സംസ്ഥാന പട്ടികജാതി പട്ടിക വര്‍ഗ്ഗ വികസന കോര്‍പ്പറേഷന്‍ നടപ്പാക്കുന്ന സ്വയം തൊഴില്‍ വായ്പാ പദ്ധതിക്കു കീഴില്‍ 6 ശതമാനം പലിശ നിരക്കില്‍ രണ്ട് ലക്ഷം രൂപ വരെ വായ്പ അനുവദിക്കുന്നതിന് പട്ടികജാതി പട്ടിക വര്‍ഗ്ഗക്കാരായ യുവതി യുവാക്കളില്‍ നിന്നും അപേക്ഷ ക്ഷണിച്ചു.  വായ്പയ്ക്ക് ഈടായി കോര്‍പ്പറേഷന്‍ നിബന്ധനകള്‍ക്ക്  വിധേയമായി ആവശ്യമായ ഉദേ്യാഗസ്ഥ ജാമ്യമോ വസ്തു ജാമ്യമോ ഹാജരാക്കണം.  ഫോണ്‍ 04936 202869.

    പകര്‍ച്ചവ്യാധി പ്രതിരോധ പ്രവര്‍ത്തനങ്ങളുടെ ഭാഗമായി ജില്ലാ മെഡിക്കല്‍ ഓഫീസിന്‍റെ ആഭിമുഖ്യത്തില്‍ നടത്തുന്ന ആരോഗ്യ ജാഗ്രതാ സന്ദേശയാത്ര നാളെ (22) മുതല്‍ 27 വരെ ജില്ലയിലെ വിവിധ ബ്ലോക്കുകളില്‍ നടക്കും. സന്ദേശയാത്രയുടെ ജില്ലാതല ഉദ്ഘാടനം നാളെ രാവിലെ 10ന് ചിറ്റാര്‍ ബസ് സ്റ്റാന്‍ഡില്‍ നടക്കും. ആരോഗ്യ ബോധവത്ക്കരണ സന്ദേശങ്ങള്‍ പ്രദര്‍ശിപ്പിച്ചിട്ടുള്ള വാഹനം, കാക്കാരിശ്ശി നാടകം, എക്സിബിഷന്‍ തുടങ്ങിയവ യാത്രയുടെ ഭാഗമായി ഒരുക്കിയിട്ടുണ്ട്. പരിപാടിയുടെ സമാപനം 27ന് വൈകിട്ട് നാലിന് അടൂര്‍ ബസ് സ്റ്റാന്‍ഡില്‍ നടക്കും.                                   (പിഎന്‍പി 164/18) 

    വിവിധ തദ്ദേശ ഭരണ സ്ഥാപനങ്ങള്‍ തയാറാക്കുന്ന പദ്ധതികള്‍ സംയോജിപ്പിച്ച് ജില്ലയ്ക്ക് വേണ്ടി  കരട് വികസന പദ്ധതി തയാറാക്കുക എന്ന സര്‍ക്കാര്‍ തീരുമാനത്തിന്‍റെ അടിസ്ഥാനത്തില്‍ വിവിധ തദ്ദേശഭരണ സ്ഥാപനതലങ്ങളില്‍ തയാറാക്കി വിശദമായ ചര്‍ച്ചകള്‍ക്ക് ശേഷം അവതരിപ്പിച്ച ജില്ലാ പദ്ധതിക്ക് ജില്ലാ പഞ്ചായത്ത് പ്രസിഡന്‍റ് അന്നപൂര്‍ണാദേവിയുടെ അധ്യക്ഷതയില്‍ ചേര്‍ന്ന ആസൂത്രണ സമിതിയുടെ യോഗം അംഗീകാരം നല്‍കി. 

സംസ്ഥാന സാക്ഷരതാമിഷനും പൊതുവിദ്യാഭ്യാസവകുപ്പും ചേര്‍ന്ന് നടപ്പാക്കുന്ന ഹയര്‍സെക്കണ്ടറി തുല്യതയുടെ ജില്ലാതല ഉദ്ഘാടനം ജനുവരി 22ന് രാവിലെ 10 ന് കല്‍പ്പറ്റ മുനിസിപ്പല്‍ ടൗണ്‍ ഹാളില്‍ നടക്കും. ജില്ലയില്‍ 14 സമ്പര്‍ക്ക പഠനകേന്ദ്രങ്ങളാണുള്ളത്. എല്ലാ ഞായറാഴച്ചകളിലും പൊതു അവധി ദിവസങ്ങളിലുമാണ് ക്ലാസുകള്‍ നടക്കുക.പഠിതാക്കള്‍ക്ക് നിരന്തരമൂല്യ നിര്‍ണ്ണയ ക്ലാസുകളും ഉണ്ടായിരിക്കും. രജിസ്റ്റര്‍ചെയ്ത മുഴുവന്‍ പഠിതാക്കളും ഉദ്ഘാടനത്തില്‍ പങ്കെടുക്കണമെന്ന് സാക്ഷരതാ മിഷന്‍ ജില്ലാകോ-ഓര്‍ഡിനേറ്റര്‍ അറിയിച്ചു. 
 

    ജനകീയാസൂത്രണം 2017-18 ചിങ്ങവനം മൃഗാശുപത്രി വഴിയുളള കോഴി വിതരണം ജനുവരി 20ന് രാവിലെ ഒന്‍പതിന് ചിങ്ങവനം മൃഗാശുപത്രിയിലും രാവിലെ 10ന് കോട്ടയം വയസ്‌ക്കരക്കുന്ന് മൃഗാശുപത്രിയിലും രാവിലെ 11ന് തിരുവാതുക്കല്‍ മുനിസിപ്പല്‍ മേഖല ഓഫീസിലും ഉച്ചയ്ക്ക് 12ന് കുമാരനല്ലൂര്‍ മുനിസിപ്പല്‍ മേഖല ഓഫീസിലും നടത്തും.                    

മണര്‍കാട്-പുതുപ്പളളി റൂട്ടില്‍ പ്രവര്‍ത്തിക്കുന്ന ജില്ലാ സൈനിക വിശ്രമ കേന്ദ്രത്തില്‍  മുറി, കോണ്‍ഫറന്‍സ് ഹാള്‍ തുടങ്ങിയവ ബുക്ക് ചെയ്യുന്നതിന് ബന്ധപ്പെടേണ്ട നമ്പരുകള്‍: 0481 2371187, 9400870446