മലപ്പുറം ബോയ്‌സ് ഹയര്‍ സെക്കന്‍ഡറി സ്‌കൂളിന് രണ്ടു കോടി രൂപ ചെലവഴിച്ച്  നിര്‍മിച്ച കെട്ടിടത്തിന്റെ ഉദ്ഘാടനം ഇന്ന് ( ജൂണ്‍ 30) രാവിലെ 10.30 പി.ഉബൈദുള്ള എം.എല്‍.എ നിര്‍വഹിക്കും. ചടങ്ങില്‍ മലപ്പുറം നഗരസഭ ചെയര്‍പേഴ്‌സണ്‍ സി.എച്ച്.ജമീല ടീച്ചര്‍ അധ്യക്ഷയാവും.
 

   കോഡൂര്‍ ഗ്രാമപഞ്ചായത്തില്‍ നവീകരിച്ച പുലിയോടം റോഡിന്റെ ഉദ്ഘാടനം പി. ഉബൈദുള്ള എം.എല്‍.എ നിര്‍വഹിച്ചു. എം.എല്‍.എയുടെ ആസ്തി വികസന ഫണ്ടില്‍ നിന്ന്  10 ലക്ഷം രൂപ ചെലവിലാണ് റോഡ് നിര്‍മിച്ചത്. കോഡൂര്‍ പഞ്ചായത്ത് പ്രസിഡന്റ് സി.പി ഷാജി അധ്യക്ഷനായി. വാര്‍ഡ് മെമ്പര്‍ സജീന മേനമണ്ണില്‍, കെ.എന്‍.എ.ഹമീദ് മാസ്റ്റര്‍, പി.ടി സബാഹ് മാസ്റ്റര്‍, സി.കെ. സൈതലവി, മണ്ണില്‍ അബ്ദുല്‍ ഖാദിര്‍, എം.അബ്ദുസമദ്, കെ.എം.ഫൈസല്‍ എന്നിവര്‍ പങ്കെടുത്തു.
 

   കായിക വികസനത്തിന് മുന്‍ഗണന നല്‍കി താനൂര്‍ കാട്ടിലങ്ങാടിയിലും സ്റ്റേഡിയം ഉയരുന്നു. ഗാലറിയുടെയും സ്വിംമ്മിങ് പൂളിന്റെയും പ്രവൃത്തിയാണ്  പുരോഗമിക്കുന്നത്. കിറ്റ്‌കോയുടെ മേല്‍നോട്ടത്തില്‍  ഈ വര്‍ഷം ജനുവരിയിലാണ് 10 കോടി രൂപ ചെലവില്‍ കാട്ടിലങ്ങാടിയില്‍ സ്റ്റേഡിയം നിര്‍മാണ പ്രവൃത്തി തുടങ്ങിയത്. പ്രവൃത്തി നല്ല നിലയില്‍ പുരോഗമിക്കുകയാണെന്നും ഒരു വര്‍ഷത്തിനുളളില്‍ സ്റ്റേഡിയം യാഥാര്‍ഥ്യമാക്കാനാണ് ഉദ്ദേശിക്കുന്നതെന്നും പദ്ധതി പ്രദേശം സന്ദര്‍ശിച്ച വി. അബ്ദു റഹ്മാന്‍ എം.എല്‍.എ പറഞ്ഞു. 

   പെരിന്തല്‍മണ്ണ നഗരസഭയുടെ രജത ജൂബിലി മിഷന്‍ പദ്ധതിയുടെ ഭാഗമായി എരവിമംഗലത്ത് പ്രവര്‍ത്തിച്ചിരുന്ന നഗര പ്രാഥമികാരോഗ്യ കേന്ദ്രം കുടുംബാരോഗ്യ കേന്ദ്രമായി പുതിയ കെട്ടിടത്തില്‍ പ്രവര്‍ത്തനം തുടങ്ങി.  പുതിയ കെട്ടിടത്തിന്റെ ഉദ്ഘാടനം  ആരോഗ്യ മന്ത്രി കെ.കെ. ശൈലജ ടീച്ചര്‍ വീഡിയോ കോണ്‍ഫറന്‍സിങിലൂടെ നിര്‍വഹിച്ചു.

എസ്.എസ്.എല്‍.സി പരീക്ഷയില്‍ പാലക്കാട് ജില്ലയില്‍ 98.74 ശതമാനം വിജയം. പരീക്ഷയെഴുതിയ 38714 വിദ്യാര്‍ഥികളില്‍ (19587 ആണ്‍കുട്ടികള്‍, 19127 പെണ്‍കുട്ടികള്‍) 38227 പേര്‍ (19210 ആണ്‍കുട്ടികള്‍, 19017 പെണ്‍കുട്ടികള്‍) ഉപരിപഠനത്തിന് അര്‍ഹരായി. പാലക്കാട് വിദ്യാഭ്യാസ ജില്ലയില്‍ നിന്നും 17397 വിദ്യാര്‍ഥികളും (98.6 %) ഒറ്റപ്പാലം വിദ്യാഭ്യാസ ജില്ലയില്‍ 11875 വിദ്യാര്‍ഥികള്‍ (98.88 %), മണ്ണാര്‍ക്കാട് വിദ്യാഭ്യാസ ജില്ലയില്‍ 8955 വിദ്യാര്‍ഥികളും (98.84 %) വിജയിച്ചു. ഇവിടെ യഥാക്രമം 17644, 12010, 9060 വിദ്യാര്‍ഥികളാണ് പരീക്ഷയെഴുതിയത്.

104 സ്‌കൂളുകള്‍ക്ക് 100 ശതമാനം വിജയം

മണ്ണാര്‍ക്കാട് താലൂക്ക് സപ്ലൈ ഓഫീസിലെ കെ.എല്‍. 01-ഇ-8676 നമ്പര്‍ ജീപ്പ് ജില്ലാ സപ്ലൈ ഓഫീസില്‍ ജൂലൈ എട്ടിന് ഉച്ചയ്ക്ക് 12.30 ന് ക്വട്ടേഷന്‍/ലേല വ്യവസ്ഥയില്‍ വില്‍പ്പന നടത്തും. 5000 രൂപയാണ് നിരതദ്രവ്യം. താത്പര്യമുളളവര്‍ ജില്ലാ സപ്ലൈ ഓഫീസറുടെ പേരിലുളള ബാങ്ക് ഡ്രാഫ്റ്റ് സഹിതം ക്വട്ടേഷനുകള്‍ ജില്ലാ സപ്ലൈ ഓഫീസര്‍, കലക്ടറേറ്റ്, സിവില്‍ സ്റ്റേഷന്‍, പാലക്കാട്-678001  എന്നെഴുതി സീല്‍ഡ് കവറില്‍ വാഹനത്തിന്റെ നമ്പര്‍ രേഖപ്പെടുത്തി ജൂലൈ നാലിന് വൈകിട്ട് മൂന്നിനകം ജില്ലാ സപ്ലൈ ഓഫീസില്‍ നല്‍കണം. ഫോണ്‍ : 0491-2505541.

    കിഫ്ബി പദ്ധതിയില്‍ ഉള്‍പ്പെടുത്തി നവീകരിച്ച കടുങ്ങല്ലൂര്‍ വിളയില്‍ ചാലിയപ്പുറം റോഡ്   വീഡിയോ കോണ്‍ഫറന്‍സിങിലൂടെ സംസ്ഥാന പൊതുമരാമത്ത് - രജിസ്‌ട്രേഷന്‍ വകുപ്പ് മന്ത്രി ജി. സുധാകരന്‍ ഉദ്ഘാടനം ചെയ്തു.  എടവണ്ണപ്പാറ ജംങ്ഷനില്‍ നടന്ന ചടങ്ങില്‍ ടി.വി ഇബ്രാഹിം എം.എല്‍.എ അധ്യക്ഷനായി.

മലപ്പുറം ജില്ലയില്‍ മേലെ കോഴിച്ചെനയിലുളള ക്ലാരി ആര്‍.ആര്‍.ആര്‍.എഫ് ക്യാമ്പില്‍ കെട്ടിടങ്ങള്‍ക്ക് ഭീക്ഷണിയായി നില്‍ക്കുന്ന വിവിധ ഇനങ്ങളിലുളള 31 മരങ്ങള്‍ മുറിക്കുന്നതിന് ജൂലൈ എട്ടിന് രാവിലെ 11 ന് ലേലം ചെയ്യും. 60000 രൂപയാണ് നിരതദ്രവ്യം. കൂടുതല്‍ വിവരങ്ങള്‍ക്ക് ഫോണ്‍ : 0494-2489398.