ജില്ലാ ലീഗല്‍ സര്‍വീസസ് അതോറിറ്റിയുടെ ആഭിമുഖ്യത്തില്‍ ഫെബ്രുവരി 22ന് ട്രാന്‍സ്‌ജെേണ്ടഴ്‌സിന് വേണ്ടി അദാലത്ത് നടത്തും. പരാതികള്‍ ഫെബ്രുവരി 17 വരെ ജില്ല ലീഗല്‍ സര്‍വീസസ് അതോറിറ്റി ഓഫീസില്‍ സ്വീകരിക്കും. ഫോണ്‍ 04936 207800.
 

    ജില്ലയില്‍ നടപ്പിലാക്കാന്‍ ഉദ്ദേശിക്കുന്ന സ്‌പെഷ്യല്‍ അഗ്രിക്കള്‍ച്ചറല്‍ സോണ്‍ പദ്ധതിയില്‍ ഉള്‍പ്പെട്ട നെല്‍കൃഷി, പൂകൃഷി എന്നിവയെപ്പറ്റിയും, പത്ത് വില്ലേജുകളെ ഫ്രൂട്ട് വില്ലേജുകള്‍ ആക്കുന്നതിനെക്കുറിച്ചും ചര്‍ച്ച ചെയ്യുന്നതിനായി  ഇന്ന് (ഫെബ്രുവരി 8) ഉച്ചയ്ക്ക് 12.30 ന് മാനന്തവാടി സബ്കളക്ടര്‍ ഓഫീസില്‍ കൃഷി മന്ത്രി വി.എസ്. സുനില്‍കുമാറിന്റെ നേതൃത്വത്തില്‍ യോഗം ചേരും. ജനപ്രതിനിധികള്‍, നെല്‍കര്‍ഷക പ്രതിനിധികള്‍, കൃഷി വകുപ്പ് ഡയറക്ടര്‍, എസ്.എച്ച്,എം. ഡയറക്ടര്‍,  കൃഷി വകുപ്പ്, ആര്‍.എ.ആര്‍.എസ്, കെ.വി.കെ. ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.
 

കേരള വനഗവേഷണ സ്ഥാപനത്തില്‍ 2018 ജൂണ്‍ 30 വരെ കാലാവധിയുളള സമയബന്ധിത ഗവേഷണ പദ്ധതിയായ ബയോ ആക്ടിവിറ്റി ഗൈഡഡ് ഫ്രാക്ഷനേഷന്‍ ആന്റ് മെക്കാനിസ്റ്റിക്ക് എല്യൂസിഡേഷന്‍ ഓഫ് ബയോമോളിക്യൂള്‍സ് ഫ്രം കോക്കുലസ് റോറിഫോളിയസ് ഡിസി ഓഫ് സതേണ്‍ വെസ്റ്റേണ്‍ ഗാട്ട്‌സില്‍ പ്രോജക്ട് ഫെല്ലോയുടെ താത്കാലിക ഒഴിവിലേക്ക് നിയമനം നടത്തുന്നു.

 സര്‍വശിക്ഷാ അഭിയാന്‍ തിരുവനന്തപുരം ജില്ലാ പ്രോജക്ട് ഓഫീസ് മുഖേന ഭിന്നശേഷി കുട്ടികള്‍ക്കായുളള കണ്ണട, ഓര്‍ത്തോപീഡിക് ഉപകരണങ്ങള്‍ വിതരണം ചെയ്യുന്നതിന് അപേക്ഷ ക്ഷണിച്ചു.  വെബ്‌സൈറ്റ്: www.etenders.kerala.gov.in .ഫോണ്‍: 0471 2455590, 2455591.

പി.എന്‍.എക്‌സ്.499/18

 മത്സ്യഫെഡിന്റെ ഔട്ട് മോട്ടോര്‍ വര്‍ക്ക്‌ഷോപ്പുകളില്‍ സൗജന്യ പരിശീലനം നല്‍കുന്നതിന് ഐ.റ്റി.ഐ/വൊക്കേഷണല്‍ ഹയര്‍ സെക്കന്ററി (ഫിഷറീസ്) യോഗ്യതയുളളവര്‍ക്ക് അപേക്ഷിക്കാം.  വിശദവിവരങ്ങള്‍ www.matsyafed.in  ല്‍ ലഭിക്കും.

പി.എന്‍.എക്‌സ്.498/18

ഇതര സംസ്ഥാനങ്ങളില്‍ നിന്നും എന്‍.ഒ.സി എടുത്തുവരുന്ന വാഹനങ്ങള്‍ക്ക് പുതിയ നമ്പര്‍ അനുവദിക്കുന്നതിനുള്ള നടപടികള്‍ ലഘൂകരിച്ച് ട്രാന്‍സ്‌പോര്‍ട്ട് കമ്മീഷണര്‍ സര്‍ക്കുലറിറക്കി.  അപേക്ഷകള്‍ കെട്ടിക്കിടക്കുന്നതായി ശ്രദ്ധയില്‍പെട്ടതിനെ തുടര്‍ന്നാണിത്.  

ഇതര സംസ്ഥാനത്ത് നിന്നും എന്‍.ഒ.സി എടുത്ത് കേരളത്തില്‍ പുതിയ നമ്പറിന് വേണ്ടി സമര്‍പ്പിക്കുന്ന ഫോം 27 ലെ അപേക്ഷകളോടെപ്പം അനക്‌സ്ച്വര്‍ ഒന്നില്‍ പ്രതിപാദിച്ചിട്ടുള്ള രേഖകളും സമര്‍പ്പിക്കണം.  

2017 ഡിസംബര്‍ 23 ന് നടന്ന ആധാരമെഴുത്ത് ലൈസന്‍സിനുള്ള പരീക്ഷയില്‍ പങ്കെടുത്തവര്‍ക്ക് ലഭിച്ച മാര്‍ക്ക് വിവരം രജിസ്‌ട്രേഷന്‍ വകുപ്പിന്റെ ഔദേ്യാഗിക വെബ്‌സൈറ്റായ www.keralaregistration.gov.in ല്‍ പ്രസിദ്ധീകരിച്ചതായി ആധാരമെഴുത്ത് ലൈസന്‍സിംഗ് അതോറിറ്റിയായ രജിസ്‌ട്രേഷന്‍ ഡെപ്യൂട്ടി ഇന്‍സ്‌പെക്ടര്‍ ജനറല്‍ (ലൈസന്‍സിംഗ്) വി.എം. ഉണ്ണി അറിയിച്ചു.  പരീക്ഷാഫലം ജനുവരി 25 ന് വെബ്‌സൈറ്റില്‍ പ്രസിദ്ധീകരിച്ചിരുന്നു.  റീവാല്യുവേഷനുള്ള അപേക്ഷകള്‍ രജിസ്‌ട്രേഷന്‍ ഡി.ഐ.ജിക്ക്(ലൈസന്‍സിംഗ്) ഫെബ്രുവരി 24 വരെ സമര്‍പ്പിക്കാം.

പി.എന്‍.എക്‌സ്.496/18