കൂത്തുപറമ്പ് ഐ സി ഡി എസ് പ്രൊജക്ടിന്റെ പരിധിയിലുള്ള 108 അംഗന്‍വാടികളില്‍ പ്രീ സ്‌കൂള്‍ എഡ്യുക്കേഷന്‍ കിറ്റുകള്‍ വിതരണം ചെയ്യുന്നതിനും ആക്ടിവിറ്റി ബുക്ക്, അസസ്‌മെന്റ് കാര്‍ഡ്, പ്രീസ്‌കൂള്‍ സര്‍ട്ടിഫിക്കറ്റ് എന്നിവ അച്ചടിച്ച്  വിതരണം ചെയ്യുന്നതിനും ദര്‍ഘാസ് ക്ഷണിച്ചു.  27 ന് ഉച്ചക്ക് 2 മണി വരെ ദര്‍ഘാസുകള്‍ സ്വീകരിക്കും.

പയ്യന്നൂര്‍ അഡീഷണല്‍ ഐ.സി.ഡി.എസ് പ്രൊജക്ടിന്റെ പരിധിയില്‍ വരുന്ന 134 അങ്കണവാടികള്‍ക്കാവശ്യമായ  പ്രീ സ്‌കൂള്‍ കിറ്റ്  വിതരണം ചെയ്യുന്നതിന്  ടെണ്ടര്‍ ക്ഷണിച്ചു.  28ന് ഉച്ചക്ക് 2 മണി വരെ ക്വട്ടേഷന്‍ സ്വീകരിക്കും. കൂടുതല്‍ വിവരങ്ങള്‍ക്ക് 04985 236166. 
മിനി ജോബ് ഡ്രൈവ് ഇന്ന്
    കണ്ണൂര്‍ ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ പ്രവര്‍ത്തിക്കുന്ന എംപ്ലോയബിലിറ്റി സെന്റര്‍ ഗവണ്മെന്റ് തളാപ്പ്  മിക്‌സഡ് യു പി സ്‌കൂളുമായി സഹകരിച്ച് ഫെബ്രുവരി 24 മിനി ജോബ് ഡ്രൈവ് നടത്തുന്നു. 100ല്‍ പരം ഒഴിവുകള്‍ റിപ്പോര്‍ട്ട് ചെയ്തിട്ടുണ്ട്. രാവിലെ 9 മണി  മുതല്‍ ഉച്ച 12 മണി വരെ ആണ്  ഇന്റര്‍വ്യൂ.

ജില്ലാ വികസന സമിതി യോഗം ഫെബ്രുവരി 24 രാവിലെ 11 മണിക്ക് കലക്ടറേറ്റ് കോണ്‍ഫറന്‍സ് ഹാളില്‍ ചേരും. 

പയ്യന്നൂര്‍ ഐ.സി.ഡി.എസ് പ്രൊജക്ടിന്റെ പരിധിയില്‍ വരുന്ന 133 അങ്കണവാടികളില്‍   പ്രീ-സ്‌ക്കൂള്‍  എഡ്യുക്കേഷന്‍ കിറ്റുകള്‍ വിതരണം  ചെയ്യുന്നതിനും, അങ്കണവാടികളിലെ കുട്ടികള്‍ക്ക് ആക്ടിവിറ്റി ബുക്ക്, അസ്സസ്‌മെന്റ് കാര്‍ഡ്, പ്രീ-സ്‌ക്കൂള്‍ സര്‍ട്ടിഫിക്കറ്റ് എന്നിവ പ്രിന്റ്‌ചെയ്യുന്നതിനുമായി ദര്‍ഘാസുകള്‍ ക്ഷണിച്ചു.  മാര്‍ച്ച് 3 ന് ഉച്ചക്ക് 2 മണി വരെ ദര്‍ഘാസുകള്‍ സ്വീകരിക്കും.  ഫോണ്‍:04985 204769.

കണ്ണൂര്‍ ഗവ. എഞ്ചിനീയറിംഗ് കോളജില്‍ ഓഫീസ് ജോലികള്‍ ചെയ്യുന്നതിനായി ക്ലസ്റ്റര്‍ ക്ലര്‍ക്കിനെ താല്‍ക്കാലികമായി നിയമിക്കുന്നു. യോഗ്യത എസ്.എസ്.എല്‍സി. പ്രായം 18നും 36നും മധ്യേ. ഡി.ടി.പി, അക്കൗണ്ടന്‍സി, സ്‌പ്രെഡ് ഷീറ്റ്, ഇ.ആര്‍.പി, ഇഗവേണന്‍സ് മേഖലയില്‍ പ്രാവീണ്യവും വേഗതയില്‍ ടൈപ്പ് ചെയ്യാനുള്ള കഴിവും വേണം. താല്‍പര്യമുള്ളവര്‍ ഫെബ്രുവരി 26ന് രാവിലെ 10ന് ബയോഡാറ്റയും ആവശ്യമായ രേഖകളും സഹിതം പ്രിന്‍സിപ്പല്‍ മുമ്പാകെ ഹാജരാവണം. കൂടുതല്‍ വിവരങ്ങള്‍ക്ക് 0497 2780227.

    കൊച്ചി: മൂവാറ്റുപുഴ, മൂവാറ്റുപുഴ, കോതമംഗലം അഡീഷണല്‍ എന്നീ ഐ.സി.ഡി.എസ് ഓഫീസുകളിലേക്ക് പ്രീ സ്‌കൂള്‍ കിറ്റുകള്‍ നല്‍കുന്നതിന് ടെന്‍ഡര്‍ ക്ഷണിച്ചു. അവസാന തീയതി മൂവാറ്റുപുഴ മാര്‍ച്ച് രണ്ട്, ഉച്ചയ്ക്ക് 12 മണി. കോതമംഗലം മാര്‍ച്ച് 05 ഉച്ചയ്ക്ക് രണ്ടു മണി. കൂടുതല്‍ വിവരങ്ങള്‍ക്ക് അതത് ഐസിഡിഎസ് ഓഫീസുമായി ബന്ധപ്പെടുക.

മുതിര്‍ന്ന പൗരന്‍മാരുടെ ക്ഷേമവും സംരക്ഷണവും ഉറപ്പുവരുത്തുന്നതുമായി ബന്ധപ്പെട്ട പ്രവര്‍ത്തനങ്ങള്‍ വകുപ്പ് ഡയരക്ടറുടെ കാര്യാലയവുമായി ബന്ധപ്പെട്ട് ഏകോപിപ്പിക്കുന്നതിനായി സാമൂഹ്യനീതി വകുപ്പ് ടെക്‌നിക്കല്‍ അസിസ്റ്റന്റിനെ നിയമിക്കുന്നു. ഒരു വര്‍ഷത്തെ കരാര്‍ അടിസ്ഥാനത്തിലാണ് നിയമനം. പ്രതിമാസ ശമ്പളം 21000 രൂപ. വയസ്സ് 18നും 35നും മധ്യേ. യോഗ്യത- അംഗീകൃത സര്‍വകലാശാല ബിരുദം, വേര്‍ഡ് പ്രോസസിംഗില്‍ അംഗീകൃത സര്‍ട്ടിഫിക്കറ്റ്, മലയാളം, ഇംഗ്ലീഷ് ഭാഷകളില്‍ ടൈപ്പ്‌റൈറ്റിംഗ് നൈപുണ്യം. എം.എസ്.ഡബ്ല്യു ഉള്ളവര്‍ക്ക് മുന്‍ഗണന.

 ഹയര്‍ സെക്കന്ററി പരീക്ഷകള്‍ക്ക് മുന്നോടിയായി സ്‌കോള്‍ കേരള കൗണ്‍സലിംഗ്- മോട്ടിവേഷന്‍ ക്ലാസ്സ് സംഘടിപ്പിക്കുന്നു. വിദ്യാര്‍ഥികള്‍ക്കും രക്ഷാകര്‍ത്താക്കള്‍ക്കുമുണ്ടാകുന്ന മാനസിക സംഘര്‍ഷം ലഘൂകരിക്കുകയെന്ന ലക്ഷ്യത്തോടെയാണ് ക്ലാസ്. കേരള സര്‍വകലാശാല തുടര്‍വിദ്യാഭ്യാസ വ്യാപന കേന്ദ്രത്തിന്റെ അക്കാദമിക സഹകരണത്തോടെയാണ് പരിപാടി. താല്‍പര്യമുള്ള സ്‌കോള്‍ കേരള വിദ്യാര്‍ഥികള്‍ ഫെബ്രുവരി 25ന് രാവിലെ 10 മണിക്ക് പള്ളിക്കുന്ന് ജി.എച്ച്.എസ്.എസില്‍ എത്തിച്ചേരേണ്ടതാണ്. 

യുവജനങ്ങളില്‍ സാഹസികബോധവും പരിസ്ഥിതി സംരക്ഷണ മനോഭാവവും വളര്‍ത്തിയെടുക്കുന്നതിനായി സംസ്ഥാന യുവജനക്ഷേമബോര്‍ഡ്  ദേശീയ  സാഹസിക അക്കാദമി കണ്ണൂരിന്റെ ആഭിമുഖ്യത്തില്‍ സംഘടിപ്പിക്കുന്ന പ്രതിമാസ സാഹസികയാത്രാ പരിപാടി പശ്ചിമഘട്ടനിരയുടെ ഭാഗമായ കര്‍ണ്ണാടക അതിര്‍ത്തിയിലെ റാണിപുരം കുന്നുകളിലേക്ക് നടത്തി. മാലിന്യനിക്ഷേപത്താലും കൈയ്യേറ്റത്താലും നശിച്ചുകൊണ്ടിരിക്കുന്ന പ്രകൃതി  സമ്പത്ത് സംരക്ഷിക്കുമെന്ന പ്രതിജ്ഞയെടു ത്തുകൊണ്ടാണ്  നാല്‍പതോളം പേരടങ്ങിയ ട്രെക്കിംഗ് സംഘം യാത്രപുറപ്പെട്ടത്.             

 തൊഴില്‍ വകുപ്പ് ജില്ലാ മെഡിക്കല്‍ ഓഫീസുമായി സഹകരിച്ച് ജില്ലയിലെ ഇതര സംസ്ഥാന കുടിയേറ്റ തൊഴിലാളികള്‍ക്കായി മട്ടന്നൂര്‍ നഗരസഭ സി.ഡി.എസ് ഹാളില്‍ ഫെബ്രുവരി 25 രാവിലെ 10 മണിക്ക് ആരംഭിക്കുന്ന സൗജന്യ മെഡിക്കല്‍ ക്യാംപ് നഗരസഭ ചെയര്‍പേഴ്‌സണ്‍ അനിത വേണു ഉദ്ഘാടനം ചെയ്യും.