ജില്ലയിലെ ഹരിതകേരളം മിഷന്റെ ഭാഗമായുളള പ്രവര്‍ത്തനങ്ങള്‍ അവലോകനം ചെയ്യുന്നതിന് ജില്ലാതല കര്‍മ്മസേനയുടെ യോഗം ഫെബ്രുവരി എട്ടിന്  രാവിലെ 10.30 ന് കളക്‌ട്രേറ്റ് കോണ്‍ഫറന്‍സ് ഹാളില്‍ ചേരും. 

ആലപ്പുഴ മെഡിക്കല്‍ കോളേജ് ആശുപത്രിയില്‍ പ്രസവത്തെ തുടര്‍ന്ന് യുവതി മരിച്ച സംഭവത്തില്‍ ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ അന്വേഷണത്തിനുത്തരവിട്ടു. ഈ സംഭവത്തെ കുറിച്ച് അടിയന്തര റിപ്പോര്‍ട്ട് നല്‍കാന്‍ മെഡിക്കല്‍ വിദ്യാഭ്യാസ ഡയറക്ടറോട് മന്ത്രി ആവശ്യപ്പെട്ടു. ഡോക്ടര്‍മാരുടേയോ ജീവനക്കാരുടേയോ ഭാഗത്തുനിന്നും എന്തെങ്കിലും വീഴ്ചയുണ്ടായതായി കണ്ടത്തിയാല്‍ കര്‍ശന നടപടി സ്വീകരിക്കുമെന്ന് മന്ത്രി അറിയിച്ചു.

പി.എന്‍.എക്‌സ്.466/18

*കൃഷി മന്ത്രിയുടെ ഓഫീസ് സമുച്ചയത്തില്‍ കാര്‍ഷിക 

ചിത്രങ്ങള്‍ അനാവരണം ചെയ്തു

മണക്കാട് ഇലക്ട്രിക്കല്‍ സെക്ഷന്‍ പരിധിയില്‍ അറ്റകുറ്റ പണികള്‍ നടക്കുന്നതിനാല്‍ ശ്രീനഗര്‍, ശിങ്കാരത്താപ്പ്, മണക്കാട് മാര്‍ക്കറ്റ് പരിസരം എന്നീ ഭാഗങ്ങളില്‍  ഇന്ന് (ഫെബ്രുവരി ആറ്) രാവിലെ 9 മുതല്‍ 4 വരെ  വൈദ്യുതി മുടങ്ങും.

പുത്തന്‍ചന്ത ഇലക്ട്രിക്കല്‍ സെക്ഷന്‍ പരിധിയില്‍ അറ്റകുറ്റ പണികള്‍ നടക്കുന്നതിനാല്‍ ഓവര്‍ബ്രിഡ്ജ് മുതല്‍ പുളിമൂട് വരെയുള്ള പ്രദേശങ്ങളില്‍  ഇന്ന് (ഫെബ്രുവരി ആറ്) രാവിലെ 9 മുതല്‍ 5 വരെ  വൈദ്യുതി മുടങ്ങും.

തിരുവനന്തപുരം സര്‍ക്കാര്‍ വനിതാ പോളിടെക്‌നിക് കോളേജില്‍ ഹിന്ദി ഗസ്റ്റ് അധ്യാപകരുടെ ഒഴിവിലേക്ക് കൂടിക്കാഴ്ച നടത്തുന്നു. ഹിന്ദി ബിരുദാനന്തര ബിരുദം ഫസ്റ്റ് ക്ലാസ്സ് യോഗ്യതയുള്ള ഉദ്യോഗാര്‍ത്ഥികള്‍ ബയോഡേറ്റ, യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍ എന്നിവയുമായി ഫെബ്രുവരി ഒമ്പതിന് രാവിലെ 10 ന് പ്രിന്‍സിപ്പാള്‍ മുമ്പാകെ കൂടിക്കാഴ്ചയ്ക്ക് ഹാജരാകണം.

പി.എന്‍.എക്‌സ്.460/18

 നിയമസഭയുടെ പാര്‍ലമെന്ററി പഠന പരിശീലന കേന്ദ്രത്തിന്റെയും കേരള പത്രപ്രവര്‍ത്തക യൂണിയന്‍ തിരുവനന്തപുരം ജില്ലാ കമ്മിറ്റിയുടെയും സംയുക്താഭിമുഖ്യത്തില്‍ ഇന്ന് (ഫെബ്രുവരി ആറ്) വൈകിട്ട് 3.30ന് കേരളത്തിന്റെ സമ്പദ്ഘടന ജി.എസ്.ടി ക്കു ശേഷം എന്ന വിഷയത്തില്‍  പ്രഭാഷണ പരിപാടി സംഘടിപ്പിക്കും. നിയമസഭാസമുച്ചയത്തിലെ ബാങ്ക്വറ്റ് ഹാളില്‍ ഡെപ്യൂട്ടി സ്പീക്കര്‍ വി. ശശി അധ്യക്ഷത വഹിക്കുന്ന പരിപാടിയുടെ ഉദ്ഘാടനം സ്പീക്കര്‍ പി. ശ്രീരാമകൃഷ്ണന്‍ നിര്‍വ്വഹിക്കും. ധനകാര്യവകുപ്പു മന്ത്രി ഡോ. ടി.എം. തോമസ് ഐസക് വിഷയം അവതരിപ്പിച്ച് സംസാരിക്കും.

പി.എന്‍.എക്‌സ്.459/18