വണ്ടൂര്‍ താലൂക്ക് ആശുപത്രിയില്‍ ദിവസ വേതനാടിസ്ഥാനത്തില്‍ ഡോക്ടര്‍, നഴ്‌സിംഗ് ഓഫീസര്‍ തസ്തികകളിലേയ്ക്ക് നിയമനം നടത്തുന്നു. ഡോക്ടര്‍ തസ്തികയിലേക്ക് ഗവ. അംഗീകൃത എം.ബി.ബി.എസ്, ടി.സി. മെഡിക്കല്‍ കൗണ്‍സിലിന്റെ രജിസ്‌ട്രേഷന്‍ പെര്‍മനെന്റ് ഉള്ളവര്‍ക്കും, നഴ്‌സിംഗ് ഓഫീസര്‍ തസ്തികയിലേക്ക് ഗവ. അംഗീകൃത ജി.എന്‍.എം./ബി.എസ്.സി. നഴ്‌സിംഗ് കോഴ്‌സ് പാസ്സ്, കേരള നഴ്സിംഗ് കൗണ്‍സിലിന്റെ രജിസ്‌ട്രേഷന്‍ ഉള്ളവര്‍ക്കും അപേക്ഷിക്കാം.

കുടുംബശ്രീ ജില്ലാ മിഷന്റെ നേതൃത്വത്തിൽ ജില്ലയിലാകെ “റിഥം 2026” ക്യാമ്പയിൻ സംഘടിപ്പിക്കുന്നു. സി.ഡി.എസ് അംഗങ്ങളുടെ നേതൃത്വശേഷി, സംഘടനാ പ്രവർത്തന മികവ്, ആശയവിനിമയ കഴിവ് എന്നിവ കൂടുതൽ ശക്തിപ്പെടുത്തുകയെന്ന ലക്ഷ്യത്തോടെ ബ്ലോക്ക് തലങ്ങളിലായാണ് പരിശീലന പരിപാടികൾ നടക്കുന്നത്. സി.ഡി.എസിലെ മുഴുവൻ അംഗങ്ങളുടെയും പങ്കാളിത്തം ഉറപ്പുവരുത്തുന്ന രീതിയിലാണ് ക്യാമ്പയിൻ ക്രമീകരിച്ചിരിക്കുന്നത്.

വൈറ്റില ജംഗ്ഷനിലെ കടുത്ത ഗതാഗതക്കുരുക്കിന് അടിയന്തര പരിഹാരം കാണുന്നതിനായി ഒന്നരക്കോടി രൂപയുടെ നവീകരണ പ്രവർത്തനങ്ങൾ നടപ്പിലാക്കാൻ തീരുമാനം. ജില്ലാ കളക്ടർ ജി. പ്രിയങ്കയുടെ നേതൃത്വത്തിൽ ചേർന്ന യോഗത്തിലാണ് റോഡ് സേഫ്റ്റി അതോറിറ്റി പി.ഡബ്ല്യു.ഡി ക്ക് (എൻ.എച്ച്  വിഭാഗം) അനുവദിച്ച തുക ഉപയോഗിച്ചുള്ള റോഡ് വികസന പ്രവൃത്തികൾ വേഗത്തിൽ നടപ്പിലാക്കാൻ നിർദ്ദേശം നൽകിയത്.

അനുവദിച്ച തുക ഉപയോഗിച്ചുള്ള റോഡ് വികസന പ്രവൃത്തികൾ അടുത്ത ആഴ്ച തന്നെ ആരംഭിക്കണം. നിലവിലെ തടസ്സങ്ങൾ നീക്കി പുതിയ റോഡ് ലൈൻ ചെയ്യുന്ന പദ്ധതി ജൂലൈ 30-നകം യുദ്ധകാലാടിസ്ഥാനത്തിൽ പൂർത്തിയാക്കാൻ ജില്ലാ കളക്ടർ കർശന നിർദ്ദേശം നൽകി. 

ജില്ലയിൽ ദേശീയ ഡെങ്കി ദിനാചരണത്തിന്റെ ഭാഗമായി എന്റെ ഓഫീസ് ഉറവിട വിമുക്തം, ഓപ്പറേഷൻ സി.ഐ.ഡി (ചെക്ക്, ഇൻസ്പെക്ട്, ഡ്രയിൻ /ഡിസ്ട്രോയ്) ക്യാമ്പയിനുകൾ ജില്ലാ കളക്ടർ ജി. പ്രിയങ്ക ഉദ്ഘാടനം ചെയ്തു. കൊതുക് നശീകരണ പ്രവർത്തനങ്ങളുടെ ഭാഗമായി കൃത്രിമ ജലാശയങ്ങൾ, അലങ്കാര കുളങ്ങൾ എന്നിവിടങ്ങളിൽ കൂത്താടി ഭോജികളായ ഗപ്പി മീനുകളെ നിക്ഷേപിക്കുന്ന പദ്ധതിയുടെ ഉദ്ഘാടനവും നിർവ്വഹിച്ചു.

ജില്ലയിലെ വിവിധ ടൂറിസം പദ്ധതികൾ സമയബന്ധിതമായി പൂർത്തിയാക്കണമെന്ന് ജില്ലാ കളക്ടർ ജി പ്രിയങ്ക.

ജില്ലയിലെ വിവിധ ടൂറിസം പദ്ധതികളുടെ പുരോഗതി വിലയിരുത്തുന്നതിനായി ജില്ലാ കളക്ടറുടെ അധ്യക്ഷതയിൽ ചേർന്ന യോഗത്തിലാണ് കളക്ടർ ഇക്കാര്യം വ്യക്തമാക്കിയത്.

ആലുവ പാലസ് നവീകരണ പ്രവർത്തനങ്ങൾ ഓഗസ്റ്റ് 30-നകം പൂർത്തിയാക്കണമെന്ന്  ഉദ്യോഗസ്ഥർക്ക് നിർദ്ദേശം നൽകി.
ഫോർട്ട് കൊച്ചിയിലെ ചീനവലകളുടെ സംരക്ഷണവും പുനരുദ്ധാരണവുമായി ബന്ധപ്പെട്ട ജോലികൾ വേഗത്തിൽ തീർപ്പാക്കാനും യോഗത്തിൽ തീരുമാനമായി.

പറവൂർ നിയോജക മണ്ഡലത്തിൽ കല്ലുച്ചിറ ഭാഗത്ത് നടക്കുന്ന റോഡ് നവീകരണ പ്രവർത്തനങ്ങളുടെ ഭാഗമായി ഈ വഴിയിലുള്ള ഗതാഗതത്തിന് നിയന്ത്രണം ഏർപ്പെടുത്തി.

സാങ്കേതിക കാരണങ്ങളാൽ മെയ് 21ന് നിശ്ചയിച്ചിരുന്ന എറണാകുളം മെഡിക്കൽ കോളേജിലെ ഡാറ്റാ എൻട്രി ഓപ്പറേറ്റർ അഭിമുഖം മാറ്റിവെച്ചു. പുതുക്കിയ തീയതി പിന്നീട് അറിയിക്കും.

2025-26 അധ്യയന വർഷത്തെ എസ്.എസ്.എൽ.സി, ടി.എച്ച്.എസ്.എൽ.സി, ഗവൺമെന്റ് റീജിയണൽ ഫിഷറീസ് ടെക്നിക്കൽ ഹൈസ്കൂളിലെ പത്താം ക്ലാസ് എന്നീ പരീക്ഷകളിൽ ഉയർന്ന മാർക്ക്  (10A+, 9A+
, 8A+) നേടിയവർക്കും, ദേശീയ-സംസ്ഥാന കായിക മത്സരങ്ങളിൽ ആദ്യ മൂന്ന് സ്ഥാനങ്ങൾ നേടിയ മത്സ്യത്തൊഴിലാളികളുടെയും, അനുബന്ധ മത്സ്യത്തൊഴിലാളികളുടെയും മക്കൾക്ക് മത്സ്യത്തൊഴിലാളി ക്ഷേമനിധി ബോർഡ് നൽകുന്ന ക്യാഷ് അവാർഡിന് അപേക്ഷ ക്ഷണിച്ചു. അപേക്ഷ സമർപ്പിക്കേണ്ട അവസാന തീയതി മെയ്‌ 23  അഞ്ച് മണി വരെ.
ഫോൺ : 0484 2396005
 

എറണാകുളം ജില്ലാ മെഡിക്കൽ ഓഫീസിന്റെ കീഴിലുള്ള വിമുക്തി ഡി-അഡിക്ഷൻ സെന്റർ, ജില്ലാ മാനസികാരോഗ്യ പരിപാടി എന്നിവിടങ്ങളിൽ മെഡിക്കൽ ഓഫീസർ, സ്റ്റാഫ് നഴ്സ് തസ്തികകളിലേക്ക് താൽക്കാലികാടിസ്ഥാനത്തിൽ നിയമനം നടത്തുന്നതിനായി മെയ് 26ന് രാവിലെ 11ന് ജില്ലാ മെഡിക്കൽ ഓഫീസിൽ വാക്ക്-ഇൻ ഇന്റർവ്യൂ നടത്തുന്നു. മെഡിക്കൽ ഓഫീസർ തസ്തികയിലേക്ക് എം.ബി.ബി.എസ് (സൈക്യാട്രിയിൽ പി.ജി മുൻഗണന), ടി.സി.എം.സി രജിസ്ട്രേഷൻ എന്നിവയും, സ്റ്റാഫ് നഴ്സ് തസ്തികയിലേക്ക് ജി.എൻ.എം/ബി.എസ്.സി നഴ്സിംഗ്, കെ.എൻ.എം.സി രജിസ്ട്രേഷൻ എന്നിവയുമാണ് യോഗ്യത. രണ്ട് തസ്തികകളിലേക്കും 18 മുതൽ 43 വരെയാണ് പ്രായപരിധി.