ഇടിമിന്നൽ അപകടങ്ങൾ ഒഴിവാക്കാൻ പൊതുജനങ്ങൾ ജാഗ്രത പാലിക്കണമെന്ന് ജില്ലാ ദുരന്ത നിവാരണ അതോറിറ്റി ചെയർമാൻ കൂടിയായ ജില്ലാ കളക്ടർ ഡി.ആർ മേഘശ്രീ അറിയിച്ചു. മനുഷ്യന്റെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകള്‍ക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്‍ക്കും വലിയ നാശനഷ്ടമാണ് ഇടിമിന്നല്‍ സൃഷ്ടിക്കുന്നത്. കാര്‍മേഘം കണ്ട് തുടങ്ങുന്ന സമയം മുതല്‍ തന്നെ പൊതുജനങ്ങള്‍ മുന്‍കരുതലുകള്‍ സ്വീകരിക്കണം. ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാല്‍ ഉടന്‍ തന്നെ സുരക്ഷിതമായ കെട്ടിടത്തിനുള്ളിലേക്ക് മാറണം. തുറസായ സ്ഥലങ്ങളില്‍ തുടരുന്നത് ഇടിമിന്നലേല്‍ക്കാനുള്ള സാധ്യത വർദ്ധിപ്പിക്കും.

സുൽത്താൻ ബത്തേരി താലൂക്ക് ആസ്ഥാന ആശുപത്രിയിൽ സ്റ്റാഫ് നഴ്സ്, റേഡിയോഗ്രാഫർ, ഡാറ്റാ എൻട്രി ഓപ്പറേറ്റർ, മൾട്ടി പർപ്പസ് വർക്കർ, ക്ലീനിങ് സ്റ്റാഫ് എന്നീ തസ്തികകളിലേക്ക് താത്കാലിക നിയമനം നടത്തുന്നു. സ്റ്റാഫ് നഴ്സിന് ബി.എസ്.സി നഴ്സിങ് അല്ലെങ്കിൽ ജി.എൻ.എം, നഴ്സിങ് കൗൺസിൽ രജിസ്ട്രേഷനാണ് യോഗ്യത, റേഡിയോഗ്രാഫർക്ക് ഡി.ആർ.ടി/ഡി.ഡി.ആർ.ടി/ബി.എസ്.സി എം.ആർ.ടിയും പാരാമെഡിക്കൽ കൗൺസിൽ രജിസ്ട്രേഷനും വേണം. ഡ്രൈവർക്ക് എച്ച്.എം.വി ഗുഡ്സ്/പാസഞ്ചർ ലൈസൻസും ബാഡ്ജും (3 വർഷമായുള്ളത്) ഉണ്ടാവണം. ഡാറ്റാ എൻട്രി ഓപ്പറേറ്റർക്ക് ബിരുദവും അംഗീകൃത സ്ഥാപനത്തിൽ നിന്നുള്ള ഡി.സി.എയുമാണ് വേണ്ടത്.

കെൽട്രോണിന്റെ സുൽത്താൻ ബത്തേരി നോളജ് സെന്ററിൽ മെയ് മാസം ആരംഭിക്കുന്ന കോഴ്സുകളിലേക്ക് അഡ്മിഷൻ ആരംഭിച്ചു. പ്രൊഫഷണൽ ഡിപ്ലോമ ഇൻ കംപ്യൂട്ടർ ടീച്ചേഴ്സ് ട്രെയിനിങ് (പി.ഡി.സി.ടി.ടി), കംപ്യൂട്ടറൈസ്ഡ് ഫിനാൻഷ്യൽ അക്കൗണ്ടിങ് (ടാലി ആന്റ് എം.എസ് ഓഫീസ്), ഡിപ്ലോമ ഇൻ കംപ്യൂട്ടർ ആപ്ലിക്കേഷൻസ്, ഡിപ്ലോമ ഇൻ ടാലി ആന്റ് ഫോറിൻ അക്കൗണ്ടിങ് മാനേജ്മെന്റ് (ഡി.ടി.എഫ്.എ.എം), പോസ്റ്റ് ഗ്രാജ്യുവേറ്റ് ഡിപ്ലോമ ഇൻ കംപ്യൂട്ടർ ആപ്ലിക്കേഷൻസ്, വേഡ് പ്രോസസിങ് ആന്റ് ഡാറ്റ എൻട്രി, ഡിപ്ലോമ ഇൻ ഓഫീസ് അക്കൗണ്ടിങ്, പ്രൊഫഷണൽ ഡിപ്ലോമ ഇൻ ഫയർ ആന്റ് സേഫ്റ്റി തുടങ്ങിയ കോഴ്സുകളിലേക്കാണ് പ്രവേശനം.

ജില്ലാ ആയുർവേദ ആശുപത്രിയിൽ  വിവിധ തസ്തികകളിലേക്ക് ദിവസ വേതന കരാർ അടിസ്ഥാനത്തിൽ ജോലി ചെയ്യുന്നതിന് അപേക്ഷ ക്ഷണിച്ചു.  ഡാറ്റ എൻട്രി ഓപ്പറേറ്റർ, സാനിറ്റേഷൻ വർക്കർ, സെക്യൂരിറ്റി, തസ്തികകളിലേക്ക് ജൂൺ 2 രാവിലെ 10നും മൾട്ടി പർപ്പസ് വർക്കർ, പഞ്ചകർമ തെറാപ്പിസ്റ്റ്, ലാബ് ടെക്‌നീഷൻ തസ്തികകളിലേക്ക് ജൂൺ 3 രാവിലെ 10നും അഭിമുഖം നടക്കും. താത്പര്യമുള്ളവർ ആവശ്യമായ രേഖകൾ സഹിതം അഭിമുഖത്തിൽ പങ്കെടുക്കണം. ഫോൺ: 04936207455

വയനാട് ജില്ലയിൽ ഇന്ത്യൻ സിസ്റ്റംസ് ഓഫ് മെഡിസിൻ വകുപ്പിൽ നഴ്സ് ഗ്രേഡ് 2 - ആയൂർവേദം (കാറ്റഗറി നമ്പർ - 745/2024) തസ്തികയുടെ ഇന്റർവ്യൂ മെയ് 15ന് പി.എസ്.സി വയനാട് ജില്ലാ ഓഫീസിൽ നടക്കും. അർഹരായവർക്കുള്ള വ്യക്തിഗത അറിയിപ്പ് പ്രൊഫൈലിലും എസ്.എം.എസ് വഴിയും ലഭ്യമാക്കിയിട്ടുണ്ട്. പ്രൊഫൈലിൽ നിന്ന് ഡൗൺലോഡ് ചെയ്തെടുത്ത ഇന്റർവ്യൂ മെമ്മോ, അസ്സൽ തിരിച്ചറിയൽ രേഖ, ഒ.ടി.വി സർട്ടിഫിക്കറ്റിന്റെ പകർപ്പ്, ബയോഡേറ്റ ഫോം എന്നിവ സഹിതം നിശ്ചിത തീയതിയിലും സമയത്തും അഭിമുഖത്തിന് ഹാജരാവണമെന്ന് പി.എസ്.സി ജില്ലാ ഓഫീസർ അറിയിച്ചു.

കൽപ്പറ്റ പുത്തൂർവയൽ എസ്.ബി.ഐ ആർസെറ്റിയിൽ സൗജന്യ ബേക്കറി നിർമ്മാണ പരിശീലനത്തിന് അപേക്ഷ ക്ഷണിച്ചു. മെയ് 18ന് ആരംഭിക്കുന്ന 12 ദിവസത്തെ പരിപാടിയിയിൽ ബർഗർ, സാൻഡ്‌വിച്ച്, പുഡ്ഡിങ്, ഫ്രൈഡ് ചിക്കൻ,  പിസ്സ, പഫ്‌സ്, ബിരിയാണി, മയോണൈസ്, ഫ്രൈഡ് റൈസ്, പുലാവ് തുടങ്ങിയ തയ്യാറാക്കാനുള്ള പരിശീലനം ലഭിക്കും. 18നും 50നും ഇടയിൽ പ്രായമുള്ള യുവതി - യുവാക്കൾക്ക് അപേക്ഷിക്കാം. ഫോൺ: 8590762300, 8078711040

മാനനന്തവാടി ഐ.സി.ഡി.എസ് പ്രൊജക്ടിന് കീഴിൽ പ്രവർത്തിക്കുന്ന കോൺവെന്റ്കുന്ന് അങ്കണവാടി കം ക്രഷിൽ അങ്കണവാടി കം ക്രഷ് വർക്കർ, ക്രഷ് ഹെൽപ്പർ തസ്തികകളിലേക്ക് അപേക്ഷ ക്ഷണിച്ചു. മാനന്തവാടി നഗരസഭയിൽ സ്ഥിരതാമസക്കാരായ 18നും 35നും ഇടയിൽ പ്രായമുള്ള സ്ത്രീകൾക്കാണ് അവസരം. പട്ടികജാതി, പട്ടികവർഗ വിഭാഗങ്ങൾക്ക് ഉയർന്ന പ്രായപരിധിയിൽ മൂന്ന് വർഷം ഇളവുണ്ട്. താഴെയങ്ങാടി വാർഡിലെ താമസക്കാർക്ക് മുൻഗണന ലഭിക്കും. ക്രഷ് വർക്കർക്ക് പ്ലസ് ടുവും ഹെൽപ്പറിന് പത്താം ക്ലാസുമാണ് യോഗ്യത.

കോഴിക്കോട് റീജ്യണൽ പ്രൊഫഷണൽ ആന്റ് എക്സിക്യൂട്ടീവ് എംപ്ലോയ്‍മെന്റ് എക്സ്ചേഞ്ചിൽ രജിസ്റ്റർ ചെയ്തിട്ടുള്ള ഉദ്യോഗാർത്ഥികളിൽ മുന്നാക്ക സമുദായങ്ങളിൽ ഉൾപ്പെട്ട സാമ്പത്തികമായി പിന്നാക്കം നിൽക്കുന്നവരുടെ (ഇ.ഡബ്ല്യു.എസ്) സംവരണത്തിന് അർഹരായവർ വില്ലേജ് ഓഫീസർ നൽകുന്ന സർട്ടിഫിക്കറ്റ് ഹാജരാക്കണം. 2026 ഏപ്രിൽ ഒന്നിന് ശേഷം വില്ലേജ് ഓഫീസർ നൽകിയ സർട്ടിഫിക്കറ്റ് മേയ് 31നകം ഉദ്യോഗാർത്ഥികൾ തങ്ങളുടെ രജിസ്ട്രേഷനൊപ്പം കൂട്ടിച്ചേർക്കണമെന്ന് ഡിവിഷണൽ എംപ്ലോയ്മെന്റ് ഓഫീസർ അറിയിച്ചു.

അസാപ് കേരളയുടെ മാനന്തവാടി കമ്മ്യൂണിറ്റി സ്കിൽ പാർക്കിൽ മെയ് 16 രാവിലെ 10 മുതൽ തൊഴിൽ മേള സംഘടിപ്പിക്കുന്നു. പങ്കെടുക്കാൻ ആഗ്രഹിക്കുന്ന പ്ലസ് ടു, ഡിഗ്രി, പി.ജി യോഗ്യതയുള്ള ഉദ്യോഗാർത്ഥികൾ ബയോഡേറ്റയും അനുബന്ധ സർട്ടിഫിക്കറ്റുകളുമായി എത്തിച്ചേരേണ്ടതാണ്. എച്ച്.ഡി.എഫ്.സി ലൈഫ് ഇൻഷുറൻസ് കമ്പനി ലിമിറ്റഡ്,  മെഘാസ് ഹെർബോകെയർ, അൽ നഹ്ദ ഹൈപ്പർമാർക്കറ്റ്, ജിടഫ് പ്രൈവറ്റ് ലിമിറ്റഡ്, ഹൈക്ക് ലേണിംഗ് പ്ലാറ്റ്ഫോം, യെസ് ഭാരത് വെഡ്ഡിംഗ് കളക്ഷൻ, ഐ.ക്യു ബിസിനസ് ഹബ് തുടങ്ങിയ സ്ഥാപനങ്ങൾ തൊഴിൽ മേളയിൽ പങ്കെടുക്കും. ഫോൺ: 94959 99669

മോട്ടോർ തൊഴിലാളി ക്ഷേമനിധി ബോർഡിൽ അംഗങ്ങളുടെ മക്കൾക്ക് സൗജന്യ പഠന കിറ്റിനുള്ള അപേക്ഷ മെയ് 15 വരെ സമർപ്പിക്കാം.  2026-27 അദ്ധ്യയന വർഷം സർക്കാർ, എയ്ഡഡ് സ്കൂളുകളിൽ ഒന്നാം ക്ലാസിൽ പ്രവേശനം നേടിയ കുട്ടികൾക്കാണ് അവസരം. kmtwwfb.kerala.gov.in എന്ന വെബ്‍സൈറ്റ് വഴി ഓൺലൈനായി മാത്രമാണ് അപേക്ഷകൾ സ്വീകരിക്കുന്നത്. ആദ്യമായി അപേക്ഷ സമർപ്പിക്കുമ്പോൾ തൊഴിലാളികളുടെ പ്രൊഫൈൽ അപ്ഡേറ്റ് ചെയ്യണം. ഇതിന് വാഹനത്തിന്റെ ആർ.സി, തൊഴിലാളിയുടെ ലൈസൻസ്, ആധാർ, റേഷൻ കാർഡ്, ബാങ്ക് പാസ്ബുക്ക്, ഫോട്ടോ എന്നിവ ആവശ്യമാണ്. ഫോൺ: 04936 206355, 9188519862.