വ്യാജമദ്യത്തിന്റെ ഉല്‍പാദനവും വിതരണവും തടയുന്നതിനും ബോധവല്‍ക്കരണപ്രവര്‍ത്തനങ്ങള്‍ ശക്തിപ്പെടുത്തുന്നതിനുമായി രൂപംകൊണ്ട ജില്ലാതല ജനകീയ കമ്മിറ്റിയുടെ അവലോകന യോഗം  ജനുവരി 19ന് രാവിലെ 11.30 ന് കലക്ടറേറ്റ് കോണ്‍ഫറന്‍സ് ഹാളില്‍ ചേരും.
പി.എന്‍.സി/213/2018

    കേരള സ്റ്റേറ്റ് പൗള്‍ട്രി വികസന കോര്‍പ്പറേഷന്റെ കൊട്ടിയം എസ്.എന്‍. പോളിടെക്‌നിക്കിന് സമീപമുള്ള ഫാമില്‍ ഒരു ദിവസം പ്രായമായ ഗ്രാമശ്രീ ഇനത്തില്‍പ്പെട്ട കോഴിക്കുഞ്ഞുങ്ങള്‍ വില്‍പ്പനയ്ക്ക് ലഭിക്കും. താത്പര്യമുള്ളവര്‍ 9995399744, 9544441214 എന്നീ നമ്പരുകളില്‍ ബന്ധപ്പെടണം.
(പി. ആര്‍. കെ.144/18)
 

കേരള സംസ്ഥാന ഭാഗ്യക്കുറിയുടെ സുവര്‍ണ ജൂബിലി ആഘോഷത്തിന്റെ ഭാഗമായി ജില്ലയില്‍ പര്യടനത്തിനെത്തിയ ഭാഗ്യക്കുറി ചരിത്ര പ്രദര്‍ശന വാഹനത്തിന് സ്വീകരണം നല്‍കി. സ്റ്റേഡിയം കോര്‍ണറില്‍ നടന്ന ചടങ്ങ് ജില്ലാപഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്തു. ജില്ലാ ഭാഗ്യക്കുറി ഓഫീസര്‍ സി.കെ അബ്ദുള്‍ സലീം ചടങ്ങില്‍ അധ്യക്ഷത വഹിച്ചു. 

കെ. സോമപ്രസാദ് എം.പിയുടെ പ്രാദേശിക വികസന ഫണ്ട് ഉപയോഗിച്ച് നടപ്പാക്കുന്ന പദ്ധതികളുടെ പുരോഗതി അവലോകനം ചെയ്യുന്നതിനുള്ള യോഗം ജനുവരി 25ന് രാവിലെ 11.30ന് കളക്‌ട്രേറ്റ് കോണ്‍ഫറന്‍സ് ഹാളില്‍ നടക്കും. 
(പി. ആര്‍. കെ.143/18)
 

കേരള സ്റ്റേറ്റ് സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍ കേന്ദ്ര സിലബസ് വിദ്യാലയങ്ങളിലെ കുട്ടികള്‍ക്കായി കായിക മല്‍സരങ്ങള്‍ സംഘടിപ്പിക്കുന്നു. കേന്ദ്രീയ വിദ്യാലയങ്ങള്‍, സി.ബി.എസ്.ഇ-ഐ.സി.എസ്.ഇ സ്‌കൂളുകള്‍, നവോദയ വിദ്യാലയങ്ങള്‍ എന്നിവിടങ്ങളിലെ കുട്ടികള്‍ക്കായാണ് സ്‌പോര്‍ട്‌സ് മീറ്റ് സംഘടിപ്പിക്കുന്നത്. 

ഓഫീസ് ഭാഷ സാധാരണക്കാരനെ അകറ്റുന്നതാവരുത്: കെ.വി സുമേഷ്
ഔദ്യോഗിക ഭാഷാ വര്‍ഷാചരണത്തിന്റെ ഭാഗമായി വിവര പൊതുജനസമ്പര്‍ക്ക വകുപ്പ് സര്‍സയ്യിദ് കോളേജ് മലയാള വിഭാഗവുമായി സഹകരിച്ച് സംഘടിപ്പിച്ച ഭാഷാസെമിനാര്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്തു. മാതൃഭാഷയെ രണ്ടാംതരമായി കാണുന്ന സമീപനം മാറണെന്ന് അദ്ദേഹം പറഞ്ഞു.
ഒരു ജനതയുടെ ആത്മാവിഷ്‌ക്കാരം സാധ്യമാവുന്നത് മാതൃഭാഷയിലാണ്. എന്നാല്‍ കേരളീയര്‍ക്ക് ഇംഗ്ലീഷ് ഭാഷയോടുള്ള അമിത ഭക്തി മലയാളത്തോടും മലയാള നാടിനോടുമുള്ള അവമതിയായി മാറിയിരിക്കുന്നു. മലയാളം കൊള്ളരുതാത്തതാണെന്ന തോന്നലാണ് നമ്മില്‍ പലര്‍ക്കും. അതേസമയം പല വികസിത രാജ്യങ്ങളിലും പ്രഫഷനല്‍ വിദ്യാഭ്യാസ രംഗത്തുള്‍പ്പെടെ മാധ്യമമായി ഉപയോഗിക്കുന്ന അവരവരുടെ മാതൃഭാഷയെയാണെന്നും അദ്ദേഹം പറഞ്ഞു. സര്‍ക്കാര്‍ ഓഫീസുകളിലെ ആശയവിനിമയം മലയാളത്തിലാക്കുന്നതിനുള്ള ഗൗരവമായ ശ്രമങ്ങള്‍ നടന്നുവരുന്നുണ്ടെന്നത് ആശാവഹമായ കാര്യമാണ്. കുടുംബങ്ങളില്‍ നിന്ന് മമ്മി ഡാഡി സംസ്‌ക്കാരം പടിയിറങ്ങിയത് ഇക്കാര്യത്തിലുണ്ടായ വലിയ മാറ്റത്തെയാണ് സൂചിപ്പിക്കുന്നതെന്നും അദ്ദേഹം അഭിപ്രായപ്പെട്ടു.
സര്‍ സയ്യിദ് കോളേജ് ഐ.ടി സെമിനാര്‍ ഹാളില്‍ നടന്ന സെമിനാറില്‍ കോളേജ് പ്രിന്‍സിപ്പാള്‍ ഡോ. പി.ടി അബ്ദുല്‍ അസീസ് അധ്യക്ഷത വഹിച്ചു. മോശം ഇംഗ്ലീഷില്‍ സംസാരിക്കുന്നവരെ പരിഹസിക്കുന്ന മലയാളി സമൂഹം ദയനീയമായ രീതിയില്‍ മലയാളം സംസാരിക്കുന്നവരെ വലിയ ആദരവോടെ കാണുന്നത് വിരോധാഭാസമാണെന്ന് അദ്ദേഹം പറഞ്ഞു. ഇംഗ്ലീഷ് ഭാഷ അറിയാതിരിക്കുകയെന്നത് ഹിന്ദിയും അറബിയും തെലുങ്കുമൊക്കെ അറിയാതിരിക്കുന്നതു പോലുള്ള ഒരു കാര്യം മാത്രമാണ്. എന്നാല്‍ മാതൃഭാഷ അറിയാതിരിക്കുകയെന്നത് അത്ര നിസ്സാരമായി കാണേണ്ട ഒന്നല്ലെന്നും അദ്ദഹം പറഞ്ഞു. അധികാരത്തോടുള്ള മലയാളിയുടെ അഭിനിവേശമാണ് ഇംഗ്ലീഷിനോടുള്ള ആരാധനയായി മാറുന്നത്. കോടതികളില്‍ എന്താണ് നടക്കുന്നതെന്നറിയാന്‍ കുറ്റാരോപിതരായ ആളുകള്‍ക്ക് കഴിയുന്നില്ലെന്ന കാര്യം ദയനീയമാണെന്നും അദ്ദേഹം പറഞ്ഞു.
സെമിനാറില്‍ ശ്രേഷ്ഠഭാഷയും സമഗ്രഭാഷയും -മലയാളത്തിന്റെ നാള്‍വഴി എന്ന വിഷയത്തില്‍ കണ്ണൂര്‍ സര്‍വകലാശാല മലയാളം വിഭാഗം അധ്യക്ഷന്‍ ഡോ. എ.എം ശ്രീധരന്‍ മുഖ്യപ്രഭാഷണം നടത്തി. അസിസ്റ്റന്റ് എഡിറ്റര്‍ സി.പി അബ്ദുല്‍ കരീം, വിദ്യാര്‍ഥി യൂനിയന്‍ ചെയര്‍മാന്‍ മുഹമ്മദ് നൗഫല്‍ എന്നിവര്‍ ആശംസകള്‍ നേര്‍ന്നു. സര്‍സയ്യിദ് കോളേജ് മലയാളം വിഭാഗം അധ്യക്ഷന്‍ പ്രഫ. ടി.വി പുരുഷോത്തമന്‍ സ്വാഗതവും മലയാളം വിഭാഗം ലക്ചറര്‍ റുബീന പി.കെ നന്ദിയും പറഞ്ഞു.
പി.എന്‍.സി/210/2018

സംസ്ഥാനത്തെ എല്ലാ വില്ലേജ് ഓഫീസുകളും ആധുനിക സൗകര്യങ്ങളോടെ സ്മാര്‍ട്ട് ഓഫീസുകളാക്കുമെന്ന് റവന്യൂ മന്ത്രി ഇ. ചന്ദ്രശേഖരന്‍ പറഞ്ഞു. ചണ്ണപ്പേട്ട സ്മാര്‍ട്ട് വില്ലേജ് ഓഫീസിന് ശിലയിടുകയായിരുന്നു അദ്ദേഹം. ആകെയുള്ള 1664 വില്ലേജ് ഓഫീസുകളില്‍ പകുതിയും മൂന്ന് വര്‍ഷത്തിനകം ആധുനികവത്കരിക്കും. വാടക കെട്ടിടത്തില്‍ പ്രവര്‍ത്തിക്കുന്നവയ്ക്കും അടിയന്തര അറ്റകുറ്റപണി വേണ്ടവയ്ക്കും നിര്‍മാണഘട്ടത്തില്‍ മുന്‍ഗണന നല്‍കും. ഒരു വര്‍ഷം കുറഞ്ഞത് 150 ഓഫീസുകളെങ്കിലും പുനരുദ്ധരിക്കുയാണ് ലക്ഷ്യം. 

    സാക്ഷരതാ മിഷന്‍റെ ആഭിമുഖ്യത്തിലുള്ള ഹയര്‍ സെക്കന്‍ഡറി തുല്യതാ കോഴ്സിന്‍റെ മൂന്നാം ബാച്ചില്‍ രജിസ്റ്റര്‍ ചെയ്തിട്ടുള്ള പഠിതാക്കള്‍ ഈ മാസം 21ന് രാവിലെ 10ന് അതത് കേന്ദ്രങ്ങളില്‍ എത്തണം. സെന്‍റര്‍ കോ-ഓര്‍ഡിനേറ്റര്‍മാരുടെ പേരും പഠന കേന്ദ്രവും ചുവടെ. 

    ജില്ലാ കളക്ടര്‍ ആര്‍.ഗിരിജയുടെ നേതൃത്വത്തില്‍ അടൂര്‍ താലൂക്കുതല പരാതിപരിഹാര അദാലത്ത് നാളെ (20) രാവിലെ 9.30 മുതല്‍ അടൂര്‍ റവന്യു ടവറിലുള്ള ഹൗസിംഗ് ബോര്‍ഡ് കോണ്‍ഫറന്‍സ് ഹാളില്‍ നടക്കും. ഈ മാസം 10 വരെ ലഭിച്ച അപേക്ഷകളാണ് അദാലത്തില്‍ പരിഗണിക്കുന്നത്. മുഖ്യമന്ത്രിയുടെ ദുരിതാശ്വാസ നിധിയില്‍ നിന്നുള്ള ധനസഹായം, റേഷന്‍കാര്‍ഡ് സംബന്ധിച്ച പരാതികള്‍, കോടതി വഴി പരിഹാരം ലഭിക്കേണ്ടവ എന്നിവ ഒഴിച്ചുള്ള എല്ലാ പരാതികളും അദാലത്തില്‍ പരിഗണിക്കും. അദാലത്തില്‍ പൊതുജനങ്ങള്‍ക്ക് ജില്ലാ കളക്ടറെ നേരില്‍കണ്ട് പരാതികള്‍ നല്‍കാം.              (പിഎന്‍പി 146/18)