ബ്ലോക്ക് പഞ്ചായത്ത് മുഖേന താല്‍ക്കാലികമായി രാത്രികാല ഡ്യൂട്ടിയ്ക്ക് ഡോക്ടറെ നിയമിക്കുന്നതിന് അഭിമുഖം നടത്തുന്നു. യോഗ്യത: എം.ബി.ബി.എസ് ബിരുദം, റ്റി.സി.എം.സി രജിസ്‌ട്രേഷന്‍ നിര്‍ബന്ധം.

താത്പര്യമുള്ളവര്‍ ആവശ്യമായ രേഖകളുമായി മെയ് 26ന് രാവിലെ 10ന് സാമൂഹികാരോഗ്യ കേന്ദ്രത്തില്‍ അഭിമുഖത്തിന് എത്തണം. സര്‍ക്കാര്‍ സ്ഥാപനങ്ങളില്‍ സേവനം അനുഷ്ഠിച്ചിട്ടുള്ളവര്‍ക്കും അതിയന്നൂര്‍ ബ്ലോക്ക് പഞ്ചായത്ത് പരിധിയിലുള്ളവര്‍ക്കും മുന്‍ഗണന. ഫോണ്‍: 0471-2223594

തൃത്താല, കുഴല്‍മന്ദം എം.ആര്‍.എസുകളില്‍ കരാര്‍ അടിസ്ഥാനത്തില്‍ അധ്യാപകരെ നിയമിക്കുന്നതിനായി മെയ് 28ന് നടത്താനിരുന്ന അഭിമുഖം ബക്രീദ് അവധി പ്രമാണിച്ച് മെയ് 29ലേക്ക് മാറ്റിയതായി ജില്ലാ പട്ടികജാതി വികസന ഓഫീസര്‍ അറിയിച്ചു. ഫോണ്‍: 0491- 2505005.

മലമ്പുഴ നൂറടി റോഡില്‍ 3/600 ല്‍ ഇടത് വശത്തും ഫാന്റസി പാര്‍ക്കിന് സമീപം 5/400ല്‍ വലത് വശത്തും നില്‍ക്കുന്ന വാകമരങ്ങളുടെ ശാഖകളും ഉങ്ങ് മരവും മെയ് 21 ന് രാവിലെ 11ന് മലമ്പുഴ ഫാന്റസി പാര്‍ക്കിന് മുന്‍വശത്ത് ലേലം ചെയ്യുമെന്ന് പൊതുമരാമത്ത് വകുപ്പ് അസി.എഞ്ചിനീയര്‍ അറിയിച്ചു.

അസാപ് കേരള ഒറ്റപ്പാലം, ലക്കിടി കമ്മ്യൂണിറ്റി സ്‌കില്‍ പാര്‍ക്കില്‍ സൗജന്യ തൊഴില്‍മേള മെയ് 30ന്. https://forms.gle/McasgRUEPmc1hqep6  വഴി രജിസ്റ്റര്‍ ചെയ്യാം. താല്‍പര്യമുള്ളവര്‍ രാവിലെ 10 ന് ബയോഡാറ്റയും സര്‍ട്ടിഫിക്കറ്റുകളുമായി എത്തണം. സ്ഥാപനങ്ങളുടെ വിവരങ്ങള്‍

കുഴല്‍മന്ദം മോഡല്‍ റസിഡന്‍ഷ്യല്‍ പോളിടെക്നിക് കോളജില്‍ അധ്യാപക ഒഴിവ്. സിവില്‍ എന്‍ജിനീയറിങ്, കമ്പ്യൂട്ടര്‍ എന്‍ജിനീയറിങ് തസ്തികകളിലാണ് താത്കാലികാടിസ്ഥാനത്തില്‍ നിയമനം നടത്തുന്നത്. യോഗ്യത-ബി.ടെക്/ ബി.ഇ. കമ്പ്യൂട്ടര്‍ എഞ്ചിനീയറിങ്ങ് വിഭാഗത്തിലേക്ക് മെയ് 23നും സിവില്‍ എഞ്ചിനീയറിങ് വിഭാഗത്തിലേക്ക് മെയ് 26ന് രാവിലെ 10നും എഴുത്ത് പരീക്ഷ/ അഭിമുഖം നടക്കും. ഫോണ്‍: 04922 272900, 8547005086.

ജില്ലാ വികസന സമിതി യോഗം മെയ് 30ന് രാവിലെ 10.30ന് കലക്ടറേറ്റ് കോണ്‍ഫറന്‍സ് ഹാളില്‍ ചേരുമെന്ന് ജില്ലാ കലക്ടര്‍ അറിയിച്ചു.