ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ അസിസ്റ്റന്റ് (മാത്തമാറ്റിക്‌സ്) (കാറ്റഗറി നമ്പര്‍ 661/12) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട 60 ഉദേ്യാഗാര്‍ഥികള്‍ക്ക് ജില്ലാ പി.എസ്.സി ഓഫീസില്‍ ഈ മാസം 15നും 16നും അഭിമുഖം നടത്തും. ഒറ്റത്തവണ പരിശോധന സാക്ഷ്യപത്രം, വ്യക്തിവിവര കുറിപ്പ് എന്നിവ സഹിതം ഉദേ്യാഗാര്‍ഥികള്‍ അഭിമുഖത്തിന് ഹാജരാകണം. ഈ മാസം 12 വരെ അറിയിപ്പ് ലഭിക്കാത്തവര്‍ പി.എസ്.സി ജില്ലാ ഓഫീസുമായി ബന്ധപ്പെടണം. ശേഷിക്കുന്ന 40 ഉദേ്യാഗാര്‍ഥികളുടെ അഭിമുഖം പിന്നീട് നടത്തും. ഫോണ്‍: 0468 2222665.                              

ലൈഫ്മിഷന്‍ പദ്ധതിയില്‍ ജില്ലയുടെ ലക്ഷ്യം ഫെബ്രുവരിയോടെ പൂര്‍ത്തീകരിക്കാന്‍ കഴിയണമെന്ന് കലക്ടര്‍ ആര്‍ ഗിരിജ നിര്‍ദ്ദേശിച്ചു. ജില്ലാതലഉദ്യോഗസ്ഥരുടെ അവലോകന യോഗത്തില്‍ സംസാരിക്കുകയായിരുന്നു കളക്ടര്‍. സര്‍ക്കാരിന്റെ ഫ്‌ളാഗ്ഷിപ്പ് പദ്ധതിയായ ലൈഫ് മിഷന്റെ ആദ്യവര്‍ഷത്തെ ലക്ഷ്യം മാര്‍ച്ച്് 31നകം പൂര്‍ത്തീകരിക്കാത്ത വീടുകളുടെ പൂര്‍ത്തീകരണമാണ്. 

    കൊതുകുമൂലമുള്ള പകര്‍ച്ചവ്യാധികള്‍ തടയുന്നതിന്റെ ഭാഗമായി എല്ലാ ആഫീസുകളിലും ആഴ്ചയിലൊരുദിവസം ഡ്രൈഡേ ആചരിക്കണമെന്നും വെള്ളം കെട്ടിക്കിടക്കുന്ന സാഹചര്യം ഒഴിവാക്കണമെന്നും ജില്ലാ കളക്ടര്‍ അറിയിച്ചു.                

    കോന്നി സിഎഫ്ആര്‍ഡിയുടെ കീഴില്‍ പ്രവര്‍ത്തിക്കുന്ന കോളേജ് ഓഫ് ഇന്‍ഡിജനസ് ഫുഡ് ടെക്‌നോളജിയിലേക്ക് പ്രിന്‍സിപ്പാളിനെ കരാര്‍ അടിസ്ഥാനത്തില്‍ നിയമിക്കുന്നു. ബന്ധപ്പെട്ട വിഷയത്തില്‍ 55 ശതമാനം മാര്‍ക്കോടു കൂടിയ ബിരുദാനന്തര ബിരുദവും പി.എച്ച്.ഡിയും 10 മുതല്‍ 15 വര്‍ഷത്തെ പ്രവൃത്തിപരിചയവുമാണ് യോഗ്യത. അപേക്ഷ സ്വീകരിക്കുന്ന അവസാന തീയതി ഈ മാസം 15. വിശദവിവരവും അപേക്ഷാ ഫോറവും www.supplycokerala.com എന്ന വെബ്‌സൈറ്റില്‍ ലഭിക്കും. ഫോണ്‍: 0468 2241144, 9447975060.                                                        

തവനൂര്‍ മഹിളാമന്ദിരത്തിലെ താമസക്കാരിയായ സുഗന്ധിയെ ജീവിത സഖിയാക്കിയ വണ്ടൂര്‍ എളങ്കൂര്‍ സ്വദേശി എടക്കാട്ടു  പ്രഭേഷിന്റെ വീട്ടില്‍ ആരോഗ്യ സാമൂഹ്യനീതി വകുപ്പ് മന്ത്രി കെ കെ ശൈലജ സന്ദര്‍ശിച്ചു. ദമ്പതിമാര്‍ക്ക് ആശംസകള്‍ നേര്‍ന്നു. ഇ.എന്‍ മോഹന്‍ദാസ്, കെ.കെ ജനാര്‍ദനന്‍, പഞ്ചായത്ത് വൈസ് പ്രസിഡണ്ട് പി പി ഫാത്തിമ, സാമൂഹ്യനീതി വകുപ്പ് സീനിയര്‍ സൂപ്രണ്ട് കെ കൃഷ്ണമൂര്‍ത്തി, എന്‍.ആര്‍.എച്ച.്എം ജില്ലാ പ്രോഗ്രാം മാനേജര്‍ ഡോ. ഷിബുലാല്‍ എന്നിവരും മന്ത്രിയെ അനുഗമിച്ചു. 

    രാഷ്ട്രീയ വയോശ്രീ യോജന പദ്ധതിയില്‍ ബിപിഎല്‍ വിഭാഗത്തില്‍പ്പെട്ട മുതിര്‍ന്ന പൗരന്മാര്‍ക്ക് സഹായ ഉപകരണങ്ങളായ വീല്‍ചെയര്‍, എല്‍ബോ ക്രച്ചസ്, ഫോള്‍ഡിംഗ് വാക്കര്‍, കേള്‍വി സഹായ ഉപകരണങ്ങള്‍, ട്രൈപ്പോസ്-ടെട്രാ പോഡ്, വാക്കിംഗ് സ്റ്റിക്ക്, കൃത്രിമ പല്ലുകള്‍, കണ്ണടകള്‍ എന്നിവ സൗജന്യമായി ലഭിക്കുന്നതിന് 60 വയസിന് മുളില്‍ പ്രായമുള്ളവര്‍ക്ക് അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ഈ മാസം 12. കൂടുതല്‍ വിവരം പത്തനംതിട്ട ഡോക്‌ടേഴ്‌സ് ലൈനില്‍ പ്രവര്‍ത്തിക്കുന്ന ജില്ലാ സാമൂഹ്യനീതി ഓഫീസില്‍ ലഭിക്കും. ഫോണ്‍: 0468 2325168.                 

കാവനൂര്‍ ഗവ. ഹയര്‍ സെക്കന്ററി സ്‌കൂളില്‍ 2013 മുതല്‍ 2017 വരെ പഠിച്ച ഹയര്‍സെക്കന്ററി വിദ്യാര്‍ത്ഥികളുടെ കോഷന്‍ ഡെപ്പോസിറ്റ്   ഫെബ്രുവരി 12 വരെ സ്‌കൂളില്‍ വിതരണം  ചെയ്യുന്നതാണ്. പ്രവേശന സമയത്ത്  ഫീസായോ, കോഷന്‍ ഡെപ്പോസിറ്റ് മാത്രമായോ പണമടച്ച എല്ലാ കുട്ടികളും തിരിച്ചറിയല്‍ രേഖകളുമായി  വന്ന് തുക കൈപ്പറ്റണം. കൈപ്പറ്റാത്ത തുക സര്‍ക്കാര്‍  ഖജനാവിലേക്ക് അടക്കുമെന്ന് പ്രിന്‍സിപ്പല്‍ അറിയിച്ചു.