വില കുറച്ച് രജിസ്റ്റര്‍ ചെയ്ത ആധാരങ്ങളില്‍  സബ് രജിസ്ട്രാര്‍ അണ്ടര്‍ വാലുവേഷന്‍ നടപടി സ്വീകരിച്ച കേസുകള്‍ സമയബന്ധിതമായി തീര്‍ക്കുന്നതിന് ഡിസംബര്‍ നാലിന് ചെര്‍പ്പുളശ്ശേരി, കോട്ടായി സബ്  രജിസ്ട്രാര്‍ ഓഫീസുകളില്‍ അദാലത്ത് നടത്തുമെന്ന് ജില്ലാ രജിസ്ട്രാര്‍ അറിയിച്ചു. ബന്ധപ്പെട്ടവര്‍ അദാലത്ത് പ്രയോജനപ്പെടുത്തണമെന്ന് ജില്ലാ രജിസ്ട്രാര്‍ (ജനറല്‍) അറിയിച്ചു. 

    ഭിന്നശേഷിദിനാചരണത്തിന്‍റെ ഭാഗമായി സാമൂഹികനീതി വകുപ്പിന്‍റെ ആഭിമുഖ്യത്തില്‍ ഡിസംബര്‍ മൂന്നിന് ഭിന്നശേഷി വിഭാഗക്കാര്‍ക്കായി കലാ-കായിക മത്സരങ്ങള്‍ നടത്തുന്നു. നഗരസഭാ ടൗണ്‍ഹാളില്‍ നടക്കുന്ന പരിപാടി രാവിലെ രാവിലെ ഒന്‍പതിന് ഷാഫി പറമ്പില്‍ എം.എല്‍.എ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്‍റ് കെ.ശാന്തകുമാരി  അധ്യക്ഷയാവും. കെ.വി വിജയദാസ് എം.എല്‍.എ മുഖ്യാതിഥിയാവും. രാവിലെ എട്ടു മുതല്‍ വൈകീട്ട് അഞ്ച് വരെയാണ് പരിപാടി നടക്കുക.  കായികമത്സരങ്ങളുടെ ഫ്ലാഗ് ഓഫ് രാവിലെ എട്ടിന് ജില്ലാ കലക്ടര്‍ ഡോ.പി.സുരേഷ് ബാബു നിര്‍വഹിക്കും.