കെല്‍ട്രോണിന്റെ മലപ്പുറം ജില്ലയിലെ കുറ്റിപ്പുറം നോളജ് സെന്ററില്‍ പ്രൊഫഷണല്‍ ഡിപ്ലോമ ഇന്‍ ലോജിസ്റ്റിക്സ് & സപ്ലൈ ചെയിന്‍ മാനേജ്മെന്റ്, ഡിപ്ലോമ ഇന്‍ കംപ്യൂട്ടര്‍ ഹാര്‍ഡ്വെയര്‍ & നെറ്റ്വര്‍ക്ക് മെയിന്റനന്‍സ് വിത്ത് ഇ ഗാഡ്ജറ്റ് ടെക്‌നോളജീസ്, ഡിപ്ലോമ ഇന്‍ ഓഫീസ് അക്കൗണ്ടിങ്, അഡ്വാന്‍സ്ഡ് ഡിപ്ലോമ ഇന്‍ ഗ്രാഫിക്സ് വെബ് & ഡിജിറ്റല്‍ ഫിലിം മേക്കിങ് എന്നീ കോഴ്സുകളിലേക്ക് പ്രവേശനം ആരംഭിച്ചു. ഫോണ്‍ 04942697288, 8590605276.

ജില്ലാ ഭരണകൂടവും ജില്ലാ സാമൂഹ്യനീതി ഓഫീസും ചേര്‍ന്ന് മലപ്പുറം ജില്ലാ ട്രോമകെയറിന്റെ സഹകരണത്തോടുകൂടി നടപ്പിലാക്കുന്ന 'കെയര്‍' പദ്ധതിയുടെ തുടര്‍പ്രവര്‍ത്തനങ്ങള്‍ വിലയിരുത്തുന്നതിനായി മെയ് 19 ന് രാവിലെ 11ന് ജില്ലാ ആസൂത്രണ സമിതി കെട്ടിടത്തിലെ ഡി.ഡി.സി ചേംബറില്‍ യോഗം ചേരും. മലപ്പുറം ജില്ലയിലെ ഭിന്നശേഷിക്കാര്‍, വയോജനങ്ങള്‍, ക്ലേശകരമായ സാഹചര്യങ്ങളില്‍ ഒറ്റപ്പെട്ട് കഴിയുന്നവര്‍, ഉപേക്ഷിക്കപെട്ടവര്‍ എന്നിവരെ അടിയന്തിര സാഹചര്യത്തില്‍ നിന്നും മോചിപ്പിക്കുന്നതിനും പുനരധിവാസം ഉറപ്പുവരുത്തുന്നതിനുമായി നടപ്പിലാക്കുന്നതാണ് 'കെയര്‍' പദ്ധതി.

ഈ വര്‍ഷത്തെ തെക്കുപടിഞ്ഞാറന്‍ കാലവര്‍ഷ സമയത്ത് കടലില്‍ രക്ഷാപ്രവര്‍ത്തനങ്ങള്‍ നടത്തുന്നതിന് തുറമുഖ വകുപ്പ് ബേപ്പൂര്‍ തുറമുഖത്ത് 24 മണിക്കൂറും പ്രവര്‍ത്തിക്കുന്ന പോര്‍ട്ട് കണ്‍ട്രോള്‍ റൂം സജ്ജീകരിക്കും. ജൂണ്‍ ഒന്ന് മുതല്‍ ഓഗസ്റ്റ് 31 വരെയായിരിക്കും കണ്‍ട്രോള്‍ റൂമിന്റെ പ്രവര്‍ത്തനം. വി.എച്ച്.എഫ് ചാനല്‍ 16ല്‍ പോര്‍ട്ട് കണ്‍ട്രോള്‍ റൂമുമായി ബന്ധപ്പെടാം. കൂടാതെ പൊന്നാനി, കോഴിക്കോട്, വടകര എന്നീ തുറമുഖങ്ങളില്‍ പ്രവൃത്തി ദിവസങ്ങളില്‍ രാവിലെ പത്ത് മുതല്‍ വൈകീട്ട് അഞ്ച് വരെ ടെലിഫോണില്‍ ബന്ധപ്പെടാം. ഇമെയില്‍ - portofficekkd@gmail.com.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ നടത്തുന്ന ഒരു വര്‍ഷം ദൈര്‍ഘ്യമുള്ള പിജി ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത-ഡിഗ്രി), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത- പ്ലസ്ടു), ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത- എസ്.എസ്.എല്‍.സി) തുടങ്ങിയ കോഴ്‌സുകളിലേക്ക് അപേക്ഷ ക്ഷണിച്ചു. ഓണ്‍ലൈന്‍/റെഗുലര്‍/പാര്‍ട് ടൈം ബാച്ചുകള്‍ ഉണ്ടായിരിക്കും. ഫോണ്‍- 7994449314.

ജില്ലയിലെ ദേശീയ സമ്പാദ്യ പദ്ധതി ഏജന്റുമാരുടെ മലപ്പുറം ജില്ലാ തല സംഗമം 'മഹിളാ പ്രധാനം 2026'  ഇ.ടി മുഹമ്മദ് ബഷീര്‍ എം.പി ഉദ്ഘാടനം ചെയ്തു. കൂട്ടിലങ്ങാടി റെയിന്‍ബോ കണ്‍വെന്‍ഷന്‍ സെന്ററില്‍ നടന്ന ചടങ്ങില്‍ ദേശീയ സമ്പാദ്യ പദ്ധതി വകുപ്പ് ഡെപ്യൂട്ടി ഡയറക്ടര്‍ എം. ഉണ്ണികൃഷ്ണന്‍ അധ്യക്ഷത വഹിച്ചു. ചടങ്ങില്‍ മങ്കട നിയുക്ത എം.എല്‍.എ. മഞ്ഞളാംകുഴി അലി മുഖ്യ പ്രഭാഷണം നടത്തി.  

ഇരവിപേരൂര്‍ കണ്‍സ്യൂമര്‍ഫെഡ് സ്റ്റുഡന്റ്സ് മാര്‍ക്കറ്റ് ഉദ്ഘാടനം ഗ്രാമപഞ്ചായത്ത് പ്രസിഡന്റ് ബിജി ടീച്ചര്‍ നിര്‍വഹിച്ചു. വാര്‍ഡ് അംഗം പ്രദീപ് കുമാര്‍ ആദ്യവില്‍പന നടത്തി. പ്രമുഖ കമ്പനികളുടെ ബാഗ്, കുട, ടിഫിന്‍ ബോക്‌സ്, വാട്ടര്‍ ബോട്ടില്‍, റെയിന്‍ കോട്ട്, പെന്‍സില്‍ ബോക്സ്, പേന , ത്രിവേണി നോട്ട് ബുക്ക്, ഇക്കോ ഫ്രണ്ട്ലി നോട്ട് ബുക്ക്, ഓഫീസ് സ്റ്റേഷനറി ഉല്‍പന്നങ്ങള്‍ എന്നിവ മിതമായ വിലയില്‍ ജില്ലയിലെ ത്രിവേണി സൂപ്പര്‍മാര്‍ക്കറ്റിലൂടെയും സഹകരണ സംഘം നടത്തുന്ന നീതി സ്റ്റോറിലൂടെയും സ്‌കൂള്‍ സൊസൈറ്റികളിലൂടെയും ലഭിക്കും. നോട്ടു ബുക്കുകള്‍ക്ക് ഓഫറുണ്ട്.

ദേശീയ ഡെങ്കി ദിനമായ മെയ് 16 ന് കലക്ടറേറ്റിലും ജില്ലയിലെ മറ്റു സര്‍ക്കാര്‍ ഓഫീസുകളിലും ഊര്‍ജിത ഉറവിട നശീകരണ പ്രവര്‍ത്തനം നടത്തും. ഉറവിട നശീകരണത്തിലൂടെ രോഗത്തെ അകറ്റാം എന്നതാണ് ഈ വര്‍ഷത്തെ കാമ്പയിന്‍ സന്ദേശം. എല്ലാ ശനിയാഴ്ചകളിലും സര്‍ക്കാര്‍ ഓഫീസുകളില്‍
ഊര്‍ജിത ഉറവിട നശീകരണ പ്രവര്‍ത്തനം സംഘടിപ്പിക്കും.
 

ഗാര്‍ഹിക പാചക വാതക സിലിണ്ടറുകളുടെ വിതരണം കാര്യക്ഷമമായും പരാതി രഹിതവുമായി നടത്തുന്നതിന്  താലൂക്ക്തല ഓപ്പണ്‍ ഫോറം  മെയ് 20 രാവിലെ 11 ന് റാന്നി ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ ചേരുമെന്ന് റാന്നി താലൂക്ക് സപ്ലൈ ഓഫീസര്‍ അറിയിച്ചു. ഫോണ്‍ : 04735 227504.
 

പട്ടികജാതി വികസനവകുപ്പിന്റെ  പത്തനംതിട്ട കല്ലറകടവിലെ ആണ്‍കുട്ടികളുടെ പ്രീമെട്രിക്‌ഹോസ്റ്റലിലേക്ക് 2026-27 അധ്യയന വര്‍ഷം അഞ്ച് മുതല്‍ 10 വരെയുള്ള ക്ലാസുകളിലേക്കുള്ള പ്രവേശനം ആരംഭിച്ചു. പട്ടികജാതി വിഭാഗം, പട്ടികവര്‍ഗ വിഭാഗം, പിന്നാക്ക വിഭാഗം , ജനറല്‍ വിഭാഗം എന്നിവയിലേക്കാണ് പ്രവേശനം.  
എല്ലാ  ദിവസവും   ട്യൂഷനും   ലൈബ്രറി  സേവനവും  രാത്രികാല പഠനത്തിനും  സംരക്ഷണത്തിനുമായി   റസിഡന്റ് ട്യൂട്ടറുടെ  സേവനവും ലഭിക്കും.  മെനു  അനുസൃതമായ  സമീകൃത ആഹാരം , സ്‌കൂള്‍,  ഹോസ്റ്റല്‍  യൂണിഫോമുകള്‍,  കൃത്യമായ  ഇടവേളകളില്‍ വൈദ്യപരിശോധന  എന്നിവയുണ്ട്.  

പട്ടികജാതി വികസന വകുപ്പിന്റെ തിരുവല്ലയിലെ പെണ്‍കുട്ടികളുടെ പ്രീമെട്രിക് ഹോസ്റ്റലിലേക്ക്  2026 - 27  അധ്യയന വര്‍ഷം  അഞ്ച് മുതല്‍ 10 വരെയുള്ള ക്ലാസുകളിലേക്ക് പ്രവേശനം ആരംഭിച്ചു.  പട്ടികജാതി വിഭാഗം, പട്ടികവര്‍ഗ വിഭാഗം, പിന്നാക്ക വിഭാഗം, ജനറല്‍ വിഭാഗം എന്നിവയിലേക്കാണ് പ്രവേശനം.  
എല്ലാ  ദിവസവും   ട്യൂഷനും   ലൈബ്രറി  സേവനവും  രാത്രികാല പഠനത്തിനും   സംരക്ഷണത്തിനുമായി   റസിഡന്റ് ട്യൂട്ടറുടെ  സേവനവും ലഭിക്കും.  മെനു  അനുസൃതമായ  സമീകൃത ആഹാരം , സ്‌കൂള്‍,  ഹോസ്റ്റല്‍  യൂണിഫോമുകള്‍,  കൃത്യമായ  ഇടവേളകളില്‍ വൈദ്യപരിശോധന  എന്നിവയുണ്ട്.