തദ്ദേശസ്വയം ഭരണ സ്ഥാപനങ്ങള്‍ക്കായി തിരുവനന്തപുരം വഞ്ചിയൂര്‍ കോടതി സമുച്ചയത്തില്‍ പ്രവര്‍ത്തിക്കുന്ന ട്രൈബ്യൂണല്‍ കാര്യാലയത്തില്‍ ഡ്രൈവര്‍/ഓഫീസ് അറ്റന്‍ഡന്റ്-കം-ഡ്രൈവര്‍ തസ്തികയിലേക്ക് ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നതിന് അപേക്ഷ ക്ഷണിച്ചു. സംസ്ഥാന സര്‍ക്കാരിന്റെ വിവിധ വകുപ്പുകളില്‍ സമാന തസ്തികകളില്‍ ജോലിചെയ്യുന്നവര്‍ക്ക് അപേക്ഷിക്കാം.

ഡല്‍ഹിയില്‍ റിപ്പബ്‌ളിക് ദിന ക്യാമ്പില്‍ പങ്കെടുത്ത എന്‍.സി.സി കേഡറ്റുകള്‍ക്കും ഓഫീസര്‍മാര്‍ക്കും ഗവര്‍ണര്‍ പി. സദാശിവം രാജ്ഭവനില്‍ സ്വീകരണം നല്‍കി. എന്‍.സി.സി കേരള-ലക്ഷദ്വീപ് ഡയറക്ടറേറ്റിനു കീഴിലെ 37 പെണ്‍കുട്ടികളും 74 ആണ്‍കുട്ടികളും അടങ്ങുന്ന സംഘമാണ് റിപ്പബ്‌ളിക് ദിന ക്യാമ്പില്‍ പങ്കെടുത്തത്. ഗവര്‍ണര്‍ക്കൊപ്പം ചായസത്കാരത്തില്‍ പങ്കെടുത്ത ശേഷം കേഡറ്റുകള്‍ ഡല്‍ഹി അനുഭവങ്ങള്‍ പങ്കുവെച്ചു. തുടര്‍ന്ന്, ഗവര്‍ണറോട് ആശയവിനിമയത്തിനും അവസരം ലഭിച്ചു. 

    കേരള ചുമട്ടു തൊഴിലാളി ക്ഷേമ ബോര്‍ഡ് ജില്ലാ കമ്മിറ്റിക്ക് കീഴില്‍ സ്‌കാറ്റേര്‍ഡ് വിഭാഗം ക്ഷേമ പദ്ധതിയില്‍ പേര് രജിസ്റ്റര്‍ ചെയ്ത് അംശാദായ അടവില്‍ കുടിശ്ശിക വന്ന് അംഗത്വം റദ്ദായ തൊഴിലാളികള്‍ക്ക് പിഴ പലിശ കൂടാതെ  അംശാദായം ഫെബ്രുവരി 28 വരെ അടച്ച് അംഗത്വം പുതുക്കാം.

കുടുംബശ്രീ മുഖേന നടപ്പാക്കുന്ന ദീന്‍ദയാല്‍ ഉപാധ്യായ ഗ്രാമീണ്‍ കൗശല്യയോജന പദ്ധതിയിലൂടെ നടത്തുന്ന സൗജന്യ തൊഴില്‍ പരിശീലനത്തിനുള്ള കൗണ്‍സിലിംഗ് ഫെബ്രുവരി അഞ്ചിന് രാവിലെ  10.30 ന് മലപ്പുറം മുനിസിപ്പല്‍ ബസ്സ്റ്റാന്റ് ഓഡിറ്റോറിയത്തില്‍ നടത്തും.  ഗ്രാമീണ മേഖലയിലെ 18-നും 35-നും ഇടയില്‍ പ്രായമുള്ള ബി.പി.എല്‍, കുടുംബശ്രീ തൊഴിലുറപ്പ്, ആശ്രയ കുടുംബാംഗങ്ങള്‍ വിഭാഗത്തിലുള്ളവര്‍ക്ക് പങ്കെടുക്കാം.   പരിശീലനം പൂര്‍ത്തിയാക്കുന്നവര്‍ക്ക് ജോലിയില്‍ നിയമനം നല്‍കും. കോഴ്‌സുകള്‍ ഫുഡ് ആന്‍ഡ് ബിവരേജ് സര്‍വ്വീസ്, റിട്ടേയല്‍ അസോസിയേറ്റ്.  യോഗ്യത എസ്.എസ്.എല്‍.സി.  ഫോണ്‍ 9074611961, 04832 733470.

    സംസ്ഥാനത്തെ ഒരു കേന്ദ്ര അര്‍ദ്ധ സര്‍ക്കാര്‍ സ്ഥാപനത്തില്‍ സ്‌കൗട്ട് മാസ്റ്റര്‍ / ഗൈഡ് ക്യാപ്റ്റന്‍ തസ്തികയിലെ സ്ഥിരം ഒഴിവിലേക്ക് പരിഗണിക്കുന്നതിന് ബിരുദവും എന്‍.സി.സി/സ്‌ക്കൗട്ട്/ഗൈഡ് സര്‍ട്ടിഫിക്കറ്റുമുള്ളവരില്‍ നിന്ന് അപേക്ഷ ക്ഷണിച്ചു. താല്‍പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളുമായി ഫെബ്രുവരി ഒമ്പതിനകം അടുത്തുള്ള എംപ്ലോയ്‌മെന്റ് എക്‌സ്‌ചേഞ്ചില്‍ നേരിട്ട് എത്തണം.  ഭിന്നശേഷിക്കാരെ പരിഗണിക്കുന്നതല്ല.

     ഊര്‍ങ്ങാട്ടീരി, ചോക്കാട്, പാണ്‍ിക്കാട്  പ്രാഥമികാരോഗ്യകേന്ദ്രങ്ങള്‍ക്ക് പുതിയതായി നിര്‍മ്മിച്ച മൂന്ന് കെട്ടിടങ്ങള്‍ ആരോഗ്യ മന്ത്രി കെ.കെ.ശൈലജ ഇന്ന് നാടിന് സമര്‍പ്പിക്കും. ഇതില്‍ പണ്ടണ്‍ിക്കാട്, ചോക്കാട് പ്രാഥമിക  ആരോഗ്യ കേന്ദ്രങ്ങള്‍ ആദ്രം പദ്ധതിയില്‍ ഉള്‍പ്പെടുത്തി കുടുംബാരോഗ്യ കേന്ദ്രങ്ങളാക്കി ഉയര്‍ത്തുന്നവയാണ്. ഇതിനു പുറമെ ഊര്‍ങ്ങാട്ടീരി ഗ്രാമപഞ്ചായത്ത് പ്രാഥമികാരോഗ്യ കേന്ദ്രത്തിന്റെ പുതിയ കെട്ടിടവും മന്ത്രി നാടിന് സമര്‍പ്പിക്കും.

സംസ്ഥാനത്തെ മുഴുവന്‍ ജില്ലാ ആശുപത്രികളിലും പാലിയേറ്റിവ് കീമോതെറാപ്പി യൂണിറ്റ് തുടങ്ങുന്നതിന്റെ സംസ്ഥാനതല ഉദ്ഘാടനം ആരോഗ്യ മന്ത്രി കെ.കെ.ശൈലജ ഇന്ന് (ഫെബ്രുവരി 4) നിലമ്പൂര്‍ ജില്ലാ ആശുപത്രിയില്‍ നിര്‍വഹിക്കും. ഇതിനു പുറമെ ക്യാന്‍സര്‍ ദിനാചരണത്തിന്റെ ഉദ്ഘാടനവും മന്ത്രി നിര്‍വഹിക്കും. ഇതിന്റെ ഭാഗമായി നിലമ്പൂര്‍ പീവീസ് ആര്‍ക്കേഡില്‍ രാവിലെ 11 ന് നടക്കുന്ന ചടങ്ങില്‍ പി.വി അന്‍വര്‍ എം.എല്‍.എ അധ്യക്ഷത വഹിക്കും. എം.പി.മാരായ എം.ഐ.ഷാനവാസ്, പി.വി.അബ്ദുല്‍ വഹാബ്, ജില്ലാ പഞ്ചായത്ത് പ്രസിഡന്റ് എ.പി.ഉണ്ണികൃഷ്ണന്‍ ആരോഗ്യ വകുപ്പ് ഡയറക്ടര്‍ സരിത ആര്‍.എല്‍ എന്നിവര്‍ പങ്കെടുക്കും.

പട്ടികജാതി - പട്ടിക വര്‍ഗവികസനവകുപ്പുകളുടെയും കിര്‍താഡ്‌സിന്റേയും സംയുക്താഭിമുഖ്യത്തില്‍ സംഘടിപ്പിക്കുന്ന ഗദ്ദിക ഫെബ്രുവരി 11 മുതല്‍ 20 വരെ പൊന്നാനിയില്‍ നടക്കും. സ്പീക്കര്‍ പി. ശ്രീരാമകൃഷ്ണന്‍ പൊന്നാനി എ വി ഹയര്‍സെക്കന്റി മൈതാനത്തില്‍ രാവിലെ  11 മണിക്ക് ഗദ്ദികയുടെ ഔപചാരിക ഉദ്ഘാടനം നിര്‍വഹിക്കും. പട്ടികജാതി പട്ടിക വര്‍ഗ പിന്നാക്ക സമുദായക്ഷേമ മന്ത്രി എകെ ബാലന്‍ ചടങ്ങില്‍ അധ്യക്ഷത വഹിക്കും. തദ്ദേശ സ്വയംഭരണവകുപ്പുമന്ത്രി ഡോ. കെ.ടി ജലീല്‍ മുഖ്യാതിഥിയായിരിക്കും.

ക്യാന്‍സര്‍ രോഗികളുടെ എണ്ണം നാള്‍ക്കുനാള്‍ വര്‍ദ്ധിച്ചു വരുന്ന സാഹചര്യത്തില്‍ ജനകീയ പങ്കാളിത്തത്തോടെയുള്ള പ്രതിരോധ പ്രവര്‍ത്തനങ്ങള്‍ ശക്തമാക്കണമെന്ന് ആരോഗ്യ, സാമൂഹ്യനീതി വകുപ്പ് മന്ത്രി കെ.കെ ശൈലജ ടീച്ചര്‍. ലോക ക്യാന്‍സര്‍ ദിനാചരണത്തോടനുബന്ധിച്ച് സംസ്ഥാനത്തെ എല്ലാ ജില്ലാ ആശുപത്രികളിലും ആരംഭിക്കുന്ന പാലിയേറ്റീവ് കീമോതെറാപ്പി യൂണിറ്റിന്റെ സംസ്ഥാനതല പ്രവര്‍ത്തന ഉദ്ഘാടനം നിലമ്പൂര്‍ പീവീസ് ആര്‍ക്കേഡില്‍ നിര്‍വ്വഹിച്ച് സംസാരിക്കുകയായിരുന്നു മന്ത്രി.