ജില്ലയിൽ വിദ്യാഭ്യാസ വകുപ്പിൽ പാർട്ട് ടൈം ഹൈസ്‌കൂൾ അസിസ്റ്റന്റ്(സംസ്‌കൃതം) തസ്തികയുടെ തെരഞ്ഞെടുപ്പിനായി അപേക്ഷ സമർപ്പിച്ച ഉദേ്യാഗാർത്ഥികളുടെ ഇന്റർവ്യൂ 14 ന് ജില്ലാ പി എസ് സി  ഓഫീസിൽ നടത്തും.  വ്യക്തിഗത മെമ്മോ അയച്ചിട്ടുണ്ട്.  ഇന്റർവ്യൂമെമ്മോ, ഒ ടി ആർ പ്രൊഫൈലിൽ നിന്നും ഡൗൺലോഡ് ചെയ്‌തെടുത്ത് വൺ ടൈം വെരിഫിക്കേഷൻ സർട്ടിഫിക്കറ്റും അസ്സൽ പ്രമാണങ്ങളും സഹിതം രാവിലെ ജില്ലാ ഓഫീസിൽ ഹാജരാകണം.  വ്യക്തിഗത മെമ്മോ 12 നകം ലഭിക്കാത്തവർ ജില്ലാ ഓഫീസുമായി ബന്ധപ്പെടണം.  ഫോൺ: 0497 2700482.

പി.എൻ.സി/389/2018 

സർവശിക്ഷാ അഭിയാൻ കണ്ണൂർ നോർത്ത് ബി ആർ സി യുടെ നേതൃത്വത്തിൽ ഭിന്നശേഷിക്കാരായ കുട്ടികൾക്ക് വിവിധതരത്തിലുള്ള ഉപകരണങ്ങൾ വിതരണം ചെയ്യുന്നു.  ഇന്ന് (ഫെബ്രുവരി 8) രാവിലെ 11 മണിക്ക് കണ്ണൂർ നോർത്ത് ബി ആർ സി ഹാളിൽ തുറമുഖ വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം നിർവഹിക്കും.  ജില്ലാ പഞ്ചായത്ത് വൈസ് പ്രസിഡണ്ട് പി പി ദിവ്യ അധ്യക്ഷത വഹിക്കും.  വിവിധ സ്ഥാപനങ്ങൾ, സന്നദ്ധ സംഘടനകൾ, വ്യക്തികൾ തുടങ്ങിയവരുടെ സഹായത്തോടെ നിർധനരായ 70 കുട്ടികൾക്ക്  സഹായം ലഭിക്കും.

പി.എൻ.സി/389/2018

കേരള കയർ തൊഴിലാളി ക്ഷേമനിധി ഗുണഭോക്താക്കളായ മലബാർ മേഖലയിലെ കയർ തൊഴിലാളികളുടെ ക്ഷേമനിധിയുമായി ബന്ധപ്പെട്ട വിവിധ പരാതികൾ പരിഹരിക്കുന്നതിനായി ക്ഷേമനിധി ബോർഡ് ഫെബ്രുവരി 26, 27, 28 തീയതികളിൽ അദാലത്തു നടത്തും. ക്ഷേമനിധിയിൽ നിന്നും പെൻഷൻ, വിവിധ ധനസഹായങ്ങൾ, വിരമിക്കൽ ആനൂകൂല്യം തുടങ്ങിയവ സംബന്ധിച്ച  പരാതികൾക്ക് പരിഹാരം കാണുന്നതിനാണ് അദാലത്ത്.

മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി നടത്തിപ്പിന് കണ്ണൂർ ബ്ലോക്ക് പഞ്ചായത്ത് ഓഫീസിൽ അക്രഡിറ്റഡ് എഞ്ചിനീയർ തസ്തികയിലേക്ക് കരാറടിസ്ഥാനത്തിൽ നിയമിക്കുന്നതിന് സിവിൽ എഞ്ചിനീയറിംഗ്/അഗ്രിക്കൾച്ചറിൽ ബി.ടെക് ബിരുദമുള്ളവരിൽ നിന്നും അപേക്ഷ ക്ഷണിച്ചു. മുൻപരിചയം അഭികാമ്യം. അപേക്ഷ 14 ന് 2 മണിക്ക് മുമ്പ് ബ്ലോക്ക് പ്രോഗ്രാം ഓഫീസർ, കണ്ണൂർ ബ്ലോക്ക് ഡെവലപ്‌മെന്റ് ഓഫീസ്, പി.ഒ.പള്ളിക്കുന്ന് എന്ന വിലാസത്തിൽ ലഭിക്കണം.  ഫോൺ: 04972 747822.

പി.എൻ.സി/386/2018

മയ്യിൽ പഞ്ചായത്ത് നടപ്പിലാക്കിയ തരിശുരഹിത നെൽകൃഷി വിപ്ലവം ഡോക്യുമെന്ററിയാകുന്നു. നൂറുശതമാനം വയലുകളും നെൽകൃഷിക്ക് പര്യാപ്തമാക്കിയ സമ്പൂർണനെൽകൃഷി പദ്ധതിയിലൂടെ രാജ്യത്തിന് മാതൃകയായ നേട്ടങ്ങളാണ് കേരള കാർഷിക വികസന കർഷകക്ഷേമവകുപ്പ് നെൻമകം എന്ന പേരിൽ ഡോക്യുമെന്ററിയാക്കുന്നത്. 25 പാടശേഖരങ്ങളിലായി 1457 ഏക്കർ വയലിലാണ് നെൽകൃഷിയിറക്കിയത്. പുതുതായി 780 ഏക്കർ കൃഷിക്ക് പ്രയോജനപ്പെടുത്തി. സമ്പൂർണ നെൽകൃഷിയെന്നതിനപ്പുറം ഉൽപാദനക്ഷമതയിലും യന്ത്രവൽകരണത്തിലും കൈവരിച്ച സമാനതകളില്ലാത്ത വിജയഗാഥയാണ് ഡോക്യുമെന്ററിയുടെ പ്രമേയം. 

    പടിഞ്ഞാറത്തറ ഇലക്ട്രിക്കല്‍ സെക്ഷനിലെ പുഴയ്ക്കല്‍ ഭാഗത്ത് ഇന്ന് (ഫെബ്രുവരി 8) രാവിലെ 9 മുതല്‍ 5 വരെ വൈദ്യുതി മുടങ്ങും.
 

    ജില്ലാ ട്രഷറിയില്‍ നിന്നും സബ് ട്രഷറികളില്‍ നിന്നും പെന്‍ഷന്‍ വാങ്ങുന്നവരും, ജില്ലയിലെ വിവിധ ബാങ്കുകളില്‍ നിന്നും സംസ്ഥാന പെന്‍ഷന്‍ വാങ്ങുന്നവരും 2017-18 സാമ്പത്തിക വര്‍ഷത്തെ ആദായ നികുതി സ്റ്റേറ്റ്‌മെന്റ് ഫെബ്രുവരി 17നകം അതത് ട്രഷറികളില്‍ സമര്‍പ്പിക്കണം. സ്റ്റേറ്റ്‌മെന്റില്‍ 80സി, 80ഡി, 80ഡിഡി, 80ഡിഡിബി മുതലായ കിഴിവുകള്‍ വരുത്തിയിട്ടുണ്ടെങ്കില്‍ സാധൂകരിക്കുന്ന അനുബന്ധ രേഖകളും നല്‍കണം.  സമയപരിധിക്കുള്ളില്‍ സ്റ്റേറ്റ്‌മെന്റ് നല്‍കാത്തവരുടെ ആദായ നികുതി നിരക്കുകള്‍ക്കനുസൃതമായി കുറവ് ചെയ്യുമെന്ന് ജില്ലാ ട്രഷറി ഓഫീസര്‍ അറിയിച്ചു. 
 

    മാനന്തവാടി ഗവ.കോളേജില്‍ സ്‌പോര്‍ട്‌സ് ഉപകരണം വാങ്ങുന്നതിന് അംഗീകൃത ഏജന്‍സികളില്‍ നിന്നും ക്വട്ടേഷന്‍ ക്ഷണിച്ചു.  ഫെബ്രുവരി 19 ന് ഉച്ചയ്ക്ക് 2.30 വരെ ക്വട്ടേഷന്‍ സ്വീകരിക്കും.  അന്നേ ദിവസം 4ന് തുറക്കും. ഫോണ്‍ 04935 240351.