ജൂൺ 7ന് പരീക്ഷാ ഭവനിൽ വച്ച് നടക്കുന്ന രാഷ്ട്രീയ ഇന്ത്യൻ മിലിട്ടറി കോളേജ് ഡെറാഡൂണിലേക്കുള്ള പ്രവേശന പരീക്ഷയിൽ പങ്കെടുക്കുന്നവരുടെ ലിസ്റ്റും സമയവിവര പട്ടികയും https://pareekshabhavan.k

സെൻസസ് 2027 മായി ബന്ധപ്പെട്ട് വ്യക്തികൾക്ക് സ്വയം കുടുംബത്തിന്റെ വിവരങ്ങൾ ഓൺലൈനായി സമർപ്പിക്കാൻ അവസരമൊരുക്കുന്ന സെൽഫ് എന്യൂമറേഷൻ (എസ്ഇ) സൌകര്യം ജൂൺ 16 ന് ആരംഭിക്കും. ജൂൺ 30 വരെയാണ്  സെൽഫ് എന്യുമറേഷൻ സൌകര്യം ലഭിക്കുക. സംസ്ഥാനം/കേന്ദ്രഭരണ പ്രദേശം വിജ്ഞാപനം ചെയ്ത നിർദ്ദിഷ്ട കാലയളവ് പ്രകാരം എന്യുമറേറ്റർ വീടുവീടാന്തര വിവര ശേഖരണത്തിന് (എച്ച്എൽഒ)  വരുന്നതിന് തൊട്ടുമുമ്പുള്ള 15 ദിവസത്തേക്ക് എസ്ഇ പോർട്ടൽ പ്രവർത്തനസജ്ജമായിരിക്കും. 

ഈ വർഷത്തെ  ജില്ലാതല സ്കൂള്‍ പ്രവേശനോത്സവത്തിൻ്റെ ഭാഗമായുള്ള സ്വാഗത സംഘം രൂപീകരണ യോഗം ഇന്ന് (മേയ് 15) ഉച്ചക്ക് മൂന്ന് മണിക്ക് ചാരമംഗലം ഗവ. ഡി.വി.എച്ച്.എസ്.എസിൽ ചേരും.

പുതിയ അധ്യയന വർഷം‍ ആരംഭിക്കുന്നതിന് മുന്നോടിയായി ജില്ലാ പഞ്ചായത്തിന്റെ നിയന്ത്രണത്തിൽ വരുന്ന സ്കൂളുകളുടെ പ്രവർത്തനം സംബന്ധിച്ചുള്ള രണ്ടാം ഘട്ട അവലോകന യോഗം ഇന്ന് (മേയ് 15). രാവിലെ 10.30 ന് ജില്ലാ പഞ്ചായത്ത് കോൺഫറൻസ് ഹാളിൽ ചേരുന്ന യോഗത്തിൽ ജില്ലാ വിദ്യാഭ്യാസ ഉപഡയറക്ടര്‍, ഡി.ഇ.ഒ.മാര്‍, സ്കൂള്‍ പ്രിന്‍സിപ്പൽമാര്‍, പ്രഥമാധ്യാപകർ, എല്‍.എസ്.ജി.ഡി എഞ്ചിനീയറിങ് വിഭാഗം ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.

എസ്.ബി.ഐ.യുടെ ഗ്രാമീണ സ്വയംതൊഴിൽ പരിശീലന കേന്ദ്രത്തിന്റെ നേതൃത്വത്തിൽ  കലവൂർ ആര്യാട് ബ്ലോക്ക് പഞ്ചായത്ത് കോംപ്ലക്സിൽ 12 ദിവസത്തെ സൗജന്യ ഫുഡ് പ്രിപ്പറേഷൻ (നോർത്ത് ഇന്ത്യൻ, സൗത്ത് ഇന്ത്യൻ, ചൈനീസ് വിഭവങ്ങൾ, കേക്ക്) പരിശീലനം നൽകുന്നു. 18 വയസ്സിനും 50 വയസ്സിനും ഇടയിലുള്ള യുവതീ യുവാക്കൾക്ക് ഈ പരിശീലനത്തിൽ പങ്കെടുക്കാവുന്നതാണ്. സംരംഭങ്ങൾ തുടങ്ങുന്നതിനെക്കുറിച്ചും വിവിധ ലോൺ സ്കീമുകളെക്കുറിച്ചും ക്ലാസുകൾ ഇതിന്റെ ഭാഗമായി ഉണ്ടാകും.

ആലപ്പുഴ - അമ്പലപ്പുഴ റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 91ല്‍ (എ.എം.പി.എ നോര്‍ത്ത് ഗേറ്റ്) നടക്കുന്ന അറ്റകുറ്റപ്പണികള്‍ പൂര്‍ത്തിയാകാത്തതിനാല്‍ ലെവല്‍ ക്രോസ് തുറക്കുന്നതിനുള്ള സമയപരിധി മേയ് 13ല്‍ നിന്ന് 19 ന് വൈകിട്ട് ആറുമണിയിലേക്ക് നീട്ടി. വാഹനങ്ങള്‍ തൊട്ടടുത്തുള്ള ലെവല്‍ ക്രോസ് നമ്പര്‍ 92 (കോമന ഗേറ്റ്) വഴി പോകണം.

മാവേലിക്കര ഐ.സി.ഡി.എസ്. പദ്ധതി പരിധിയിലുള്ള തഴക്കര, തെക്കേക്കര, ചെട്ടികുളങ്ങര, ചെന്നിത്തല, മാന്നാര്‍ എന്നീ പഞ്ചായത്തുകളിലെയും മാവേലിക്കര  നഗരസഭയിലെയും 183 അങ്കണവാടികളിലേക്ക്  2026  ജൂണ്‍ ഒന്ന് മുതല്‍ 2027 മാര്‍ച്ച് 31 വരെയുള്ള കാലയളവില്‍ ആഴ്ചയില്‍ മൂന്ന് ദിവസം പാല്‍, കോഴിമുട്ട എന്നിവ വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ടെന്‍ഡറുകള്‍ സ്വീകരിക്കുന്ന അവസാന തീയതി മേയ് 25 ഉച്ചയ്ക്ക് ഒരു മണി. ഫോണ്‍: 0479-2342046.

മത്സ്യസമ്പത്തിന് വിഘാതമാകുന്ന രീതിയില്‍ നിയമവിരുദ്ധമായി ഹൈ വോള്‍ട്ട് ലൈറ്റ് ഉപകരണങ്ങള്‍ ഉപയോഗിച്ചും കണ്ണിവലിപ്പം കുറഞ്ഞ വല ഉപയോഗിച്ചും മത്സ്യബന്ധനം നടത്താനിരുന്ന ബോട്ട് ഫിഷറീസ് അധികൃതര്‍ കസ്റ്റഡിയിലെടുത്തു. ബേപ്പൂര്‍ ഫിഷറീസ് സ്റ്റേഷന്‍ അസിസ്റ്റന്റ് ഡയറക്ടര്‍ വി സുനീറിന്റെ നേതൃത്വത്തിലുള്ള പട്രോളിങ് സംഘം ബേപ്പൂര്‍ ഹാര്‍ബര്‍ കേന്ദ്രീകരിച്ച് നടത്തിയ പരിശോധനയിലാണ് പുറപ്പെടാന്‍ തയാറായിനിന്ന ബോട്ട് പിടിച്ചെടുത്തത്. വടക്കെ പനങ്ങാട്ട് സൂപ്പിവളപ്പില്‍ എന്‍ വി മുസ്തഫയുടെ ഉടമസ്ഥതയിലുള്ള അല്‍മിന എന്ന ബോട്ടാണ് കസ്റ്റഡിയിലെടുത്തത്. 2,50,000 രൂപ പിഴ ഈടാക്കി. 

തിരുവനന്തപുരം സർക്കാർ മെഡിക്കൽ കോളേജിൽ അനസ്തേഷ്യ, ക്രിട്ടിക്കൽ കെയർ മെഡിസിൻ, ജെറിയാട്രിക്‌സ് വിഭാഗങ്ങളിലേക്ക് കരാർ അടിസ്ഥാനത്തിൽ സീനിയർ റസിഡന്റ് നിയമനത്തിനായി വാക്-ഇൻ-ഇന്റർവ്യൂ നടത്തുന്നു.

ആർ. പരമേശ്വരൻ പിള്ള മെമ്മോറിയൽ ആർട്സ് ആന്റ് സയൻസ് കോളേജിൽ ഇംഗ്ലീഷ് ഡിപ്പാർട്ട്മെന്റിൽ ഒരു ഗസ്റ്റ് ഫാക്കൽറ്റി ഒഴിവുണ്ട്. മേയ് 19 രാവിലെ 11 ന് കോളേജിൽ നടക്കുന്ന ഇന്റർവ്യൂവിൽ പങ്കെടുക്കുവാൻ താൽപര്യമുള്ള എം. എ. ഇംഗ്ലീഷ് യോഗ്യതയുള്ള ഉദ്യോഗാർഥികൾ അസൽ സർട്ടിഫിക്കറ്റുകളുമായി നെയ്യാർ ഡാമിലെ ക്യാമ്പസിൽ നേരിട്ട് ഹാജരാകണം. വിരമിച്ച കോളേജ് അധ്യാപകരെയും പരിഗണിക്കും.