* സന്നദ്ധസേനയില്‍ അംഗമാകാം

പൊതുകാര്യങ്ങള്‍ക്കായി യുവജനങ്ങളുടെയും സാധാരണ പൗരന്‍മാരുടെയും സേവനം ഉപയോഗമാക്കി തിരുവനന്തപുരത്തിന്റെ സംരക്ഷണത്തിനായി ബൃഹത്തായ സന്നദ്ധസേവാ പദ്ധതി ആരംഭിക്കുന്നു.  തുടര്‍ച്ചയായ പരിശീലനത്തിലൂടെയും, ബോധവത്കരണത്തിലൂടെയും മാലിന്യ നിര്‍മാര്‍ജനവും പൊതുജനാരോഗ്യ പ്രവര്‍ത്തനവും സന്നദ്ധരായ ചെറുപ്പക്കാരിലെത്തിച്ച് ജില്ലയിലെ മുഴുവന്‍ പ്രദേശങ്ങളിലും ഒരു പ്രസ്ഥാനമായി വളര്‍ത്തിയെടുക്കുകയാണ് പദ്ധതിയുടെ ലക്ഷ്യമെന്ന് സഹകരണ-ടൂറിസം മന്ത്രി കടകംപള്ളി സുരേന്ദ്രന്‍ വാര്‍ത്താസമ്മേളനത്തില്‍ അറിയിച്ചു.

കേരള വനിതാ കമ്മീഷനില്‍ നിലവില്‍ ഒഴിവുള്ള ഒരു പുരുഷ സിവില്‍ പോലീസ് ഓഫീസര്‍ തസ്തികയിലേക്ക് ഡെപ്യൂട്ടേഷന്‍ വ്യവസ്ഥയില്‍ സര്‍ക്കാര്‍ സര്‍വീസില്‍ സമാന തസ്തികയില്‍ സേവനമനുഷ്ഠിക്കുന്ന നിശ്ചിത യോഗ്യതയുള്ളവരില്‍ നിന്നും അപേക്ഷ ക്ഷണിച്ചു.

നിശ്ചിത ഫോറത്തിലുള്ള അപേക്ഷ, നിരാക്ഷേപപത്രം സഹിതം മേലധികാരി മുഖേന സെക്രട്ടറി, കേരള വനിതാ കമ്മീഷന്‍, ലൂര്‍ദ്ദ് പള്ളിക്കു സമീപം, പി.എം.ജി, പട്ടം. പി.ഒ, തിരുവനന്തപുരം - 695004 എന്ന വിലാസത്തില്‍ ഫെബ്രുവരി 20 നകം ലഭിച്ചിരിക്കണം.  

പി.എന്‍.എക്‌സ്.479/18

അടുത്ത വേനലിനെ നേരിടാനുള്ള മുന്നൊരുക്കത്തിന്റെ ഭാഗമായി ജില്ലയില്‍ ജലസംരക്ഷണ പ്രവര്‍ത്തനങ്ങള്‍ ഊര്‍ജ്ജിതമാക്കണമെന്ന് ഹരിതകേരള മിഷന്‍ വൈസ് ചെയര്‍പേഴ്‌സണ്‍ ഡോ. ടി.എന്‍ സീമ പറഞ്ഞു. കണ്ണൂര്‍ കലക്ടറേറ്റ് കോണ്‍ഫറന്‍സ് ഹാളില്‍ ഹരിതകേരളം ജില്ലാ മിഷന്‍ അവലോകന യോഗത്തില്‍ സംസാരിക്കുകയായിരുന്നു അവര്‍. 
ഇതിന്റെ മുന്നോടിയായി ജില്ലയിലെ കിണറുകള്‍, കുളങ്ങള്‍, തോടുകള്‍, നീരുറവകള്‍ തുടങ്ങി മുഴുവന്‍ ജലസ്രോതസ്സുകളെയും ശുചീകരിക്കുന്നതിന് പദ്ധതിയാവിഷ്‌ക്കരിക്കണം. മാര്‍ച്ച് ആദ്യവാരത്തോടെ ഈ പ്രവൃത്തി പൂര്‍ത്തിയാക്കണമെന്നും അവര്‍ പറഞ്ഞു. 

തിരുവനന്തപുരം റീജിയണല്‍ കാന്‍സര്‍ സെന്ററില്‍ ഫെബ്രുവരി 17 ന് നടത്തുന്ന ബേസിക് ലൈഫ് സ്‌പോര്‍ട്ട് എന്ന സിമുലേഷന്‍ അധിഷ്ഠിത പരിശീലന പരിപാടിയിലേക്ക് അപേക്ഷകള്‍ ക്ഷണിച്ചു.  വിശദവിവരങ്ങള്‍ക്കും അപേക്ഷാ ഫോറത്തിനും www.rcctvm.org

പി.എന്‍.എക്‌സ്.478/18

കേരള കര്‍ഷകത്തൊഴിലാളി ക്ഷേമനിധി ബോര്‍ഡ് 2010 ല്‍ അനുവദിച്ച അധിവര്‍ഷാനുകൂല്യം കൈപ്പറ്റാത്തവര്‍ക്ക് ഒരു അവസരം കൂടി നല്‍കുന്നു.  ഫെബ്രുവരി 15ന് മുമ്പ് ഓഫീസില്‍ നിന്ന് ആനുകൂല്യം കൈപ്പറ്റാം.  പ്ലാമൂട് വൈലോപ്പിള്ളി സംസ്‌കൃതി ഭവന് സമീപമുള്ള എം.ആര്‍.എ -19 ബോര്‍ഡ് ഓഫീസില്‍ ബന്ധപ്പെടണം.  ഫോണ്‍ 0471 2729175.  തിരിച്ചറിയല്‍ രേഖകളുടെ ഒറിജിനലും രണ്ട് കോപ്പിയും ഹാജരാക്കണം.  

പേരിലോ വിലാസത്തിലോ വ്യത്യാസമുണ്ടെങ്കില്‍ വില്ലേജ് ഓഫീസറുടെ സര്‍ട്ടിഫിക്കറ്റും ഹാജരാക്കണം.  

കേരള വന ഗവേഷണ സ്ഥാപനത്തില്‍ ഫെബ്രുവരി മുതല്‍ 2021 ജനുവരി 31 കാലാവധിയുളള സമയബന്ധിത ഗവേഷണ പദ്ധതിയായ റെസ്റ്റോറേഷന്‍ ആന്റ് റീഅസെസ്‌മെന്റ് ഓഫ് സെലക്ടഡ് ഐയുസിഎന്‍ ലിസ്റ്റഡ് എന്‍ഡെയ്‌ഞ്ചേര്‍ഡ് ട്രീസ് ഇന്‍ ദി വെസ്റ്റേണ്‍ ഗാട്ട്‌സ് ല്‍ ഒരു പ്രോജക്ട് ഫെല്ലോയുടെയും ഒരു പ്രോജക്ട് അസിസ്റ്റന്റിന്റേയും താത്കാലിക ഒഴിവുണ്ട്.  നിയമനത്തിനായി ഫെബ്രുവരി 14ന് രാവിലെ 10 മണിക്ക് വന ഗവേഷണ സ്ഥാപനത്തിന്റെ തൃശൂര്‍ പീച്ചിയിലുളള ഓഫീസില്‍ വാക്ക് ഇന്‍ ഇന്റര്‍വ്യൂ നടത്തും.  വിശദവിവരങ്ങള്‍ക്ക് കേരള വന ഗവേഷണ സ്ഥാപനത്തിന്റെ വെബ്‌സൈറ്റ് (www.kfri.res.in).

തൃശൂര്‍ വ്യാവസായിക ട്രൈബ്യൂണലും ഇന്‍ഷുറന്‍സ് കോടതി ജഡ്ജിയും  എംപ്ലോയീസ് കോമ്പന്‍സേഷന്‍ കമ്മീഷണറുമായ ആര്‍.ശ്രീവല്‍സന്‍ ഫെബ്രുവരി എട്ട്, ഒന്‍പത്, 15, 16, 20, 22, 23, 27 തീയതികളില്‍ തൃശൂര്‍ സബ് ഡിവിഷണല്‍ മജിസ്‌ട്രേറ്റ് കോടതി ഹാളില്‍ തൊഴില്‍തര്‍ക്ക കേസുകളും ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ ചെയ്യും.

പി.എന്‍.എക്‌സ്.475/18

പാലക്കാട് ഗവ. മെഡിക്കല്‍ കോളേജില്‍ പ്രൊഫസര്‍, അസോസിയേറ്റ് പ്രൊഫസര്‍, അസിസ്റ്റന്റ് പ്രൊഫസര്‍, സീനിയര്‍ റെസിഡന്റ്‌സ് തുടങ്ങിയ അദ്ധ്യാപക തസ്തികകളിലേക്ക് കരാര്‍ വ്യവസ്ഥയില്‍ നിയമിക്കുന്നതിന് നിശ്ചിത പോസ്റ്റുഗ്രാജുവേറ്റ് യോഗ്യതയുള്ളവരില്‍ നിന്നും അപേക്ഷകള്‍ ക്ഷണിച്ചു. താത്പര്യമുള്ളവര്‍ 12 ന് രാവിലെ 10 മണിക്ക് പ്രിന്‍സിപ്പാള്‍ മുമ്പാകെ കൂടിക്കാഴ്ചയ്‌ക്കെത്തണം.  കൂടുതല്‍ വിവരങ്ങള്‍ക്ക് 0491 2000644.

പി.എന്‍.എക്‌സ്.474/18

യൂണിവേഴ്‌സിറ്റി ആന്റ് ഫുഡ്‌സേഫ്റ്റി അപ്പലേറ്റ് ട്രിബ്യൂണലിന്റെ ഔദ്യോഗിക ക്യാമ്പ് ഫെബ്രുവരി എട്ടിന് തൃശൂര്‍ പി.ഡബ്‌ളിയു.ഡി റസ്റ്റ് ഹൗസില്‍ നടക്കും.  ആ ദിവസത്തില്‍ പോസ്റ്റ് ചെയ്ത കേസുകളുടെ വാദം കേള്‍ക്കുന്നതോടൊപ്പം കാസര്‍കോഡ്, കണ്ണൂര്‍, വയനാട്,കോഴിക്കോട്, പാലക്കാട്, മലപ്പുറം, തൃശൂര്‍, ഇടുക്കി, എറണാകുളം ജില്ലകളിലെ ഫുഡ്‌സേഫ്റ്റി ആക്ട് 2006ന്റെ പരിധിയിലെ കേസുകളും യൂണിവേഴ്‌സിറ്റി കേസുകളും അപ്പീല്‍ ചട്ടങ്ങള്‍ക്കനുസൃതമായി സ്വീകരിക്കുമെന്ന് യൂണിവേഴ്‌സിറ്റി ആന്റ് ഫുഡ് സേഫ്റ്റി അപ്പലേറ്റ് സെക്രട്ടറി അറിയിച്ചു.

പി.എന്‍.എക്‌സ്.473/18