2018 ലെ ജൈവവൈവിധ്യ പുരസ്‌കാരങ്ങള്‍ക്ക് സംസ്ഥാന ജൈവ വൈവിധ്യബോര്‍ഡ് അപേക്ഷ ക്ഷണിച്ചു.  അപേക്ഷകളും അനുബന്ധ രേഖകളും  ഫെബ്രുവരി 28നകം മെമ്പര്‍ സെക്രട്ടറി, കേരള സംസ്ഥാന ജൈവവൈവിധ്യബോര്‍ഡ്, എല്‍-14, ജയ്‌നഗര്‍, മെഡിക്കല്‍ കോളേജ് പി.ഒ തിരുവനന്തപുരം - 695 011 വിലാസത്തില്‍ ലഭിക്കണം. (ഫോണ്‍ നമ്പര്‍: 04712554740) വിശദവിവരങ്ങളും അപേക്ഷയുടെ മാതൃകയും ംംം.സലൃമഹമയശീറശ്‌ലൃശെ്യേ.ീൃഴ ല്‍ ലഭിക്കും.

സ്ത്രീകള്‍ക്കും കുട്ടികള്‍ക്കും എതിരെയുള്ള അതിക്രമങ്ങള്‍ തടയുന്നതിന് കോട്ടയം വനിതാ പ്രൊട്ടക്ഷന്റെ ആഭിമുഖ്യത്തില്‍ കടുത്തുരുത്തി ഗ്രാമപഞ്ചായത്തില്‍ കൈത്താങ്ങ്-കര്‍മ്മസേന രൂപീകരിച്ചു. പഞ്ചായത്ത് പ്രസിഡന്റ് പി.വി.സുനില്‍ പദ്ധതിയുടെ ഉദ്ഘാടനം നിര്‍വ്വഹിച്ചു. വൈസ് പ്രസിഡന്റ് സിനി ആല്‍ബര്‍ട്ട് അധ്യക്ഷത വഹിച്ചു. 

ചട്ടിപ്പറമ്പ്  ഇലെക്ട്രിക്കല്‍ സെക്ഷന്‍ പരിധിയില്‍ ഇന്ന് (ഫെബ്രുവരി ഏഴ്) രാവിലെ ഒമ്പത് മുതല്‍ വൈകിട്ടു അഞ്ച് വരെ ഭ്രാന്തന്‍കാവ്, ചെറുകുളമ്പ ഈസ്റ്റ്  എന്നീ ട്രാന്‍സ്‌ഫോര്‍മറുകളില്‍ പൂര്‍ണമായും കാച്ചടിപ്പാറ, വറ്റലൂര്‍, വറ്റലൂര്‍ ക്രഷര്‍, കടാരം, അയനികുത്തുച്ചാല്‍, ചെറുകുളമ്പ വെസ്റ്റ്, ക്യാപിറ്റല്‍ മാള്  എന്നീ  ട്രാന്‍സ്‌ഫോര്‍മറുകളില്‍ ഭാഗികമായും വൈദ്യുതി വിതരണം തടസപ്പെടും.

കോട്ടയം ജില്ലയില്‍ മത്സ്യത്തൊഴിലാളി കടാശ്വാസ കമ്മീഷന്‍ ഫെബ്രുവരി  മാസം നടത്തുന്ന സിറ്റിംഗ്/അദാലത്ത് ഫെബ്രുവരി 16 രാവിലെ 10ന് വൈക്കം സര്‍ക്കാര്‍ റെസ്റ്റ് ഹൗസില്‍ നടക്കും.  അദാലത്ത്/സിറ്റിംഗില്‍ പങ്കെടുക്കുവാന്‍ കമ്മീഷനില്‍ നിന്നും നോട്ടീസ് കൈപ്പറ്റിയ അപേക്ഷകരും ബന്ധപ്പെട്ട ബാങ്കിന്റെ പ്രതിനിധികളും അന്നേ ദിവസം രാവിലെ കോട്ടയം, വൈക്കം സര്‍ക്കാര്‍ റെസ്റ്റ് ഹൗസില്‍ ഹാജരാകണം.

കുടുംബശ്രീ വഴി നടപ്പാക്കുന്ന ദീന്‍ദയാല്‍ ഉപാധ്യായ ഗ്രാമീണ്‍ കൗശല്യയോജന പദ്ധതിയിലൂടെ നടത്തുന്ന സൗജന്യ തൊഴില്‍ പരിശീലനത്തിനുള്ള കൗണ്‍സിലിംഗ് ഫെബ്രുവരി എട്ടിന് രാവിലെ  10.30 ന് തേഞ്ഞിപ്പലം ഗ്രാമ പഞ്ചായത്ത് കമ്മ്യൂണിറ്റി ഹാളില്‍ നടത്തുന്നു.   പരിശീലനത്തില്‍  ഗ്രാമീണ മേഖലയിലെ 18-നും 35-നും ഇടയില്‍ പ്രായമുള്ള ബി.പി.എല്‍, കുടുംബശ്രീ, തൊഴിലുറപ്പ്, ആശ്രയ കുടുംബാംഗങ്ങള്‍ വിഭാഗത്തിലുള്ളവര്‍ക്ക് പങ്കെടുക്കാം.  പരിശീലനം പൂര്‍ത്തിയാക്കുന്നവര്‍ക്ക് ജോലിയില്‍ നിയമനം നല്‍കും. വിദ്യാഭ്യാസ യോഗ്യത: എസ്.എസ്.എല്‍.സി  / പ്ലസ് ടു / വി.എച്ച്.എസ്.സി. ഫോണ്‍ 9074611961, 04832 733470.

ജില്ലാ പഞ്ചായത്തിന്റെ ഒരു സാധാരണ യോഗം ഫെബ്രുവരി 16ന് ഉച്ചക്ക് 2.30ന് ജില്ലാ പഞ്ചായത്ത് ഓഫീസില്‍ ചേരും.