കോവിഡ് 19 സുരക്ഷയുടെ ഭാഗമായി ജില്ലയിലെ ഓട്ടോറിക്ഷകളില്‍ ഡ്രൈവറേയും യാത്രക്കാരേയും വേര്‍തിരിക്കുന്ന സുതാര്യ ഷീല്‍ഡുകള്‍ സ്ഥാപിക്കുന്നതിന് എഡിഎം അലക്‌സ് പി.തോമസിന്റെ അധ്യക്ഷതയില്‍ കളക്ടറേറ്റില്‍ ചേര്‍ന്ന സംയുക്ത ട്രേഡ് യൂണിയന്‍ നേതാക്കളുടെ യോഗത്തില്‍ തീരുമാനമായി.  യാത്രക്കാരുടെ പേരുവിവരങ്ങള്‍ രേഖപ്പെടുത്താന്‍ രജിസ്റ്റര്‍ സൂക്ഷിക്കും.  ജില്ലാ മെഡിക്കല്‍ ഓഫീസര്‍ ഡോ.എ.എല്‍.ഷീജ, ട്രേഡ് യൂണിയന്‍ നേതാക്കളായ കെ.അനില്‍കുമാര്‍, അഡ്വ.അബ്ദുള്‍ മനാഫ്, പി.കെ.ഗോപി, സാബു കണ്ണങ്കര,പി.ജി.ഹരികുമാര്‍ തുടങ്ങിയവര്‍ പങ്കെടുത്തു.

ആറന്മുള ഗ്രാമ പഞ്ചായത്തിലെ രജിസ്റ്റേഡ് മത്സ്യത്തൊഴിലാളികള്‍ക്കും അനുബന്ധ മത്സ്യത്തൊഴിലാളികള്‍ക്കും മോട്ടോര്‍സൈക്കിളും ഐസ്‌ബോക്‌സും ലഭിക്കുന്നതിന് അപേക്ഷിക്കാം. ഒരു മോട്ടോര്‍സൈക്കിളും ഐസ്‌ബോക്‌സും അടങ്ങുന്ന യൂണിറ്റിന് പരമാവധി 60000 രൂപയാണ് ചെലവ് പ്രതീക്ഷിക്കുന്നത്. 50 ശതമാനം സബ്‌സിഡി ലഭിക്കും.  അപേക്ഷ പത്തനംതിട്ട ജില്ലാ ഓഫീസില്‍ ബന്ധപ്പെട്ട രേഖകള്‍ സഹിതം ജൂലൈ ഏഴിനകം നല്‍കണം. ഫോണ്‍: 0468 2223134.

ജില്ലയില്‍ വനം വകുപ്പില്‍ (കൊല്ലം സര്‍ക്കിള്‍) ഫോറസ്റ്റര്‍ (സെക്ഷന്‍ ഫോറസ്റ്റ് ഓഫീസര്‍) (ഫസ്റ്റ് എന്‍സിഎ ധീവര) (കാറ്റഗറി നമ്പര്‍ 621/2017) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട ഉദേ്യാഗാര്‍ഥികള്‍ക്ക് ഈ മാസം 10ന് എറണാകുളം ജില്ലാ പി.എസ്.സി ഓഫീസില്‍ അഭിമുഖം നടത്തും. അഭിമുഖത്തിന് ഉള്‍പ്പെടുത്തിയിട്ടുള്ള ഉദേ്യാഗാഥികള്‍ക്ക് ഇന്റര്‍വ്യൂ മെമ്മോ പ്രൊഫൈലില്‍ അയച്ചിട്ടുണ്ട്. കൂടുതല്‍ വിവരം ജില്ലാ പി.എസ്.സി ഓഫീസില്‍ ലഭിക്കും. ഫോണ്‍: 0468 2222665. 

ഭിന്നശേഷി വിഭാഗക്കാര്‍ക്കായി സാമൂഹ്യ നീതി വകുപ്പ് നടപ്പാക്കുന്ന വിദ്യാകിരണം, വിദ്യാജ്യോതി, സ്വാശ്രയ, പരിരക്ഷപദ്ധതികള്‍ പ്രകാരമുള്ള ആനുകൂല്യത്തിന് ജൂലൈ 31 വരെ അപേക്ഷിക്കാം.അപേക്ഷഫോറം ജില്ലാ സാമൂഹ്യനീതി ഓഫീസിലും  http://sjd.kerala.gov.in  എന്ന വെബ്സൈറ്റിലും ലഭ്യമാണ്. ഫോണ്‍:04812563980

   കോവിഡ് 19 സ്ഥിരീകരിച്ച് മലപ്പുറം ജില്ലയില്‍ ഐസൊലേഷന്‍ കേന്ദ്രങ്ങളില്‍ ചികിത്സയിലായിരുന്ന 57 പേര്‍ കൂടി ഇന്നലെ (ജൂലൈ രണ്ട്) രോഗമുക്തരായി. രോഗബാധിതരായി 233 പേര്‍ ചികിത്സയില്‍ കഴിയുന്നു. ജില്ലയില്‍ ഇതുവരെ 575 പേര്‍ക്കാണ് വൈറസ് ബാധ സ്ഥിരീകരിച്ചത്. രോഗ വ്യാപനം തടയുന്നതിന്റെ ഭാഗമായി ഇന്നലെ (ജൂലൈ രണ്ട്) 1,962 പേര്‍ക്ക് കൂടി പ്രത്യേക നിരീക്ഷണം ഏര്‍പ്പെടുത്തിയതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു.

     ജില്ലയില്‍ 24 പേര്‍ക്ക് കൂടി ഇന്നലെ (ജൂലൈ രണ്ട്) കോവിഡ് 19 സ്ഥിരീകരിച്ചു. ഇതില്‍ രണ്ട് പേര്‍ ഇതര സംസ്ഥാനങ്ങളില്‍ നിന്നും 22 പേര്‍ വിവിധ വിദേശ രാജ്യങ്ങളില്‍ നിന്നും എത്തിയവരാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. ഇവരില്‍ ആറ് പേര്‍ വിവിധ ജില്ലകളിലും ശേഷിക്കുന്നവര്‍ മഞ്ചേരി ഗവ. മെഡിക്കല്‍ കോളജ് ആശുപത്രിയിലുമാണ് ചികിത്സയിലുള്ളത്.
   ജൂണ്‍ 22 ന് ബംഗലൂരുവില്‍ നിന്നെത്തിയ നന്നമ്പ്ര ചെറുമുക്ക് സ്വദേശി(25), ജൂണ്‍ 20 ന് മഹാരാഷ്ട്രയിലെ ഭീവണ്ടിയില്‍ നിന്നെത്തിയ നിറമരുതൂര്‍ സ്വദേശി(35) എന്നിവരാണ് ഇതര സംസ്ഥാനങ്ങളില്‍ നിന്ന് ജില്ലയിലെത്തി രോഗബാധിതരായവര്‍.

കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് മലപ്പുറം ജില്ലയില്‍ 14 കേസുകള്‍ കൂടി ഇന്നലെ (ജൂലൈ രണ്ട്) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു. വിവിധ സ്റ്റേഷനുകളിലായി 14 പേരെ ഇന്നലെ അറസ്റ്റു ചെയ്തു.  രണ്ട് വാഹനങ്ങളും പിടിച്ചെടുത്തു. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 5,036 ആയി. 6,181 പേരെയാണ് ഇതുവരെ അറസ്റ്റു ചെയ്തത്. 2,645 വാഹനങ്ങളും പിടിച്ചെടുത്തിട്ടുണ്ട്.