കോവിഡ് 19 സ്ഥിരീകരിച്ച് മലപ്പുറം ജില്ലയില്‍ ഐസൊലേഷന്‍ കേന്ദ്രങ്ങളില്‍ ചികിത്സയിലായിരുന്ന 12 പേര്‍ കൂടി ഇന്നലെ (ജൂലൈ ഒന്ന്) രോഗമുക്തരായി. രോഗബാധിതരായി 266 പേര്‍ ചികിത്സയില്‍ കഴിയുന്നു. ജില്ലയില്‍ ഇതുവരെ 551 പേര്‍ക്കാണ് വൈറസ് ബാധ സ്ഥിരീകരിച്ചത്. രോഗ വ്യാപനം തടയുന്നതിന്റെ ഭാഗമായി ഇന്നലെ (ജൂലൈ ഒന്ന്) 1,579 പേര്‍ക്ക് കൂടി പ്രത്യേക നിരീക്ഷണം ഏര്‍പ്പെടുത്തിയതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു.

    ജില്ലയില്‍ 34 പേര്‍ക്ക് കൂടി ഇന്നലെ (ജൂലൈ ഒന്നിന്) കോവിഡ് 19 സ്ഥിരീകരിച്ചു. ഇതില്‍ ഒമ്പത് പേര്‍ ഇതര സംസ്ഥാനങ്ങളില്‍ നിന്നും 25 പേര്‍ വിവിധ വിദേശ രാജ്യങ്ങളില്‍ നിന്നും എത്തിയവരാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. ഇവരെല്ലാം മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ ചികിത്സയിലാണ്.

കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് മലപ്പുറം ജില്ലയില്‍ 36 കേസുകള്‍ കൂടി ഇന്നലെ (ജൂലൈ ഒന്ന്) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു. വിവിധ സ്റ്റേഷനുകളിലായി 47 പേരെ ഇന്നലെ അറസ്റ്റു ചെയ്തു.  ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 5,022 ആയി. 6,167 പേരെയാണ് ഇതുവരെ അറസ്റ്റു ചെയ്തത്. 

മേലാറ്റൂര്‍ സബ്‌സ്റ്റേഷനില്‍ നവീകരണ പ്രവൃത്തികള്‍ നടക്കുന്നതിനാല്‍ സബ്‌സ്റ്റേഷനില്‍ നിന്നുള്ള 11 കെ.വി ലൈനുകളില്‍ ഇന്ന് (ജൂലൈ രണ്‍്) രാവിലെ 11 മുതല്‍ വൈകീട്ട്  മൂന്നുവരെ വൈദ്യുതി വിതരണം തടസ്സപ്പെടുമെന്ന് മലപ്പുറം ട്രാന്‍സ്മിഷന്‍ എക്‌സിക്യൂട്ടീവ് എഞ്ചിനീയര്‍ അറിയിച്ചു.
 

ജില്ലയില്‍ ജൂണ്‍മാസ റേഷന്‍ വിഹിതം കൈപ്പറ്റുന്നതിനുള്ള സമയപരിധി ജൂലൈ നാല് വരെ നീട്ടിയതായി ജില്ലാസപ്ലൈ ഓഫീസര്‍ അറിയിച്ചു
 

കോവിഡ് 19 വ്യാപനവുമായി ബന്ധപ്പെട്ടുള്ള നിയന്ത്രണങ്ങള്‍ നിലനില്‍ക്കുന്നതിനാല്‍ ഡ്രൈവിങ് ടെസ്റ്റ് സംബന്ധമായ എല്ലാ സേവനങ്ങളും ഇനി ഒരു അറിയിപ്പ് ഉണ്‍ാകുന്നതുവരെ  നിര്‍ത്തിവച്ചതായി മലപ്പുറം ആര്‍.ടി.ഒ അറിയിച്ചു.  2020 ഫെബ്രുവരി ഒന്നിന് ശേഷം കാലാവധി അവസാനിക്കുന്ന എല്ലാ ഡ്രൈവിങ് ലൈസന്‍സ്/ ലേണേഴ്‌സ്/ കണ്‍ക്ടര്‍ ലൈസന്‍സ് എന്നിവയുടെ കാലാവധി 2020 സെപ്തംബര്‍ 30വരെ നീട്ടിയിട്ടുള്ളതിനാല്‍ അപേക്ഷകര്‍ ഓഫീസിലെത്തി തിരക്ക് കൂട്ടേണ്‍തില്ല. 

 വനമഹോത്സവത്തിന്റെ ഭാഗമായി പരിസ്ഥിതി പുന:സ്ഥാപനവും പരിപാലനവും  ലക്ഷ്യമിട്ട്  സംസ്ഥാന വനംവകുപ്പ്  ജില്ലയില്‍ നടപ്പാക്കുന്ന വിവിധ പദ്ധതികള്‍  ജൂലൈ മൂന്നിന് വനം മന്ത്രി അഡ്വ.കെ.രാജു ഉദ്ഘാടനം ചെയ്യും. കരിമ്പുഴ വന്യജീവി സങ്കേതത്തിന്റെ ഉദ്ഘാടനം, ചകിരിനാരില്‍ നിര്‍മിച്ച  റൂട്ട് ട്രൈനര്‍ തൈകളുടെ സംസ്ഥാനതല ഉദ്ഘാടനം, നിലമ്പൂര്‍ വനമേഖലയില്‍ നിര്‍മിച്ച ചക്കിക്കുഴി, എടക്കോട്, വാണിയംപുഴ, കാഞ്ഞിരപ്പുഴ ഫോറസ്റ്റ് സ്‌റ്റേഷന്‍ സമുച്ചയങ്ങളുടെ തു ഉദ്ഘാടനമാണ് മന്ത്രി നിര്‍വഹിക്കുക.