കാസര്‍കോടിന്റെ മലയോരത്ത് കര്‍ണ്ണാടകയ്ക്ക് അതിര്‍ത്തില്‍ സ്ഥിതി ചെയ്യുന്ന തയ്യേനി ഹൈസ്‌കൂളിനും പറയാനുണ്ടൊരു കഥ.  2010 -11 ല്‍  ഹൈസ്‌കൂളായി ഉയര്‍ത്തിയതിനു ശേഷം ഒരു തവണ ഒഴികെ ബാക്കിയെല്ലാത്തവണയും നൂറ് ശതമാനം വിജയം നേടിയ കഥ. ഈസ്റ്റ് എളേരി പഞ്ചായത്തിലെ ഉള്‍ഗ്രാമമായ  തയ്യേനിയിലെ  സ്‌കൂളില്‍ 26 പേരാണ് ഇത്തവണ പരീക്ഷ എഴുതിയത്. അതില്‍ ഒരു കുട്ടിയ്ക്ക് മുഴുവന്‍ വിഷയങ്ങള്‍ക്ക് എ പ്ലസും മൂന്ന് കുട്ടികള്‍ക്ക് ഒമ്പത് വിഷയങ്ങള്‍ക്ക് എ പ്ലസും ലഭിച്ചു.

ഇല്ലായ്മകളില്‍ പടപൊരുതി ബളാല്‍ സ്‌കൂളിന് ഇത്തവണ എസ് എസ് എല്‍സി പരീക്ഷയില്‍ തിളക്കമാര്‍ന്ന സമ്പൂര്‍ണ്ണ വിജയം.എഴ് വര്‍ഷങ്ങള്‍ക്കിപ്പുറമാണ് ബളാലിലെ തേടി വീണ്ടുമൊരു നൂറുമേനി വന്നെത്തിയത്്. 46 കുട്ടികളാണ് ഇത്തവണ പരീക്ഷ എഴുതിയത്. ഇതില്‍  മുഴുവന്‍ വിഷയങ്ങള്‍ക്ക് രണ്ട് വിദ്യാര്‍ത്ഥികളും എ പ്ലസ് നേടി. 9 എ പ്ലസുംരണ്ട് വിദ്ധ്യാര്‍ത്ഥികളും നേടി.

ജില്ലയിലെ പകര്‍ച്ചവ്യാധി പ്രതിരോധ പ്രവര്‍ത്തനത്തിന്റെ  ഭാഗമായി നടത്തുന്ന ബോധവത്കരണ പ്രവര്‍ത്തങ്ങളോടനുബന്ധിച്ചു ജില്ലയിലെ പൊതുജനങ്ങള്‍,സ്‌കൂള്‍, കോളേജ് വിദ്യാര്‍ത്ഥികള്‍ എന്നിവര്‍ക്കായി  ഷോര്‍ട്ട് ഫിലിം മത്സരം സംഘടിപ്പിക്കും. ഡെങ്കിപ്പനി, എലിപ്പനി എന്നിവയിലേതെങ്കിലും ഒന്നിനെക്കുറിച്ചുള്ള ചുരുങ്ങിയത്  രണ്ട് മിനുട്ടും പരമാവധി അഞ്ച് മിനുറ്റുമുള്ള ബോധവത്കരണ വീഡിയോ ആയിരിക്കണം തയ്യാറാക്കേണ്ടത്. ഷൂട്ടിംഗ്, എഡിറ്റിംഗ് തുടങ്ങിയവ മൊബൈല്‍ ഉപയോഗിച്ച് ചെയ്യണം.

കോവിഡ് പ്രതിരോധത്തിന്റെ ഭാഗമായി കാസര്‍കോട് തിയേറ്ററിക്സ് സൊസൈറ്റിയുടെ ആഭിമുഖ്യത്തില്‍ ആയിരം മാസ്‌കുകള്‍ വിതരണം ചെയ്തു. ആരോഗ്യമേഖലയിലെ ശുചീകരണ തൊഴിലാളികള്‍, പൊലീസുകാര്‍, ഓട്ടോ തൊഴിലാളികള്‍, കെ.എസ്.ആര്‍.ടി.സി. ബസ് ജീവനക്കാര്‍, കളക്ടറേറ്റ് ജീവനക്കാര്‍, മാധ്യമ പ്രവര്‍ത്തകര്‍ തുടങ്ങിയവര്‍ക്കാണ് മാസ്‌ക് വിതരണം ചെയ്യുന്നത്. കാസര്‍കോട് തിയേറ്ററിക്സ് സൊസൈറ്റി ചെയര്‍മാന്‍ കൂടിയായ ജില്ലാ കലക്ടര്‍ ഡോ.ഡി. സജിത്ബാബു അധ്യക്ഷത വഹിച്ചു. ദേശീയ ആരോഗ്യ മിഷന്‍ ജില്ലാ പ്രോഗ്രാം ഓഫീസര്‍ ഡോ. രാമന്‍ സ്വാതിവാമന്‍ ഏറ്റുവാങ്ങി.  തിയേറ്ററിക്സ് സൊസൈറ്റി സെക്രട്ടറി ടി.എ. ഷാഫി, ട്രഷറര്‍ ടി.വി. ഗംഗാധരന്‍, ജി.ബി.

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 283 പേരാണ് ചികിത്സയിലുള്ളത്.  ഇന്ന് (ജൂലൈ 1) ജില്ലയില്‍ 17 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 17 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

529 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇന്ന് 36 പരിശോധനാ ഫലങ്ങളാണ് ലഭിച്ചത്. ഇതുവരെ 244 പേർ രോഗമുക്തി നേടി.  പുതുതായി 857 സാമ്പിളുകളും അയച്ചു. 

ഇതുവരെ 60156 പേരാണ് നിരീക്ഷണ കാലാവധി പൂര്‍ത്തിയാക്കിയത്. ഇതില്‍ ഇന്ന് മാത്രം 674 പേര്‍ ക്വാറന്റൈന്‍ പൂര്‍ത്തിയാക്കി.  നിലവില്‍ 11291 പേർ ജില്ലയില്‍ വീട്ടില്‍ നിരീക്ഷണത്തില്‍ തുടരുന്നു.  

ചെറുവത്തൂര്‍ ഗവണ്‍മെന്റ് ടെക്‌നിക്കല്‍ ഹൈസ്‌ക്കൂളില്‍  പാര്‍ട്ട് ടൈം മലയാളം അധ്യാപക തസ്തികയില്‍ ഒഴിവുണ്ട്. കൂടികാഴ്ച  ജൂലൈ ആറിന്  രാവിലെ 11 ന് സ്‌കൂളില്‍ നടക്കും.  

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ 1)  വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 21 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 53 പ്രതികളിൽ 49 പേരെ അറസ്റ്റ് ചെയ്തു. 3 വാഹനങ്ങൾ പിടിച്ചെടുത്തു.  

 മാസ്ക് ധരിക്കാത്ത 261 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 261 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തിയ ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 
 

ജില്ലയില്‍  സമ്പര്‍ക്കത്തിലൂടെ  രണ്ടു പേര്‍ക്ക് കോവിഡ് -19 സ്ഥിരീകരിച്ച സാഹചര്യത്തില്‍ പൊതു ജനങ്ങള്‍  ജാഗ്രത പാലിക്കണമെന്നും ആരോഗ്യവകുപ്പിന്റെ നിര്‍ദ്ദേശങ്ങള്‍  കര്‍ശനമായി  പാലിക്കണമെന്നും ജില്ലാ മെഡിക്കല്‍ ഓഫീസര്‍ ഡോ.രാംദാസ് എ.വി അറിയിച്ചു.

 
അബുദാബി, ഷാർജ,  റാസൽഖൈമ,  മസ്കറ്റ്,  ദമാം,  ദുബായ്,  കുവൈറ്റ്, റിയാദ് എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂർ അന്താരാഷ്ട്ര വിമാനത്താവളങ്ങൾ വഴി ഇന്നലെ (ജൂണ്‍ 30) ജില്ലയിലെത്തിയത് 32 പാലക്കാട് സ്വദേശികള്‍. ഇവരിൽ 17 പേർ ഇൻസ്റ്റിറ്റ്യൂഷനൽ ക്വാറന്റൈനിൽ  പ്രവേശിച്ചു. 15 പേർ വീടുകളിൽ നിരീക്ഷണത്തിലാണ്.

 അബുദാബി,  ഷാർജ,  റാസൽഖൈമ,  മസ്കറ്റ്,  ദമാം,  ദുബായ്,  കുവൈറ്റ് എന്നിവിടങ്ങളിൽ നിന്നും കൊച്ചി അന്താരാഷ്ട്ര വിമാനത്താവളത്തിൽ എത്തിയ 28  പേരിൽ 15 പേർ  ഇൻസ്റ്റിറ്റ്യൂഷനൽ ക്വാറന്റൈനിൽ പ്രവേശിച്ചു. 13  പേർ വീടുകളിൽ നിരീക്ഷണത്തിലാണ്.

ഒന്നാം വിളയുടെ ഞാറ്റടി തയ്യാറാക്കുന്നതിനായി   മംഗലം ഡാമിന്റെ ഇടത് - വലത് കര കനാലിലൂടെ ഇന്ന് (ജൂലൈ രണ്ടിന്) രാവിലെ 10 ന് ജലവിതരണം ആരംഭിക്കുമെന്ന് എക്സിക്യൂട്ടീവ് എഞ്ചിനീയർ അറിയിച്ചു.  കനാലുമായി ബന്ധപ്പെട്ടവർ ജാഗ്രത പാലിക്കാൻ നിർദ്ദേശമുണ്ട്.