ഉള്‍നാടന്‍ മത്സ്യമേഖലയുടെ സമഗ്രവികസനം ലക്ഷ്യമിട്ട് ജില്ലയില്‍ ആരംഭിച്ച ഫ്‌ളോക്ക് മത്സ്യകൃഷി പദ്ധതിക്ക് ഫിഷറീസ് വകുപ്പ് അപേക്ഷ ക്ഷണിച്ചു. സുഭിക്ഷകേരളം പദ്ധതിപ്രകാരം ബയോ ഫ്‌ളോക്ക് പദ്ധതിക്കായി അപേക്ഷ നല്‍കിയ മത്സ്യ കര്‍ഷകര്‍ വീണ്ടും അപേക്ഷിക്കേണ്ടതില്ലെന്ന് ഫിഷറീസ് മേഖലാ ഡെപ്യൂട്ടി ഡയറക്ടര്‍ അറിയിച്ചു. താത്പര്യമുള്ളവര്‍ അവരവരുടെ താലൂക്ക് കേന്ദ്രീകരിച്ചുള്ള മത്സ്യഭവന്‍ ഓഫീസുകളില്‍ അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ക്ക് 0471-2464076.
(പി.ആര്‍.പി. 690/2020)

    കാര്‍ഷിക വികസന കര്‍ഷക ക്ഷേമ വകുപ്പ് ഈ വര്‍ഷത്തെ വിവിധ കാര്‍ഷിക അവാര്‍ഡുകള്‍ക്കുള്ള അപേക്ഷകള്‍ ക്ഷണിച്ചു. താത്പര്യമുള്ളവര്‍ നിര്‍ദ്ദിഷ്ട മാതൃകയില്‍ പൂരിപ്പിച്ച അപേക്ഷ, ബന്ധപ്പെട്ട രേഖകള്‍ എന്നിവ കൃഷി ഉദ്യോഗസ്ഥരുടെ ശുപാര്‍ശയോടു കൂടി ജില്ലാ കൃഷി ഓഫീസില്‍ ജൂലൈ ഒന്‍പതിനു മുന്‍പ് എത്തിക്കണമെന്ന് പ്രിന്‍സിപ്പല്‍ കൃഷി ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് ജില്ലാ കൃഷി ഓഫീസുമായി ബന്ധപ്പെടണം.
(പി.ആര്‍.പി. 696/2020)

    കെല്‍ട്രോണ്‍ നടത്തുന്ന ഒരുവര്‍ഷം ദൈര്‍ഘ്യമുള്ള ടെലിവിഷന്‍ ജേര്‍ണലിസം കോഴ്‌സിലേക്ക് അപേക്ഷ ക്ഷണിച്ചു. ഏതെങ്കിലും വിഷയത്തില്‍ ബിരുദം പൂര്‍ത്തിയാക്കിയവര്‍ക്ക് അപേക്ഷിക്കാം. പ്രായപരിധി 30 വയസ്. മാധ്യമസ്ഥാപനങ്ങളില്‍ പരിശീലനം, ഇന്റേണ്‍ഷിപ്പ്, പ്ലേസ്‌മെന്റ് സഹായം എന്നിവ ലഭിക്കും. കുടുതല്‍ വിവരങ്ങള്‍ക്ക് 8137969292, ംംം.സഴെ.സലഹൃേീി.ശി.
(പി.ആര്‍.പി. 695/2020)

*ജില്ലയില്‍ കോവിഡ് പരിശോധന ഇരട്ടിയാക്കും
*ആന്റിജന്‍ പരിശോധന ഉടന്‍ ആരംഭിക്കും

കോഴിക്കോട് ഗവ. എഞ്ചിനീയറിങ്ങ് കോളേജിലെ എ ഇ ആന്റ് ഐ എഞ്ചിനീയറിംഗ്  ഡിപ്പാര്‍ട്ട്‌മെന്റിലെ റോബോട്ടിക്ക് ലാബിലേക്കാവശ്യമായ ഉപകരണങ്ങള്‍ വാങ്ങുന്നതിന് ക്വട്ടേഷന്‍ ക്ഷണിച്ചു.  അവസാന തീയതി ജൂലൈ 16 ന് രണ്ട്് മണി വരെ. ഫോണ്‍ : 04952383220, 2383210. വെബ്‌സൈറ്റ് : www.geckkd.ac.in

കോഴിക്കോട് ജില്ലയില്‍ ലേബര്‍ വെല്‍ഫെയര്‍ ഫണ്ട്  ബോര്‍ഡില്‍ ഉള്‍പ്പെട്ട (എഫ് ആന്റ് ബി,   എ & ബി  ലൈസന്‍സ് പ്രകാരം പ്രവര്‍ത്തിക്കുന്നവ, പ്ലാന്റേണ്‍ ഇന്‍സ്‌പെക്ടറില്‍ നിന്നും സഹായധനം കൈപ്പറ്റാത്ത ചെറുകിട വന്‍കിട തോട്ടങ്ങള്‍ മുതലായവ) സ്ഥാപനങ്ങളില്‍  കോവിഡ് 19 ആശ്വാസധനസഹായം 1000 രൂപ  ഇതുവരെ കൈപറ്റാത്തവര്‍ കേരള ലേബര്‍ വെല്‍്ഫയര്‍ ഫണ്ട് ഓഫീസുമായി ബന്ധപ്പെടണം.  ഫോണ്‍ : 0495-2372480.

ആരോഗ്യ വകുപ്പിന്റെ ജില്ലാ മാനസിക ആരോഗ്യ പദ്ധതിയിലെ മെഡിക്കല്‍ ഓഫീസര്‍, സൈക്യാട്രിസ്റ്റ് തസ്തികകളിലേക്ക് ജൂലൈ എട്ടിന് രാവിലെ 11 മണിക്ക് കോഴിക്കോട് ജില്ലാ മെഡിക്കല്‍ ഓഫീസില്‍ (ആരോഗ്യം) കൂടിക്കാഴ്ച നടത്തും. മെഡിക്കല്‍ ഓഫീസര്‍ - യോഗ്യത: എംബിബിഎസ്, ടിസിഎംസി രജിസ്‌ട്രേഷന്‍.  സൈക്യാട്രിസ്റ്റ് - യോഗ്യത: എം.ഡി.സൈക്യാട്രി/ഡിപ്ലോമ ഇന്‍ സൈക്യാട്രിക്ക് മെഡിസിന്‍. 

താല്‍പര്യമുളള ഉദ്യോഗാര്‍ത്ഥികള്‍ ബയോഡാറ്റയും യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകളും സഹിതം കൂടിക്കാഴ്ചക്ക് ഹാജരാകണം. ഫോണ്‍ : 0495 2370494.