ആലപ്പുഴ: തെരഞ്ഞെടുപ്പ് കമ്മിഷൻ വോട്ടർപട്ടിക പുതുക്കുന്നതുമായി ബന്ധപ്പെട്ട് നവംബർ 20 വരെ ജില്ലയിൽ 2607 അപേക്ഷകൾ ലഭിച്ചു. കളക്ടറേറ്റിൽ തെരഞ്ഞെടുപ്പ് കമ്മിഷന്റെ വോട്ടർ പട്ടിക നിരീക്ഷക സുമന എൻ. മേനോന്റെ അധ്യക്ഷതയിൽ കൂടിയ അവലോകന യോഗത്തിൽ ജില്ലാ കളക്ടർ ടി.വി. അനുപമയാണ് ഇക്കാര്യം അറിയിച്ചത്. 

അരൂർ നിയോജകമണ്ഡലം-296, ചേർത്തല-308, ആലപ്പുഴ-272, അമ്പലപ്പുഴ-315, കുട്ടനാട്-162, ഹരിപ്പാട്-311, കായംകുളം-381, മാവേലിക്കര-355, ചെങ്ങന്നൂർ-207 എന്നിങ്ങനെയാണ് പുതുക്കൽ അപേക്ഷ ലഭിച്ചിട്ടുള്ളത്.

ആലപ്പുഴ: ഡിസംബർ ഒന്നിലെ ലോക എയ്ഡ്‌സ് ദിനാചരണത്തോടനുബന്ധിച്ച് ആലോചന യോഗം ചേർന്നു. വിവിധ പരിപാടികളോടെ വിപുലമായി ദിനാചരണം സംഘടിപ്പിക്കാൻ കളക്ടറേറ്റിൽ എ.ഡി.എം. ഐ. അബ്ദുൾ സലാമിന്റെ അധ്യക്ഷതയിൽ കൂടിയ യോഗം തീരുമാനിച്ചു. ജില്ലാതല ഉദ്ഘാടനം മുതുകുളം ബ്ലോക്ക് പഞ്ചായത്തിൽ നടക്കും. 

                തദ്ദേശ സ്ഥാപനങ്ങള്‍ സമര്‍പ്പിച്ച നൂതന പദ്ധതികള്‍ പരിശോധിക്കുന്നതിന് ജില്ലാ ആസൂത്രണ സമിതിയുടെ വിദഗ്ദ്ധ സമിതി യോഗം നവംബര്‍ 29 ന് വൈകീട്ട് 4ന് ജില്ലാ കളക്ടറുടെ ചേംബറില്‍ ചേരും.

                ജില്ലയിലെ സര്‍ക്കാര്‍ സ്‌കൂളുകളിലെ കാഴ്ച വൈകല്യമുള്ള തെരഞ്ഞെടുത്ത വിദ്യാര്‍ത്ഥികള്‍ക്ക് കണ്ണട നല്‍കുന്നതിന് അംഗീകൃത വിതരണക്കാരില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷന്‍ ഡിസംബര്‍ 14ന് ഉച്ചയ്ക്ക് 12 വരെ സ്വീകരിക്കും. വിലാസം: ജില്ലാ പ്രോഗ്രാം ഓഫീസര്‍, ജില്ലാ മെഡിക്കല്‍ ഓഫീസ് (ആരോഗ്യം) വയനാട്. ഫോണ്‍ 04935 241150.

വൈത്തിരി താലൂക്കിനടുത്ത പഴയ കെട്ടിടം പൊളിച്ച കരിങ്കല്ലുകള്‍ ഡിസംബര്‍ 5ന് രാവിലെ 11ന് സ്ഥലത്ത് ലേലം ചെയ്യും.ജി.എസ്.ടി ഡീലര്‍മാര്‍ക്ക് പങ്കെടുക്കാം.

                ജില്ലാ സ്‌കൂള്‍ കലോത്സവവുമായി ബന്ധപ്പെട്ട് വിവിധ വിദ്യാലയങ്ങളില്‍ സൂക്ഷിച്ചിരിക്കുന്ന റോളിംഗ് ട്രോഫികള്‍ നവംബര്‍ 30ന് മുമ്പ് പനമരം ജി.എച്ച്.എസ്.എസ്. അധികൃതരെ ഏല്‍പ്പിക്കണമെന്ന് വിദ്യാഭ്യാസ ഉപഡയറക്ടര്‍ അറിയിച്ചു.

ആലപ്പുഴ: ഗാർഹിക മേഖലയിൽ സംഭവിക്കുന്ന വൈദ്യുത അപകടത്തിന്റെ 44 ശതമാനവും വൈദ്യുതി ദുരുപയോഗവും അശ്രദ്ധമായി വൈദ്യുതി ലൈനിന് സമീപം ഇരുമ്പുതോട്ടിയും ദണ്ഡും ഉപയോഗിക്കുന്നതും മൂലം. വൈദ്യുത അപകട സുരക്ഷയുമായി ബന്ധപ്പെട്ട് ജില്ലാ കളക്ടർ ടി.വി. അനുപമയുടെ അധ്യക്ഷതയിൽ കളക്ടറേറ്റിൽ കൂടിയ യോഗത്തിൽ ഇലക്ട്രിക്കൽ ഇൻസ്പക്ടറേറ്റ് വകുപ്പ് ഉദ്യോഗസ്ഥരാണ് ഇക്കാര്യം വ്യക്തമാക്കിയത്. 

29 ശതമാനം അപകടങ്ങൾ അനധികൃത നിർമാണങ്ങളും താത്കാലിക വയറിങും അജ്ഞതയും മൂലമാണെന്നും ഉദ്യോഗസ്ഥർ പറഞ്ഞു. കേടായ ഉപകരണങ്ങൾ മൂലമാണ് 12 ശതമാനം അപകടം ഉണ്ടാകുന്നത്.