പുല്‍പ്പള്ളിയില്‍ നടന്ന ജില്ലാ കളക്ടറുടെ പരാതി പരിഹാര അദാലത്ത് ഇരുളം ഭൂമി പ്രശ്‌നത്തിലെ ഗുണഭോക്താക്കള്‍ക്ക് പ്രതീക്ഷ നല്‍കുന്നു. ഇരുളം ഭൂമി പ്രശ്‌നം പരിഹരിക്കാന്‍ നടപടികള്‍ സ്വീകരിക്കണമെന്ന്  ആവശ്യപ്പെട്ട് വ്യക്തിഗതമായും കൂട്ടായും ധാരാളം പരാതികള്‍ അദാലത്തില്‍ എത്തിയിരുന്നു. പരാതികള്‍ അനുഭാവപൂര്‍വ്വം കേട്ടത്തിന് ശേഷമാണ് പ്രശ്‌ന  പരിഹാരത്തിന് ജില്ലാ കളക്ടര്‍ എസ്.സുഹാസ് ഗുണഭോക്താക്കളുമായി ചര്‍ച്ച നടത്താന്‍ തീരുമാനിച്ചത്. ജനുവരി 23 ന് വൈകീട്ട് 4 ന് കളക്ടറുടെ ചേമ്പറിലാണ് ചര്‍ച്ച നടക്കുക.
 

 ഹിന്ദുസ്ഥാന്‍ പെട്രോളിയം കോര്‍പ്പറേഷന്‍ ലിമിറ്റഡ് പയ്യന്നൂരില്‍ നിര്‍മ്മിക്കാന്‍ ഉദ്ദേശിക്കുന്ന പെട്രോളിയം ഉല്‍പന്നങ്ങളുടെ നിര്‍ദ്ദിഷ്ട പൊതു സംഭരണ ശാലയ്ക്ക് കേന്ദ്ര വനം പരിസ്ഥിതി കാലാവസ്ഥാ വ്യതിയാന മന്ത്രാലയത്തിന്റെ പാരിസ്ഥിതിക അനുമതി ലഭിക്കുന്നതിനുള്ള അപേക്ഷയുമായി ബന്ധപ്പെട്ട് 2006 ലെ പരിസ്ഥിതി ആഘാത പഠന വിജ്ഞാപന പ്രകാരം നടത്തേണ്ട പബ്ലിക് ഹിയറിങ്ങ് ജനുവരി 22 രാവിലെ 11 മണിക്ക് പയ്യന്നൂര്‍ പുഞ്ചക്കാട് വൈ എം ആര്‍ സി ക്ലബ് പരിസരത്ത് നടക്കും.  

ദേശീയതലത്തില്‍ എന്‍.സി.ഇ.ആര്‍.ടി കഴിഞ്ഞ നവംബറില്‍ നടത്തിയ പഠനനേട്ട സര്‍വേയുടെ ജില്ലാതല ഫലങ്ങള്‍ പ്രസിദ്ധീകരിച്ചു. കണ്ണൂര്‍ ജില്ലയിലെ കുട്ടികള്‍ മുന്നില്‍ നില്‍ക്കുന്നത് മാതൃഭാഷാ പഠനത്തിലാണെന്ന് സര്‍വേ ഫലം വ്യക്തമാക്കുന്നു.     

ജില്ലയില്‍ 772 പേര്‍ക്ക് കൂടി പട്ടയം നല്‍കി
കഴിഞ്ഞ ഒന്നര വര്‍ഷത്തിനിടയില്‍ 50,000ത്തിലേറെ പേര്‍ക്ക് പട്ടയം വിതരണം ചെയ്തതായും അടുത്ത രണ്ടുവര്‍ഷത്തിനകം സംസ്ഥാനത്തെ ഭൂമി കൈവശം വയ്ക്കുന്ന അര്‍ഹരായ മുഴുവന്‍ പേര്‍ക്കും പട്ടയം നല്‍കുമെന്നും റവന്യൂ വകുപ്പ് മന്ത്രി ഇ ചന്ദ്രശേഖരന്‍ അറിയിച്ചു. കലക്ടറേറ്റ് ഓഡിറ്റോറിയത്തില്‍ ജില്ലാതല പട്ടയവിതരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. 

    മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് 147 പേര്‍ക്കായി 17,22,000 രൂപ വിതരണം ചെയ്തു.  കാസര്‍കോട് താലൂക്കില്‍ നടന്ന പ്രത്യേക ക്യാമ്പിലാണ്  തുക വിതരണം ചെയ്തത്. കാസര്‍കോട് തഹസില്‍ദാര്‍ കെ നാരായണ, തഹസില്‍ദാര്‍ (എല്‍ ആര്‍) പി കുഞ്ഞിക്കണ്ണന്‍, തഹസില്‍ദാര്‍ (ഭൂരേഖ)രാജു, എച്ച്ക്യൂഡിടി പി ജെ ആന്റോ എന്നിവര്‍ ക്യാമ്പിന്  നേതൃത്വം നല്‍കി. 

സര്‍ക്കാര്‍ സ്ഥാപനങ്ങളുടെ വെള്ളക്കരം കുടിശിക

തീര്‍പ്പാക്കാന്‍ അദാലത്ത്

'ആപത്തില്‍ സഹായിച്ചതിന് നഷ് ടമായത് കിടപ്പാടമാണ  ്" നിറകണ്ണുകളോടെ അടൂര്‍ കണ്ണങ്കോട് കിഴക്കടത്ത് പുത്തന്‍ വീട്ടില്‍ ലില്ലിക്കുട്ടി തന്‍റെ നിസഹായവസ്ഥ ജില്ലാ കലക്ടറുടെ മുന്നില്‍ അവതരിപ്പിച്ചു. ബ്ലേഡ് മാഫിയ തട്ടിയെടുത്ത വീടും സ്ഥലവും തിരിച്ചു കിട്ടാന്‍ സഹായിക്കണമെന്ന് തൊഴുകൈകളോടെ അപേക്ഷിച്ചു. അടൂര്‍ താലൂക്ക് അദാലത്തിലാണ് ഏറെ ഹൃദയഭേദകമായ രംഗങ്ങള്‍ ജില്ലാ കലക്ടര്‍ ആര്‍ ഗിരിജക്ക് മുന്നില്‍ അരങ്ങേറിയത്.