സംസ്ഥാനത്തെ മികച്ച ജില്ലാ പഞ്ചായത്തിനുള്ള സംസ്ഥാന സര്‍ക്കാരിന്‍റെ 'സ്വരാജ് ട്രോഫി' പത്തനംതിട്ട ജില്ലാ പഞ്ചായത്തിനു വേണ്ടി പ്രസിഡന്‍റ് അന്നപൂര്‍ണ്ണാദേവി തദ്ദേശ സ്വയം ഭരണ വകുപ്പ് മന്ത്രി ഡോ. കെടി.ജലീലില്‍ നിന്നും ഏറ്റുവാങ്ങി. ജില്ലാ പഞ്ചായത്ത് വൈസ് പ്രസിഡന്‍റ് ജോര്‍ജ് മാമ്മന്‍ കൊണ്ടൂര്‍, സ്ഥിരം സമിതി അധ്യക്ഷരായ എലിസബത്ത് അബു, ലീലാ മോഹന്‍, മെമ്പര്‍മാരായ വിനീതാ അനില്‍, ആര്‍.ബി.രാജീവ്കുമാര്‍, എസ്.വി.സുബിന്‍, ടി മുരുകേഷ്, ബി.സതികുമാരി എന്നിവര്‍ ഒപ്പമുണ്ടായിരുന്നു. 

    പകര്‍ച്ച വ്യാധികള്‍ക്കെതിരെയുള്ള ജാഗ്രതയുടെ ഭാഗമായി നടത്തുന്ന ആരോഗ്യ സന്ദേശ യാത്രയുടെയും കലാജാഥയുടെ ജില്ലാതല ഉദ്ഘാടനം നാളെ (22) നടക്കും.  രാവിലെ 11ന് കാസര്‍കോട് ജനറല്‍ ആശുപത്രിയില്‍ നടക്കുന്ന ചടങ്ങില്‍ എന്‍.എ നെല്ലിക്കുന്ന് എംഎല്‍എ ആരോഗ്യ സന്ദേശ യാത്ര ഉദ്ഘാടനം ചെയ്യും. ഈ മാസം 26 വരെയാണ് ആരോഗ്യസന്ദേശ യാത്ര നടത്തുന്നത്. പരിപാടിയോടനുബന്ധിച്ച് നടക്കുന്ന പ്രദര്‍ശനത്തിന്റെ ഉദ്ഘാടനം ജില്ലാ കളക്ടര്‍ ജീവന്‍ബാബു.കെ നിര്‍വഹിക്കും. കാസര്‍കോട് നഗരസഭ  വൈസ് ചെയര്‍മാന്‍ എല്‍.എ മഹമൂദ് അധ്യക്ഷതവഹിക്കും.
 

    പ്രവാസി ഭാരതീയര്‍ (കേരളീയര്‍) കമ്മീഷന്‍ ചെയര്‍മാന്‍ റിട്ട.ജസ്റ്റിസ് ഭവദാസന്‍റെ അധ്യക്ഷതയില്‍ കളക്ടറേറ്റ് കോണ്‍ഫറന്‍സ് ഹാളില്‍ നടത്തിയ സിറ്റിംഗില്‍ 65 പരാതികള്‍ പരിഗണിച്ചു. പ്രവാസികളുടെയും ബന്ധുക്കളുടേതുമായി ലഭിച്ച ഭൂരിഭാഗം പരാതികളും വിസ തട്ടിപ്പ്, പ്രവാസികളുടെ ആനുകൂല്യങ്ങള്‍ തടഞ്ഞുവയ്ക്കുക, വസ്തു തര്‍ക്കം, ലോണ്‍ അനുവദിക്കുന്നതില്‍ കാലതാമസം നേരിടുക തുടങ്ങിയവയുമായി ബന്ധപ്പെട്ടവയായിരുന്നു. 

        1200ലധികം അപേക്ഷകള്‍ പരിഗണിച്ചു
    ജീവിതത്തിന്റെ രണ്ടറ്റവും കൂട്ടിമുട്ടിക്കാന്‍ പാടുപെടുന്നതിനിടെ ബാങ്കുകളില്‍ നിന്ന് വായ്പയായി എടുത്ത തുകകള്‍ തിരിച്ചടക്കുവാനാകാതെ റവന്യൂ റിക്കവറി നേരിടുന്നവര്‍ക്ക് ആശ്വാസമായി റവന്യൂ റിക്കവറി ബാങ്ക് ലോണ്‍ മെഗാ അദാലത്ത്. കാസര്‍കോട് ജില്ലാ ഭരണകൂടത്തിന്റെയും ജില്ലയിലെ വിവിധ ബാങ്കുകളുടെയും ആഭിമുഖ്യത്തില്‍ നടത്തിയ അദാലത്ത് നൂറുകണക്കിന് കുടുംബങ്ങള്‍ക്ക് ആശ്വാസമായി. വായ്പകള്‍ പൂര്‍ണ്ണമായും എഴുതിത്തള്ളിയില്ലെങ്കിലും അദാലത്തിലൂടെ ലഭിച്ച ഇളവുകള്‍ പലര്‍ക്കും മുന്നോട്ടുള്ള ജീവിതം എളുപ്പമാക്കും. 

കൊച്ചി: മലയാറ്റൂര്‍ കുരിശുമുടി തീര്‍ത്ഥാടനത്തിന് ഹരിത നടപടിക്രമം ബാധകമാക്കാന്‍ തീരുമാനം. അടിവാരം മുതല്‍ കുരിശുമുടി വരെയുള്ള തീര്‍ത്ഥാടനപാതയിലും പരിസരത്തും ഭിക്ഷാടനം, പുകവലി, ലഹരി ഉപയോഗം, പുകയിലയുടെയും ലഹരിവസ്തുക്കളുടെയും വില്‍പ്പന എന്നിവ കര്‍ശനമായി തടയും. നിരോധനവും ഹരിത നടപടിക്രമവും നടപ്പാക്കാന്‍ പള്ളി അധികൃതരുടെ സഹകരണത്തോടെ പൊലീസ്, വനം, റവന്യൂ, എക്‌സൈസ്, ശുചിത്വമിഷന്‍ തുടങ്ങി വിവിധ വകുപ്പുകള്‍ ഉള്‍പ്പെട്ട പ്രത്യേക ദൗത്യസംഘത്തെ നിയോഗിക്കും.

കൊച്ചി: കുട്ടികള്‍ക്കെതിരായ ലൈംഗിക അതിക്രമങ്ങള്‍ തടയുന്നതിനുള്ള പോക്‌സോ നിയമം സംബന്ധിച്ച മാധ്യമ സെമിനാര്‍ നാളെ (ഫെബ്രുവരി 22 വ്യാഴാഴ്ച്ച) നടക്കും. എറണാകുളം പ്രസ് ക്ലബ്ബും ഇന്‍ഫര്‍മേഷന്‍ പബ്ലിക്ക് റിലേഷന്‍സ് വകുപ്പും സംയുക്തമായാണ് സെമിനാര്‍ സംഘടിപ്പിക്കുന്നത്. കേരള ചേംബര്‍ ഓഫ് കൊമേഴ്‌സ് ആന്റ് ഇന്‍ഡസ്ട്രി കോണ്‍ഫറന്‍സ് ഹാളില്‍ രാവിലെ പത്തിന് മനുഷ്യാവകാശ കമ്മീഷന്‍ ആക്ടിങ് ചെയര്‍മാന്‍ പി. മോഹന്‍ദാസ് ഉദ്ഘാടനം ചെയ്യും. പി.ആര്‍.ഡി ഡയറക്ടര്‍ ടി.വി. സുഭാഷ് അധ്യക്ഷത വഹിക്കും.

    ആറ്റുകാൽ പൊങ്കാലയ്‌ക്കെത്തുന്ന ഭക്തർക്കു വേണ്ട സൗകര്യങ്ങളൊരുക്കുന്നതിനായുള്ള സർക്കാർതല മുന്നൊരുക്കങ്ങൾ പൂർത്തിയായെന്ന് മുഖ്യമന്ത്രി പിണറായി വിജയൻ പറഞ്ഞു. ആറ്റുകാൽ ക്ഷേത്ര ഓഡിറ്റോറിയത്തിൽ നടന്ന വിവിധ വകുപ്പുകളുടെ അവസാനഘട്ട അവലോകനയോഗത്തിൽ സംസാരിക്കുകയായിരുന്നു മുഖ്യമന്ത്രി.