തെരഞ്ഞെടുപ്പും തെരഞ്ഞെടുപ്പ് പ്രവര്‍ത്തനങ്ങളും' എന്ന വിഷയത്തില്‍ 9 മുതല്‍ 12-ാം തരം വരെയുളള വിദ്യാര്‍ത്ഥികള്‍ക്കായി അഖില ഭാര ക്വിസ് മത്സരം സംഘടിപ്പിക്കുന്നു. ഇന്ത്യന്‍ തെരഞ്ഞെടുപ്പ് കമ്മീഷന്റെ നിര്‍ദ്ദേശത്തെ തുടര്‍ന്നാണിത്. ഇത് സംബന്ധിച്ച പ്രത്യേക ആലോചന യോഗം കളക്ടറേറ്റില്‍ ചേര്‍ന്നു.

ജീവിതത്തിന്റെ അടിസ്ഥാനം സാഹിത്യമാണെന്നും ജീവിതത്തിന്റെ സമസ്ത മേഖലകളിലും സാഹിത്യം അതിന്റെ സാന്നിദ്ധ്യമറിയിക്കുന്നത് കൊണ്ടാണിങ്ങനെ പറയുന്നതെന്നും എഴുത്തുകാരായ പി.എഫ്.മാത്യുസും സംഗീത ശ്രീനിവാസനും അഭിപ്രായപ്പെട്ടു. മലയാള ഭാഷാ വാരാചരണത്തിന്റെ ഭാഗമായി കുട്ടനെല്ലൂര്‍  ശ്രീ സി അച്യുതമേനോന്‍ ഗവണ്‍മെന്റ് കോളേജില്‍  ജില്ലാ ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ്  സംഘടിപ്പിച്ച 'നോവല്‍ അനുഭവങ്ങള്‍' എന്ന വിഷയത്തില്‍ സംസാരിക്കുകയായിരുന്നു ഇരുവരും.  വെറും അനുഭവങ്ങള്‍ മാത്രമാവണമെന്നില്ല. എഴുത്തിന്റെ അടിസ്ഥാനം.

ചാക്ക ഐ.ടി.ഐയില്‍ 2014, 2015 അദ്ധ്യയന വര്‍ഷങ്ങളില്‍ പ്രവേശനം ലഭിച്ച ട്രെയിനികളുടെ ജനറല്‍ സ്റ്റൈപ്പന്റ് തുക തിരിച്ചറിയല്‍ കാര്‍ഡുമായെത്തി 10 ന് മുന്‍പ് വാങ്ങണമെന്ന് പ്രിന്‍സിപ്പല്‍ അറിയിച്ചു.  ഫോണ്‍ : 0471-2502612.

പി.എന്‍.എക്‌സ്.4717/17

ലൈഫ് മിഷന്‍ ഒഴിവുള്ള തസ്തികയില്‍ കരാര്‍ വ്യവസ്ഥയില്‍ നിയമിക്കുന്നതിന് നിശ്ചിത യോഗ്യതയുള്ള ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു. 

കൂടുതല്‍ വിവരങ്ങള്‍ lifemission.lsgkerala.gov.in ല്‍ ലഭ്യമാണ്.

പി.എന്‍.എക്‌സ്.4716/17

സംസ്ഥാന സര്‍ക്കാരിന്റെ ഇ.ബി.റ്റി പോര്‍ട്ടല്‍ മുഖേന വേതനം കൈപ്പറ്റുന്ന ജില്ലയിലെ ദേശീയ സമ്പാദ്യ പദ്ധതി ഏജന്റുമാര്‍ എസ്.എസ്.എല്‍.സി. ബുക്ക്, നോട്ടറി സാക്ഷ്യപ്പെടുത്തിയ അഡ്മിഷന്‍ രജിസ്റ്ററിന്റെ പകര്‍പ്പ്, പാസ്‌പോര്‍ട്ട് എന്നിവയില്‍ ഒരു രേഖ 20 ന് മുമ്പ് ബന്ധപ്പെട്ട ബ്ലോക്ക്  ഡവലപ്‌മെന്റ് ഓഫീസര്‍ മുമ്പാകെയോ ദേശീയ സാമ്പാദ്യ പദ്ധതി ജില്ലാ ഓഫീസര്‍ മുമ്പാകെയോ എത്തിക്കണം.

പി.എന്‍.എക്‌സ്.4715/17

പക്ഷാഘാതം മൂലമുണ്ടാകുന്ന വൈകല്യങ്ങള്‍ ഏറിവരുന്ന സാഹചര്യത്തില്‍ എല്ലാ ജില്ലകളിലും പക്ഷാഘാത ചികിത്സാ ക്ലിനിക്കുകള്‍ ആരംഭിക്കുമെന്ന് ആരോഗ്യവകുപ്പ് മന്ത്രി കെ.കെ. ശൈലജ ടീച്ചര്‍ അറിയിച്ചു. രക്തം കട്ടപിടിക്കുന്ന സ്ട്രോക്ക് ചികിത്സിച്ചു ഭേദമാക്കാവുന്ന രോഗമാണ്. സംഭവിച്ച് 4 മണിക്കൂറിനകം രക്തക്കട്ട അലിയിച്ചു കളയാനുളള മരുന്നു നല്‍കുകയാണെങ്കില്‍ രോഗത്തിന്റെ പ്രഹരശേഷി കുറക്കുന്നതിനോ, പൂര്‍ണ്ണമായും ഇല്ലാതാക്കുന്നതിനോ സാധിക്കും.

കേരള നിയമസഭയുടെ ആരോഗ്യവും കുടുംബ ക്ഷേമവും സംബന്ധിച്ച സബ്‌ജെറ്റ് കമ്മിറ്റി XII,  നവംബര്‍ ആറിന് രാവിലെ 10.30ന്  കോഴിക്കോട് കളക്ടറേറ്റ് കോണ്‍ഫറന്‍സ് ഹാളിലും ഏഴിന് രാവിലെ 10.30ന്  എറണാകുളം കളക്ടറേറ്റ് കോണ്‍ഫറന്‍സ് ഹാളിലും യോഗം ചേരും. സമിതിയുടെ പരിഗണനയിലുളള  കേരള ക്ലിനിക്കല്‍ എസ്റ്റാബ്ലിഷ്‌മെന്റ് (രജിസ്‌ട്രേഷനും നിയന്ത്രണവും) ബില്‍,  2017 നെ സംബന്ധിച്ച് വ്യക്തികളില്‍ നിന്നും സംഘടനകളില്‍ നിന്നും ഹര്‍ജികളും നിവേദനങ്ങളും നേരിട്ട് സ്വീകരിക്കും. ഹര്‍ജികളും നിവേദനങ്ങളും നല്‍കാന്‍ ആഗ്രഹിക്കുന്ന വ്യക്തികളും സംഘടനകളും ഈ അവസരം വിനിയോഗിക്കണമെന്ന് ആരോഗ്യ വകുപ്പ് മന്ത്രിയുടെ ഓഫീസ് അറിയിച്ചു.

ശബരിമല പാതകളില്‍ എലവുങ്കല്‍, ചാലക്കയം, പമ്പ, നീലിമല, സന്നിധാനം, സ്വാമി അയ്യപ്പന്‍ റോഡ്, പാണ്ടിത്താവളം, ഉപ്പുപാറ, പുല്ലുമേട്, കോഴിക്കാനം, സത്രം എന്നീ സ്ഥലങ്ങളുമായി ബന്ധപ്പെട്ട പാതകളുടെ ഇരുവശത്തും ഒരു കിലോമീറ്റര്‍ ദൂരം പ്രത്യേക സുരക്ഷാ മേഖലയായി പ്രഖ്യാപിച്ചു. 2017 നവംബര്‍ 15 മുതല്‍ 2018 ജനുവരി 19 വരെ കാലയളവിലേക്കാണ് ഈ പ്രഖ്യാപനം.

പി.എന്‍.എക്‌സ്.4712/17

ജില്ലയിൽ ഇതുവരെ എം.ആർ കുത്തിവെപ്പ് എടുക്കുവാൻ സാധിക്കാത്ത 9 മാസത്തിനും 15 വയസ്സിനുമിടയിലുള്ള എല്ലാ കുട്ടികൾക്കും പ്രതിരോധ കുത്തിവെപ്പ് നൽകുവാൻ വേണ്ടി ഇന്നും നാളെയും ജില്ലയിൽ ഊർജ്ജിത എം.ആർ കാമ്പയിൻ നടത്തുന്നു. സ്കൂളുകളിൽ കാമ്പയിൻ നടത്തിയപ്പോൾ പലവിധ കാരണങ്ങളാൽ കുത്തിവെപ്പെടുക്കാത്ത കുട്ടികളെ അടുത്തുള്ള സർക്കാർ ആശുപത്രിയിലോ, ഈ സൗകര്യം നൽകുന്ന ഏതെങ്കിലും സ്വകാര്യ ആശുപത്രിയിലോ എത്തിച്ച് പ്രതിരോധ കുത്തിവെപ്പ് നൽകേണ്ടതാണ്. പ്രതിരോധ കുത്തിവെപ്പിനെ കുറിച്ച് കൂടുതൽ അറിയുന്നതിന് ആരോഗ്യപ്രവർത്തകരുമായും, ഡോക്ടർമാരുമായും സംശയനിവാരണം നടത്തുന്നതിനും അവസരമുണ്ട്.

കൊച്ചി: വനം സംബന്ധമായ പ്രവൃത്തികള്‍ ചെയ്യുന്നതിന് വനം വകുപ്പില്‍ നിലനിന്നിരുന്ന കണ്‍വീനര്‍ സമ്പ്രദായത്തിന് പകരം കോണ്‍ട്രാക്ട് സംവിധാനം ഏര്‍പ്പെടുത്തികൊണ്ട്  സര്‍ക്കാര്‍ ഉത്തരവായിട്ടുണ്ട്. 

സര്‍ക്കാര്‍ അംഗീകരിച്ച മാര്‍ഗ്ഗനിര്‍ദ്ദേശങ്ങള്‍ക്ക് അനുസൃതമായി, കോണ്‍ട്രാക്ട് സിസ്റ്റത്തില്‍ ഫോറസ്ട്രി ജോലികള്‍ ചെയ്യുന്നതിന് യോഗ്യരായ കോണ്‍ട്രാക്ടര്‍മാര്‍ക്ക് രജിസ്റ്റര്‍ ചെയ്യാവുന്നതാണ്. താല്‍പര്യമുള്ളവര്‍ വനം വകുപ്പിന്റെ വെബ്‌സൈറ്റ് സന്ദര്‍ശിക്കുകയോ അതത് വനം ഡിവിഷനുകളുമായി ബന്ധപ്പെടുകയോ ചെയ്ത്  പേരുകള്‍ രജിസ്റ്റര്‍ ചെയ്യേണ്ടതാണ്.