നെന്മേനി ഗ്രാമപഞ്ചായത്തിലെ മലങ്കരവയല്‍ പള്ളി റോഡ് കോണ്‍ക്രീറ്റ് ചെയ്യുന്നതിന് ഐ.സി.ബാലകൃഷ്ണന്‍ എം.എല്‍.എ.യുടെ ആസ്തി വികസന ഫണ്ടില്‍ ഉള്‍പ്പെടുത്തി പത്ത് ലക്ഷം രൂപയുടെ പ്രവൃത്തിക്ക് ജില്ലാ കളക്ടര്‍ ഭരണാനുമതി നല്‍കി.

കല്‍പ്പറ്റ മണ്ഡലത്തില്‍ നടപ്പാക്കുന്ന ഇ - പാഠശാല പദ്ധതിയുടെ ഭാഗമായി സി.കെ. ശശീന്ദ്രന്‍ എം.എല്‍.എയുടെ പ്രാദേശിക വികസന ഫണ്ട് ഉപയോഗിച്ച് 100 ടെലിവിഷന്‍ വാങ്ങി നല്‍കും. മണ്ഡലത്തിലെ മുഴുവന്‍ പൊതുവിദ്യാലയങ്ങളിലും ടെലിവിഷന്‍ ലഭ്യമാക്കുന്നതിനാണ് തുക അനുവദിച്ചത്. എല്ലാ വിദ്യാര്‍ത്ഥികള്‍ക്കും ഓണ്‍ലൈന്‍ പഠനം സാധ്യമാക്കുക എന്ന ലക്ഷ്യത്തോടെയാണ് പദ്ധതി നടപ്പിലാക്കുന്നത്. ഇ - പാഠശാല പദ്ധതിയുടെ ഭാഗമായി വിവിധ വകുപ്പുകളുടെയും സംഘടനകളുടെയും വ്യക്തികളുടെയും സഹകരണത്തോടെ 279 പൊതു പഠന കേന്ദ്രങ്ങളില്‍ ഇതിനോടകം ഓണ്‍ലൈന്‍ പഠന സൗകര്യം ഒരുക്കിയിട്ടുണ്ട്.

ചികിത്സയിലുള്ളവരേക്കാള്‍ ഏറെ രോഗമുക്തര്‍

കോട്ടയം ജില്ലയില്‍ ആറു പേര്‍ക്കുകൂടി കോവിഡ് ഭേദമായതോടെ ആകെ രോഗമുക്തരുടെ എണ്ണം 110 ആയി. ഇന്ന് പുതിയതായി രോഗം സ്ഥിരീകരിച്ച മൂന്നു പേര്‍ ഉള്‍പ്പെടെ 109 പേരാണ് നിലവില്‍ ചികിത്സയിലുള്ളത്. ഇതുവരെ 219 പേര്‍ക്ക്  വൈറസ് ബാധിച്ച ജില്ലയില്‍ രോഗമുക്തി നിരക്ക് 50.22 ആയി. 

ഏഴംകുളം ഗ്രാമപഞ്ചായത്തില്‍  സുഭിക്ഷകേരളം പദ്ധതിയില്‍ മത്സ്യകൃഷി നടത്തുന്നതുമായി ബന്ധപ്പെട്ട യോഗം ആറിന് ഉച്ചയ്ക്ക് രണ്ടിന് ഗ്രാമപഞ്ചായത്ത് കോണ്‍ഫറന്‍സ് ഹാളില്‍ ചേരും. മത്സ്യകൃഷിയില്‍  താത്പര്യമുള്ളതും സ്വന്തമായി കുളവുമുള്ളവര്‍ പങ്കെടുക്കണമെന്ന് സെക്രട്ടറി അറിയിച്ചു.    

പത്തനംതിട്ട വനിതാ പ്രൊട്ടക്ഷന്‍ ഓഫീസിലെ ആവശ്യത്തിലേക്ക് കരാര്‍ അടിസ്ഥാനത്തില്‍ ഇലക്ട്രിക് കാര്‍ ആവശ്യമുണ്ട്. ഇതിലേക്കുള്ള ടെന്‍ഡര്‍ ഈ മാസം 15ന് ഉച്ചയ്ക്ക് രണ്ട് വരെ സ്വീകരിക്കും. ഫോണ്‍: 8281999053, 0468 2329053.         

പത്തനംതിട്ട ജില്ലാ വനിതാ ശിശുവികസന ഓഫീസിലെ ആവശ്യത്തിലേക്ക് കരാര്‍ അടിസ്ഥാനത്തില്‍ ഇലക്ട്രിക് കാര്‍ ആവശ്യമുണ്ട്.  ടെന്‍ഡര്‍ ഈ മാസം 15ന് ഉച്ചയ്ക്ക് രണ്ട് വരെ സ്വീകരിക്കും. ഫോണ്‍: 9447760885.      

ഇതര സംസ്ഥാനങ്ങളില്‍നിന്ന് നിസാമുദീന്‍-എറണാകുളം, മുംബൈ- തിരുവനന്തപുരം സ്പെഷല്‍ ട്രെയിനുകളായി ബുധനാഴ്ച (ജൂലൈ 1) പത്തനംതിട്ട ജില്ലക്കാരായ ആറു പേര്‍കൂടി എത്തി. നിസാമുദീന്‍- എറണാകുളം സ്പെഷല്‍ ട്രെയിനില്‍ പത്തനംതിട്ട ജില്ലക്കാരായ അഞ്ചു പേരാണെത്തിയത്. ഇവര്‍ അഞ്ചു പേരും വീടുകളില്‍ നിരീക്ഷണത്തില്‍ പ്രവേശിച്ചു. മുംബൈ-തിരുവനന്തപുരം സ്പെഷല്‍ ട്രെയിനില്‍ ജില്ലയില്‍ നിന്നുള്ള ഒരാളെത്തി. ഇയാളെ കോവിഡ് കെയര്‍ സെന്ററില്‍ നിരീക്ഷണത്തിലാക്കി.

തിരുവനന്തപുരം, കൊച്ചി, കരിപ്പൂര്‍ അന്താരാഷ്ട്ര വിമാനത്താവളങ്ങള്‍ വഴി   ബുധനാഴ്ച (ജൂലൈ 1) 14 വിമാനങ്ങളിലായി പത്തനംതിട്ട ജില്ലക്കാരായ 128 പ്രവാസികള്‍കൂടി എത്തി. ഇവരില്‍ 12 പേരെ വിവിധ കോവിഡ് കെയര്‍ സെന്ററുകളിലും രണ്ടു ഗര്‍ഭിണികള്‍ ഉള്‍പ്പെടെ 116 പേരെ വീടുകളിലും നിരീക്ഷണത്തിലാക്കി.