സംസ്ഥാന ശാസ്‌ത്രോത്സവത്തില്‍ റെക്‌സിന്‍ പ്രൊഡക്റ്റ് നിര്‍മാണ മത്സരത്തില്‍ എ ഗ്രേഡോടെ ഒന്നാം സ്ഥാനം നേടി ജിഎച്ച്എസ്എസ് പൂക്കോട്ടൂരിലെ എന്‍. നിഹ്‌ല. ജില്ലാതലത്തില്‍ എ ഗ്രേഡും രണ്ടാം സ്ഥാനവുമായിരുന്നു നിഹ്‌ലക്കുണ്ടായിരുന്നതെങ്കിലും സംസ്ഥാന മത്സരത്തില്‍ ഒന്നാം സ്ഥാനം സ്വന്തമാക്കാനായി.

മങ്കട ഗ്രാമപഞ്ചായത്തിനെ സ്ത്രീ സൗഹൃദ പഞ്ചായത്തായും വയോജന സൗഹൃദ പഞ്ചായത്തായും കാര്‍ബന്‍ ന്യൂട്രല്‍ പഞ്ചാത്തായും ഇന്ന് (നവംബര്‍ 28) പ്രഖ്യാപിക്കും. രാവിലെ 10ന് മങ്കട ഗ്രാമപഞ്ചായത്ത് ഓഫീസില്‍ നടക്കുന്ന പരിപാടിയില്‍ പഞ്ചായത്ത് ഡയറക്ടര്‍ മേരിക്കുട്ടിയാണ് പ്രഖ്യാപനം നടത്തുക. ഇതോടനുബന്ധിച്ച് വിവിധ പദ്ധതികളുടെ ഉദ്ഘാടനവും ഇന്ന് നടക്കും. പഞ്ചായത്ത് അഡീഷനല്‍ ഡയറക്ടര്‍ അജിത് കുമാര്‍, പഞ്ചായത്ത് പ്രസിഡന്റ് രമണി ടീച്ചര്‍, വൈസ് പ്രസിഡന്റ് പികെ അബ്ബാസ് അലി തുടങ്ങിയവര്‍ പരിപാടിയില്‍ പങ്കെടുക്കും.

ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍  2018-2020 വര്‍ഷങ്ങളിലേക്കുള്ള തൊഴില്‍ അവസരങ്ങളിലേക്ക് പരിഗണിക്കാന്‍ യോഗ്യരായ ഉദ്യോഗാര്‍ഥികളുടെ സീനിയോറിറ്റി പട്ടിക പ്രസിദ്ധീകരിച്ചു. ലാുഹീ്യാലി.േസലൃമഹമ.ഴീ്.ശി ല്‍ പട്ടിക പരിശോധിക്കാം. പരാതികളുള്ളവര്‍ എംപ്ലോയ്‌മെന്റ് രജിസ്‌ട്രേഷന്‍ കാര്‍ഡ് സഹിതം ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ ഡിസംബര്‍ 24നകം അപേക്ഷ നല്‍കണം.

കേരള ഖാദി ഗ്രാമ വ്യവസാ ബോര്‍ഡിന്റെ കീഴില്‍ നിലമ്പൂര്‍ കരിമ്പുഴയില്‍ പ്രവര്‍ത്തിക്കുന്ന ഹണി മ്യൂസിയം കൂടുതല്‍ വിപുലമാക്കുന്നു. പരമ്പരാഗത ശൈലിയിലുള്ള തേന്‍ സംഭരണവും സംസ്‌കരണവും ലക്ഷ്യമിട്ടാണ് പുതിയ കേന്ദ്രം ഒരുക്കുന്നത്.

പൊന്നാനി  ന്യൂനപക്ഷ  യുവജന   പരിശീലന കേന്ദ്രത്തില്‍ ജനുവരിയില്‍ ആരംഭിക്കുന്ന സൗജന്യ മത്സര പരീക്ഷാ പരിശീലനത്തിന് അപേക്ഷ ക്ഷണിച്ചു. പിഎസ് സി, എസ്.എസ്.സി, ബാങ്ക്, റെയില്‍വെ പരീക്ഷകള്‍ക്ക് തയ്യാറെടുക്കുന്നവര്‍ക്ക് അപേക്ഷിക്കാം. ന്യൂനപക്ഷ വിഭാഗത്തില്‍ പെട്ടവര്‍ക്ക് 80 ശതമാനവും മറ്റ് പിന്നാക്ക വിഭാക്കാര്‍ക്ക് 20 ശതമാനം സീറ്റുകളുമാണുള്ളത്.
സര്‍ട്ടിഫിക്കറ്റുകളുടെ പകര്‍പ്പ് രണ്ട് ഫോട്ടോ എന്നിവ സഹിതം പ്രിന്‍സിപ്പല്‍, കോച്ചിങ് സെന്റര്‍ ഫോര്‍ മൈനോറിറ്റി യൂത്ത്‌സ് പൊന്നാനി, മാസ് കോംപ്ലക്‌സ്, തൃക്കാവ്, പിഒ പൊന്നാനി 679577. വിലാസത്തില്‍ അപേക്ഷിക്കണം. ഫോണ്‍  0494 2667388 .

സിവില്‍ സ്റ്റേഷനില്‍ ജീവനക്കാരുടെ നേത്യത്വത്തില്‍ ദേശീയ ഭരണ ഘടന ദിനം ആചരിച്ചു. ഭരണ ഘടന നിര്‍മ്മാണസഭ ഭരണ ഘടന അംഗീകരിച്ച 1949 നവംബര്‍ 26 ന്റെ ഓര്‍മ പുതുക്കലാണ് ദേശീയ ഭരണ ഘടന ദിനമായി ആചരിക്കുന്നത്.
കലക്‌ട്രേറ്റ് കോണ്‍ഫ്രന്‍സ് ഹാളില്‍ നടന്ന പരിപാടിയില്‍ എ.ഡി.എം. ടി. വിജയന്‍ പ്രതിജ്ഞ ചൊല്ലിക്കൊടുത്തു.ഡപ്യുട്ടി കലക്ടര്‍മാരായ സി.അബ്ദുല്‍ റഷീദ്, ജയശങ്കര്‍ പ്രസാദ് സി.രാമചന്ദ്രന്‍, ഡോ. ജെ.ഒ.അരുണ്‍, എ.നിര്‍മ്മലകുമാരി എന്നിവര്‍ സന്നിഹിതരമായിരുന്നു.

ജീവന്‍ രക്ഷാ പ്രവര്‍ത്തനങ്ങളുടെ പ്രധാന്യം പൊതുജനങ്ങളില്‍ എത്തിക്കുന്നതിന് സ്‌കൂളുകള്‍ കേന്ദ്രീകരിച്ച്  പരിശീലനം നല്‍കുമെന്ന് ജില്ലാ കലക്ടര്‍ അമിത് മീണ. 'യു കാന്‍' എന്ന പേരിലാണ് പദ്ധതി നടപ്പാക്കുക.  കലക്ടറേറ്റില്‍ നടന്ന ഏയ്ഞ്ചല്‍സ് യോഗത്തില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം. ഹൃദയം നിശ്ചലമാകുന്ന സമയത്ത് അടിയന്തര ശുശ്രൂഷ നല്‍കുന്ന പ്രവര്‍ത്തനമാണ് നടപ്പാക്കുന്നത്.

തങ്ങളുടെ സ്ഥാപനത്തിലെ മുഴുവന്‍ കുട്ടികളും എംആര്‍ വാക്‌സിനേഷന്‍ എടുത്തിട്ടുണ്ടെന്ന് സ്ഥാപനമേധാവികള്‍ ഉറപ്പുവരുത്തണമെന്ന് ജില്ലാ കലക്ടര്‍ ഉത്തരവിട്ടു. കുട്ടികള്‍ക്ക് വാക്‌സിന്‍ എടുക്കുന്നതിന് സമ്മതപത്രവും വാക്‌സിനേഷന്‍ ഫോറവും നിര്‍ബന്ധമില്ല. അതേ സമയം തന്റെ കുട്ടിക്ക് കുത്തിവയ്പ്പ് എടുക്കേണ്ടതില്ലെന്ന് രക്ഷിതാവ് അധികാരികളെ അറിയിക്കുകയാണെങ്കില്‍ നിര്‍ബന്ധപൂര്‍വും കുത്തിവെപ്പെടുക്കേണ്ടതില്ല. ഇങ്ങനെ കുത്തിവെപ്പില്‍ നിന്നും മാറി നില്‍ക്കുന്നവര്‍ വിവരം ജില്ലാ കലക്ടറെ രേഖാമൂലം അറിയിക്കണമെന്നും കലക്ടര്‍ അറിയിച്ചു.

    ജില്ലാ കലക്ടറുടെ അധീനതയിലുണ്ടായിരുന്ന കെഎല്‍ 10 ക്യു 5070 അംബാസിഡര്‍ കാര്‍ ഡിസംബര്‍ 20ന് രാവിലെ 11ന് ലേലം ചെയ്യും. നിരത ദ്രവ്യം 2500 രൂപ. കൂടുതല്‍ വിവരങ്ങള്‍ക്ക് കലക്ടറേറ്റ് ജി സെക്ഷനില്‍ ബന്ധപ്പെടാം. ഫോണ്‍ 0483 2739576