കൈതപ്പൊയില്‍ - കോടഞ്ചേരി - അഗസ്ത്യമൂഴി റോഡ് നവീകരണ പ്രവൃത്തിയുമായി ബന്ധപ്പെട്ട് താഴെ തിരുമ്പാടി മുതല്‍ അഗസ്ത്യമൂഴിവരെയുളള ഭാഗത്ത് തൊണ്ടിമ്മല്‍, കൂളിപാറ, മരക്കാട്പുറം ഭാഗങ്ങളില്‍ പാറപൊട്ടിച്ച് മാറ്റേണ്ടതിനാല്‍ ഈ റോഡിലൂടെയുളള വാഹന ഗതാഗതത്തിന് ക്രമീകരണങ്ങള്‍ ഏര്‍പ്പെടുത്തിയതായി എക്സിക്യൂട്ടീവ് എഞ്ചിനീയര്‍ അറിയിച്ചു.  വാഹനങ്ങള്‍ മുക്കം വെന്റ് പൈപ്പ് പാലം വഴി തിരുമ്പാടി, കുമാരനല്ലൂര്‍, മണ്ടാംകടവ് റോഡിലൂടെയും ഓമശ്ശേരി - തിരുവമ്പാടി റോഡിലൂടെയും തിരിഞ്ഞ് പോകണം.

   
കോഴിക്കോട് ജില്ലയിലെ പൊതു വിദ്യാഭ്യാസ വകുപ്പില്‍  യു.പി.സ്‌കൂള്‍ അസിസ്റ്റന്റ് (മലയാളം, തസ്തികമാറ്റം, കാറ്റഗറി നമ്പര്‍ : 269/18) റാങ്ക് പട്ടികയിലെ മുഴുവന്‍ ഉദ്യോഗാര്‍ത്ഥികളേയും നിയമന ശിപാര്‍ശ ചെയ്തു കഴിഞ്ഞതിനാല്‍ റാങ്ക് പട്ടിക  2020 മാര്‍ച്ച് 19 മുതല്‍ റദ്ദായതായി ജില്ലാ പി.എസ്.സി. ഓഫീസര്‍ അറിയിച്ചു.