കേന്ദ്ര സര്‍ക്കാറിനു കീഴില്‍ പ്രവര്‍ത്തിക്കുന്ന മലപ്പുറം ജന്‍ ശിക്ഷണ്‍ സന്‍സ്ഥാന്റെ  മഞ്ചേരികേന്ദ്രത്തില്‍പ്രധാന മന്ത്രി കൗശല്‍ വികാസ്‌യോജന പദ്ധതിയില്‍ ഉള്‍പ്പെടുത്തി റീട്ടെയില്‍ മാനേജ്‌മെന്റ് കോഴ്‌സിന്റെ ക്ലാസ്സ്എടുക്കുന്നതിന് ബിരുദയോഗ്യതയുള്ളവരില്‍ നിന്നും അപേക്ഷ ക്ഷണിക്കുന്നു. താല്പര്യമുള്ളവര്‍  നവംബര്‍ 10 നകം മഞ്ചേരിയിലുള്ള ജെഎസ്എസ് ഓഫീസില്‍ ബന്ധപ്പെടേണ്ടതാണ്. കൂടുതല്‍ വിവരങ്ങള്‍ക്ക് താഴെപറയുന്ന നമ്പറില്‍ ബന്ധപ്പെടുക.    ഫോണ്‍ : 9895172665    

സംസ്ഥാന ശിശുക്ഷേമസമിതിയുടെ കീഴില്‍ മലപ്പുറം കാളമ്പാടിയില്‍ പ്രവര്‍ത്തിക്കുന്ന ശിശുപാലന കേന്ദ്രത്തിന് മലപ്പുറം നഗരസഭയിലോ തൊട്ടടുത്ത പഞ്ചായത്ത് പരിധിക്കുള്ളിലോ 3000 സ്‌ക്വയര്‍ഫീറ്റിന് മുകളില്‍ ചുറ്റളവുള്ള ചുറ്റുമതിലോടുകൂടിയ കെട്ടിടം വാടകക്ക് ആവശ്യമുണ്ട്. പ്രധാനറോഡിന് ചേര്‍ന്ന് മുറ്റവും പാര്‍ക്കിങ് സൗകര്യവും ഉണ്ടായിരിക്കണം. കൂടുതല്‍ വിവരങ്ങള്‍ക്ക് 0483-2738272, 9447125124, 9400795482 എന്നീ നമ്പറുകളില്‍ ബന്ധപ്പെടണം.

നബാര്‍ഡ് നാഷണല്‍ എന്റര്‍പ്രണര്‍ ഷിപ് ഡേ സേവയുമായി സഹകരിച്ചുകൊണ്ട് നവംബര്‍ ഒമ്പതിന് രാവിലെ ഒമ്പത് മുതല്‍ മലപ്പുറം കാവുങ്ങല്‍ ബൈപാസിലുള്ള അവിയല്‍ റസ്റ്റാറന്റ് ഹാളില്‍  ആഘോഷിക്കുന്നു.  എ.ഡി.എം ടി.വിജയന്‍ ഉല്‍ഘാടനം ചെയ്യും. നബാര്‍ഡ് എ.ജി.എം ജയിംസ് പി ജോര്‍ജ് അധ്യക്ഷത വഹിക്കും.
സര്‍ക്കാര്‍ സ്‌കീമുകള്‍, സാമ്പത്തിക സഹായം, ബ്രാന്‍ഡിംഗ്, ഓണ്‍ലൈന്‍, ഡിജിറ്റല്‍ മാര്‍ക്കറ്റിംഗ്, ജി.എസ്.ടി, ജി.എസ്.ടി രജിസ്‌ട്രേഷന്‍, ഫയലിംഗ് എന്നിവ സംബന്ധിച്ച് ക്‌ളാസ്സുകള്‍ നടക്കും. പങ്കെടുക്കാന്‍ ആഗ്രഹിക്കുന്നവര്‍ മുന്‍കൂട്ടി രജിസ്റ്റര്‍ ചെയ്യണം. ഫോണ്‍ : 9544900590    

സംസ്ഥാനത്ത് ജോലി ചെയ്യുന്ന ഇതര സംസ്ഥാന തൊഴിലാളികളുടെ ആരോഗ്യവും സുരക്ഷിതത്ത്വവും ഉറപ്പ് വരുത്തുന്ന നൂതന പദ്ധതിയായ 'ആവാസ്'-ല്‍ തൊഴിലാളികളെ ചേര്‍ക്കുന്ന നടപടി ത്വരിത ഗതിയില്‍ തൊഴിലും നൈപുണ്യവും വകുപ്പിന്റെ നേതൃത്വത്തില്‍ പുരോഗമിക്കുന്നു.

പെരിന്തല്‍മണ്ണ, നിലമ്പൂര്‍, കൊണ്ടോട്ടി, മലപ്പുറം, പൊന്നാനി ബ്ലോക്കുകളില്‍ രാത്രികാല മൃഗചികിത്സ നടത്തുന്നതിന് വെറ്ററിനറി സയന്‍സില്‍ ബിരുദവും വെറ്ററിനറി കൗണ്‍സില്‍ രജിസ്‌ട്രേഷനുമുള്ള വെറ്ററിനറി ഡോക്ടര്‍മാരുടെയും കായികക്ഷമതയുള്ള അറ്റന്റന്റ്മാരുടെയും ഒഴിവിലേക്ക് അപേക്ഷ ക്ഷണിച്ചു.  താല്‍പര്യമുള്ളവര്‍ മലപ്പുറം സിവില്‍ സ്റ്റേഷനിലെ ജില്ലാ മൃഗസംരക്ഷണ ഓഫീസില്‍ നവംബര്‍ 17ന് രാവിലെ 10.30ന് രേഖകള്‍ സഹിതം കൂടിക്കാഴ്ചയ്ക്ക് എത്തണം.

പിന്നോക്ക വിഭാഗ വികസന വകുപ്പ് മുഖേന വിശ്വകര്‍മ്മ പെന്‍ഷന്‍ ലഭിച്ചു കൊണ്ടിരിക്കുന്ന ഗുണഭോക്താക്കള്‍ ലൈഫ് സര്‍ട്ടിഫിക്കറ്റ്, പഞ്ചായത്തില്‍ നിന്നുള്ള സാക്ഷ്യപത്രം എന്നിവ നവംബര്‍ 30നകം പിന്നാക്ക വിഭാഗ വികസന വകുപ്പിന്റെ കോഴിക്കോട് ഓഫീസില്‍ എത്തിക്കണം.

സര്‍ക്കാര്‍ / എയ്ഡഡ് സ്‌കുളുകളില്‍ ഒന്നു മുതല്‍ 10 വരെ ക്ലാസ്സുകളില്‍ പഠിക്കുന്ന അര്‍ഹരായ ഒ.ഇ.സി വിഭാഗം വിദ്യാര്‍ഥികളുടെ വിവരങ്ങള്‍ ഓണ്‍ലൈന്‍ വഴി സമര്‍പ്പിക്കുന്നതില്‍ വീഴ്ച വരുത്തിയ സ്ഥാപനങ്ങള്‍ക്ക് നവംബര്‍ ഒന്നു മുതല്‍ 20 വരെ ംംം.രെവീഹമൃവെശു.ശെേരവീീഹ.ഴീ്.ശി ല്‍ ലോഗിന്‍ ചെയ്ത് വിവരങ്ങള്‍ ചേര്‍ക്കാം.
2017-18 വര്‍ഷത്തെ പ്രീമെട്രിക വിദ്യാഭ്യാസ ആനുകൂല്യം പ്രധാനാധ്യാപകരുടെ അക്കൗണ്ടിലേക്ക് ക്രെഡിറ്റ് ചെയ്തിട്ടുണ്ട്.  വിദ്യാര്‍ഥികള്‍ക്ക് വിതരണം ചെയ്ത് അക്വിറ്റന്‍സ് പിന്നോക്ക വിഭാഗ വികസന വകുപ്പിന്റെ കോഴിക്കോട് മേഖല ഡെപ്യൂട്ടി ഡയറക്ടറുടെ ഓഫീസിലേക്ക് അയക്കണം.  

ന്യൂനപക്ഷ വിഭാഗങ്ങള്‍ക്കായി പുതുതായി ആരംഭിച്ച ഭവന വായ്പാ പദ്ധതിയുടെ ഉദ്ഘാടനവും മദ്രസ്സ അധ്യാപകര്‍ക്ക് നല്‍കി വരുന്ന ഭവന വായ്പയുടെ വിതരണോദ്ഘാടനവും നവംബര്‍ 10ന് രാവിലെ 10ന് തദ്ദേശ സ്വയംഭരണ - ന്യൂനപക്ഷക്ഷേമ വകുപ്പ് മന്ത്രി ഡോ. കെ.ടി ജലീല്‍ നിര്‍വ്വഹിക്കും.  വളാഞ്ചേരി സര്‍വ്വീസ് കോ-ഓപ്പറേറ്റീവ് ബാങ്ക് ഓഡിറ്റോറിയത്തില്‍ നടക്കുന്ന പരിപാടിയില്‍ ആബിദ് ഹുസൈന്‍ തങ്ങള്‍  എം.എല്‍.എ അധ്യക്ഷം വഹിക്കും.  
കെ.എസ്.എം.ഡി.എഫ്.സി ചെയര്‍മാന്‍ എ.പി. അബ്ദുല്‍ വഹാബ്, വളാഞ്ചേരി നഗരസഭ ചെയര്‍പേഴ്‌സണ്‍ ഷാഹിന എം, നഗരസഭ പ്രതിപക്ഷ നേതാവ് ടി.പി. അബ്ദുല്‍ ഗഫൂര്‍ തുടങ്ങിയവര്‍ പങ്കെടുക്കും.

മലപ്പുറം - മഞ്ചേരി റോഡില്‍ ആനക്കയം മുതല്‍ വായ്പ്പാറപ്പടി വരെ റോഡ് പുനരുദ്ധാരണ പ്രവൃത്തി നടക്കുന്നതിനാല്‍ പ്രവൃത്തി തീരുന്നത് വരെ വലിയ വാഹനങ്ങള്‍ ആനക്കയം ജംങ്ഷനില്‍ നിന്നും ആനക്കയം - ഒറുവമ്പ്രം റോഡില്‍ പുള്ളിലങ്ങാടി - വേട്ടേക്കോട്-വായ്പ്പാറപ്പടി വഴിയും മഞ്ചേരി - പൂക്കോട്ടൂര്‍ വഴിയും പോകണം.  ചെറിയ വാഹനങ്ങള്‍ ആനക്കയം ജംങ്ഷനില്‍ നിന്നും ആനക്കയം - ഒറുവമ്പ്രം റോഡില്‍ പുള്ളിലങ്ങാടി - കെ.പി.പി.എം കോളേജ് റോഡ് - വായ്പ്പാറപ്പടി വഴിയും മഞ്ചേരി - പൂക്കോട്ടൂര്‍ റോഡില്‍ നിന്ന് മുള്ളമ്പാറ - കോണിക്കല്ല് - ഇരുമ്പുഴി വഴിയും പോകണം.

ജില്ലാ ആരോഗ്യ കുടുംബക്ഷേമ സമിതിക്കു കീഴില്‍ ജില്ലയില്‍ ആര്‍.എന്‍.ടി.സി പ്രോഗ്രാമില്‍ സീനിയര്‍ ട്രീറ്റ്‌മെന്റ് സൂപ്പര്‍വൈസര്‍ തസ്തികയിലെ രണ്ട് ഒഴിവിലേക്ക് കരാര്‍ വ്യവസ്ഥയില്‍ നിയമിക്കുന്നതിന് അപേക്ഷ ക്ഷണിച്ചു.  ഡിഗ്രി, അംഗീകൃത സാനിറ്ററി ഇന്‍സ്‌പെക്ടര്‍ കോഴ്‌സ്,   ചുരുങ്ങിയത്ത് രണ്ട് മാസത്തെ കമ്പ്യൂട്ടര്‍ പരിജ്ഞാനം തെളിയിക്കുന്നതിനുള്ള സര്‍ട്ടിഫിക്കറ്റ്, ഇരുചക്ര വാഹനം ഓടിക്കാനുള്ള കഴിവും സ്ഥിരം ലൈസന്‍സും എന്നിവ നിര്‍ബന്ധ യോഗ്യതയാണ്.