കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 28) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 61 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 78 പ്രതികളിൽ 66 പേരെ അറസ്റ്റ് ചെയ്തു. 11 വാഹനങ്ങൾ പിടിച്ചെടുത്തു. സാമൂഹിക അകലം പാലിക്കാത്തതിന് 41 കേസുകൾ രജിസ്റ്റർ ചെയ്തിട്ടുണ്ട്.

മാസ്ക് ധരിക്കാത്ത 618 പേർക്കെതിരെ കേസ്

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 618 പേർക്കെതിരെ പോലീസ് കേസെടുത്തു. മാസ്ക് ധരിക്കേണ്ടതിന്റെ ആവശ്യകത പറഞ്ഞതിനു ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.
 

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 261 പേരാണ് ചികിത്സയിലുള്ളത്. ഇന്ന് (ജൂണ്‍ 28) ജില്ലയില്‍ 4 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 45 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.

ഇതുവരെ 18431 സാമ്പിളുകള്‍ പരിശോധനയ്ക്കായി അയച്ചതില്‍ 16757 പരിശോധനാ ഫലങ്ങളാണ് ലഭ്യമായത്. 486 പേർക്കാണ് ഇതുവരെ പരിശോധനാഫലം പോസിറ്റീവായത്. ഇന്ന് 309 പരിശോധനാ ഫലങ്ങളാണ് ലഭിച്ചത്. ഇതുവരെ 223 പേർ രോഗമുക്തി നേടി. പുതുതായി 500 സാമ്പിളുകളും അയച്ചു. ഇനി 1674 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

മസ്കറ്റ്, പാരീസ്, ദുബായ്, ഷാർജ, കുവൈറ്റ്, റാസൽഖൈമ, അബുദാബി, ഖത്തർ എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂർ, കണ്ണൂർ, അന്താരാഷ്ട്ര വിമാനത്താവളങ്ങളിലായി ഇന്നലെ (ജൂണ്‍ 27) ജില്ലയിലെത്തിയത് 37 പാലക്കാട് സ്വദേശികള്‍. ഇവരിൽ 7 പേർ ഇന്‍സ്റ്റിറ്റ്യൂഷനല്‍ ക്വാറന്റൈനില്‍ പ്രവേശിച്ചു.

മസ്കറ്റ്, പാരീസ്, ദുബായ്, ഷാർജ, കുവൈറ്റ്, റാസൽഖൈമ, അബുദാബി, ഖത്തർ എന്നിവിടങ്ങളിൽ നിന്നും കൊച്ചി അന്താരാഷ്ട്ര വിമാനത്താവളത്തിൽ എത്തിയ 26 പേരിൽ 7 പേർ ഇൻസ്റ്റിറ്റ്യൂഷനൽ ക്വാറന്റൈനിൽ പ്രവേശിച്ചു. 19 പേർ വീടുകളിൽ നിരീക്ഷണത്തിലാണ്.

കോവിഡ് സ്ഥിരീകരിച്ച ഗുരുവായൂർ ഡിപ്പോയിലെ കെ.എസ്.ആർ.ടി.സി ബസ് കണ്ടക്ടർ ജൂൺ 15നും 22നും ജൂൺ 25നും ജോലി ചെയ്ത ബസ് റൂട്ടിന്റെ വിവരം ആരോഗ്യ വകുപ്പ് ലഭ്യമാക്കി. ജൂൺ 15നും 22നും ഗുരുവായൂർ-പാലക്കാട് റൂട്ടിൽ യാത്ര ചെയ്ത ആർ.പി.സി 108 നമ്പർ ബസ് ഈ രണ്ട് തീയതികളിലും രാവിലെ 8.30 ന് ഗുരുവായൂരിൽ നിന്ന് പുറപ്പെട്ട് രാവിലെ 11 മണിക്ക് പാലക്കാടെത്തി. പാലക്കാട് നിന്ന് രാവിലെ 11.45ന് പുറപ്പെട്ട് ഉച്ച 2.15 ന് ഗുരുവായൂരിൽ തിരിച്ചെത്തി. ഗുരുവായൂരിൽനിന്ന് ഉച്ച മൂന്നിന് പുറപ്പെട്ട് വൈകീട്ട് 5.30ന് പാലക്കാടെത്തി.

പാലക്കാട് ജില്ലയിൽ ഇന്ന്(ജൂൺ 28) നാല് പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. മൂന്നു പേർ രോഗമുക്തരായതായും അധികൃതർ അറിയിച്ചിട്ടുണ്ട്.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും വന്നവരുടെ കണക്ക് താഴെ കൊടുക്കും പ്രകാരമാണ്.

മഹാരാഷ്ട്ര-1

കാരാക്കുറുശ്ശി സ്വദേശി (57 പുരുഷൻ).ഇദ്ദേഹത്തിൻ്റെ ഭാര്യയ്ക്കും മകൾക്കും കഴിഞ്ഞദിവസം (ജൂൺ 27) രോഗം സ്ഥിരീകരിച്ചിരുന്നു.

കുവൈത്ത്-1

അകത്തേത്തറ സ്വദേശി(34 പുരുഷൻ)

യുഎഇ-1

കണ്ണമ്പ്ര സ്വദേശി (36 പുരുഷൻ)

സമ്പർക്കം-1

ചക്കയുടെ മൂല്യവർദ്ധിത ഉല്പന്നങ്ങളുമായി തേങ്കുറുശ്ശി പഞ്ചായത്ത് ചകിരാംതൊടിയിലെ മഹാലക്ഷ്മി കുടുംബശ്രീ ജെ.എൽ.ജി (ജോയിന്റ് ലയബിലിറ്റി ഗ്രൂപ്പ്) വനിതകൾ. ചക്ക പായസം, ഹൽവ, ബിസ്ക്കറ്റ്, മിക്ചർ, പൊക്കവട, മൈസൂർപാക്ക്, ലഡ്ഡു, പപ്പടം, അച്ചാർ തുടങ്ങി നിരവധി ഉല്പന്നങ്ങളുമായാണ് സ്ത്രീകൂട്ടായ്മ ചക്ക ഉൽപന്നങ്ങളുടെ നിർമാണം ആരംഭിച്ചിരിക്കുന്നത്. 'ആദ്യ' എന്ന പേരിൽ തുടങ്ങിയ ചക്കവിഭവ നിർമാണ വിപണിയുടെ ഉദ്ഘാടനം കെ.ഡി പ്രസേനൻ എം.എൽ.എ നിർവഹിച്ചു.

ജില്ലാ പഞ്ചായത്തിന്റെ ആസ്തി വികസന ഫണ്ടിൽ നിന്നും 10 ലക്ഷം രൂപ വിനിയോഗിച്ച് മാത്തൂർ പഞ്ചായത്തിൽ നിർമ്മിച്ച പറയംപടി റോഡ് ജില്ലാ പഞ്ചായത്ത് പ്രസിഡന്റ് അഡ്വ. കെ. ശാന്തകുമാരി ഉദ്ഘാടനം ചെയ്തു. പറയംപടി എസ്. സി കോളനിയിലെ 500 മീറ്ററോളം വരുന്ന റോഡാണ് പാർശ്വഭിത്തികൾ ഉൾപ്പെടെ നിർമ്മിച്ച് പൂർത്തിയാക്കിയത്. മാത്തൂർ പഞ്ചായത്ത് പ്രസിഡന്റ് ടി.എം. പുഷ്പദാസ് അധ്യക്ഷനായി. കോവിഡ് -19 മാനദണ്ഡങ്ങൾ പാലിച്ച് നടത്തിയ ഉദ്ഘാടന പരിപാടിയിൽ ജനപ്രതിനിധികൾ, നാട്ടുകാർ എന്നിവർ പങ്കെടുത്തു.
 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 27) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 47 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 99 പ്രതികളിൽ 89 പേരെ അറസ്റ്റ് ചെയ്തു. 4 വാഹനങ്ങൾ പിടിച്ചെടുത്തു. സാമൂഹിക അകലം പാലിക്കാത്തതിനും കണ്ടൈൻമെന്റ് സോണുകളിൽ നിർദ്ദേശങ്ങൾ പാലിക്കാതെ കടകൾ പ്രവർത്തിപ്പിച്ചതിനും കേസുകൾ രജിസ്റ്റർ ചെയ്തിട്ടുണ്ട്.

മാസ്ക് ധരിക്കാത്ത 487 പേർക്കെതിരെ കേസ്

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 260 പേരാണ് ചികിത്സയിലുള്ളത്. ഇന്ന് (ജൂണ്‍ 27) ജില്ലയില്‍ 25 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 30 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.

ഇതുവരെ 17931 സാമ്പിളുകള്‍ പരിശോധനയ്ക്കായി അയച്ചതില്‍ 16448 പരിശോധനാ ഫലങ്ങളാണ് ലഭ്യമായത്. 482 പേർക്കാണ് ഇതുവരെ പരിശോധനാഫലം പോസിറ്റീവായത്. ഇന്ന് 298 പരിശോധനാ ഫലങ്ങളാണ് ലഭിച്ചത്. ഇതുവരെ 220 പേർ രോഗമുക്തി നേടി. പുതുതായി 381 സാമ്പിളുകളും അയച്ചു. ഇനി 1483 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

ജില്ലാ പഞ്ചായത്തിന്റെ നേതൃത്വത്തിൽ പട്ടികജാതി വിഭാഗം യുവ കലാകാരന്മാർക്ക് വാദ്യോപകരണങ്ങൾ വിതരണം ചെയ്തു. പദ്ധതിയുടെ ആദ്യഘട്ടത്തിന്റെ ഭാഗമായി കടമ്പഴിപ്പുറം ശിവാനന്ദ വാദ്യ കലാ സമിതിയിലെ പത്ത് കലാകാരൻമാർക്ക് പത്ത് ചെണ്ടകൾ ജില്ലാ പഞ്ചായത്ത് പ്രസിഡന്റ് അഡ്വ.കെ. ശാന്തകുമാരി കഴിഞ്ഞ ദിവസം വിതരണം ചെയ്തു.

ജില്ലാ പഞ്ചായത്തിന്റെ പരിധിയിൽ വരുന്ന ഗ്രാമസഭ ലിസ്റ്റിൽ ഉൾപ്പെട്ട പട്ടികജാതി വിഭാഗം കലാകാരന്മാർക്ക് വാദ്യോപകരണങ്ങൾ നൽകുന്നതിനായി 50 ലക്ഷം രൂപ വകയിരുത്തിയിട്ടുണ്ട്. അതിൽ നിന്നാണ് ജില്ലയിലെ വിവിധ ഭാഗങ്ങളിലുള്ള വാദ്യകലാ സംഘങ്ങൾക്ക് ആവശ്യമായ വാദ്യോപകരണങ്ങൾ വിതരണം ചെയ്യുന്നത്.