പരവൂര്‍ പുറ്റിങ്ങല്‍ വെടിക്കെട്ട് അപകടം അന്വേഷിക്കുന്ന ജസ്റ്റിസ് പി എസ് ഗോപിനാഥന്‍ കമ്മീഷന്‍ നവംബര്‍ 25 രാവിലെ 10.15-ന് ശിവഗിരി മഠം കോണ്‍ഫറന്‍സ് ഹാളില്‍ സിറ്റിങ് നടത്തും.

കൊച്ചി: വാഴക്കുളം, പായിപ്ര കുടുംബാരോഗ്യകേന്ദ്രങ്ങളുടെ (Family Health Centre) ഉദ്ഘാടനം നാളെ (നവംബര്‍ 26ന്) ആരോഗ്യമന്ത്രി കെ.കെ.ശൈലജ നിര്‍വഹിക്കും. സംസ്ഥാന സര്‍ക്കാര്‍ നടപ്പിലാക്കുന്ന ആര്‍ദ്രം മിഷന്റെ ഭാഗമായാണ് വാഴക്കുളം, പായിപ്ര പ്രാഥമികാരോഗ്യകേന്ദ്രങ്ങളെ കുടുംബാരോഗ്യകേന്ദ്രങ്ങളായി ഉയര്‍ത്തിയത്. വൈകീട്ട് മൂന്നിന് വാഴക്കുളത്തും നാലിന് പായിപ്രയിലുമാണ് ഉദ്ഘാടനം.

വെളളം,വൃത്തി, വിളവ്  എന്നിവയിലൂന്നിയ പ്രവര്‍ത്തനങ്ങളിലൂടെ കേരളത്തിന്റെ ജൈവപ്രകൃതിയെ വീണ്ടെടുക്കാന്‍ ലക്ഷ്യമിട്ട രൂപീകരിച്ച ഹരിതകേരളമിഷന്‍ ഒരു വര്‍ഷം പൂര്‍ത്തിയാക്കുകയാണ്. മിഷന്റെ ഒന്നാം വാര്‍ഷികാഘോഷം പഞ്ചായത്ത് തലം മുതല്‍ സംസ്ഥാനതലം വരെ വിവിധ പ്രവര്‍ത്തനങ്ങളോടെ  സംഘടിപ്പിക്കും. ഡിസംബര്‍ എട്ടിന് തദ്ദേശഭരണ സ്ഥാപനങ്ങള്‍ ഹരിതസംഗമം നടത്താന്‍ തീരുമാനിച്ചിട്ടുണ്ട്.

ദേശീയ ഗണിത ശാസ്ത്രദിനത്തിന്റെ ഭാഗമായി കുടുംബശ്രീ ബാലസഭകളുടെ നേതൃത്വത്തില്‍ നവംബര്‍ 24 മുതല്‍ ഗണിത വിസ്മയം ഗണിതശാസ്ത്ര മത്സരം ഒരുക്കുന്നു.  പ്രകൃതിയുമായും നിത്യ ജീവിതവുമായും ബന്ധപ്പെടുത്തി ഗണിതശാസ്ത്ര പഠനം ലളിതവല്‍ക്കരിക്കുവാനും ഗണിതശാസ്ത്ര പഠനത്തില്‍ കുട്ടികള്‍ക്ക് കൂടുതല്‍ താത്പര്യം സൃഷ്ടിക്കുവാനും ലക്ഷ്യമിട്ടു കൊണ്ടാണ് മത്സരം സംഘടിപ്പിക്കുന്നത്.

2017-18 അദ്ധ്യായന വര്‍ഷത്തില്‍ പ്രൊഫഷണല്‍ ഡിഗ്രി കോഴ്‌സുകള്‍ക്ക് പ്രവേശനം ലഭിച്ച വിമുക്തഭടന്‍മാരുടെ മക്കള്‍ക്ക് കേന്ദ്രീയ സൈനിക ബോര്‍ഡില്‍ നിന്നും ലഭിക്കുന്ന പ്രൈം മിനിസ്റ്റര്‍ മെറിറ്റ് സ്‌കോളര്‍ഷിപ്പിന് അപേക്ഷിക്കാവുന്ന അവസാന തീയതി നവംബര്‍ 30 വരെ നീട്ടിയിരിക്കുന്നു. കൂടുതല്‍ വിവരങ്ങള്‍ക്ക് ംംം.സയെ.ഴീ്.ശി എന്ന വെബ് സൈറ്റ് സന്ദര്‍ശിക്കുക.  

കോട്ടയം നഗരസഭയിലെ ഡെപ്യൂട്ടി ചെയര്‍പേഴ്‌സണ്‍ സ്ഥാനത്തേക്കുളള തെരഞ്ഞെടുപ്പ് യോഗം നവംബര്‍ 28  രാവിലെ 11 ന് കോട്ടയം നഗരസഭ കൗണ്‍സില്‍ ഹാളില്‍ ചേരും.