സി.ബി.എസ്.ഇ, ഐ.സി.എസ്.ഇ, നവോദയ, കേന്ദ്രീയ വിദ്യാലയ തുടങ്ങി കേന്ദ്രീയ സിലബസ്സ് അടിസ്ഥാനമാക്കിയുളള സ്‌കൂളുകളിലെ കു'ികളെ പങ്കെടുപ്പിച്ചുകൊണ്ട് അറക്കുളം സെന്റ് ജോസഫ് കോളേജ് ഗ്രൗണ്ടില്‍ നട ജില്ലാ സെന്‍ട്രല്‍ സ്‌കൂള്‍ അത്‌ലറ്റിക് സ്‌പോര്‍ട്‌സ് മീറ്റില്‍ 127 പോയിന്റ് നേടി തൂക്കുപാലം വിജയമാതാ പ'ിക് സ്‌കൂള്‍ ചാമ്പ്യന്മാരായി.  കുളമാവ് ജവഹര്‍ നവോദയ 115 പോയിന്റ് നേടി.  മറയൂര്‍ ജെയ്മാതാ പ'ിക് സ്‌കൂള്‍  യഥാക്രമം രണ്ടും മൂും സ്ഥാനങ്ങള്‍ നേടി.

       കാഞ്ഞങ്ങാട് ബ്ലോക്ക് പഞ്ചായത്തിലെ  അമ്പലത്തുകര സ്ത്രീസംവരണ വാര്‍ഡിലേക്കുളള ഉപതെരഞ്ഞെടുപ്പ് ഫെബ്രുവരി  28 ന് നടക്കും. ബന്ധപ്പെട്ട മണ്ഡലപരിധിയില്‍ മാതൃകാപെരുമാറ്റച്ചട്ടം നിലവില്‍ വന്നു.  നാമനിര്‍ദ്ദേശ പത്രികസമര്‍പ്പിക്കാനുളള അവസാന തീയതി  ഫെബ്രുവരി ഒമ്പതിനാണ്. സൂക്ഷ്മപരിശോധന 12 ന് നടക്കും. നോമിനേഷന്‍ പിന്‍വലിക്കാനുളള അവസാന തീയതി ഫെബ്രുവരി 14  ആണ്.
 

    മൃഗസംരക്ഷണ മേഖലയിലെ സാധ്യതകള്‍ ഉപയോഗപ്പെടുത്താന്‍ യുവതലമുറ മുന്നോട്ടുവരണമെന്ന് ജില്ലാ പഞ്ചായത്ത് പ്രസിഡന്റ് ശ്രീമതി അന്നപൂര്‍ണാദേവി പറഞ്ഞു. പത്തനംതിട്ട കാതോലിക്കേറ്റ് കോളേജില്‍ മൃഗക്ഷേമ ദ്വൈവാരാചരണത്തിന്റെ ഭാഗമായി നടത്തിയ സെമിനാര്‍ ഉദ്ഘാടനം ചെയ്യുകയായിരുന്നു പ്രസിഡന്റ്. കൃഷി പോലെ ഏറെ തൊഴില്‍ സാധ്യതകളുള്ള ഒരു മേഖലയാണ് മൃഗസംരക്ഷണം. ഇതിന്റെ സാധ്യതകളെ പൂര്‍ണമായി പ്രയോജനപ്പെടുത്താന്‍ നമുക്ക് കഴിഞ്ഞിട്ടില്ല. ഇതിന് മാറ്റം വരുത്തുന്നതിന് യുവതലമുറയാണ് ശ്രമിക്കേണ്ടത്. മൃഗങ്ങളോടും പ്രകൃതിയോടും പ്രതിബദ്ധത പുലര്‍ത്തേണ്ട ബാധ്യത നമുക്കുണ്ടെന്നും പ്രസിഡന്റ് പറഞ്ഞു. 

    തദ്ദേശഭരണ വകുപ്പിന്റെ നേതൃത്വത്തില്‍ വിവിധ സര്‍ക്കാര്‍  ഏജന്‍സികളുടെ പങ്കാളിത്തത്തോടെ പി.എന്‍. പണിക്കര്‍  ഫൗണ്ടേഷന്‍ നയിക്കുന്ന 14-ാമത് എക്കോ ഡിജിറ്റല്‍ ജന്‍ വിജ്ഞാന്‍ വികാസ് യാത്ര ഇന്നും(31) നാളെയും(1) ജില്ലയില്‍ പര്യടനം നടത്തും. ഏനാത്ത് പഴയ ജംഗ്ഷനില്‍ രാവിലെ ഒന്‍പതിന് യാത്രയ്ക്ക് സ്വീകരണം നല്‍കും. ആന്റോ ആന്റണി എംപി, ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി, എഡിഎം കെ. ദിവാകരന്‍ നായര്‍, തദ്ദേശസ്ഥാപന പ്രതിനിധികള്‍ തുടങ്ങിയവര്‍ പങ്കെടുക്കും. 

    കൈത്തറി വസ്ത്രങ്ങളുടെ പ്രചരണാര്‍ഥം തിരുവല്ല, പത്തനംതിട്ട എന്നിവിടങ്ങളില്‍ പ്രകൃതിസൗഹൃദ ഫോര്‍ഡിംഗ്‌സുകള്‍ ഒരു വര്‍ഷക്കാലത്തേക്ക് സ്ഥാപിക്കുന്നതിന് ജില്ലാ വ്യവസായ കേന്ദ്രം ക്വട്ടേഷന്‍ ക്ഷണിച്ചു. കൂടുതല്‍ ജില്ലാ വ്യവസായ ഓഫീസില്‍ ലഭിക്കും.                                                                    

    ജില്ലാ ശിശുസംരക്ഷണ യൂണിറ്റിന്റെയും ലീഗല്‍ സര്‍വീസസ് അതോറിറ്റിയുടെയും സംയുക്താഭിമുഖ്യത്തില്‍ കൗണ്‍സിലര്‍മാര്‍ക്കുള്ള നാല് ദിവസത്തെ പരിശീലനം മാരാമണ്‍ റിട്രീറ്റ് സെന്ററില്‍ ആരംഭിച്ചു. ജില്ലാ ജഡ്ജി ജോണ്‍ ജെ.ഇല്ലിക്കാടന്‍ പരിശീലനം ഉദ്ഘാടനം  ചെയ്തു. ലീഗല്‍ സര്‍വീസസ് അതോറിറ്റി സെക്രട്ടറി ആര്‍.ജയകൃഷ്ണന്‍ അധ്യക്ഷത വഹിച്ച ചടങ്ങില്‍ ജില്ലാ പോലീസ് മേധാവി ജേക്കബ് ജോബ് മുഖ്യാതിഥിയായിരുന്നു. ചൈല്‍ഡ് വെല്‍ഫെയര്‍ കമ്മിറ്റി ചെയര്‍പേഴ്‌സണ്‍ സൂസമ്മ മാത്യു, ജില്ലാ ശിശുസംരക്ഷണ ഓഫീസര്‍ എ.ഒ.അബീന്‍, വിദ്യാഭ്യാസ ഡെപ്യൂട്ടി ഡയറക്ടര്‍ എം.കെ.ഗോപി, അജിത, ഷാന്‍ രമേശ് ഗോപന്‍ തുടങ്ങിയവര്‍ പങ്കെടുത്തു. 

സംസ്ഥാന ഭാഗ്യക്കുറി വകുപ്പിന്റെ സുവര്‍ണജൂബിലിയാഘോഷത്തോടനുബന്ധിച്ചുള്ള അടൂര്‍ സബ് ഓഫീസിന്റെ ആഭിമുഖ്യത്തിലുള്ള ആഘോഷം അടൂര്‍ എസ്എന്‍ഡിപി യൂണിയന്‍ ഓഡിറ്റോറിയത്തില്‍ ചിറ്റയം ഗോപകുമാര്‍ എംഎല്‍എ ഉദ്ഘാടനം ചെയ്തു. ജില്ലാ പഞ്ചായത്തംഗം ടി.മുരുകേഷ് അധ്യക്ഷത വഹിച്ചു. അംഗം ബി.സതികുമാരി ക്ഷേമനിധി അംഗങ്ങള്‍ക്കുള്ള യൂണിഫോം വിതരണം ചെയ്തു. ഭാഗ്യക്കുറി ഡെപ്യൂട്ടി ഡയറക്ടര്‍ പി.എം.നൗഷാദ്, ജില്ലാ ഭാഗ്യക്കുറി ഓഫീസര്‍ ആര്‍.ബാഹുലേയന്‍ പിള്ള, ഡി.സജി, കെ.കുമാരന്‍, കെ.രഘുനാഥ് തുടങ്ങിയവര്‍ സംസാരിച്ചു.                      

    കൃത്യമായ പരിശോധനയിലൂടെ കുഷ്ഠരോഗം കണ്ടെത്തി യഥാസമയം ചികിത്സിച്ച് ജില്ലയെ കുഷ്ഠരോഗ വിമുക്തമാക്കാന്‍ എല്ലാവരും കൂട്ടായി പരിശ്രമിക്കണമെന്ന് ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി പറഞ്ഞു. ദേശീയ കുഷ്ഠരോഗ നിര്‍മാര്‍ജന പക്ഷാചരണത്തിന്റെ ജില്ലാതല ഉദ്ഘാടനം കുന്നന്താനം ഗ്രാമപഞ്ചായത്ത് കമ്മ്യൂണിറ്റി ഹാളില്‍ നിര്‍വഹിക്കുകയായിരുന്നു പ്രസിഡന്റ്. ആരോഗ്യ വകുപ്പിന്റെ നേതൃത്വത്തില്‍ ഇതര സംസ്ഥാന തൊഴിലാളികള്‍ ഉള്‍പ്പെടെയുള്ളവരെ പരിശോധിച്ച് ത്വക്‌രോഗങ്ങള്‍ കണ്ടെത്തി സൗജന്യ ചികിത്സ നല്‍കുന്നുണ്ട്. 

    സംസ്ഥാന ഭാഗ്യക്കുറി ഏജന്റുമാരുടെയും വില്‍പ്പനക്കാരുടെയും ക്ഷേമനിധി ബോര്‍ഡ് തീരുമാനപ്രകാരം ക്ഷേമനിധി അംഗങ്ങള്‍ക്ക് സൗജന്യ യൂണിഫോം വിതരണം തുടങ്ങി. 2017 മാര്‍ച്ച് 31 വരെ അംഗത്വം എടുത്ത സജീവ അംഗങ്ങള്‍ക്കാണ് യൂണിഫോം ലഭിക്കുക. കൂടുതല്‍ വിവരം ജില്ലാ ഭാഗ്യക്കുറി ഓഫീസില്‍ ലഭിക്കും. ഫോണ്‍: 0468 2222709.