സാമൂഹ്യനീതി വകുപ്പ് നടപ്പാക്കുന്ന സ്വാശ്രയ പദ്ധതിയില്‍ ധനസഹായത്തിന് അപേക്ഷ ക്ഷണിച്ചു. ശാരീരിക മാനസിക വെല്ലുവിളി നേരിടുന്ന  മക്കളെ സംരക്ഷിക്കുന്ന ഭര്‍ത്താവ് ഉപേക്ഷിച്ച ബി.പി.എല്‍ കുടുംബങ്ങളിലെ സ്ത്രീകള്‍ക്ക് സ്വയം തൊഴില്‍ ആരംഭിക്കുന്നതിനാണ് ധനസഹായം. ഒറ്റത്തവണ ധനസഹായമായി 35000 രൂപ ലഭിക്കും.   അപേക്ഷ ഫോം  ജില്ലാ സാമൂഹ്യനീതി ഓഫീസിലോ, തൊട്ടടുത്ത ഐ.സി.ഡി.എസ് ഓഫീസിലോ ലഭിക്കും.  ഫോണ്‍: 04936 205307  
 

സാക്ഷരതാ മിഷന്‍ മൂപ്പൈനാട് ഗ്രാമ പഞ്ചായത്തില്‍ നടപ്പിലാക്കുന്ന ഇതരസംസ്ഥാന തൊഴിലാളികള്‍ക്കുള്ള സാക്ഷരതാ പദ്ധതിയായ ചങ്ങാതി പ്രവേശനോത്സവം ഫിബ്രുവരി 1ന് അരപ്പറ്റ കോളനിയില്‍ വൈകീട്ട് 4ന് നടക്കും. ഇതര സംസ്ഥാന തൊഴിലാളികള്‍ക്കുള്ള പാഠപുസ്തകമായ ഹമാരിമലയാളം പാഠപുസ്തകങ്ങള്‍ ഇതരസംസ്ഥാന തൊഴിലാളികള്‍ക്ക് വിതരണം ചെയ്ത് ക്ലാസുകള്‍ ജില്ലാ പഞ്ചായത്ത് പ്രസിഡണ്ട് ടി.ഉഷാകുമാരി ഉദ്ഘാടനം ചെയ്യും. 
 

ട്രാന്‍സ്‌ജെന്റര്‍മാര്‍ക്ക് സാമൂഹ്യനീതി വകുപ്പ് മുഖേന ഡ്രൈവിംഗ് പരിശീലനം നല്‍കുന്നു. താല്‍പര്യമുള്ള ജില്ലയിലെ സ്ഥിരതാമസക്കാരായ ട്രാന്‍സ് ജെന്റര്‍ വിഭാഗത്തില്‍പ്പെട്ടവര്‍ ഫെബ്രുവരി 8നകം ജില്ലാ സാമൂഹ്യനീതി ഓഫീസുമായി ബന്ധപ്പെടണം. ഫോണ്‍: 04936 205307.

    സംസ്ഥാന സാക്ഷരതാമിഷനും സംസ്ഥാന പട്ടികവര്‍ഗ്ഗ വികസന വകുപ്പിന്റെയും സഹകരണത്തോടെ സമഗ്ര എന്ന സംസ്ഥാനതല ആദിവാസി നിരക്ഷരതാ നിര്‍മ്മാര്‍ജ്ജന തുടര്‍വിദ്യാഭ്യാസ പദ്ധതി സംസ്ഥാനത്ത് നടപ്പാക്കുന്നു. 

    ഔപചാരികവിദ്യാഭ്യാസം നിഷേധിക്കപ്പെട്ടവരും അതില്‍ നിന്നും കൊഴിഞ്ഞു പോയവരുമടക്കമുള്ള മുഴുവന്‍ ആദിവാസികള്‍ക്കും അനൗപചാരികമായി വിദ്യാഭ്യാഭ്യാസം തുടരാനുള്ളതാണ് ഈ പദ്ധതി. സാക്ഷരത മുതല്‍ ഹയര്‍സെക്കണ്ടറി വരെയുള്ള തുടര്‍ വിദ്യാഭ്യാസമാണ് പദ്ധതി ലക്ഷ്യം വെക്കുന്നത്. 

    2017 വര്‍ഷത്തെ സായുധസേന പതാകദിന സ്റ്റാമ്പുകള്‍ ലഭിച്ച സര്‍ക്കാര്‍ ഓഫീസുകളും വിദ്യാഭ്യാസ സ്ഥാപനങ്ങളും മുഴുവന്‍ തുകയും സമാഹരിച്ച് ജില്ലാ സൈനിക ക്ഷേമ ഓഫീസില്‍ അടയ്ക്കണം.

    ജില്ലയിലെ സെക്കന്ററി വിദ്യാലയങ്ങളിലെ സയന്‍സ് അദ്ധ്യാപകര്‍ക്കായി പരിശീലനം സംഘടിപ്പിക്കുന്നു.  ലബോറട്ടറി സുരക്ഷാ മുന്‍കരുതലുകളും നൂതന പരിശീലന മാര്‍ഗ്ഗങ്ങളും എന്ന വിഷയത്തില്‍ ഫെബ്രുവരി 3ന് മൂലങ്കാവ് ജി.എച്ച്.എസ്.എസിലാണ് പരിശീലനം. പ്രധാനാധ്യാപകര്‍ സയന്‍സ് ലബോറട്ടറി ചുമതലയുള്ള അദ്ധ്യാപകരെ പരിശീലനത്തില്‍ പങ്കെടുപ്പിക്കണം.  അഞ്ചില്‍ കൂടുതല്‍ അദ്ധ്യാപകര്‍ ജോലി ചെയ്യുന്നുണ്ടെങ്കില്‍ രണ്ട് അദ്ധ്യാപകരെ (നാച്ച്വറല്‍ സയന്‍സ് 1, ഫിസിക്കല്‍ സയന്‍സ് 1) പരിപാടിയില്‍ പങ്കെടുപ്പിക്കണം.