കരള്‍ സംബന്ധമായ ചികിത്സ നടത്തിയയാള്‍ക്ക് ഇന്‍ഷൂറന്‍സ് തുക അനുവദിക്കാത്ത സംഭവത്തില്‍ ഇന്‍ഷൂറന്‍സ് കമ്പനിയോട് 5,35,000 രൂപ നല്‍കാന്‍ ഉത്തരവിട്ട് ജില്ലാ ഉപഭോക്തൃ കമ്മീഷന്‍. താനാളൂര്‍ സ്വദേശി സ്റ്റാര്‍ ഹെല്‍ത്ത് ഇന്‍ഷൂറന്‍സ് കമ്പനിക്കെതിരെ സമര്‍പ്പിച്ച ഹര്‍ജിയിലാണ് കമ്മീഷന്റെ വിധി. പരാതിക്കാരന്റെ പേരില്‍ രണ്ട് ഇന്‍ഷൂറന്‍സ് പോളിസിയാണുണ്ടായിരുന്നത്.

വൈദ്യുതി അപകട നിവാരണ സമിതിയുടെ മലപ്പുറം ജില്ലാതല യോഗം മെയ് 26ന് രാവിലെ 10.30ന് എ.ഡി.എം. ചേംബറില്‍ ചേരും.

പൂക്കോട്ടൂര്‍ ഗവ. ഹയര്‍ സെക്കന്‍ഡറി സ്‌കൂളില്‍ ഹയര്‍ സെക്കന്‍ഡറി വിഭാഗത്തില്‍ ഒഴിവുള്ള മാത്സ്, സോഷ്യോളജി, കൊമേഴ്‌സ്, എക്കണോമിക്‌സ്, ഹിസ്റ്ററി എന്നീ തസ്തികകളിലേക്കുള്ള അഭിമുഖം മെയ് 25ന് രാവിലെ 9.30നും അറബിക്, ഉറുദു, പൊളിറ്റിക്കല്‍ സയന്‍സ്, ഇംഗ്ലീഷ് എന്നീ തസ്തികകളിലേക്കുള്ള അഭിമുഖം ഉച്ചക്ക് 1.30നും സ്‌കൂളില്‍ നടക്കും. ഫോണ്‍-0483 2771999.

പട്ടികജാതി വികസന വകുപ്പിന് കീഴില്‍ വണ്ടൂരില്‍ പ്രവര്‍ത്തിക്കുന്ന പെണ്‍കുട്ടികളുടെ പ്രീമെട്രിക് ഹോസ്റ്റലില്‍ വിദ്യാര്‍ഥികളുടെ രാത്രികാല പഠന മേല്‍ നോട്ടങ്ങള്‍ക്കായി കരാര്‍ അടിസ്ഥാനത്തില്‍ മേട്രണ്‍- കം-റസിഡന്റ് ട്യൂട്ടര്‍മാരെ നിയമിക്കുന്നു. ബി.എഡും ബിരുദവുമുള്ള പട്ടികജാതിക്കാരായ പുരുഷ ഉദ്യോഗാര്‍ഥികള്‍ക്ക് അപേക്ഷിക്കാം. മുന്‍പരിചയമുള്ളവര്‍ക്ക് മുന്‍ഗണന ലഭിക്കും. പ്രതിമാസം 12000/ രൂപ ഹോണറേറിയം ലഭിക്കും. റസിഡന്റ് ട്യൂട്ടറുടെ ജോലി സമയം വൈകിട്ട് നാല് മുതല്‍ പിറ്റേന്ന് രാവിലെ എട്ട് വരെയാണ്.  വണ്ടൂര്‍ ഗ്രാമപഞ്ചായത്ത് പരിധിയിലുള്ളവര്‍ക്കും മുന്‍പരിചയമുള്ളവര്‍ക്കും മുന്‍ഗണന ലഭിക്കും.

പട്ടികജാതി വികസന വകുപ്പിന് കീഴില്‍ പരപ്പനങ്ങാടിയില്‍ പ്രവര്‍ത്തിക്കുന്ന ആണ്‍കുട്ടികളുടെ പ്രീമെട്രിക് ഹോസ്റ്റലില്‍ വിദ്യാര്‍ത്ഥികളുടെ രാത്രികാല പഠന മേല്‍ നോട്ടങ്ങള്‍ക്കായി കരാര്‍ അടിസ്ഥാനത്തില്‍ മേട്രണ്‍- കം-റസിഡന്റ് ട്യൂട്ടര്‍മാരെ നിയമിക്കുന്നു. ബിഎഡും ബിരുദവുമുള്ള പട്ടികജാതിക്കാരായ പുരുഷ ഉദ്യോഗാര്‍ത്ഥികള്‍ക്ക് അപേക്ഷിക്കാം. മുന്‍പരിചയമുള്ളവര്‍ക്ക് മുന്‍ഗണന ലഭിക്കും. പ്രതിമാസം 12000/ രൂപ ഹോണറേറിയം ലഭിക്കും. റസിഡന്റ് ട്യൂട്ടറുടെ ജോലി സമയം വൈകിട്ട് അഞ്ച് മുതല്‍ പിറ്റേന്ന് രാവിലെ എട്ട് വരെയാണ്.   അപേക്ഷകള്‍ മെയ് 21നകം തിരൂരങ്ങാടി ബ്ലോക്ക് പട്ടികജാതി വികസന ഓഫീസില്‍ ലഭിക്കണം.

മലപ്പുറം മുണ്ടുപറമ്പില്‍ പ്രവര്‍ത്തിക്കുന്ന ഐ.സി.ഡി.എസ് മലപ്പുറം അര്‍ബന്‍ പ്രൊജക്ട് ഓഫീസിന്റെ കീഴില്‍ മലപ്പുറം നഗരസഭാ പരിധിയിലുള്ള അങ്കണവാടികളിലെ അങ്കണവാടി വര്‍ക്കര്‍, ഹെല്‍പ്പര്‍ തസ്തികകളിലെ ഒഴിവുകളിലേക്ക് നിര്‍ദിഷ്ട യോഗ്യതയുള്ള വനിതകളില്‍ നിന്നും അപേക്ഷ ക്ഷണിച്ചു. അപേക്ഷകര്‍ നഗരസഭാ പരിധിയിലെ സ്ഥിരതാമസക്കാരും 2026 ജനുവരി ഒന്നിന് 18 വയസ് പൂര്‍ത്തീകരിച്ചവരും 46 വയസ്  കവിയാത്തവരുമാകണം. പട്ടികജാതി/പട്ടികവര്‍ഗ വിഭാഗത്തില്‍പെട്ടവര്‍ക്ക് പ്രായപരിധിയില്‍ നിയമാനുസൃത ഇളവ് ലഭിക്കും.

മലപ്പുറം ജില്ലയില്‍ ഒറ്റപ്പെട്ടയിടങ്ങളില്‍ അതിശക്തമായ മഴയ്ക്ക് സാധ്യതയുള്ളതിനാല്‍ കേന്ദ്ര കാലാവസ്ഥ വകുപ്പ് ഓറഞ്ച് അലര്‍ട്ട് പ്രഖ്യാപിച്ചു. 24 മണിക്കൂറില്‍ 115.6 മില്ലിമീറ്റര്‍ മുതല്‍ 204.4 മില്ലിമീറ്റര്‍ വരെ മഴ ലഭിക്കുമെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.

മലപ്പുറം വനം-വന്യജീവി വകുപ്പില്‍ ബീറ്റ് ഫോറസ്റ്റ് ഓഫീസര്‍ (പാര്‍ട്ട് I ഡയറക്ട് റിക്രൂട്ട്മെന്റ്) (കാറ്റഗറി നം. 211/2025), ബീറ്റ് ഫോറസ്റ്റ് ഓഫീസര്‍ (പാര്‍ട്ട് II-ബൈ ട്രാന്‍സ്ഫര്‍) (കാറ്റഗറി നം. 214/2025), (I എന്‍.സി.എ-ഇ/ബി./ടി) കാറ്റഗറി നം. 254/2025 ആന്‍ഡ് (I എന്‍സിഎ-ഒബിസി) (കാറ്റഗറി നം. 255/2025) തസ്തികകളുടെ തെരഞ്ഞെടുപ്പിനായുള്ള എന്‍ഡ്യൂറന്‍സ് ടെസ്റ്റ് (2 കി.മി ദൂരം ഓട്ടം) 2026 മെയ് 19,20 തീയതികളില്‍ രാവിലെ അഞ്ച് മുതല്‍ കോട്ടക്കല്‍ പുത്തൂര്‍ ബൈപ്പാസ് ജംഗ്ഷന്‍ കേന്ദ്രത്തില്‍ നടക്കും.

ഹജ്ജ് കമ്മിറ്റി മുഖേനയുള്ള ഹജ്ജ് തീർത്ഥാടന യാത്രയിൽ ഈ വർഷം ആദ്യമായി നടപ്പിലാക്കുന്ന ഷോർട്ട് ഹജ്ജ് സർവ്വീസിൽ കേരളത്തിൽ നിന്നുള്ള തീർത്ഥാടരുടെ യാത്ര മെയ് 17ന് ആരംഭിക്കും. കൊച്ചി വിമാനത്താവളം വഴിയാണ് ഷോർട്ട് ഹജ്ജ് കാറ്റഗറിയിലുള്ള തീർത്ഥാടകരുടെ യാത്ര . മൂന്ന് വിമാനങ്ങളാണ് ഇതിനായി ഷെഡ്യൂൾ ചെയ്തിട്ടുള്ളത്. മെയ് 17 ന് ഉച്ചക്ക് 2.10, 18ന് രാവിലെ ഏഴ്, 19ന് പുലർച്ചെ 1.15 എന്നിങ്ങനെയാണ് വിമാനങ്ങളുടെ സമയ ക്രമം. 1049 പേരാണ് ഈ വിഭാഗത്തിൽ സംസ്ഥാനത്ത് നിന്നും പുറപ്പെടുന്നത്. ആദ്യ വിമാനത്തിന്റെ പ്രത്യേക ഫ്ലാഗ് ഓഫ് 17ന് ഉച്ചക്ക് നടക്കും.

കല്ലൂപ്പാറ തുരുത്തിക്കാട് ചെങ്ങരൂര്‍ വെറ്ററിനറി സബ് സെന്ററുകളിലേക്ക് കാഷ്വല്‍ സ്വീപ്പര്‍മാരെ ആവശ്യമുണ്ട്. കുടുംബശ്രീ അംഗങ്ങളായ കല്ലൂപ്പാറ പഞ്ചായത്ത് സ്ഥിരതാമസക്കാരായ വനിതകള്‍ക്ക് മെയ് 19 ന് രാവിലെ 11ന്  ഗ്രാമപഞ്ചായത്ത് ഓഫീസില്‍ നടക്കുന്ന അഭിമുഖത്തില്‍ പങ്കെടുക്കാം. പ്രായപരിധി 18-50. ഫോണ്‍ : 0469 2677237.