കേരള ലോകായുക്ത ഫെബ്രുവരിയില്‍ കണ്ണൂര്‍, തലശ്ശേരി, കോഴിക്കോട് എന്നിവിടങ്ങളില്‍ ക്യാമ്പ് സിറ്റിംഗ് നടത്തും.19 ന് കണ്ണൂര്‍ ടൗണ്‍ കോ-ഓപ്പറേറ്റീവ് ബാങ്കിലും, 20 ന് തലശ്ശേരി ഗവണ്‍മെന്റ് റസ്റ്റ്ഹൗസ് കോണ്‍ഫറന്‍സ് ഹാളിലും, 21, 22, 23 തിയതികളില്‍ കോഴിക്കോട് കളക്ടറേറ്റ് കോണ്‍ഫറന്‍സ് ഹാളിലുമാണ് സിറ്റിംഗ്. ഈ ദിവസങ്ങളില്‍ നിശ്ചിത ഫോറത്തിലുള്ള പുതിയ പരാതികളും സ്ഥീകരിക്കും.

പി.എന്‍.എക്‌സ്.507/18

ജില്ലയില്‍ നൂറില്‍ ഏട്ട് കുട്ടികള്‍ പൂര്‍ണമായും പ്രതിരോധകുത്തിവെയ്പ് എടുക്കാത്തവര്‍ എന്ന് പഠന റിപ്പോര്‍ട്ട്

കൊച്ചി: എറണാകുളം നില്ലയിലെ പ്രതിരോധകുത്തിവെയ്പ് നിരക്ക് കണ്ടെത്തുവാന്‍ ആരോഗ്യവകുപ്പിന്റെ നിര്‍ദ്ദേശപ്രകാരം ജില്ലയില്‍ നാല് മെഡിക്കല്‍ കോളേജുകളിലെ കമ്മ്യൂണിറ്റി മെഡിസിന്‍ വിഭാഗത്തിന്റെ നേതൃത്വത്തില്‍ നടത്തിയ പഠന റിപ്പോര്‍ട്ട് ജില്ലാ കളക്ടര്‍ മുഹമ്മദ് വൈ സഫീറുള്ളക്ക് കൈമാറി. ജില്ലയില്‍ ഡിഫ്തീരിയ രോഗം റിപ്പോര്‍ട്ട് ചെയ്തപ്പോള്‍ അതിന്റെ കാരണം കണ്ടെത്തുന്നതിനായാണ് പഠനം നടത്തിയത്.

കൊച്ചി: ദേശീയ വിരവിമുക്തദിനത്തിന്റെ ജില്ലാതല ഉദ്ഘാടനം ഞാറക്കല്‍  അസ്സീസ്സി വിദ്യാനികേതന്‍ പബ്ലിക് സ്‌കൂളില്‍ എസ്. ശര്‍മ്മ എം.എല്‍.എ നിര്‍വഹിച്ചു. വിരബാധ ഇത്തിള്‍കണ്ണിയെന്ന പോലെ ശരീരത്തില്‍നിന്നും പോഷകങ്ങള്‍ ഊറ്റികുടിച്ച് കുട്ടികളില്‍ പോഷകക്കുറവിനും, തന്‍മൂലമുള്ള ആരോഗ്യപ്രശ്‌നങ്ങള്‍ക്കും ഇടയാക്കുന്നുവെന്നും അതിനാല്‍ എല്ലാവരും ഇതില്‍ പങ്കാളികളാകണമെന്നും അദ്ദേഹം പറഞ്ഞു.

മട്ടന്നൂര്‍ ഗവ.പോളിടെക്‌നിക്ക്‌ കോളേജ്‌ കോമ്പൗണ്ടില്‍ ചുറ്റുമതില്‍ നിര്‍മ്മിക്കാനുള്ള സ്ഥലത്തെ മരങ്ങള്‍ മുറിച്ചെടുക്കുന്നതിന്‌ ക്വട്ടേഷന്‍ ക്ഷണിച്ചു. 15 ന്‌ രാവിലെ 11 മണി വരെ ക്വട്ടേഷന്‍ സ്വീകരിക്കും. ഫോണ്‍: 0490 2471530.

കാട്ടുതീ പടരാനുള്ള സാദ്ധ്യതയും വന്യമൃഗങ്ങളുടേയും സന്ദര്‍ശകരുടേയും സുരക്ഷിതത്വവും കണക്കിലെടുത്ത് സൈലന്റ്‌വാലി ദേശീയോദ്യാനത്തില്‍ ഏപ്രില്‍ ഏഴുവരെ സന്ദര്‍ശകര്‍ക്ക് പ്രവേശനം നിരോധിച്ചതായി ചീഫ് വൈല്‍ഡ്‌ലൈഫ് വാര്‍ഡന്‍ അറിയിച്ചു.
പി.എന്‍.സി/389/2018

മൃഗസംരക്ഷണ വകുപ്പിന്റെ ആഭിമുഖ്യത്തില്‍ മലമ്പുഴ ഐ.ടി.ഐക്ക് സമീപമുള്ള മൃഗസംരക്ഷണ   പരിശീലനകേന്ദ്രത്തില്‍   15, 16 തീയതികളില്‍ മുയല്‍ വളര്‍ത്തലില്‍ സൗജന്യ പരിശീലനം സംഘടിപ്പിക്കുന്നു. പങ്കെടുക്കുവാന്‍ താല്‍പര്യമുളളവര്‍ നേരിട്ടോ ഫോണ്‍ മുഖേനയോ ഓഫീസ് സമയങ്ങളില്‍ മുന്‍കൂട്ടി പേര് രജിസ്റ്റര്‍ ചെയ്യണം. ഫോണ്‍: 0491 2815454, 8281777080.  പേര് രജിസ്റ്റര്‍  ചെയ്തവര്‍ ആധാര്‍ നമ്പറുമായി  15 ന്  രാവിലെ 10 മണിക്കു മുമ്പ് മലമ്പുഴ മൃഗസംരക്ഷണ  പരിശീലന കേന്ദ്രത്തില്‍ എത്തണം.
പി.എന്‍.സി/389/2018
 

കോടതി കുടിശ്ശിക ഈടാക്കുന്നതിനായി ജപ്തി ചെയ്ത  കൊട്ടിയൂര്‍ അംശം ദേശത്ത് പ്രെവിഷണല്‍ സര്‍വെ 1213/2ല്‍ പെട്ട 0.0480 ഹെക്ടര്‍ സ്ഥലവും അതിലുള്‍പ്പെട്ട സകലതും 12 ന് രാവിലെ 11.30 ന് ലേലം ചെയ്യും  കൂടുതല്‍ വിവരങ്ങള്‍ ഇരിട്ടി താലൂക്ക് ഓഫീസിലും കൊട്ടിയൂര്‍ വില്ലേജ് ഓഫീസിലും ലഭിക്കും.
പി.എന്‍.സി/389/2018
 

മുണ്ടയാട്‌ പ്രാദേശിക കോഴിവളര്‍ത്തു കേന്ദ്രത്തിലെ 2 തെങ്ങ്‌, 1 സപ്പോട്ട മരം, 1 കാഞ്ഞിരം എന്നിവ 22 ന്‌ രാവിലെ 11 മണിക്ക്‌ ഫാം ഓഫീസ്‌ പരിസരത്ത്‌ ലേലം ചെയ്യും. ഫോണ്‍: 0497 2721168.
പി.എന്‍.സി/389/2018

ജില്ലയിലെ റേഷന്‍കടകള്‍ വഴി ഈ മാസം താഴെ പറയുന്ന അളവിലും നിരക്കിലും റേഷന്‍ സാധനങ്ങള്‍ വിതരണം ചെയ്യും. എ എ വൈ കാര്‍ഡുടമകള്‍ക്ക്‌ 28 കിലോഗ്രാം അരിയും 7 കിലോഗ്രാം ഗോതമ്പും സൗജന്യമായി ലഭിക്കും. മുന്‍ഗണനാ വിഭാഗത്തില്‍പ്പെട്ട കാര്‍ഡുകളിലെ ഓരോ അംഗത്തിനും 4 കിലോഗ്രാം അരിയും 1 കിലോഗ്രാം ഗോതമ്പും സൗജന്യമായി ലഭിക്കും. മുന്‍ഗണന ഇതര വിഭാഗത്തില്‍പ്പെട്ട 2 രൂപാ നിരക്കിലുള്ള ഭക്ഷ്യധാന്യ വിതരണ പദ്ധതിയിലുള്‍പ്പെട്ടവര്‍ക്ക്‌ ഓരോ അംഗത്തിനും 2 കിലോഗ്രാം അരി വീതം കിലോഗ്രാമിന്‌ 2 രൂപാ നിരക്കില്‍ ലഭിക്കും. സ്റ്റോക്കിന്റെ ലഭ്യതക്കനുസരിച്ച്‌ പരമാവധി 3 കി ഗ്രാം ആട്ടയും കി ഗ്രാമിന്‌ 15 രൂപ നിരക്കില്‍ ലഭിക്കും.

ജില്ലയില്‍ വിവിധ വകുപ്പുകളില്‍ സര്‍ജന്റ് തസ്തികയുടെ തെരഞ്ഞെടുപ്പിനായി പ്രസിദ്ധീകരിച്ച ചുരുക്കപട്ടികയില്‍ ഉള്‍പ്പെട്ട ഉദേ്യാഗാര്‍ത്ഥികളുടെ ശാരീരിക അളവെടുപ്പും ഇന്റര്‍വ്യൂവും 15 ന് ജില്ലാ പി എസ് സി സി ഓഫീസില്‍ നടത്തും. വ്യക്തിഗത മെമ്മോ ഇതിനകം അയച്ചിട്ടുണ്ട്.  ഇന്റര്‍വ്യൂമെമ്മോ, ഒ ടി ആര്‍ പ്രൊഫൈലില്‍ നിന്നും ഡൗണ്‍ലോഡ് ചെയ്‌തെടുത്ത് വണ്‍ ടൈം വെരിഫിക്കേഷന്‍ സര്‍ട്ടിഫിക്കറ്റും അസ്സല്‍ പ്രമാണങ്ങളും സഹിതം രാവിലെ ജില്ലാ ഓഫീസില്‍ ഹാജരാകണം.  വ്യക്തിഗത മെമ്മോ  ലഭിക്കാത്തവര്‍ ജില്ലാ ഓഫീസുമായി ബന്ധപ്പെടണം.  ഫോണ്‍: 0497 2700482. 
പി.എന്‍.സി/389/2018