കൊച്ചി: സംസ്ഥാന കരകൗശല  കൈത്തറി വികസന കോര്‍പ്പറേഷന്‍ സംഘടിപ്പിക്കുന്ന കൈരളി ക്രാഫ്റ്റ്‌സ് ബസാര്‍  അഖിലേന്ത്യ കരകൗശല കൈത്തറി പ്രദര്‍ശന വിപണനമേള ഇന്ന് (വെള്ളി) മുതല്‍ എറണാകുളത്തപ്പന്‍ മൈതാനിയില്‍ നടക്കും. രാവിലെ പത്തിന് വ്യവസായ വകുപ്പ് മന്ത്രി എ.സി. മൊയ്തീന്‍ ഉദ്ഘാടനം ചെയ്യും. ഹൈബി ഈഡന്‍ എം.എല്‍.എ അധ്യക്ഷത വഹിക്കും. പ്രൊഫ. കെ.വി. തോമസ് എം.പി ആദ്യവില്‍പ്പന നിര്‍വഹിക്കും. മാര്‍ച്ച് അഞ്ചു വരെയാണ് മേള.

    എന്‍ഡോസള്‍ഫാന്‍ ദുരിതബാധിതരുടെ പട്ടികയില്‍ പുതിയതായി 287 പേരെ ഉള്‍പ്പെടുത്തിയപ്പോള്‍ പട്ടികയില്‍പ്പെടാതിരുന്ന 1618 പേരില്‍ അര്‍ഹരുണ്ടോയെന്ന് വീണ്ടും പരിശോധിക്കും. 11 പഞ്ചായത്തുകളില്‍ ക്യാമ്പുകള്‍ സംഘടിപ്പിച്ച് അര്‍ഹരുണ്ടോയെന്ന് പരിശോധിച്ച് രണ്ടുമാസത്തിനകം റിപ്പോര്‍ട്ട് സമര്‍പ്പിക്കുവാനും കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന എന്‍ഡോസള്‍ഫാന്‍ ദുരിതബാധിതരുടെ ഏകോപനത്തിനും പുനരധിവാസത്തിനുമുളള ജില്ലാതല സെല്‍ യോഗം എന്‍എച്ച്എം ജില്ലാ പ്രൊജക്ട് മാനേജരോട് നിര്‍ദേശിച്ചു. 

കൊച്ചി:  പളളുരുത്തി താലൂക്ക് ആശുപത്രിയില്‍ പ്രവര്‍ത്തിക്കുന്ന ലബോറട്ടറിയിലേക്ക് ദിവസവേതനാടിസ്ഥാനത്തില്‍ നിശ്ചിത യോഗ്യതയുളള ലബോറട്ടറി ടെക്‌നീഷ്യന്മാരെ ഇന്റര്‍വ്യൂ നടത്തി തെരഞ്ഞെടുക്കുന്നു. സര്‍ക്കാര്‍ അംഗീകാരമുളള സ്ഥാപനത്തില്‍ നിന്നും ഡി.എം.എല്‍.റ്റി പാസായവര്‍ക്ക് അപേക്ഷിക്കാം. പ്രായം 25-45 നും ഇടയില്‍.  താത്പര്യമുളളവര്‍ പളളുരുത്തി താലൂക്ക് ആശുപത്രി സൂപ്രണ്ടിന്റെ കാര്യാലയത്തില്‍ ഫെബ്രുവരി 21-ന് രാവിലെ 10-ന് എല്ലാ സര്‍ട്ടിഫിക്കറ്റുകളുടെയും അസല്‍ പകര്‍പ്പുമായി ഹാജരാകണം.

കൊച്ചി:  സാമൂഹ്യനീതി വകുപ്പിനു കീഴില്‍ കാക്കനാട് പ്രവര്‍ത്തിക്കുന്ന ആശാഭവന്‍ (മെന്‍) എന്ന സ്ഥാപനത്തില്‍ സിസിടിവി ക്യാമറ സ്ഥാപിക്കുന്നതിന് സന്നദ്ധരായ സ്ഥാപനങ്ങള്‍/വ്യക്തികള്‍ എന്നിവരില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷന്‍ ഫെബ്രുവരി 28-ന് രാവിലെ 11-വരെ സമര്‍പ്പിക്കാം. കൂടുതല്‍ വിവരങ്ങള്‍ക്ക് ഫോണ്‍ 0484-2428308.

കൊച്ചി: അഴിമതിയെക്കാള്‍ രാജ്യത്തെ നശിപ്പിക്കുന്നത് അടിസ്ഥാനമില്ലാത്ത ജാതി-മത ചിന്തകളാണെന്ന് ആംഡ് ഫോഴ്‌സസ് ജ്യുഡീഷ്യല്‍ മെമ്പര്‍ ജസ്റ്റിസ് ബാബുമാത്യു പി ജോസഫ് പറഞ്ഞു. വിജിലന്‍സ് ആന്റ് ആന്റി കറപ്ഷന്‍ ബ്യൂറോ സദ്ഭരണവും സേവനാവകാശ നിയമവും എന്ന വിഷയത്തില്‍ ആശീര്‍ഭവന്‍ ഓഡിറ്റോറിയത്തില്‍ സംഘടിപ്പിച്ച സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം. 

    എന്‍ഡോസള്‍ഫാന്‍ ദുരിതബാധിതരെ സഹായിക്കുന്ന കാര്യത്തില്‍ സര്‍ക്കാരിന് എന്തൊക്കെ ചെയ്യാനാകുമോ അതെല്ലാം ചെയ്യുമെന്ന് റവന്യുമന്ത്രി ഇ.ചന്ദ്രശേഖരന്‍ പറഞ്ഞു. ദുരിതം അനുഭവിക്കുന്നവര്‍ക്ക് ചെയ്യാവുന്നതിന്റെ പരമാവധി സര്‍ക്കാര്‍ ചെയ്യുന്നുണ്ട്. ഇതൊന്നും മതിയാകുന്നില്ലെന്ന് അറിയാമെന്നും അദ്ദേഹം പറഞ്ഞു.  
    കളക്ടറേറ്റില്‍ ചേര്‍ന്ന എന്‍ഡോസള്‍ഫാന്‍ സെല്‍യോഗത്തിന് ശേഷം ദുരിതബാധിതരുടെ നിവേദനം സ്വീകരിച്ചു സംസാരിക്കുകയായിരുന്നു മന്ത്രി. 

ജില്ലാ പഞ്ചായത്തിന്റെ 2018-19ലേക്കുള്ള വാര്‍ഷിക പദ്ധതി രൂപീകരണവുമായി ബന്ധപ്പെട്ട് ജനങ്ങളില്‍ നിന്ന് നേരിട്ട് പദ്ധതി നിര്‍ദേശങ്ങള്‍ സ്വീകരിക്കുന്നതിനായി തയ്യാറാക്കിയ 'എന്റെ പദ്ധതി' മൊബൈല്‍ ആപ്ലിക്കേഷന് ലഭിച്ചത് മികച്ച പ്രതികരണം. പ്രകാശനം ചെയ്ത് ഒരാഴ്ചയ്ക്കകം എണ്‍പതിലേറെ നിര്‍ദേശങ്ങളും ആശയങ്ങളുമാണ് മൊബൈല്‍ ആപ്പ് വഴി ലഭിച്ചത്. ജനകീയ പങ്കാളിത്തത്തോടെയുള്ള പദ്ധതി രൂപീകരണത്തിന്റെ വിവരമറിഞ്ഞ് ജില്ലാ പഞ്ചായത്തില്‍ നേരിട്ടെത്തി പദ്ധതി നിര്‍ദേശങ്ങള്‍ സമര്‍പ്പിച്ചവരുമുണ്ട്.

കൊച്ചി:  എറണാകുളം ജില്ലാ മെഡിക്കല്‍ ഓഫീസിന് കീഴിലുളള സ്ഥാപനങ്ങളിലേക്ക് 2017-18 വര്‍ഷത്തെ ജീവിതശൈലീ രോഗനിയന്ത്രണവുമായി ബന്ധപ്പെട്ട് രോഗികള്‍ക്കുളള എന്‍.സി.ഡി പാസ് ബുക്കുകള്‍ അച്ചടിക്കുന്നതിന് മുദ്രവച്ച പൂരിപ്പിച്ച ദര്‍ഘാസുകള്‍ ക്ഷണിച്ചു. ടെന്‍ഡറുകള്‍ ഫെബ്രുവരി 26-ന് ഉച്ചയ്ക്ക് രണ്ടു വരെ നല്‍കാം. കൂടുതല്‍ വിവരങ്ങള്‍ക്ക് ഫോണ്‍ 0484-2360802.